«Գրանցված է»

ՀՀ արդարադատության

նախարարության կողմից

26 հուլիսի 2005 թ.

Պետական գրանցման թիվ 60605297

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ

19 հուլիսի 2005 թ. ք. Երևան

N 29-Ն

Ո Ր Ո Շ ՈՒ Մ

ընտրելու իրավունք ունեցող եվ հաշվառում չունեցող ՔԱՂԱՔԱՑԻՆԵՐԻՆ ԸՆՏՐՈՂՆԵՐԻ ՑՈՒՑԱԿՆԵՐՈՒՄ ԸՆԴԳՐԿԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ

(Վերնագիրը փոփ. 06.02.07 N 32-Ն)

Ղեկավարվելով Հայաստանի Հանրապետության ընտրական օրենսգրքի 10-րդ հոդվածի 3-րդ կետով և 41-րդ հոդվածի 1-ին կետի 6-րդ ենթակետով, Հայաստանի Հանրապետության կենտրոնական ընտրական հանձնաժողովը որոշում է.

1. Սահմանել ընտրելու իրավունք ունեցող և հաշվառում չունեցող քաղաքացիներին ընտրողների ցուցակներում ընդգրկելու կարգը (Հավելված 1):

(1-ին կետը փոփ. 06.02.07 N 32-Ն)

2. Հաստատել ընտրողների ցուցակում ընդգրկվելու հայտի ձևը (Հավելված 2):

(2-րդ կետը խմբ. 06.02.07 N 32-Ն)

3. Ուժը կորցրած ճանաչել Հայաստանի Հանրապետության կենտրոնական ընտրական հանձնաժողովի 2002 թ. օգոստոսի 28-ի «Ժամանակավորապես կամ մշտապես բնակվող և հաշվառում չունեցող քաղաքացիներն ընտրողների ցուցակներում ընդգրկելու կարգը սահմանելու մասին» N 10/1-Ն, «Ընտրողների ցուցակներում ընդգրկվելու համար քաղաքացիների կողմից համայնքի ղեկավարին ներկայացվող հայտի ձևը հաստատելու մասին» N 10/6-Ն որոշումները:

ՀՀ կենտրոնական ընտրական հանձնաժողովի նախագահ`

Գ. Ազարյան

Հավելված 1 ՀՀ կենտրոնական ընտրական հանձնաժողովի 2005 թ. հուլիսի 19-ի թիվ 29-Ն որոշման

Կ Ա Ր Գ

ընտրելու իրավունք ունեցող եվ հաշվառում չունեցող քաղաքացիներին ընտրողների ցուցակներում ընդգրկելու

(Վերնագիրը փոփ. 06.02.07 N 32-Ն)

1. Հայաստանի Հանրապետության ընտրողների ցուցակը կազմվում է ըստ ընտրողների հաշվառման վայրի հասցեների:

(1-ին կետը փոփ. 06.02.07 N 32-Ն)

2. Համայնքի ընտրողների ցուցակներում ընդգրկվում են նաև այն քաղաքացիները, որոնց անձնագրերում առկա է նշում այդ համայնքում փաստացի բնակության վայրի մասին:

3. Այն քաղաքացիները, ովքեր ունեն ըստ բնակության վայրի ժամանակավոր հաշվառում, ընտրողների ցուցակներում ընդգրկվում են ընդհանուր հիմունքներով:

4. Ընտրելու իրավունք ունեցող և հաշվառում չունեցող քաղաքացիներն ընտրողների ցուցակում ընդգրկվում են ընտրողների ցուցակում ընդգրկվելու վերաբերյալ հայտ ներկայացնելու դեպքում:

(4-րդ կետը փոփ. 06.02.07 N 32-Ն)

5. Քաղաքացիներն ընտրողների ցուցակում ընդգրկվելու վերաբերյալ հայտը ներկայացնում են իրենց համայնքի ղեկավարին` քվեարկության օրվանից մինչև 21 օր առաջ, կամ Հայաստանի Հանրապետության ոստիկանության անձնագրային և հրավերների վարչության (այսուհետ` լիազոր մարմին) կամ նրա համապատասխան ստորաբաժանման ղեկավարին` քվեարկության օրվանից ոչ ուշ, քան մինչև 15 օր առաջ:

Հայտին կից ներկայացվում է տեղեկանք բնակության վայրի մասին: Բազմաբնակարան բնակելի շենքում բնակվելու դեպքում բնակության վայրի մասին տեղեկանքը տրվում է համատիրությունից կամ բնակշահագործման գրասենյակից, սեփականության իրավունքով անհատ քաղաքացիներին պատկանող սեփական տներում բնակվելու դեպքում` թաղային լիազորից, իսկ այլ դեպքերում՝ բնակության վայրի մասին տեղեկանք տալու լիազորություն ունեցող մարմնի կամ անձի կողմից:

(5-րդ կետը խմբ. 06.02.07 N 32-Ն)

5¹. Համայնքի ղեկավարը հայտը uտանալուց հետո` 2 oրվա ընթացքում, հայտը և դրան կից փաստաթղթերը ներկայացնում է լիազոր մարմնի կամ նրա համապատասխան ստորաբաժանման ղեկավարին:

Լիազոր մարմնի կամ նրա համապատասխան ստորաբաժանման ղեկավարը հայտը uտանալուց հետո` մեկ oրվա ընթացքում, uահմանված բավարար հիմքերի առկայության դեպքում հաշվառում չունեցող քաղաքացուն ընդգրկում է նրա բնակության վայրի ընտրողների ցուցակում` այդ մաuին գրավոր տեղեկացնելով քաղաքացուն:

(5¹ կետը լրաց. 06.02.07 N 32-Ն)

6. (6-րդ կետն ուժը կորցրել է 06.02.07 N 32-Ն)

7. (7-րդ կետն ուժը կորցրել է 06.02.07 N 32-Ն)

8. (8-րդ կետն ուժը կորցրել է 06.02.07 N 32-Ն)

9. (9-րդ կետն ուժը կորցրել է 06.02.07 N 32-Ն)

Հավելված 2 ՀՀ կենտրոնական ընտրական հանձնաժողովի 2005 թ. հուլիսի 19-ի թիվ 29-Ն որոշման

__________________________________________ (նշվում է համայնքի կամ լիազոր մարմնի կամ նրա համապատասխան ստորաբաժանման անվանումը)    __________________________________________    Հ Ա Յ Տ   Ընտրողների ցուցակում ընդգրկվելու Ես՝ _____________________________________________________________                                       (ազգանուն, անուն, հայրանուն, ծննդյան ամսաթիվ, ամիս, տարեթիվ)       ________________________________________________________________ Անձնագիր  _______________________________________________________                                                         (սերիա, համար, ում կողմից է տրված)    ____ ______________________ ___ թվականից առանց հաշվառման բնակվում եմ  _______________________________________________________________                                                            (բնակության վայրի հասցեն)  _______________________________________________________________   Խնդրում եմ ինձ ընդգրկել _______________________________ համայնքի ընտրողների ցուցակում:   Կից ներկայացվում է տեղեկանք բնակության վայրից:   ՀԱՅՏԱՏՈՒ _______________________                      ___________________                               (ազգանուն)                                                                           (ստորագրություն)  ____ _______________ 200  թվական

(Հավելվածը փոփ. 06.02.07 N 32-Ն)
	Հավելված 3 ՀՀ կենտրոնական ընտրական հանձնաժողովի 2005 թ. հուլիսի 19-ի թիվ 29-Ն որոշման

(Հավելվածն ուժը կորցրել է 06.02.07 N 32-Ն)