«Վավերացնում եմ»
Հայաստանի Հանրապետության
Նախագահ Ռ. Քոչարյան
22 մարտի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

16 փետրվարի 2006 թվականի N 309-Ն

ԵՐԵՎԱՆԻ «ՋՐՄՈՒՂ-ԿՈՅՈՒՂԻ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԿՈՂՄԻՑ ՕԳՏԱԳՈՐԾՎՈՂ ԳՈՒՅՔԸ ՎԱՐՁԱԿԱԼՈՒԹՅԱՄԲ ՓՈԽԱՆՑԵԼՈՒ ԵՎ ԸՆԿԵՐՈՒԹՅՈՒՆԸ ՎԵՐԱԿԱԶՄԱԿԵՐՊԵԼՈՒ ՄԱՍԻՆ 

Ղեկավարվելով «Պետական կառավարչական հիմնարկների մասին» Հայաստանի Հանրապետության օրենքի 11-րդ հոդվածի 1-ին կետի «գ» ենթակետով և «Բաժնետիրական ընկերությունների մասին» Հայաստանի Հանրապետության օրենքի 18-րդ, 20-րդ, 34-րդ, 35-րդ և 36-րդ հոդվածների դրույթներով` Հայաստանի Հանրապետության կառավարությունը որոշում է.

1. 2005 թվականի դեկտեմբերի 14-ին Հայաստանի Հանրապետության կառավարության` ի դեմս Հայաստանի Հանրապետության տարածքային կառավարման նախարարության ջրային տնտեսության պետական կոմիտեի, «Երևան Ջուր» փակ բաժնետիրական ընկերության և «Ժեներալ դեզ Օ» կազմակերպության միջև ստորագրված «Երևանի «Ջրմուղ-կոյուղի» փակ բաժնետիրական ընկերության սպասարկման տարածքի ջրային  համակարգերի վարձակալության մասին» պայմանագրի դրույթների ապահովման նպատակով Երևանի «Ջրմուղ-կոյուղի» փակ բաժնետիրական ընկերության գույքի կազմից առանձնացնել 2006 թվականի հունիսի 1-ի դրությամբ 19159983465,86 դրամ հաշվեկշռային արժեք ունեցող գույքը և 2582969223,56 դրամ հաշվեկշռային արժեք ունեցող ապրանքանյութական արժեքները` համաձայն NN 1, 2 և 3 հավելվածների և այն, որպես պետական սեփականություն, ամրացնել «Հայաստանի Հանրապետության տարածքային կառավարման նախարարության ջրային տնտեսության պետական կոմիտեի աշխատակազմ» պետական կառավարչական հիմնարկին:

2. Սահմանել, որ սույն որոշման 1-ին կետում նշված գույքի և ապրանքանյութական արժեքների հաշվեկշռային արժեքի համապատասխան չափով, Հայաստանի Հանրապետության ֆինանսների և էկոնոմիկայի նախարարության և Երևանի «Ջրմուղ-կոյուղի» փակ բաժնետիրական ընկերության միջև կազմված արձանագրությամբ, նվազեցվում է Երևանի «Ջրմուղ-կոյուղի» փակ բաժնետիրական ընկերության կողմից Հայաստանի Հանրապետության նկատմամբ (1998 թվականի հունիսի 19-ին կնքված N 3095 վարկային համաձայնագրի հիման վրա 1998 թվականին Հայաստանի Հանրապետության ֆինանսների և էկոնոմիկայի նախարարության, Երևանի «Ջրմուղ-կոյուղի» փակ բաժնետիրական ընկերության և «Համայնքային զարգացման ծրագրերի ղեկավարման գրասենյակ» պետական հիմնարկի միջև կնքված ենթավարկային պայմանագրով)  ունեցած վարկային պարտավորությունը (վերաբաշխումների և փաստացի կատարված աշխատանքների արդյունքում Երևանի «Ջրմուղ-կոյուղի» փակ բաժնետիրական ընկերությանը ենթավարկավորված 20125045 փոխառության հատուկ իրավունքների (SDR-ի) համարժեք դրամի չափով), իսկ սույն որոշման 1-ին կետում նշված գույքի և ապրանքանյութական արժեքների հաշվեկշռային արժեքների և Հայաստանի Հանրապետության նկատմամբ ունեցած վարկային պարտավորության տարբերության չափով, բաժնետոմսերի քանակի նվազեցման ճանապարհով, նվազեցվում է ընկերության կանոնադրական կապիտալի չափը:

