«Վավերացնում եմ»
Հայաստանի Հանրապետության
Նախագահ Ռ. Քոչարյան
11 հոկտեմբերի 2004 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

2 սեպտեմբերի 2004 թվականի N 1355-Ն

2005 ԹՎԱԿԱՆԻ ՄԱՐՏ-ՍԵՊՏԵՄԲԵՐ ԱՄԻՍՆԵՐԻՆ ՃԱՊՈՆԻԱՅԻ ԱԻՉԻ ՆԱՀԱՆԳՈՒՄ «ԲՆՈՒԹՅԱՆ ԻՄԱՍՏՈՒԹՅՈՒՆԸ» ԽՈՐԱԳՐՈՎ «ԷՔՍՊՈ-2005» ՀԱՄԱՇԽԱՐՀԱՅԻՆ ՑՈՒՑԱՀԱՆԴԵՍԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՍՆԱԿՑՈՒԹՅԱՆ ՄԱՍԻՆ

Ի կատարումն Հայաստանի Հանրապետության վարչապետի 2003 թվականի հոկտեմբերի 27-ի N 528-Ա որոշման` Հայաստանի Հանրապետության կառավարությունը որոշում է.

1. Հավանություն տալ Ճապոնիայի Աիչի նահանգում կայանալիք «Բնության իմաստությունը» խորագրով «ԷՔՍՊՈ-2005» համաշխարհային ցուցահանդեսին Հայաստանի Հանրապետության մասնակցության միջոցառումների ծրագրին` համաձայն N 1 հավելվածի:

2. Հաստատել Ճապոնիայի Աիչի նահանգում կայանալիք «Բնության իմաստությունը» խորագրով «ԷՔՍՊՈ-2005» համաշխարհային ցուցահանդեսին Հայաստանի Հանրապետության մասնակցության միջոցառումների ժամանակացույցը և ֆինանսավորման աղբյուրները` համաձայն N 2 հավելվածի:

3. Հայաստանի Հանրապետության ֆինանսների և էկոնոմիկայի նախարարին` Հայաստանի Հանրապետության առևտրի և տնտեսական զարգացման նախարարի հետ համատեղ քննարկել Ճապոնիայի Աիչի նահանգում կայանալիք «Բնության իմաստությունը» խորագրով «ԷՔՍՊՈ-2005» համաշխարհային ցուցահանդեսին Հայաստանի Հանրապետության մասնակցության միջոցառումների ֆինանսավորման հետ կապված ծախսերը` համաձայն N 2 հավելվածի, Հայաստանի Հանրապետության 2005 թվականի պետական բյուջեում ներառելու հնարավորության հարցը:

4. Ճապոնիայի Աիչի նահանգում կայանալիք «Բնության իմաստությունը» խորագրով «ԷՔՍՊՈ-2005» համաշխարհային ցուցահանդեսին Հայաստանի Հանրապետության մասնակցությունը պատշաճ մակարդակով կազմակերպելու և միջոցառումների ժամանակացույցով 2004 թվականի ընթացքում նախատեսված անհետաձգելի աշխատանքներն իրականացնելու նպատակով Հայաստանի Հանրապետության առևտրի և տնտեսական զարգացման նախարարությանը հատկացնել մինչև 48840 ԱՄՆ-ի դոլարին համարժեք դրամ` Հայաստանի Հանրապետության 2004 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Այլ ծառայությունների ձեռքբերում» հոդվածով):

5. Ընդունել ի գիտություն Ճապոնիայի կառավարության կողմից նախատեսվող աջակցությունն ըստ ծախսային հոդվածների` համաձայն N 3 հավելվածի:

6. Հայաստանի Հանրապետության առևտրի և տնտեսական զարգացման նախարարին, Հայաստանի Հանրապետության արտաքին գործերի նախարարին, Հայաստանի Հանրապետության ֆինանսների և էկոնոմիկայի նախարարին, Հայաստանի Հանրապետության գյուղատնտեսության նախարարին, Հայաստանի Հանրապետության մշակույթի և երիտասարդության հարցերի նախարարին, Հայաստանի Հանրապետության բնապահպանության նախարարին, Հայաստանի Հանրապետության կառավարությանն առընթեր մաքսային պետական կոմիտեի նախագահին և Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետին` աջակցել Ճապոնիայի Աիչի նահանգում կայանալիք «Բնության իմաստությունը» խորագրով «ԷՔՍՊՈ-2005» համաշխարհային ցուցահանդեսին Հայաստանի Հանրապետության մասնակցության միջոցառումների ծրագրի կատարման գործընթացին:

7. «Զարգացման հայկական գործակալություն» փակ բաժնետիրական ընկերության տնօրենին` Հայաստանի Հանրապետության առևտրի և տնտեսական զարգացման նախարարության, Հայաստանի Հանրապետության ֆինանսների և էկոնոմիկայի նախարարության, Հայաստանի Հանրապետության գյուղատնտեսության նախարարության, Հայաստանի Հանրապետության մշակույթի և երիտասարդության հարցերի նախարարության ու Հայաստանի Հանրապետության բնապահպանության նախարարության ներկայացուցիչների մասնակցությամբ ստեղծել պայմանագրերը գնահատող և աշխատանքները (ցուցանմուշներ, տեքստային, տեսաժապավենային և այլ տեղեկատվական նյութեր) ընդունող հանձնաժողով` «Զարգացման հայկական գործակալություն» փակ բաժնետիրական ընկերության տնօրենի գլխավորությամբ:

8. Հաստատել Ճապոնիայի Աիչի նահանգում կայանալիք «Բնության իմաստությունը» խորագրով «ԷՔՍՊՈ-2005» համաշխարհային ցուցահանդեսում Հայաստանի Հանրապետության ազգային օրվա միջոցառումներին մասնակցող Հայաստանի Հանրապետության պատվիրակության կազմը` համաձայն N 4 հավելվածի:

9. «Զարգացման հայկական գործակալություն» փակ բաժնետիրական ընկերության տնօրենին` բացել լրացուցիչ բանկային ենթահաշիվ` Ճապոնիայի Աիչի նահանգում կայանալիք «Բնության իմաստությունը» խորագրով «ԷՔՍՊՈ-2005» համաշխարհային ցուցահանդեսի ֆինանսական միջոցները կուտակելու նպատակով: Աշխատանքները կատարել ըստ աշխատանքային պայմանագրերի և վարել առանձին հաշվապահական հաշվառում:

10. Հայաստանի Հանրապետության կառավարությանն առընթեր մաքսային պետական կոմիտեի նախագահին` ապահովել արտահանվող ցուցահանդեսային նմուշների և սարքավորումների մաքսային ձևակերպումներն ըստ «Զարգացման հայկական գործակալություն» փակ բաժնետիրական ընկերության ներկայացրած ցանկերի:

11. Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետին` ապահովել սպասարկող անձնակազմի, ցուցահանդեսային նմուշների և սարքավորումների տեղափոխումը:

12. Հայաստանի Հանրապետության արտաքին գործերի նախարարին` կազմակերպել պաշտոնական պատվիրակությունների և սպասարկող անձնակազմի ելքի թույլտվությունների տրամադրումը «Զարգացման հայկական գործակալություն» փակ բաժնետիրական ընկերության կողմից ներկայացված հայտերի հիման վրա:

13. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2004 թ. հոկտեմբերի 7 Երևան

Հավելված N 1 ՀՀ կառավարության 2004 թվականի սեպտեմբերի 2-ի N 1355-Ն որոշման

Ծ Ր Ա Գ Ի Ր

ՃԱՊՈՆԻԱՅԻ ԱԻՉԻ ՆԱՀԱՆԳՈՒՄ ԿԱՅԱՆԱԼԻՔ «ԲՆՈՒԹՅԱՆ ԻՄԱՍՏՈՒԹՅՈՒՆԸ» ԽՈՐԱԳՐՈՎ «ԷՔՍՊՈ-2005» ՀԱՄԱՇԽԱՐՀԱՅԻՆ ՑՈՒՑԱՀԱՆԴԵՍԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՍՆԱԿՑՈՒԹՅԱՆ ՄԻՋՈՑԱՌՈՒՄՆԵՐԻ

1.	Ընդհանուր դրույթներ

«ԷՔՍՊՈ-2005» համաշխարհային ցուցահանդեսի անցկացման ժամկետները, մասնակիցները

«ԷՔՍՊՈ-2005» համաշխարհային ցուցահանդեսն անցկացվելու է Ճապոնիայի Աիչի քաղաքում 2005 թվականի մարտի 25-ից մինչև սեպտեմբերի 25-ը: Ցուցահանդեսի հիմնական խորագիրն է «Բնության իմաստություն»: Ցուցահանդեսին մասնակցելու են 161 երկիր և մոտավորապես 40 միջազգային կազմակերպություն` ներառյալ ԱՊՀ անդամ պետությունները: «Բնության իմաստություն» խորագրի տակ և կազմակերպիչների կողմից ներկայացված 3 ենթախորագրից Հայաստանն ընտրել է «Կյանքի արվեստ» ձևակերպումը:

Ճապոնական կողմի հետ Հայաստանի Հանրապետության մասնակցության պայմանագիրը կստորագրվի 2004 թվականի սեպտեմբեր ամսվա ընթացքում (հիմք` ճապոնական կողմի 2004 թվականի մարտի 4-ի նամակը): Ըստ ճապոնական կողմից կանխատեսումների ցուցահանդես կայցելի մոտ 15 մլն մարդ:

Համաձայն Հայաստանի Հանրապետության վարչապետի 2003 թվականի հոկտեմբերի 27-ի N 528-Ա որոշման` «Զարգացման հայկական գործակալություն» փակ բաժնետիրական ընկերությունն ստանձնել է «ԷՔՍՊՈ-2005» ցուցահանդեսին Հայաստանի Հանրապետության մասնակցության նախապատրաստական և կազմակերպչական աշխատանքների իրականացումը:

«ԷՔՍՊՈ-2005» համաշխարհային ցուցահանդեսի Հայաստանի գլխավոր հանձնակատար է նշանակված Հայաստանի Հանրապետության առևտրի և տնտեսական զարգացման նախարար Կ. Ճշմարիտյանը, գլխավոր հանձնակատարի տեղակալ` Հայաստանի Հանրապետության առևտրի և տնտեսական զարգացման նախարարի տեղակալ Ա. Պետրոսյանը:

«Զարգացման հայկական գործակալություն» փակ բաժնետիրական ընկերությունը, ի դեմս գործադիր տնօրեն Վ. Մովսիսյանի, կստանձնի տաղավարի տնօրինության գործառույթը և ցուցահանդեսի նախապատրաստական աշխատանքները կիրականացնի աշխատանքային խմբի միջոցով` արտահանման զարգացման ուղղության տնօրեն Մ. Սարգսյանի գլխավորությամբ:

2.	«ԷՔՍՊՈ-2005» համաշխարհային ցուցահանդեսում Հայաստանի Հանրապետության տաղավարի թեմատիկան

«ԷՔՍՊՈ-2005» համաշխարհային ցուցահանդեսում Հայաստանի Հանրապետության տաղավարի հիմնական թեման «Կյանքի արվեստ» ձևակերպումն է: Տաղավարը կներկայացնի պետության հայացքները և տեղը համաշխարհային ինտեգրման համակարգում, մշակույթը, պատմությունը, տնտեսական և մտավոր ներուժը` տեղավորվելով «Կյանքի արվեստ» խորագրի մեջ, ներառելով հայ մարդու և բնության ներդաշնակ գոյակցությունը: Նախատեսվում է, որ տաղավարը կձևավորեն ճապոնական կողմի մասնագետները` «Զարգացման հայկական գործակալություն» փակ բաժնետիրական ընկերության կողմից ընտրված համապատասխան աշխատանքային փորձ ունեցող տարբեր մասնագիտությունների ներկայացուցիչների աջակցությամբ, որոնց առաջարկությունների համաձայն կորոշվի տաղավարի վերջնական տեսքը, որը կհամաձայնեցվի ընդունող հանձնաժողովի հետ, իսկ կառուցապատումը կիրականացվի ճապոնական կողմի միջոցներով, որտեղ կներգրավվեն Հայաստանից ուղարկվելիք ցուցահանդեսային պարագաները (աքսեսուարները), պաստառները և այլն:

3.	«ԷՔՍՊՈ-2005» համաշխարհային ցուցահանդեսին Հայաստանի Հանրապետության ֆինանսավորումը

Հայաստանին իր տաղավարի համար հատկացվելու է 162 քառ. մետր (18մ x 9մ) տարածք: Տաղավարը լինելու է միասնական` Վրաստանի և Ադրբեջանի տաղավարների հետ, և կոչվելու է «Կովկաս»:

Ճապոնիայի կառավարությունը ցուցահանդեսին Հայաստանի մասնակցության նպատակով կտրամադրի որոշակի աջակցություն` համաձայն N 3 հավելվածի:

Հայաստանի ցուցահանդեսին մասնակցության ծախսը գնահատվում է 355200 (երեք հարյուր հիսունհինգ հազար երկու հարյուր) ԱՄՆ-ի դոլար: Կոմերցիոն նպատակներով կօգտագործվի 32 քառ. մետր տարածք, որը կազմում է ընդհանուր տարածքի 20 տոկոսը (հիմք` «ԷՔՍՊՈ-2005» ուղեցույցի «Ընդհանուր դրույթներ», 3-րդ գլուխ, 20-րդ հոդված, 3-րդ կետ) մասնավոր հիմունքներով:

Ցուցահանդեսի նախապատրաստման և մասնակցության համար նախատեսվում են ֆինանսավորման հետևյալ աղբյուրները`

ա) Ճապոնիայի կառավարության կողմից հատկացված միջոցներ, որոնք ամբողջությամբ կատարվելու են տեղում,

բ) ՀՀ պետական բյուջե,

գ) նվիրատուներ,

դ) գովազդատուներ,

ե) հովանավորներ:

4.	Անհրաժեշտ ցուցանմուշների և ուղեկցող գրավոր տեղեկատվական նյութերի պատրաստումը

Բոլոր շահագրգիռ նախարարությունները, գերատեսչությունները և այլ կազմակերպություններ աջակցում են «ԷՔՍՊՈ-2005» ցուցահանդեսին` իրենց ոլորտին վերաբերող անհրաժեշտ ցուցանմուշներ ու լրատվական նյութեր տրամադրելով և նոր տեղեկատվական նյութեր պատրաստելով, ինչպես նաև «Զարգացման հայկական գործակալություն» փակ բաժնետիրական ընկերությանը նախօրոք տրամադրում են ցուցանմուշների ցանկերը, չափսերը, քաշը և այլ անհրաժեշտ տեղեկատվություն` տաղավարի ընդհանուր ձևավորման, տեղափոխման նախնական հաշվարկների իրականացման նպատակով: Տաղավարի ձևավորման ընթացքում օգտագործվելու են նաև «Հաննովեր, ԷՔՍՊՈ-2000» ցուցահանդեսից վերադարձված և իրենց արդիականությունը չկորցրած այն ցուցանմուշները, տեսաժապավենները, պաստառները և այլն, որոնք ըստ էության կբավարարեն «ԷՔՍՊՈ-2005» համաշխարհային ցուցահանդեսի` Հայաստանի Հանրապետության տաղավարի թեմատիկ պահանջները:

5.	Հետցուցահանդեսային շրջանը

Ցուցահանդեսի ավարտից հետո ցուցանմուշները, պաստառները, տեսաֆիլմերը և այլն վերադարձվում են Հայաստան` այլ միջոցառումների ընթացքում օգտագործելու նպատակով:

6.	Հայաստանի Հանրապետության ազգային օրը

Հայաստանի Հանրապետության ազգային օրը նախատեսվում է անցկացնել 2005 թվականի հունիսի 7-ին` Հայաստանի Հանրապետության պետական պատվիրակության այցելության շրջանակներում:

Ազգային օրվա անցկացման ծրագրի նախագիծը կմշակվի Հայաստանի Հանրապետության բոլոր շահագրգիռ նախարարությունների և կազմակերպությունների հետ համատեղ: Ազգային օրվա ծրագրում պարտադիր մաս են կազմելու Հայաստանի Հանրապետության հիմնի կատարումը, դրոշի բարձրացման արարողությունը և ողջույնի խոսքը (ընդամենը` 45 րոպե):

Ազգային օրը պատշաճ կազմակերպելու նպատակով նախատեսվում է ներգրավել 10 մարդուց կազմված ստեղծագործական խումբ, որը ինչպես ազգային օրը, այնպես էլ հետագա 7 օրվա ընթացքում հասարակությանը կներկայացնի հայկական արվեստը և երաժշտությունը:

Ազգային օրվա շրջանակներում նախատեսվում է նաև հայկական արտադրանքի համտեսում:

7.	Գովազդատուների ներգրավումը

Արտասահմանյան և հայրենական գովազդատուների ներգրավման համար կատարվում են համապատասխան աշխատանքներ: Գովազդները կտեղադրվեն տաղավարի ներսում և «ԷՔՍՊՈ-2005 «Հայաստան» կատալոգում:

8.	Մաքսային ծառայությունները

«Զարգացման հայկական գործակալություն» փակ բաժնետիրական ընկերությունը Հայաստանի Հանրապետության կառավարությանն առընթեր մաքսային ծառայություն կներկայացնի առաջարկություններ` ցուցանմուշների տեղափոխման հետ կապված մաքսային ձևակերպումների իրականացման վերաբերյալ:

9.	Ավիացիայի աշխատանքը «ԷՔՍՊՈ-2005» ցուցահանդեսի ընթացքում

«Զարգացման հայկական գործակալություն» փակ բաժնետիրական ընկերությունը Հայաստանի Հանրապետության տրանսպորտի և կապի նախարարություն (Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչություն) կներկայացնի առաջարկություններ` սպասարկող անձնակազմի և ցուցանմուշների տեղափոխման հետ կապված համապատասխան ժամանակացույցի տեսքով:

10.	Հայաստանի Հանրապետության արտաքին գործերի նախարարության աշխատանքները

Հայաստանի Հանրապետության արտաքին գործերի նախարարությունը «Զարգացման հայկական գործակալություն» փակ բաժնետիրական ընկերության կողմից ներկայացված հայտերի հիման վրա պետք է կազմակերպի սպասարկող անձնակազմի և պաշտոնական պատվիրակությունների ելքի թույլտվությունների օպերատիվ տրամադրումը, ինչպես նաև դիվանագիտական ճանապարհով համակողմանի օժանդակություն ցուցաբերի ցուցահանդեսի նախապատրաստմանը և ընթացիկ աշխատանքների կատարմանը:

11.	Բժշկական ծառայությունը

«Զարգացման հայկական գործակալություն» փակ բաժնետիրական ընկերությունը Հայաստանի Հանրապետության առողջապահության նախարարության հետ կկազմակերպի սպասարկող անձնակազմի բժշկական ապահովագրությունը «ԷՔՍՊՈ-2005» համաշխարհային ցուցահանդեսի ընթացքում:

12.	Աշխատակազմի նախապատրաստումը

«Զարգացման հայկական գործակալություն» փակ բաժնետիրական ընկերությունն սպասարկող անձնակազմի ուսուցման և աշխատանքների վարման նպատակով կապահովի թեկնածուների տրամադրումը: Ըստ ճապոնական կողմի պահանջի` կտրամադրվի մեկական մարդ` երկու ամսվա կտրվածքով` ցուցահանդեսի անցկացման 6 ամսվա ընթացքում:

13.	Բացման և փակման արարողությունները

Բացման և փակման արարողությունների ընդհանուր համերգային ծրագրերում կներգրավվեն համապատասխան ստեղծագործական խմբեր:

14.	Պաշտոնական ընդունելությունները

Պաշտոնական պատվիրակությունը կղեկավարի Հայաստանի Հանրապետության առևտրի և տնտեսական զարգացման նախարարը: Նախատեսվում է կազմակերպել ընդունելություններ բացման, փակման արարողություններից հետո, Հայաստանի Հանրապետության ազգային օրը, ինչպես նաև պաշտոնական նվերների և հուշանվերների հանձնման արարողության ժամանակ:

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 2 ՀՀ կառավարության 2004 թվականի սեպտեմբերի 2-ի N 1355-Ն որոշման

ՃԱՊՈՆԻԱՅԻ ԱԻՉԻ ՆԱՀԱՆԳՈՒՄ ԿԱՅԱՆԱԼԻՔ «ԲՆՈՒԹՅԱՆ ԻՄԱՍՏՈՒԹՅՈՒՆԸ» ԽՈՐԱԳՐՈՎ «ԷՔՍՊՈ-2005» ՀԱՄԱՇԽԱՐՀԱՅԻՆ ՑՈՒՑԱՀԱՆԴԵՍԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՍՆԱԿՑՈՒԹՅԱՆ ՄԻՋՈՑԱՌՈՒՄՆԵՐԻ ԺԱՄԱՆԱԿԱՑՈՒՅՑԸ ԵՎ ՖԻՆԱՆՍԱՎՈՐՄԱՆ ԱՂԲՅՈՒՐՆԵՐԸ

NN ը/կ	Աշխատանքի նկարագրությունը	Նախատես- վող ժամ- կետը/ վերջնաժամ- կետը	Ֆինանսավորման աղբյուրները	Համա- ֆինանսա- վորումը	Պատասխա- նատու կատարողը	Աշխատանքի կատարման վիճակը
1	2	3	4	5	6	7
	Ա. ՆԱԽԱՊԱՏՐԱՍՏԱԿԱՆ ՇՐՋԱՆ	01.05.04-30.01.05
1.	Հանդիպում Թբիլիսիում`ցուցահանդեսի կազմակերպիչների հետ` ցուցահանդեսային տարածքին և պայմաններին ծանոթանալու նպատակով	ապրիլ, 2004 թ.	Ճապոնիայի կառավարություն		«Զարգացման հայկական գործակալություն» ՓԲԸ	կատարված է
2.	Կապերի հաստատում Ճապոնիայի Թսուկուդե համայնքի հետ, որը հանդիսանում է Հայաստանն ընդունող պաշտոնական համայնքը ցուցահանդեսի օրերին	ապրիլ, 2004 թ.			«Զարգացման հայկական գործակալություն» ՓԲԸ	կատարված է
3.	Հանդիպում Երևանում` ցուցահանդեսի կազմակերպիչների հետ` ցուցահանդեսին Հայաստանի մասնակցության նախապատրաստման աշխատանքներին ծանոթանալու նպատակով	հունիս, 2004 թ.			«Զարգացման հայկական գործակալություն» ՓԲԸ ՀՀ առևտրի և տնտեսական զարգացման նախարարություն	կատարված է
4.	Ճապոնացի մասնագետների ծանոթացումը Հայաստանի պատմությանը, կերպարվեստին, պատմական հուշարձաններին` Հայաստանի տաղավարի ձևավորման և կերպարի (իմիջի) ստեղծման նպատակով (ըստ փոխհամաձայնության)	հունիս, 2004 թ.			«Զարգացման հայկական գործակալություն» ՓԲԸ	կատարված է
5.	Ցուցահանդեսի կազմակերպիչների հանդիպումը «ԷՔՍՊՈ-2005» համաշխարհային ցուցահանդեսի Հայաստանի գլխավոր հանձնակատարի և տեղակալի հետ	հունիս, 2004 թ.			«Զարգացման հայկական գործակալություն» ՓԲԸ ՀՀ առևտրի և տնտեսական զարգացման նախարարություն	կատարված է
6.	Ճապոնական կողմից մասնակցության պայմանագրի ստացում, ստորագրում և փոխանցում	սեպտեմբեր 2004 թ.			ՀՀ առևտրի և տնտեսական զարգացման նախարարություն	սպասվում է պայմանագրի բնօրինակը
7.	Տեղեկատվության և համագործակցության մասին նամակ-առաջարկ ՀՀ նախարարություններին և պետական գերատեսչություններին	հոկտեմբեր 2004 թ.			«Զարգացման հայկական գործակալություն» ՓԲԸ
8.	Տեղեկատվության և համագործակցության մասին նամակ-առաջարկ ՀՀ-ում գործող միջազգային հնարավոր դոնոր կազմակերպություններին	հոկտեմբեր 2004 թ.			«Զարգացման հայկական գործակալություն» ՓԲԸ
9.	Տեղեկատվության և համագործակցության մասին նամակ-առաջարկ ՀՀ ձեռնարկություններին	հոկտեմբեր 2004 թ.			«Զարգացման հայկական գործակալություն» ՓԲԸ
10.	Ճապոնիայի Թսուկուդե համայնքի պաշտոնական պատվիրակության ժամանում Հայաստանի Հանրապետություն` ճանաչողական նպատակներով	սեպտեմբեր 2004 թ.	ՀՀ պետական բյուջե		«Զարգացման հայկական գործակալություն» ՓԲԸ և ՀՀ առևտրի և տնտեսական զարգացման նախարարություն
11.	Տաղավարի նախագծման և պլանավորման աշխատանքներում հայկական կողմի մասնակցության  համար անհրաժեշտ յուրահատուկ նյութերի, նմուշների, պոստերների, պլակատների և այլնի պատվիրում, պատրաստում և ձեռքբերում	սեպտեմբեր 2004 թ.	ՀՀ պետական բյուջե		«Զարգացման հայկական գործակալություն» ՓԲԸ
12.	Ընդհանուր մշակութային ծրագրում աշխատանքային խմբի կողմից առաջարկվող կազմակերպությունների և հայկական յուրահատուկ ցուցանմուշների ներկայացում ճապոնական կողմին` բոլոր անհրաժեշտ նյութերի կցմամբ`  ա) ներկայացված նյութերից լավագույնների ընտրություն, բ) «ԷՔՍՊՈ-2000» Հաննովերում կայացած համաշխարհային ցուցահանդեսում Հայաստանի մասնակցությունից մնացած ցուցահանդեսային պարագաների ընտրություն	նոյեմբեր, 2004 թ.			«Զարգացման հայկական գործակալություն» ՓԲԸ,  ՀՀ առևտրի և տնտեսական զարգացման նախարարություն, ՀՀ մշակույթի և երիտասարդության հարցերի նախարարություն, ՀՀ գիտության և կրթության նախարարություն, ՀՀ քաղաքաշինության նախարարություն, ՀՀ գյուղատնտեսության նախարարություն, ՀՀ բնապահպանության նախարարություն, ՀՀ գիտությունների ազգային ակադեմիա
13.	Տարածքի անվճար տրամադրում	դեկտեմբեր 2004 թ.	Ճապոնիայի կառավարություն		«ԷՔՍՊՈ-2005» ցուցահանդեսի կազմակերպիչներ
14.	Ստանդարտ տաղավարի արտաքին և ներքին հարդարանք	դեկտեմբեր 2004 թ.	Ճապոնիայի կառավարություն		«ԷՔՍՊՈ-2005» ցուցահանդեսի կազմակերպիչներ
15.	Ցուցահանդեսի պլանավորման և ձևավորման աշխատանքներ	դեկտեմբեր 2004 թ.	Ճապոնիայի կառավարություն		«ԷՔՍՊՈ-2005» ցուցահանդեսի կազմակերպիչներ
16.	Մեկ տեսաժապավենի վրա նյութերի մոնտաժում, թարգմանություն և պատրաստում	դեկտեմբեր 2004 թ.	ՀՀ պետական բյուջե		«Զարգացման հայկական գործակալություն» ՓԲԸ
17.	Ցուցանմուշների և նյութերի հավաքագրում, ապահովագրում, մաքսային ձևակերպումների կատարում և ուղարկում	դեկտեմբեր 2004 թ.	ցուցահանդեսին մասնակցող ձեռնարկություններ և կազմակերպություններ		«Զարգացման հայկական գործակալություն» ՓԲԸ
18.	Տաղավարի նախագծի վերջին մանրամասների մշակում` «ԷՔՍՊՈ-2005 Հայաստան» խորհրդանշանի և ֆիրմային գրաֆիկական ոճի նախագիծ (նշան, ձևաթուղթ, բրոշյուր, պլակատ, օրացույց, տոպրակներ և այլն)	դեկտեմբեր 2004 թ.	ՀՀ պետական բյուջե
19.	Տաղավարի ձևավորում, տեխնիկական միջոցների տեղադրում և փորձարկում: Այդ նպատակով Ճապոնիա կգործուղվեն 2 անձ, որոնք և կընդունեն տաղավարը և կանցնեն նախատեսված համապատասխան ուսուցում	դեկտեմբեր 2004 թ.		Ճապոնիայի կառավարություն
20.	Հուշանվերների (մետաղյա, ապակյա, կերամիկայի, փայտյա, քարե և այլն) պատրաստում	հունվար, 2005 թ.	ՀՀ պետական բյուջե
21.	Գիտատեխնիկական նվաճումների, տեղեկատվական ցուցադրափեղկի ստեղծում, նյութերի (անոտացիա) տպագրում	հունվար, 2005 թ.	ՀՀ պետական բյուջե
22.	Հայաստանը ներկայացնող CD-ի ձեռքբերում	հունվար, 2005 թ.	ՀՀ պետական բյուջե
23.	«Զարգացման հայկական գործակալություն» ՓԲԸ-ի բրոշյուրների, ազգային օրվա հրավիրատոմսերի, ՀՀ և պատմական Հայաստանի քարտեզի (2000 օրինակ) և անհրաժեշտ այլ նյութերի մշակում ու տպագրում	հունվար, 2005 թ.	ՀՀ պետական բյուջե		«Զարգացման հայկական գործակալություն» ՓԲԸ
24.	Արտահանող ձեռնարկությունների CD-ի բազմացում (2000 օրինակ)	հունվար, 2005 թ.	ՀՀ պետական բյուջե		«Զարգացման հայկական գործակալություն» ՓԲԸ	վարվում են բանակցություններ տպագրումը «Եվրասիա» հիմնադրամի միջոցների հաշվին համաֆինանսավորելու նպատակով
25.	Տեղեկատվական վահանակների, սլայդների, ֆոտոների, ցուցափեղկերի տեքստերի, գովազդի պատրաստում և հասարակությանն իրազեկում ցուցահանդեսից առաջ և ընթացքում	հունվար, 2005 թ.	ՀՀ պետական բյուջե		«Զարգացման հայկական գործակալություն» ՓԲԸ
26.	Տաղավարի ընդհանուր կատալոգի տպագրություն (2000 օրինակ)	հունվար, 2005 թ.	ՀՀ պետական բյուջե		«Զարգացման հայկական գործակալություն» ՓԲԸ
27.	Ընդհանուր ցուցահանդեսային պարագաների (աքսեսուարների), ալբոմների, նյութերի հավաքագրում և ապահովագրում	հունվար, 2005 թ.	ՀՀ պետական բյուջե		«Զարգացման հայկական գործակալություն» ՓԲԸ
28.	Հավաքագրված (տաղավարի ձևավորման հետ կապ չունեցող) բոլոր մնացած նյութերի մաքսազերծում, տեղափոխում և պահեստավորում (Նագոյա նավահանգիստ-ԷՔՍՊՈ-ի տարածք): Այս ծախսերը 2 մլն իենի չափով կփոխհատուցվեն այն ապրանքների համար, որոնք շահույթ չեն հետապնդում (ոչ կոմերցիոն ապրանքներ)	հունվար, 2005 թ.	Ցուցահանդեսին մասնակցող ձեռնարկություններ և կազմակերպություններ	Ճապոնիայի կառավարություն	«ԷՔՍՊՈ-2005» ցուցահանդեսի կազմակերպիչներ
	Բ. «ԷՔՍՊՈ-2005» ՀԱՄԱՇԽԱՐՀԱՅԻՆ ՑՈՒՑԱՀԱՆԴԵՍԻՆ ՄԱՍՆԱԿՑՈՒԹՅԱՆ ՇՐՋԱՆ	25.03.05-25.09.05
29.	4 անձի գործուղում ցուցահանդեսի անցկացման ընթացքում` 6 ամիս ժամանակահատվածով (1 մարդ x 2 ամիս), որտեղ ըստ ժամանակացույցի նոր աշխատողը էստաֆետը կստանձնի 10 օր համատեղելով նախորդի հետ, այնուհետև միանձնյա կկատարի իր պարտականությունները	25.03.05-25.09.05	ՀՀ պետական բյուջե	Ճապոնիայի կառավարություն	«Զարգացման հայկական գործակալություն» ՓԲԸ
30.	Ցուցահանդեսի ընթացքում Ճապոնիայում պաշտոնական պատվիրակության մասնակցություն (23 մարդ)	հունիս, 2005 թ.	ՀՀ պետական բյուջե		«Զարգացման հայկական գործակալություն» ՓԲԸ
31.	Ազգային օրվա ընթացքում «ԷՔՍՊՈ-2005» համաշխարհային ցուցահանդեսի Հայաստանի գլխավոր հանձնակատարի կեցության ծախսեր (ճանապարհածախսը ներառված չէ)	հունիս, 2005 թ.	Ճապոնիայի կառավարություն	ՀՀ պետական բյուջե
32.	Ողջույնի խոսք «ԷՔՍՊՈ-2005» համաշխարհային ցուցահանդեսի Հայաստանի գլխավոր հանձնակատարի կողմից	հունիս, 2005 թ.			«ԷՔՍՊՈ-2005» համաշխարհային ցուցահանդեսի Հայաստանի գլխավոր հանձնակատար
33.	Ողջույնի խոսք ցուցահանդեսի կազմակերպչի կողմից	հունիս, 2005 թ.
34.	ՀՀ պետական հիմնի կատարում (աուդիոկատարում` զուգահեռ կինոնկարի ցուցադրմամբ)	հունիս, 2005 թ.			«Զարգացման հայկական գործակալություն» ՓԲԸ
35.	Հայկական պատվիրակության և հյուրերի ընդունում ցուցասրահի տարածքում`հայկական արտադրանքի համտեսում	հունիս, 2005 թ.	ՀՀ պետական բյուջե
36.	Պաշտոնական ճաշ, ցուցահանդեսի կազմակերպիչների կողմից հուշանվերների հանձնում ճապոնական կողմին	հունիս, 2005 թ.
37.	Ազգային օրվա ընթացքում պարարվեստի և ազգային երաժշտական կատարումների կինոցուցադրում	հունիս, 2005 թ.
38.	Ցուցահանդեսի ընթացքում ներկայացվող արվեստի բաժնի պատասխանատուի մասնակի ծախսեր (10 օր)	հունիս, 2005 թ.	ՀՀ պետական բյուջե	Ճապոնիայի կառավարություն (ճանապարհածախս և գիշերավարձ)
39.	Ազգային օրվա ընթացքում ստեղծագործական խմբի կեցության ծախսերի մասնակի ապահովում (10 մարդու ճանապարհածախս և 10 օրվա գիշերավարձ)	հունիս, 2005 թ.	ՀՀ պետական բյուջե	Ճապոնիայի կառավարություն (ճանապարհածախս և գիշերավարձ)
40.	Էթնիկ-ֆոլկ-ջազ երաժշտության կենդանի կատարում	հունիս, 2005 թ.
41.	Ճապոնիայի Թսուկուդե համայնքի մշակութային ծրագրի ներկայացում	հունիս, 2005 թ.	Ճապոնիայի կառավա- րություն		«ԷՔՍՊՈ-2005» ցուցահանդեսի կազմակերպիչներ
42.	Պաշտոնական ընդունելություն Հայաստանի պատվիրակության կողմից	հունիս, 2005 թ.	ՀՀ պետական բյուջե
43.	Հայկական պատվիրակության այցելություններ, հանդիպումներ և քննարկումներ	հունիս, 2005 թ.
44.	«ԷՔՍՊՈ-2005» համաշխարհային ցուցահանդեսի Հայաստանի գլխավոր հանձնակատարի տեղակալի գլխավորությամբ աշխատանքային խմբի ղեկավարի և անկախ փորձագետի աշխատանքների ընթացքը համակարգելու և համապատասխան հրահանգներ տալու նպատակով (3 մարդ)	սեպտեմբեր 2005 թ.	ՀՀ պետական բյուջե
	Գ. ՑՈՒՑԱՀԱՆԴԵՍԻ ԱՎԱՐՏԻՑ ՀԵՏՈ ԿԱՏԱՐՎԵԼԻՔ ԱՇԽԱՏԱՆՔՆԵՐԸ
45.	Ցուցահանդեսի ավարտից հետո տաղավարի ապամոնտաժման ծախսեր` ապամոնտաժում փաթեթավորում մաքսային ձևակերպումներ տեղափոխում	26.09.05 թ.			«Զարգացման հայկական գործակալություն» ՓԲԸ
	ՉՆԱԽԱՏԵՍՎԱԾ ԾԱԽՍԵՐ	2004-2005 թթ.	ՀՀ պետական բյուջե
	ընդամենը
	Ավելացված արժեքի հարկ (20 տոկոս)
	Ընդամենը

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 3 ՀՀ կառավարության 2004 թվականի սեպտեմբերի 2-ի N 1355-Ն որոշման

ՃԱՊՈՆԻԱՅԻ ԿԱՌԱՎԱՐՈՒԹՅԱՆ ԿՈՂՄԻՑ ՆԱԽԱՏԵՍՎՈՂ ԱՋԱԿՑՈՒԹՅՈՒՆԸ` ԸՍՏ ԾԱԽՍԱՅԻՆ ՀՈԴՎԱԾՆԵՐԻ

1. Տարածքի կառուցման ծախսեր

2. Ցուցահանդեսի պլանավորման աջակցություն

3. Ստանդարտ տաղավարի արտաքին և ներքին հարդարանքի (օդափոխման համակարգ, ջրի մատակարարում, հոսանք, կոյուղի), անհրաժեշտության դեպքում` ցուցահանդեսի ներկայացման ու գեղարվեստական ձևավորման աշխատանքների հետ կապված ծախսեր և համապատասխան սարքավորումների ու անհրաժեշտ պարագաների տրամադրում

4. Մեկ ճապոնացի օժանդակող մասնագետի ծախսերը, որը կաշխատի տաղավարում ցուցահանդեսի ամբողջ ընթացքում

5. Ճապոնիայում հասարակության հետ կապերի և գովազդի հետ կապված ծախսեր, որոնք չեն գերազանցի մեկ մլն իենը

6. Ցուցանմուշների մաքսազերծման, տեղափոխման և պահեստավորման ծախսեր (Նագոյա նավահանգիստ-ցուցահանդեսի տարածք), որոնք չեն գերազանցի 2 մլն իենը: Այս ծախսերը չեն տարածվում կոմերցիոն նպատակներով ներմուծվող ցուցանմուշների վրա

7. Տաղավարի անվտանգության, մաքրման, կոմունալ ծախսերի ծածկում, ինչպես նաև ապահովագրության ծախսեր

8. Ցուցահանդեսի ավարտից հետո տաղավարի ապամոնտաժման աշխատանքների հետ կապված ծախսեր

9. Ազգային օրվա արարողության ժամանակ պատվիրակության ղեկավարի կեցության ծախսերի ապահովում (ճանապարհածախսը ներառված չէ)

10. Ցուցահանդեսի օրերին կազմակերպվող «Ազգային օր» արարողության ժամանակ տվյալ ազգին հատուկ մշակութային արարողությունների ներկայացման (ազգային երաժշտություն, պարեր և այլն) հետ կապված ծախսերի մասնակի հոգում (10 մարդու ճանապարհածախս և գիշերավարձ` 10 օրվա համար)

11. Ցուցահանդեսի ընթացքում ներկայացվող արվեստի գործերի (մասնավորապես, նկարչության, քանդակի և լուսանկարչության) ներքին տեղափոխման, բրոշյուրի տպագրության և բաժնի մեկ պատասխանատուի ծախսեր (ճանապարհածախս և 10 օրվա գիշերավարձ)

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 4 ՀՀ կառավարության 2004 թվականի սեպտեմբերի 2-ի N 1355-Ն որոշման

Կ Ա Զ Մ

ՃԱՊՈՆԻԱՅԻ ԱԻՉԻ ՆԱՀԱՆԳՈՒՄ ԿԱՅԱՆԱԼԻՔ «ԲՆՈՒԹՅԱՆ ԻՄԱՍՏՈՒԹՅՈՒՆԸ» ԽՈՐԱԳՐՈՎ «ԷՔՍՊՈ-2005» ՀԱՄԱՇԽԱՐՀԱՅԻՆ ՑՈՒՑԱՀԱՆԴԵՍՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ՕՐՎԱ ՄԻՋՈՑԱՌՈՒՄՆԵՐԻՆ ՄԱՍՆԱԿՑՈՂ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՎԻՐԱԿՈՒԹՅԱՆ

ՀՀ առևտրի և տնտեսական զարգացման նախարարը («ԷՔՍՊՈ-2005» համաշխարհային ցուցահանդեսի Հայաստանի գլխավոր հանձնակատար) և նրա կինը

ՀՀ արտաքին գործերի նախարար

ՀՀ ֆինանսների և էկոնոմիկայի նախարար

ՀՀ գյուղատնտեսության նախարար

ՀՀ մշակույթի և երիտասարդության հարցերի նախարար

ՀՀ բնապահպանության նախարար

«Զարգացման հայկական գործակալություն» ՓԲԸ-ի գլխավոր տնօրեն

«Զարգացման հայկական գործակալություն» ՓԲԸ-ի փոխտնօրեն

ՀՀ գիտությունների ազգային ակադեմիայի ներկայացուցիչ

Հայաստանյայց Առաքելական եկեղեցու ներկայացուցիչ

ՀՀ Ազգային ժողովի խմբակցությունների ներկայացուցիչներ (6)

Զանգվածային լրատվության միջոցների ներկայացուցիչներ (6)

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան