ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎՃՌԱԲԵԿ ԴԱՏԱՐԱՆ

ՀՀ Երևանի Կենտրոն և Նորք-Մարաշ համայնքների առաջին ատյանի

Քաղաքացիական գործ թիվ 3-23 (Ա) 2007 թ.

Նախագահող դատավոր՝ Ռ. Ներսիսյան

Քաղաքացիական գործ թիվ 2-562/2006 թ.

Ո Ր Ո Շ ՈՒ Մ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀՀ վճռաբեկ դատարանի քաղաքացիական պալատը (այսուհետ՝ Վճռաբեկ դատարան)

	նախագահությամբ՝	Հ. Մանուկյանի
	մասնակցությամբ դատավորներ՝	Ա. Մկրտումյանի Վ. Աբելյանի Ս. Անտոնյանի Ս. Գյուրջյանի Է. Հայրիյանի Ս. Սարգսյանի

2007 թվականի հուլիսի 6-ին

դռնբաց դատական նիստում, քննելով Աշոտ Մնացականյանի վճռաբեկ բողոքը Երևանի Կենտրոն և Նորք-Մարաշ համայնքների առաջին ատյանի դատարանի 23.06.2006 թվականի թիվ 2-562 քաղաքացիական գործով կայացրած վճռի դեմ ըստ Աշոտ Մնացականյանի հայցի ընդդեմ Մարսել Չիլինգարյանի իրավահաջորդ Նելլի Պողոսյանի՝ 34.320.000 դրամ փոխառությամբ տրված գումարը բռնագանձելու, ընդդեմ Նելլի Պողոսյանի, Հայկ Չիլինգարյանի և Կենտրոն նոտարական գրասենյակի նոտար Ն. Սարգսյանի՝ ժառանգությունը ընդունելու հիմքով Հայկ Չիլինգարյանին Մարսել Չիլինգարյանի իրավահաջորդ ու նրան պատկանող գույքի 1/2 մասի սեփականատեր ճանաչելու և այդ մասով նոտար Ն. Սարգսյանի կողմից 30.11.2005 թվականին տրված ժառանգության իրավունքի թիվ 2747 վկայագիրն անվավեր ճանաչելու և հակընդդեմ հայցով Նելլի Պողոսյանի ընդդեմ Աշոտ Մնացականյանի՝ Աշոտ Մնացականյանի և Մարսել Չիլինգարյանի անունից Հայկ Չիլինգարյանի միջև 24.08.2004 թվականին կնքված 34.320.000 ՀՀ դրամի փոխառության պայմանագիրն ու Հայկ Չիլինգարյանի կողմից Մարսել Չիլինգարյանի անունից տրված ստացականը անվավեր ճանաչելու և այն Հայկ Չիլինգարյանի անունից կնքած համարելու, համատեղ սեփականության իրավունքով Նելլի Պողոսյանին պատկանող՝ Երևանի Սայաթ-Նովա 20 հասցեում գտնվող կաթսայատան 24.08.2004 թվականի գրավի պայմանագիրն ու գրավի իրավունքի գրանցման՝ 27.08.2004 թվականի թիվ 018214 վկայականն անվավեր ճանաչելու, Աշոտ Մնացականյանի և Մարսել Չիլինգարյանի, որով և Նելլի Պողոսյանի միջև գոյություն ունեցող՝ 24.08.2004 թվականի փոխառության պայմանագրից, 24.08.2004 թվականի ստացականից, գրավի պայմանագրից և գրավի իրավունքի գրանցման 27.08.2004 թվականի թիվ 018214 վկայականից ծագած քաղաքացիական իրավահարաբերությունները դադարած ճանաչելու պահանջների մասին քաղաքացիական գործով,

Պ Ա Ր Զ Ե Ց

1. Գործի դատավարական նախապատմությունը.

Երևանի Կենտրոն և Նորք-Մարաշ համայնքների առաջին ատյանի դատարանի 23.06.2006 թվականի վճռով հայցը մերժվել է, իսկ հակընդդեմ հայցը՝ բավարարվել:

ՀՀ քաղաքացիական վերաքննիչ դատարանի 27.10.2007 թվականի որոշմամբ սկզբնական հայցով հայցվորի Ա. Մնացականյանի վերաքննիչ բողոքը վերադարձվել է:

Սույն վճռաբեկ բողոքը ներկայացրել է Աշոտ Մնացականյանը:

Վճռաբեկ բողոքին Նելլի Պողոսյանը ներկայացրել է պատասխան:

Կողմերը 07.07.2007 թվականին Վճռաբեկ դատարան են ներկայացրել 03.07.2007 թվականին գրավոր ձևակերպված հաշտության համաձայնություն և պահանջել են հաստատել այն:

Վճռաբեկ դատարանի կողմից կողմերին պարզաբանվել է ՀՀ քաղաքացիական դատավարության օրենսգրքի 110-րդ հոդվածով սահմանված հաշտության համաձայնությամբ գործի վարույթը կարճելու դատավարական հետևանքները:

2. Վճռաբեկ դատարանի պատճառաբանությունները և եզրահանգումը.

Ուսումնասիրելով 04.07.2007 թվականին ներկայացված հաշտության համաձայնությունը՝ Վճռաբեկ դատարանը գտնում է, որ այն չի հակասում օրենքին և չի խախտում այլ անձանց իրավունքները և օրինական շահերը:

ՀՀ քաղաքացիական դատավարության օրենսգրքի 33-րդ հոդվածի համաձայն՝ կողմերը դատավարության ցանկացած փուլում կարող են գործն ավարտել հաշտության համաձայնությամբ: Կողմերի միջև կայացված հաշտության համաձայնությունը ձևակերպվում է գրավոր:

Այսպիսով, Վճռաբեկ դատարանը գտնում է, որ կողմերի ներկայացրած հաշտության համաձայնությունը պետք է հաստատել:

Ելնելով վերոգրյալից և ղեկավարվելով ՀՀ քաղաքացիական դատավարության օրենսգրքի 33-րդ, 133-րդ, 236-239-րդ հոդվածներով՝ Վճռաբեկ դատարանը

Ո Ր Ո Շ Ե Ց

1. Հաստատել Աշոտ Մնացականյանի, Նելլի Պողոսյանի և Հայկ Չիլինգարյանի՝ 04.07.2007 թվականին Վճռաբեկ դատարան ներկայացված հաշտության համաձայնությունը հետևյալ բովանդակությամբ.

«ՀԱՇՏՈՒԹՅԱՆ ՀԱՄԱՁԱՅՆՈՒԹՅՈՒՆ

03.07.2007 թ.

ք. Երևան

ՀՀ վճռաբեկ դատարանի վարույթում է գտնվում քաղաքացիական գործն ըստ հայցի Աշոտ Մնացականյանի ընդդեմ Մարսել Չիլինգարյանի իրավահաջորդ Նելլի Պողոսյանի՝ 34.320.000 դրամ փոխառության գումարը բռնագանձելու, ըստ հայցի Աշոտ Մնացականյանի ընդդեմ Նելլի Պողոսյանի, Հայկ Չիլինգարյանի և Կենտրոն նոտարական գրասենյակի նոտար Ն. Սարգսյանի՝ ժառանգությունն ընդունելու հիմքով Հայկ Չիլինգարյանին Մարսել Չիլինգարյանի իրավահաջորդ ու նրան պատկանող գույքի 1/2 մասի սեփականատեր ճանաչելու և այդ մասով 30.11.2005 թվականի ժառանգության իրավունքի թիվ 2747 վկայագիրն անվավեր ճանաչելու և հակընդդեմ հայցի Նելլի Պողոսյանի ընդդեմ Աշոտ Մնացականյանի՝ Աշոտ Մնացականյանի և Մարսել Չիլինգարյանի անունից Հայկ Չիլինգարյանի միջև 24.08.2004 թվականին կնքված 34.320.000 ՀՀ դրամի փոխառության պայմանագիրն ու Հայկ Չիլինգարյանի կողմից Մարսել Չիլինգարյանի անունից տրված ստացականն անվավեր ճանաչելու և այն Հայկ Չիլինգարյանի անունից կնքած համարելու, համատեղ սեփականության իրավունքով Նելլի Պողոսյանին պատկանող՝ Երևանի Սայաթ-Նովա 20 հասցեում գտնվող կաթսայատան 24.08.2004 թվականի գրավի պայմանագիրն ու գրավի իրավունքի գրանցման 27.08.2004 թվականի թիվ 018214 վկայականն անվավեր ճանաչելու, Աշոտ Մնացականյանի և Մարսել Չիլինգարյանի, որով և Նելլի Պողոսյանի միջև գոյություն ունեցող՝ 24.08.2004 թվականի փոխառության պայմանագրից, 24.08.2004 թվականի ստացականից, գրավի պայմանագրից և գրավի իրավունքի գրանցման 27.08.2004 թվականի թիվ 018214 վկայականից ծագած քաղաքացիական իրավահարաբերությունները դադարած ճանաչելու պահանջների մասին:

Կողմերս, ցուցաբերելով բարի կամք և օգտվելով դատարանի ընձեռած հնարավորությունից, ղեկավարվելով ՀՀ քաղաքացիական դատավարության օրենսգրքի 33, 109 հոդվածներով, կնքում ենք սույն հաշտության համաձայնությունը հետևյալի մասին:

1. 11.11.2004 թվականին մահացած Մարսել Չիլինգարյանի Երևանի Սայաթ- Նովա թիվ 20 հասցեում գտնվող կաթսայատան 1/2 բաժնի ժառանգությունն ընդունած ժառանգն է Նելլի Պողոսյանը: Նշված կաթսայատան մյուս 1/2 մասի սեփականատերն է Նելլի Պողոսյանը:

2. Կողմերով հրաժարվում ենք սույն քաղաքացիական գործով ներկայացրած մեր հայցապահանջներից:

3. 24.08.2004 թվականի գրավի պայմանագրով գրավադրված (24.08.2004 թվականի գրավի պայմանագիր և գրավի իրավունքի գրանցման 27.08.2004 թվականի թիվ 018214 վկայական) Երևանի Սայաթ-Նովա թիվ 20 հասցեում գտնվող կաթսայատունը և դրա նկատմամբ իրավունքները Նելլի Պողոսյանը փոխանցում է Աշոտ Մնացականյանին:

4. Աշոտ Մնացականյանը Նելլի Պողոսյանի և Հայկ Չիլինգարյանի նկատմամբ 24.08.2004 թվականին Հայկ Չիլինգարյանի հետ՝ Մարսել Չիլինգարյանի անունից, կնքված գրավի պայմանագրից և 24.08.2004 թվականի ստացականից բխող որևէ պահանջ չունի և չի ներկայացնի:

5. Նելլի Պողոսյանը Երևանի Սայաթ-Նովա թիվ 20 հասցեում գտնվող կաթսայատան վերաբերյալ Աշոտ Մնացականյանի նկատմամբ որևէ պահանջ չունի և չի ներկայացնի:

6. Հայկ Չիլինգարյանը պարտավորվում է սույն հաշտության համաձայնությունը հաստատվելուց հետո երկամսյա ժամկետում իր միջոցներով վերականգնել կաթսայատան թիթեղյա ծածկը:

7. Նելլի Պողոսյանը հավաստիացնում է, որ դիմել է Երևանի քաղաքապետարան կաթսայատան զբաղեցրած հողամասի նկատմամբ իրավունք տվող որոշում ստանալու համար և այդպիսին ընդունվելու դեպքում դրա նկատմամբ իրավունքները կփոխանցի (կզիջի) Աշոտ Մնացականյանին:

8. Հաշտության համաձայնությամբ վերացվում է սույն գործով դատարանի որոշմամբ կիրառված հայցի ապահովման միջոցը:

9. Սույն հաշտության համաձայնությունը ենթակա է կատարման օրենքով սահմանված կարգով:

10. Կողմերիս հայտնի է հաշտության համաձայնությամբ գործի վարույթը կարճելու հետևանքները:

11. ՀՀ վճռաբեկ դատարանի քաղաքացիական պալատին խնդրում ենք բեկանել Երևան քաղաքի Կենտրոն և Նորք-Մարաշ համայնքների առաջին ատյանի դատարանի 23.06.2005 թվականի թիվ 2-562/2006թ. վճիռը, հաստատել սույն հաշտության համաձայնությունը և կարճել գործի վարույթը:

Աշոտ Մնացականյան (հաշվառված Երևան, Ռուբինյանց 28, բն.18)

անձնագիր AE 0228683 տրված 26.04.1999 թ. 007-ից

ստորագրություն

Նելլի Պողոսյան (հաշվառված Երևան, Մետաղագործների փող., 26 շ., բն. 22)

անձնագիր AA0554122 տրված 10.08.1996 թ. 011-ից

ստորագրություն

Հայկ Չիլինգարյան (հաշվառված Երևան, Թումանյան 1-ին անցում, 26 շ., բն. 22)

անձնագիր AF 0635653 տրված 18.10.2002 թ. 011-ից

սոց. քարտ 3303760276

ստորագրություն»:

2. Երևանի Կենտրոն և Նորք-Մարաշ համայնքների առաջին ատյանի դատարանի 23.06.2006 թվականի թիվ 2-562 քաղաքացիական գործով կայացված վճիռը բեկանել, և քաղաքացիական գործի վարույթը կարճել:

3. Սույն որոշումն օրինական ուժի մեջ է մտնում հրապարակման պահից և ենթակա չէ բողոքարկման:

Նախագահող՝	Հ. Մանուկյան
Դատավորներ՝	Ա. Մկրտումյան Վ. Աբելյան Ս. Անտոնյան Ս. Գյուրջյան Է. Հայրիյան Ս. Սարգսյան