3. Առաջարկել Երևանի «Ջրմուղ-կոյուղի» փակ բաժնետիրական ընկերությանը պատկանող ջրատարներից սնվող համայնքներին լիազորելու Հայաստանի Հանրապետության տարածքային կառավարման նախարարության ջրային տնտեսության պետական կոմիտեի նախագահին համայնքներին պատկանող ջրամատակարարման և ջրահեռացման համակարգերը (ջրմուղ-կոյուղու ցանցերը, օրվա կարգավորման ջրամբարները, պոմպակայանները, սարքավորումները, շենքերը, շինությունները և դրանց պահպանման ու սպասարկման համար անհրաժեշտ հողամասերը, մեքենամեխանիզմները և այլն)` «Երևան Ջուր» փակ բաժնետիրական ընկերությանը պայմանագրային հիմունքներով, վարձակալության հանձնելու համար` նկատի ունենալով, որ Հայաստանի Հանրապետության կառավարության 2005 թվականի մարտի 17-ի N 658-Ն որոշման 3-րդ կետի «բ» ենթակետի պահանջներով հաշվարկված վարձակալական վճարն ուղղվելու է Երևան քաղաքի ջրամատակարարման և ջրահեռացման ոլորտի զարգացման համար Համաշխարհային բանկի կողմից տրված 1-ին և 2-րդ վարկերի սպասարկմանը:

4. Հանձնարարել Հայաստանի Հանրապետության տարածքային կառավարման նախարարության ջրային տնտեսության պետական կոմիտեի նախագահին ու համապատասխան մարզպետներին և առաջարկել համապատասխան համայնքների ղեկավարներին` մեկամսյա ժամկետում ապահովել համայնքներին պատկանող ջրամատակարարման և ջրահեռացման համակարգերի (ջրմուղ-կոյուղու ցանցերի, օրվա կարգավորման ջրամբարների, պոմպակայանների, սարքավորումների, շենքերի, շինությունների և դրանց պահպանման ու սպասարկման համար անհրաժեշտ հողամասերի, մեքենամեխանիզմների և այլն) հանձնման-ընդունման և համապատասխան պայմանագրերի Հայաստանի Հանրապետության օրենսդրությամբ սահմանված կարգով կնքման աշխատանքների կատարումը:

5. Հայաստանի Հանրապետության տարածքային կառավարման նախարարության ջրային տնտեսության պետական կոմիտեի նախագահին`

ա) սույն որոշման NN 1 և 2 հավելվածներում նշված գույքն ու ապրանքանյութական արժեքները, սույն որոշման 10-րդ կետում նշված ջրամբարները, դրանք հանձնելու դեպքում, ինչպես նաև համայնքներին պատկանող ջրամատակարարման և ջրահեռացման համակարգերը (ջրմուղ-կոյուղու ցանցերը, օրվա կարգավորման ջրամբարները, պոմպակայանները, սարքավորումները, շենքերը, շինությունները, մեքենամեխանիզմները և այլն) 10 տարի ժամկետով վարձակալության հանձնել «Երևան Ջուր» փակ բաժնետիրական ընկերությանը,

բ) ապահովել սույն որոշման 5-րդ կետի «ա» ենթակետում նշված գույքի և ապրանքանյութական արժեքների հանձնման-ընդունման աշխատանքների կատարումը, այդ գործարքներից բխող գույքային իրավունքների պետական գրանցումը, սույն որոշման 2-րդ կետից բխող` Երևանի «Ջրմուղ-կոյուղի» փակ բաժնետիրական ընկերության կանոնադրական կապիտալի նվազեցումը:

6. Թույլատրել Հայաստանի Հանրապետության տարածքային կառավարման նախարարության ջրային տնտեսության պետական կոմիտեի նախագահին «Ժեներալ դեզ Օ» կազմակերպության հետ քննարկել սույն որոշման 5-րդ կետի «ա» ենթակետում նշված «Երևան Ջուր» փակ բաժնետիրական ընկերությանը հանձնվող գույքի և ապրանքանյութական արժեքների, ինչպես նաև Երևան քաղաքի ջրամատակարարման ու ջրահեռացման ոլորտի զարգացման համար Համաշխարհային բանկի կողմից իրականացված 1-ին վարկային ծրագրով Երևանի «Ջրմուղ-կոյուղի» փակ բաժնետիրական ընկերությանը հանձնված գույքի կազմը, իսկ վարձակալության հանձնվող գույքի կազմում փոփոխություններ առաջանալու դեպքում Հայաստանի Հանրապետության կառավարություն ներկայացնել համապատասխան առաջարկություն:

7. Սույն որոշման 1-ին կետի համաձայն Երևանի «Ջրմուղ-կոյուղի» փակ բաժնետիրական ընկերության կանոնադրական կապիտալի նվազեցման ժամանակ ակտիվների կազմից գույքի  առանձնացման արդյունքում առաջացող ավելացված արժեքի հարկի վճարման պարտավորությունն իրականացնել «Հայաստանի Հանրապետության 2007 թվականի պետական բյուջեի մասին» Հայաստանի Հանրապետության օրենքի 9-րդ հոդվածի 11-րդ կետին համապատասխան, որպես Երևանի «Ջրմուղ-կոյուղի» փակ բաժնետիրական ընկերության ավելացված արժեքի հարկի գծով պարտավորության կատարում:

(7-րդ կետը փոփ. 08.02.07 N 175-Ն)

8. Երևանի «Ջրմուղ-կոյուղի» և «Ջրմուղկոյուղի» փակ բաժնետիրական ընկերությունները վերակազմակերպել` Երևանի «Ջրմուղ-կոյուղի» փակ բաժնետիրական ընկերությունը «Ջրմուղկոյուղի» փակ բաժնետիրական ընկերությանը միացնելու ճանապարհով:

9. Հայաստանի Հանրապետության տարածքային կառավարման նախարարության ջրային տնտեսության պետական կոմիտեի նախագահին` սույն որոշմամբ նախատեսված աշխատանքների կատարումից հետո, Հայաստանի Հանրապետության օրենսդրությամբ սահմանված կարգով կազմակերպել Երևանի «Ջրմուղ-կոյուղի» և «Ջրմուղկոյուղի» փակ բաժնետիրական ընկերությունների վերակազմակերպման գործընթացը` ապահովելով միացման պայմանագրի և փոխանցման ակտի կազմման ու հաստատման, ինչպես նաև դրանց համապատասխան «Ջրմուղկոյուղի» փակ բաժնետիրական ընկերության կանոնադրական կապիտալի չափի սահմանման և կանոնադրության հաստատման աշխատանքները:

10. Առաջարկել Երևան քաղաքի Նուբարաշենի թաղային համայնքի ղեկավարին` Հայաստանի Հանրապետության կառավարության 1997 թվականի մայիսի 29-ի N 157 որոշման հիման վրա ընդունած ջրամբարները (նաև շինությունները և անօտարելի գոտիները) նվիրաբերության պայմանագրով, սեփականության իրավունքով անհատույց հանձնել «Հայաստանի Հանրապետության տարածքային կառավարման նախարարության ջրային տնտեսության պետական կոմիտեի աշխատակազմ» պետական կառավարչական հիմնարկին:

11. Հայաստանի Հանրապետության տարածքային կառավարման նախարարության ջրային տնտեսության պետական կոմիտեի նախագահին` սույն որոշման N 3 հավելվածում նշված գույքը հանձնել Երևանի քաղաքապետարանին:

12. Հայաստանի Հանրապետության տարածքային կառավարման նախարարության ջրային տնտեսության պետական կոմիտեի նախագահին և Երևանի քաղաքապետին մեկամսյա ժամկետում ապահովել սույն որոշման 11-րդ կետում նշված գույքի հանձնման-ընդունման և գույքային իրավունքների պետական գրանցման աշխատանքների կատարումը:

13. Հայաստանի Հանրապետության տարածքային կառավարման նախարարության ջրային տնտեսության պետական կոմիտեի նախագահին և Հայաստանի Հանրապետության կառավարությանն առընթեր պետական գույքի կառավարման վարչության պետին` անհրաժեշտության դեպքում Հայաստանի Հանրապետության կառավարություն ներկայացնել առաջարկություն սույն որոշումից բխող գույքային իրավունքների պետական գրանցման աշխատանքների ֆինանսավորման վերաբերյալ:

14. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2006 թ. մարտի 21 Երևան

Հավելված N 1 ՀՀ կառավարության 2006 թվականի փետրվարի 16-ի N 309-Ն որոշման

Ց Ա Ն Կ

ԵՐԵՎԱՆԻ ՋՐՄՈՒՂ-ԿՈՅՈՒՂԻ ՀԱՄԱԿԱՐԳՈՒՄ 2006 Թ. ՀՈՒՆԻՍԻ 1-Ի ԴՐՈՒԹՅԱՄԲ ՎԱՐՁԱԿԱԼՈՒԹՅԱՆ ՀԱՆՁՆՎՈՂ ՄԻՋՈՑՆԵՐԻ ՎԵՐԱԲԵՐՅԱԼ

NN	Անվանումը	Գումարը (ՀՀ դրամ)
1	Հիմնական միջոցներ շահ-ն մեջ ընդամենը այդ թվում`	18,521,746,693.49
	Շենքեր	2,086,272,417.11
	Կառուցվածքներ	3,143,525,433.00
	Փոխանցվող հարմարանքներ	11,602,920,364.61
	Հողամասեր	-
	Տնկիներ	6,210,951.28
	Այլ հիմնական միջոցներ	217,496,702.66
	Սարքավորումներ	513,909,870.67
	Արտադրատնտեսական գույք	951,410,954.16
2	Ոչ նյութական ակտիվներ	103,150,702.11
3	Անավարտ շին-ն այդ թվում`	535,086,070.26
	Անավարտ շին-ն /նյութեր/	45,770,320.85
	Անավարտ շին-ն /շինություններ, նախագծեր/	489,315,749.41
	Ընդամենը	19,159,983,465.86

Մնացորդներ
Ընթացիկ ամսաթիվ 01.06.2006

Ց Ա Ն Կ

ԵՋԿ ՀԱՄԱԿԱՐԳԻ ԱՆԱՎԱՐՏ ՇԻՆԱՐԱՐՈՒԹՅԱՆ ՎԵՐԱԲԵՐՅԱԼ 31.05.2006 Թ. ԴՐՈՒԹՅԱՄԲ
Ապարատ

Ց Ա Ն Կ

ԵՋԿ ՀԱՄԱԿԱՐԳԻ ԱՆԱՎԱՐՏ ՇԻՆԱՐԱՐՈՒԹՅԱՆ ՎԵՐԱԲԵՐՅԱԼ 31.05.2006 Թ. ԴՐՈՒԹՅԱՄԲ

Ց Ա Ն Կ

ԵՋԿ ԱՊԱՐԱՏԻ ՈՉ ՆՅՈՒԹԱԿԱՆ ԱԿՏԻՎՆԵՐԻ ՎԵՐԱԲԵՐՅԱԼ 31.05.06 Թ. ԴՐՈՒԹՅԱՄԲ

Մնացորդներ
Ընթացիկ ամսաթիվ 01.06.2006

Հավելված N 2 ՀՀ կառավարության 2006 թվականի փետրվարի 16-ի N 309-Ն որոշման

NN	Անվանումը	Գումարը (ՀՀ դրամ)
1	Պահեստներ ընդամենը այդ թվում`	1893552631.73
	Նյութեր	1,270,708,121.06
	Արագամաշ գույք	216,698,779,98
	Չտեղակայված հմ	406,145,730.69
2	Նյութեր շահագործման մեջ	90,431,108.59
3	Արագամաշ առարկաներ շահ-ն մեջ	40,922,577,37
4	Հիմնական միջոցներ շահ-ն մեջ այդ թվում`	558,062,905,87
	Տրանսպորտ	319,655,724.06
	Մեքենա մեխանիզմներ	91,770,315.02
	Սարքավորումներ	49,355,952.45
	Համակարգչային տեխնիկա	30,919,956.93
	Արտադրատնտեսական գույք	66,360,957.41
	Ընդամենը	2,582,969,223.56

ՆՅՈՒԹԵՐ ՊԱՀԵՍՏՆԵՐՈՒՄ

ՀԱՄԱԿԱՐԳԻ ԳՈՒՅՔ ՊԱՀԵՍՏՆԵՐՈՒՄ
Ապարատ

ՉՏԵՂԱԿԱՅՎԱԾ ՀԻՄՆԱԿԱՆ ՄԻՋՈՑՆԵՐ ՊԱՀԵՍՏՆԵՐՈՒՄ
Ապարատ

ՀԱՄԱԿԱՐԳԻ ՆՅՈՒԹԵՐ ՇԱՀԱԳՈՐԾՄԱՆ ՄԵՋ
Ապարատ

Ց Ա Ն Կ

ԱՐԱԳԱՄԱՇ ԱՌԱՐԿԱՆԵՐԻ ՎԵՐԱԲԵՐՅԱԼ 31.05.2006 ԴՐՈՒԹՅԱՄԲ ՇԱՀԱԳՈՐԾՄԱՆ ՄԵՋ
Ապարատ

Մնացորդներ
Ընթացիկ ամսաթիվ 01.06.2006

Ապարատ Տեսակ (Կոդ. Անվանում)

H1115100

Մարդատար ավտոմեքենաներ

Մնացորդներ
Ընթացիկ ամսաթիվ 01.06.2006

Մնացորդներ
Ընթացիկ ամսաթիվ 01.06.2006

Մնացորդներ
Ընթացիկ ամսաթիվ 01.06.2006

Մնացորդներ
Ընթացիկ ամսաթիվ 01.06.2006

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հ/Հ	Հիմնական միջոցի անվանում	Սկզբ.արժեք	Մաշվածություն	Վերջ. մնաց. արժեք
	Հանրակացարանի շենք.	33696000.00	11530494.25	22165505.75

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան