«Վավերացնում եմ»
Հայաստանի Հանրապետության
Նախագահ Ռ. Քոչարյան
6 օգոստոսի 2001 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

6 օգոստոսի 2001 թվականի N 703
քաղ. Երևան

«N 1 ԿԼԻՆԻԿԱԿԱՆ ՀԻՎԱՆԴԱՆՈՑ», «N 1 ՄԱՆԿԱԿԱՆ ԿԼԻՆԻԿԱԿԱՆ ՀԻՎԱՆԴԱՆՈՑ», «ԸՆՏԱՆԻՔԻ ՊԼԱՆԱՎՈՐՄԱՆ ԵՎ ՍԵՌԱԿԱՆ ԱՌՈՂՋՈՒԹՅԱՆ ԿԵՆՏՐՈՆ» ԵՎ «ՀԱՏՈՒԿ ՊՈԼԻԿԼԻՆԻԿԱ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐ ՍՏԵՂԾԵԼՈՒ ՈՒ ԵՐԵՎԱՆԻ ՄԽԻԹԱՐ ՀԵՐԱՑՈՒ ԱՆՎԱՆ ՊԵՏԱԿԱՆ ԲԺՇԿԱԿԱՆ ՀԱՄԱԼՍԱՐԱՆԻ ՀԱՄԱԼՍԱՐԱՆԱԿԱՆ ԴՈՒՍՏՐ ՁԵՌՆԱՐԿՈՒԹՅՈՒՆՆԵՐԸ ԼՈՒԾԱՐԵԼՈՒ ՄԱՍԻՆ

«Բաժնետիրական ընկերությունների մասին» Հայաստանի Հանրապետության օրենքի 8-րդ և «Հայաստանի Հանրապետության քաղաքացիական օրենսգիրքը գործողության մեջ դնելու մասին» Հայաստանի Հանրապետության օրենքի 6-րդ հոդվածներին համապատասխան` Հայաստանի Հանրապետության կառավարությունը որոշում է.

1. Ստեղծել «N 1 կլինիկական հիվանդանոց», «N 1 մանկական կլինիկական հիվանդանոց», «Ընտանիքի պլանավորման և սեռական առողջության կենտրոն» և «Հատուկ պոլիկլինիկա» փակ բաժնետիրական ընկերությունները` յուրաքանչյուրը 100 հազ. դրամ կանոնադրական կապիտալով:

2. «N 1 կլինիկական հիվանդանոց», «N 1 մանկական կլինիկական հիվանդանոց» ու «Ընտանիքի պլանավորման և սեռական առողջության կենտրոն» փակ բաժնետիրական ընկերությունների գույքի կազմում ընդգրկել Երևանի քաղաքապետարանի տնօրինության 100 հազ. դրամ հաշվեկշռային արժեքով գույք, իսկ «Հատուկ պոլիկլինիկա» փակ բաժնետիրական ընկերության գույքի կազմում` Հայաստանի Հանրապետության առողջապահության նախարարության տնօրինության 100 հազ. դրամ հաշվեկշռային արժեքով գույք:

3. «Բաժնետիրական ընկերությունների մասին» Հայաստանի Հանրապետության օրենքի 8-րդ հոդվածի 5-րդ կետով սահմանված լիազորությունները «N 1 կլինիկական հիվանդանոց», «N 1 մանկական կլինիկական հիվանդանոց» և «Ընտանիքի պլանավորման և սեռական առողջության կենտրոն» փակ բաժնետիրական ընկերությունների մասով վերապահել Երևանի քաղաքապետին, իսկ «Հատուկ պոլիկլինիկա» փակ բաժնետիրական ընկերության մասով` Հայաստանի Հանրապետության առողջապահության նախարարությանը:

4. Հայաստանի Հանրապետության օրենսդրությամբ սահմանված կարգով լուծարել Երևանի Մխիթար Հերացու անվան պետական բժշկական համալսարանի «Համալսարանական N 1 կլինիկական հիվանդանոց», «Համալսարանական N 1 մանկական հիվանդանոց», «Ընտանիքի պլանավորման և սեռական առողջության համալսարանական կենտրոն» և «Հատուկ համալսարանական պոլիկլինիկա» դուստր ձեռնարկությունները, լուծարման գործընթացի ավարտից հետո լուծարվող ձեռնարկությունների գույքն անհատույց օտարել Հայաստանի Հանրապետությանը:

(4-րդ կետը լրաց. 23.04.02 N 450)

5. Հայաստանի Հանրապետության առողջապահության նախարարությանը`

ա) ապահովել Հայաստանի Հանրապետության օրենսդրությամբ սահմանված կարգով «Համալսարանական N 1 կլինիկական հիվանդանոց», «Համալսարանական N 1 մանկական հիվանդանոց», «Ընտանիքի պլանավորման և սեռական առողջության համալսարանական կենտրոն» և «Հատուկ համալսարանական պոլիկլինիկա» դուստր ձեռնարկությունների լուծարման գործընթացը.

բ) 10-օրյա ժամկետում Երևանի քաղաքապետի հետ համատեղ` Հայաստանի Հանրապետության օրենսդրությամբ սահմանված կարգով պարտատերերի պահանջները բավարարելուց հետո «Ընտանիքի պլանավորման և սեռական առողջության համալսարանական կենտրոն» և «Հատուկ համալսարանական պոլիկլինիկա» դուստր ձեռնարկությունների մնացած գույքը ներդնել համապատասխանաբար` «N 1 կլինիկական հիվանդանոց», «N 1 մանկական կլինիկական հիվանդանոց», «Ընտանիքի պլանավորման և սեռական առողջության կենտրոն» ու «Հատուկ պոլիկլինիկա» փակ բաժնետիրական ընկերությունների կանոնադրական կապիտալներում.

գ) մինչև 2002 թվականի հունիսի 1-ը «Համալսարանական N 1 կլինիկական հիվանդանոց» և «Համալսարանական N 1 մանկական հիվանդանոց» դուստր ձեռնարկությունների պարտավորությունները փոխանցել, պահանջները զիջել, իսկ գույքը, բացառությամբ շենքերի, շինությունների, ինչպես նաև նվազագույն աշխատավարձի 10000-ապատիկից ավելի արժողությամբ գույքի, հանձնել «Երևանի Մխիթար Հերացու անվան պետական բժշկական համալսարան» պետական ոչ առևտրային կազմակերպությանը` սեփականության իրավունքով, իսկ շենքերը, շինությունները, ինչպես նաև նվազագույն աշխատավարձի 10000-ապատիկից ավելի արժողությամբ գույքը` անհատույց օգտագործման իրավունքով:

(5-րդ կետը փոփ., լրաց. 23.04.02 N 450)

6. Սույն որոշումն ուժի մեջ է մտնում 2001 թվականի օգոստոսի 6-ից:

Հայաստանի Հանրապետության վարչապետ

Ա. Մարգարյան