«Վավերացնում եմ»
Հայաստանի Հանրապետության
Նախագահ Ռ. Քոչարյան
12 ապրիլի 2007 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
5 ապրիլի 2007 թվականի N 381-Ա
«ՍԻ ԷՆ ԷՆ» ԵՎ «ԵՎՐՈՆՅՈՒԶ» ՀԵՌՈՒՍՏԱԱԼԻՔՆԵՐՈՎ ՀԱՅԱՍՏԱՆԻ ՆԵՐԿԱՅԱՑՈՒՄՆ ԱՊԱՀՈՎՈՂ ՄԻՋՈՑԱՌՈՒՄՆԵՐԻ ՄԱՍԻՆ
Համաձայն «Հայաստանի Հանրապետության 2007 թվականի պետական բյուջեի մասին» Հայաստանի Հանրապետության օրենքի (13 խումբ, 04 ենթախումբ), Հայաստանի Հանրապետության կառավարության 2005 թվականի հունիսի 9-ի N 948-Ն որոշման N 2 հավելվածի 1-ին կետի «զ» ենթակետի և Հայաստանի` որպես կայուն, ապահով, ձեռնարկատիրության, ներդրումների համար բարենպաստ, ինչպես նաև գրավիչ զբոսաշրջային երկրի նկարագրի ձևավորման ու «Սի Էն Էն» և «Եվրոնյուզ» հեռուստաալիքներով ներկայացման նպատակով Հայաստանի Հանրապետության կառավարությունը որոշում է.
1. Հայաստանի Հանրապետության առևտրի և տնտեսական զարգացման նախարարի տեղակալ Տ. Դավթյանին` ապահովել Հայաստանը ներկայացնող տեսահոլովակների հեռարձակումը «Սի Էն Էն» և «Եվրոնյուզ» հեռուստաալիքներով` դրանց հետ կնքելով համապատասխան պայմանագրեր:
2. Սահմանել, որ սույն որոշման 1-ին կետում նշված պայմանագրերի կատարման հետ կապված ծախսերն իրականացվում են «Հայաստանի Հանրապետության 2007 թվականի պետական բյուջեի մասին» Հայաստանի Հանրապետության օրենքի N 1 հավելվածի բյուջետային ծախսերի գործառական դասակարգման 13 խմբի 04 ենթախմբի «02. Հայաստանի Հանրապետության զբոսաշրջության զարգացման պետական ծրագրի շրջանակներում «Ծաղկաձորը` միջազգային չափանիշներին համապատասխանող զբոսաշրջության կենտրոն» նպատակային խնդիրների լուծման ծրագիր» ծրագրով նախատեսված միջոցների հաշվին` «Եվրոնյուզ» հեռուստաալիքով հեռարձակման համար՝ 150340 եվրոյին համարժեք դրամի, իսկ «Սի Էն Էն» հեռուստաալիքով հեռարձակման համար՝ 300000 ԱՄՆ-ի դոլարին համարժեք դրամի սահմաններում:
|
Հայաստանի Հանրապետության |
Ս. Սարգսյան |
|
|