«Վավերացնում եմ»
Հայաստանի Հանրապետության
Նախագահ Ռ. Քոչարյան
14 մայիսի 2007 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

3 մայիսի 2007 թվականի N 525-Ն

ՀՐԱՏԱՐԱԿՈՒՄՆԵՐԻ ԳԾՈՎ 2007 ԹՎԱԿԱՆԻ ՊԵՏԱԿԱՆ ՊԱՏՎԵՐԻ ՄԱՍԻՆ

Հայաստանի Հանրապետության կառավարության 2006 թվականի դեկտեմբերի 21-ի N 1851-Ն որոշման 11.1-ին կետին համապատասխան` Հայաստանի Հանրապետության կառավարությունը որոշում է.

1. «Հայաստանի Հանրապետության 2007 թվականի պետական բյուջեի մասին» Հայաստանի Հանրապետության օրենքի N 1 հավելվածի բյուջետային ծախսերի գործառական դասակարգման 07 խմբի 11 ենթախմբի «07. Հրատարակումների գծով պետական պատվեր» ծրագրով Հայաստանի Հանրապետության արտաքին գործերի նախարարությանը նախատեսված ծախսերը` 10304.5 հազ. դրամը, բաշխել` «Հայաստանի Հանրապետության միջազգային պայմանագրերի պաշտոնական տեղեկագիր» պարբերականի հրատարակման համար` 10304.5 հազ. դրամ` համաձայն հավելվածի, այդ թվում` առաջին եռամսյակ` 2.060.9 հազ. դրամ, առաջին կիսամյակ` 4.637.0 հազ. դրամ, ինն ամիս` 7.213.2 հազ. դրամ, տարեկան` 10.304.5 հազ. դրամ:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

Հայաստանի Հանրապետության վարչապետ	Ս. Սարգսյան
2007 թ. մայիսի 7 Երևան

Հավելված ՀՀ կառավարության 2007 թվականի  մայիսի 3-ի N 525-Ն որոշման

Ն Ա Խ Ա Հ Ա Շ Ի Վ

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԻՋԱԶԳԱՅԻՆ ՊԱՅՄԱՆԱԳՐԵՐԻ ՊԱՇՏՈՆԱԿԱՆ ՏԵՂԵԿԱԳԻՐ» ՊԱՐԲԵՐԱԿԱՆԻ ՀՐԱՏԱՐԱԿՄԱՆ 2007 ԹՎԱԿԱՆԻ ՊԵՏԱԿԱՆ ՊԱՏՎԵՐԻ

Հրատարակման անվանումը	Քանակը (հատ)	Տարեկան տպագրման ենթակա համարների քանակը (հատ)	Մեկ համարի տարեկան միջին ծավալը (մամուլ)	Տարեկան ընդհանուր ծավալը (մամուլ)	Մեկ մամուլի միջին գինը (դրամ)	Գումարը (դրամ)
«Հայաստանի Հանրապետության միջազգային պայմանագրերի պաշտոնական տեղեկագիր» պարբերական (300 օրինակ տպաքանակի տպագրության դեպքում)	300	2	122,672	73.603,2	140	10.304.448
Ընդամենը						10.304.448

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան