«Վավերացնում եմ»
Հայաստանի Հանրապետության
Նախագահ Ռ. Քոչարյան
30 հոկտեմբերի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

3 հոկտեմբերի 2002 թվականի N 1656-Ն

«ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԹՄՐԱՄԻՋՈՑՆԵՐԻ, ՀՈԳԵՄԵՏ ՆՅՈՒԹԵՐԻ ԱՐՏԱԴՐՈՒԹՅՈՒՆ ԿԱՄ ԱՌԵՎՏՈՒՐ ՈՒ ԹՄՐԱՄԻՋՈՑՆԵՐԻ ԱՐՏԱՀԱՆՈՒՄ ԿԱՄ ՆԵՐՄՈՒԾՈՒՄ» ԳՈՐԾՈՒՆԵՈՒԹՅՈՒՆՆԵՐԻ ԻՐԱԿԱՆԱՑՄԱՆ ԼԻՑԵՆԶԱՎՈՐՄԱՆ ԿԱՐԳԵՐԸ ԵՎ ՆՇՎԱԾ ԳՈՐԾՈՒՆԵՈՒԹՅՈՒՆՆԵՐԻ ԻՐԱԿԱՆԱՑՄԱՆ ԼԻՑԵՆԶԻԱՅԻ ՁԵՎԵՐԸ ՀԱՍՏԱՏԵԼՈՒ ՄԱՍԻՆ

(Վերնագիրը փոփ. 09.12.04 N 1715-Ն)

«Լիցենզավորման մասին» Հայաստանի Հանրապետության օրենքի 10-րդ հոդվածի 3-րդ, 17-րդ հոդվածի 2-րդ և 43-րդ հոդվածի 2-րդ կետերին համապատասխան` Հայաստանի Հանրապետության կառավարությունը որոշում է.

1. Հաստատել`

ա) «Հայաստանի Հանրապետությունում թմրամիջոցների, հոգեմետ նյութերի արտադրություն կամ առևտուր» գործունեության իրականացման լիցենզավորման կարգը` համաձայն N 1 հավելվածի.

բ) «Հայաստանի Հանրապետությունում թմրամիջոցների, հոգեմետ նյութերի արտադրություն կամ առևտուր» գործունեության իրականացման լիցենզիայի ձևերը` համաձայն N 2 հավելվածի.

գ) «Հայաստանի Հանրապետությունում թմրամիջոցների արտահանում կամ ներմուծում» գործունեության իրականացման լիցենզավորման կարգը` համաձայն N 3 հավելվածի.

դ) «Հայաստանի Հանրապետությունում թմրամիջոցների արտահանում կամ ներմուծում» գործունեության իրականացման լիցենզիայի ձևերը` համաձայն N 4 հավելվածի:

(1-ին կետը փոփ. 09.12.04 N 1715-Ն)

1¹. Սույն որոշմամբ հաստատված կարգերով` լիազորված մարմնի իրավասությունները վերապահել Հայաստանի Հանրապետության առողջապահության նախարարությանը:

(1¹ կետը լրաց. 27.03.03 N 326-Ն)

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2002 թ. հոկտեմբերի 24 Երևան

Հավելված N 1 ՀՀ կառավարության 2002 թվականի հոկտեմբերի 3-ի N 1656-Ն որոշման

Կ Ա Ր Գ

«ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԹՄՐԱՄԻՋՈՑՆԵՐԻ, ՀՈԳԵՄԵՏ ՆՅՈՒԹԵՐԻ ԱՐՏԱԴՐՈՒԹՅՈՒՆ ԿԱՄ ԱՌԵՎՏՈՒՐ» ԳՈՐԾՈՒՆԵՈՒԹՅԱՆ ԻՐԱԿԱՆԱՑՄԱՆ ԼԻՑԵՆԶԱՎՈՐՄԱՆ

(Վերնագիրը փոփ. 09.12.04 N 1715-Ն)

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով կանոնակարգվում են Հայաստանի Հանրապետության կառավարության (այսուհետ` լիցենզավորող մարմին) կողմից «Հայաստանի Հանրապետությունում թմրամիջոցների, հոգեմետ նյութերի արտադրություն կամ առևտուր» գործունեության իրականացման լիցենզիա (այսուհետ` լիցենզիա) ստանալու համար Հայաստանի Հանրապետության կառավարության լիազորած պետական կառավարման մարմին (այսուհետ` լիազորված մարմին) դիմած ֆիզիկական և իրավաբանական անձանց, ինչպես նաև անհատ ձեռնարկատերերին (այսուհետ` հայտատու) ներկայացվող պայմանները և պահանջները:

(1-ին կետը խմբ. 27.03.03 N 326-Ն, փոփ. 09.12.04 N 1715-Ն)

2. Թմրամիջոցների, հոգեմետ նյութերի արտադրության կամ առևտրի իրականացման լիցենզիան տալիս է լիցենզավորող մարմինը` բարդ ընթացակարգով, մրցութային եղանակով և անժամկետ:

(2-րդ կետը փոփ. 27.03.03 N 326-Ն, 09.12.04 N 1715-Ն)

3. Բարդ լիցենզիան տրվում է օրենքով և սույն կարգով նախատեսված բոլոր փաստաթղթերը ներկայացվելուց հետո 30 օրվա ընթացքում:

4. Հայաստանի Հանրապետությունում թմրամիջոցների, հոգեմետ նյութերի արտադրությամբ կամ առևտրով կարող են զբաղվել ֆիզիկական և իրավաբանական անձինք, ինչպես նաև անհատ ձեռնարկատերերը:

(4-րդ կետը փոփ. 09.12.04 N 1715-Ն)

5. Լիցենզիա ստացած ֆիզիկական անձն իրավունք ունի այդ բնագավառում զբաղվելու ձեռնարկատիրական գործունեությամբ` միայն որպես անհատ ձեռնարկատեր:

6. Սույն կարգի համաձայն տրված լիցենզիաները գործում են միայն լիցենզիայում նշված վայրում:

7. Հայտատուն թմրամիջոցների, հոգեմետ նյութերի արտադրության կամ առևտրի գործունեության լիցենզավորման համար օրենքի համաձայն լիազորված մարմին է ներկայացնում`

ա) լիցենզիա ստանալու մասին հայտ (NN 1 և 2 ձևերը կցվում են)` նշելով իրավաբանական անձը` իրավաբանական անձի անվանումը, կազմակերպական-իրավական ձևը, գտնվելու ու գործունեության իրականացման վայրերը, լիցենզավորման ենթակա գործունեության տեսակը, որը հայտատուն մտադիր է իրականացնել, իսկ ֆիզիկական անձը կամ անհատ ձեռնարկատերը` ազգանունը, անունը, բնակության և գործունեության իրականացման վայրերը, լիցենզավորման ենթակա գործունեության տեսակը, որը հայտատուն մտադիր է իրականացնել,

Իրավաբանական անձանց համար հարկ վճարողի հաշվառման համարի, անհատ ձեռնարկատիրոջ կամ ֆիզիկական անձի համար` հարկ վճարողի հաշվառման համարի կամ սոցիալական քարտի համարի մասին տեղեկատվություն,

բ) իրավաբանական անձը` կանոնադրության և պետական գրանցման վկայականի պատճենները` բոլոր ներդիրներով, իսկ անհատ ձեռնարկատերը` պետական գրանցման վկայականի պատճենը` բոլոր ներդիրներով,

գ) լիցենզիա ստանալու համար պետական տուրքի վճարման անդորրագիրը,

դ) անշարժ գույքի նկատմամբ իրավունքի պետական գրանցման կամ անշարժ գույքի օգտագործման իրավունքի պետական գրանցման վկայականի պատճենը,

ե) Հայաստանի Հանրապետության կառավարությանն առընթեր Հայաստանի Հանրապետության ոստիկանության համապատասխան բաժնի կողմից տրված անվտանգության պայմանների պահպանման մասին եզրակացությունը:

(7-րդ կետը փոփ. 27.03.03 N 326-Ն, 09.12.04 N 1715-Ն, լրաց. 11.01.07 N 7-Ն)

8. Հայտատուն թմրամիջոցների, հոգեմետ նյութերի արտադրության համար նշված փաստաթղթերից բացի ներկայացնում է նաև`

ա) լիցենզավորման ենթակա թմրամիջոցների, հոգեմետ նյութերի արտադրության տեսակն ըստ արտադրվող դեղաձևի, որը պատրաստ է արտադրել, ինչպես նաև այն դեղերի ցանկը, որոնք արտադրվում են կամ նախատեսվում է արտադրել,

բ) տեղեկանք Հայաստանի Հանրապետության կառավարությանն առընթեր ստանդարտացման, չափագիտության և սերտիֆիկացման վարչության կողմից` սարքավորումների պիտանիության մասին` համաձայն «Հայաստանի Հանրապետության չափումների միասնականության ապահովման մասին» Հայաստանի Հանրապետության օրենքի,

գ) լիցենզավորված մարմնի փորձաքննության եզրակացություն դեղերի որակն ապահովող հիմնական տեխնոլոգիական պրոցեսների նկարագրության, արտադրության տեխնիկական հագեցվածության, արտադրության կառուցվածքի գործառական ստորաբաժանումների, արտադրության և որակի հսկման կազմակերպման մասին,

դ) տեղեկանք պահեստի պահպանության ապահովման մասին,

ե) նախկինում ունեցած դեղերի արտադրության լիցենզիայի պատճենները:

(8-րդ կետը փոփ. 09.12.04 N 1715-Ն)

9. Լիազորված մարմինը 20-օրյա ժամկետում` սահմանված կարգով լիցենզավորող մարմնի քննարկմանն է ներկայացնում սույն կարգի 7-րդ և 8-րդ կետերում նշված փաստաթղթերն ու լիցենզավորող մարմնի համապատասխան որոշման նախագիծը: Լիցենզավորող մարմինը նշված փաստաթղթերը լիազորված մարմնում մուտքագրվելուց հետո 30 օրվա ընթացքում ընդունում է համապատասխան որոշում:

Լիազորված մարմինը լիցենզավորող մարմնի` լիցենզիա տալու մասին որոշումը սահմանված կարգով ուժի մեջ մտնելուց հետո 5-օրյա ժամկետում` լիցենզավորված անձին է հանձնում լիցենզիան` լիազորված մարմնի ղեկավարի ստորագրությամբ և այդ մարմնի` Հայաստանի Հանրապետության զինանշանի պատկերով կնիքով:

(9-րդ կետը խմբ. 27.03.03 N 326-Ն)

10. Լիազորված մարմինն իրականացնում է «Լիցենզավորման մասին» Հայաստանի Հանրապետության օրենքով նախատեսված` լիցենզավորող մարմնի բոլոր լիազորությունները` բացառությամբ լիցենզիա տալու կամ լիցենզիա ստանալու մասին հայտը մերժելու, լիցենզիայի գործողության ժամկետը երկարաձգելու կամ լիցենզիայի գործողության ժամկետի երկարաձգման մասին հայտը մերժելու, լիցենզիան վերաձևակերպելու, լիցենզիան վերաձևակերպելու մասին հայտը մերժելու, գործունեության իրականացման վայրի փոփոխման կամ այլ վայրում ևս լիցենզավորման ենթակա նույն գործունեությամբ զբաղվելու մասին հայտը մերժելու կամ բավարարելու, լիցենզիայի գործողությունը կասեցնելու, լիցենզիայի գործողությունը դադարեցնելու վերաբերյալ հարցերը քննելու և որոշումներ ընդունելու լիազորությունների:

(10-րդ կետը խմբ. 27.03.03 N 326-Ն)

11. Լիցենզիայի վերաձևակերպումը, գործողության կասեցումը և դադարեցումը կատարվում է օրենքով սահմանված կարգով:

II. ԼԻՑԵՆԶԱՎՈՐՄԱՆ ՊԱՐՏԱԴԻՐ ՊԱՀԱՆՋՆԵՐԸ ԵՎ ՊԱՅՄԱՆՆԵՐԸ

12. «Լիցենզավորման մասին» Հայաստանի Հանրապետության օրենքի 10-րդ հոդվածի 8-րդ կետին համապատասխան` հանրության առողջության, անվտանգության և պաշտպանության նպատակով թմրամիջոցների, հոգեմետ նյութերի արտադրության կամ առևտրի համար սահմանվում են պարտադիր պահանջներ ու պայմաններ:

(12-րդ կետը փոփ. 09.12.04 N 1715-Ն)

13. Հայտատուն թմրամիջոցների, հոգեմետ նյութերի առևտրի դեպքում պետք է ունենա`

ա) հոգեմետ դեղերի առևտրի դեպքում`

առանձին պահեստ` հոգեմետ դեղերը պահպանելու համար: Պահեստի պատուհանները պետք է պատված լինեն վանդակաճաղերով, դուռը պետք է լինի երկաթյա կամ թիթեղապատված: Հոգեմետ դեղերը պահելու համար պահեստը պետք է ունենա երկաթյա պահարաններ և խոնավաչափ.

բ) թմրամիջոցների նյութերի առևտրի դեպքում`

առանձին պահեստ` թմրամիջոցների նյութերի պահպանման համար: Պահեստի դուռը պետք է լինի երկաթյա, պատուհանները` վանդակապատված, որոնք պետք է ապահովված լինեն Հայաստանի Հանրապետության կառավարությանն առընթեր Հայաստանի Հանրապետության ոստիկանության բաժիններին հաղորդակից ահազանգման և ազդանշանային համակարգով: Պահեստում թմրամիջոցներն ու ռադիոակտիվ նյութերը պետք է պահվեն հատակին ամրացված չհրկիզվող պահարաններում, խոնավաչափի առկայությամբ:

(13-րդ կետը փոփ. 27.03.03 N 326-Ն, 09.12.04 N 1715-Ն)

14. Հայտատուն թմրամիջոցների, հոգեմետ նյութերի արտադրության համար պետք է ունենա դեղանյութերի և պատրաստի թմրամիջոցների համար առանձին պահեստ: Պահեստի դուռը պետք է լինի երկաթյա, պատուհանները` վանդակապատված, որոնք պետք է ապահովված լինեն Հայաստանի Հանրապետության կառավարությանն առընթեր Հայաստանի Հանրապետության ոստիկանության բաժիններին հաղորդակից ահազանգման և ազդանշանային համակարգով: Պահեստում պետք է տեղադրված լինեն չհրկիզվող պահարաններ և խոնավաչափ:

(14-րդ կետը փոփ. 27.03.03 N 326-Ն, 09.12.04 N 1715-Ն)

15. Թմրամիջոցների և հոգեմետ միջոցների պահպանումն իրավաբանական անձանց կողմից իրականացվում է լիցենզիայում նշված վայրում (պահեստում):

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Ձև 1

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Հ Ա Յ Տ

ԼԻՑԵՆԶԻԱ ՍՏԱՆԱԼՈՒ ՄԱՍԻՆ

1. Իրավաբանական անձի (կազմակերպության) անվանումը __________________________ ________________________________________________________________

2. Կազմակերպական-իրավական ձևը _________________________________________ ________________________________________________________________

3. Իրավաբանական անձի գտնվելու վայրը (հասցեն) _______________________________ ________________________________________________________________

4. Գործունեության իրականացման վայրը (հասցեն), հեռախոսահամարը ___________________ ________________________________________________________________

5. Գործունեության տեսակը ______________________________________________

6. Հարկ վճարողի հաշվառման համարը _________________________

Կից ներկայացվող փաստաթղթերը`

1. Կանոնադրության պատճենը

2. Իրավաբանական անձի պետական գրանցման վկայականի պատճենը

3. Սեփականության կամ անշարժ գույքի վարձակալության իրավունքի պետական գրանցման վկայականի պատճենը (ընդգծել)

4. Պետական տուրքի վճարման անդորրագիրը

5.

6.

7.

8.

9.

10.

Ներկայացված տեղեկությունների իսկությունը

հաստատում եմ

______________________________________________________ (կազմակերպության տնօրենի ստորագրությունը, ազգանունը, անունը, հայրանունը)

____ _________ 200 թ.

Կ. Տ.

(Ձևը լրաց. 11.01.07 N 7-Ն)

Ձև 2

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Հ Ա Յ Տ

ԼԻՑԵՆԶԻԱ ՍՏԱՆԱԼՈՒ ՄԱՍԻՆ

1. Անհատ ձեռնարկատիրոջ կամ ֆիզիկական անձի ազգանունը, անունը, հայրանունը ________________________________________________________________

2. Բնակության վայրը, հեռախոսահամարը _____________________________________ ________________________________________________________________

3. Անձնագիր

___________________________________________________ (սերիան և համարը)

4. Գործունեության իրականացման վայրը (հասցեն), հեռախոսահամարը ___________________ ________________________________________________________________

5. Գործունեության տեսակը ______________________________________________

6. Հարկ վճարողի հաշվառման համարը կամ սոցիալական քարտի համարը (ընդգծել) _______________________________

Կից ներկայացվող փաստաթղթերը`

1. Անհատ ձեռնարկատիրոջ պետական գրանցման վկայականի պատճենը

2. Սեփականության կամ անշարժ գույքի վարձակալության իրավունքի պետական գրանցման վկայականի պատճենը (ընդգծել) պետական գրանցման վկայականի պատճենը (ընդգծել)

3. Պետական տուրքի վճարման անդորրագիրը

5.

6.

7.

8.

9.

10.

Ներկայացված տեղեկությունների իսկությունը

հաստատում եմ

______________________________________________________ (անհատ ձեռնարկատիրոջ կամ ֆիզիկական անձի ստորագրությունը, ազգանունը, անունը, հայրանունը)

____ _________ 200 թ.

Կ. Տ.

(Ձևը լրաց. 11.01.07 N 7-Ն)

Հավելված N 2 ՀՀ կառավարության 2002 թվականի հոկտեմբերի 3-ի N 1656-Ն որոշման

Ձև 1

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Լ Ի Ց Ե Ն Զ Ի Ա  Կ - XX - 000000

Տրված ____ _________ 200 թ.

Գործունեության տեսակը _______________________________________________

________________________________________________________________

________________________________________________________________

________________________________________________________________

Իրավաբանական անձի անվանումը և գտնվելու վայրը ______________________________ ________________________________________________________________

Գործունեության իրականացման վայրը

________________________________________ (հասցեն)

________________________________________________________________

Գործողության ժամկետը` անժամկետ

_______________________ (ստորագրությունը)

Կ. Տ.

Ձև 2

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Լ Ի Ց Ե Ն Զ Ի Ա  Ա - XX - 000000

Տրված ____ _________ 200  թ.

Գործունեության տեսակը _______________________________________________

________________________________________________________________

________________________________________________________________

________________________________________________________________

________________________________________________________________

Անհատ ձեռնարկատիրոջ կամ ֆիզիկական անձի ազգանունը, անունը, հայրանունը և բնակության վայրը ________________________________________________________________

________________________________________________________________

________________________________________________________________

Գործունեության իրականացման վայրը

________________________________________ (հասցեն)

________________________________________________________________

Նշումներ _________________________________________________________

Գործողության ժամկետը` անժամկետ

_____________________ (ստորագրությունը)

Կ. Տ.

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 3 ՀՀ կառավարության 2002 թվականի հոկտեմբերի 3-ի N 1656-Ն որոշման

Կ Ա Ր Գ

«ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԹՄՐԱՄԻՋՈՑՆԵՐԻ ԱՐՏԱՀԱՆՈՒՄ ԿԱՄ ՆԵՐՄՈՒԾՈՒՄ» ԳՈՐԾՈՒՆԵՈՒԹՅԱՆ ԻՐԱԿԱՆԱՑՄԱՆ ԼԻՑԵՆԶԱՎՈՐՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով կանոնակարգվում են Հայաստանի Հանրապետության կառավարության (այսուհետ` լիցենզավորող մարմին) կողմից «Հայաստանի Հանրապետությունում թմրամիջոցների արտահանում կամ ներմուծում» գործունեության իրականացման համար լիցենզիա (այսուհետ` լիցենզիա) ստանալու համար Հայաստանի Հանրապետության կառավարության լիազորած պետական կառավարման մարմին (այսուհետ` լիազորված մարմին) դիմած իրավաբանական անձանց և անհատ ձեռնարկատերերին (այսուհետ` հայտատու) ներկայացվող պայմաններն ու պահանջները:

(1-ին կետը խմբ. 27.03.03 N 326-Ն)

2. Թմրամիջոցների արտահանման կամ ներմուծման լիցենզիան տալիս է լիցենզավորող մարմինը` բարդ ընթացակարգով և անժամկետ:

(2-րդ կետը փոփ. 27.03.03 N 326-Ն)

3. (3-րդ կետն ուժը կորցրել է 27.03.03 N 326-Ն)

4. (4-րդ կետն ուժը կորցրել է 27.03.03 N 326-Ն)

5. Հաստատուն, համաձայն օրենքի, «Հայաստանի Հանրապետությունում թմրամիջոցների արտահանում կամ ներմուծում» գործունեության լիցենզավորման համար լիազորված մարմին է ներկայացնում`

ա) լիցենզիա ստանալու մասին հայտ (NN 1 և 2 ձևերը կցվում են)` նշելով`

իրավաբանական անձը` իրավաբանական անձի անվանումը, կազմակերպական-իրավական ձևը, գտնվելու և գործունեության իրականացման վայրերը, լիցենզավորման ենթակա գործունեության տեսակը, թմրամիջոցների պահպանման պահեստի գտնվելու վայրը,

ֆիզիկական անձը կամ անհատ ձեռնարկատերը` անունը, ազգանունը, բնակության և գործունեության իրականացման վայրերը, լիցենզավորման ենթակա գործունեության տեսակը, թմրամիջոցների պահպանման պահեստի գտնվելու վայրը (հասցեն).

Իրավաբանական անձանց համար հարկ վճարողի հաշվառման համարի, անհատ ձեռնարկատիրոջ կամ ֆիզիկական անձի համար` հարկ վճարողի հաշվառման համարի կամ սոցիալական քարտի համարի մասին տեղեկատվություն,

բ) իրավաբանական անձը` կանոնադրության և պետական գրանցման վկայականի պատճենները` բոլոր ներդիրներով, իսկ անհատ ձեռնարկատերը` պետական գրանցման վկայականի պատճենը` բոլոր ներդիրներով,

գ) լիցենզիա ստանալու համար պետական տուրքի վճարման անդորրագիրը,

դ) թմրամիջոցների պահպանման համար նախատեսված պահեստի գույքի նկատմամբ իրավունքների պետական գրանցման մասին վկայականի կամ օգտագործման իրավունքի պետական գրանցման վկայականի պատճենը,

ե) տեղեկանք տարածքների (պահեստների) տեխնիկական հագեցվածության մասին,

զ) Հայաստանի Հանրապետության կառավարությանն առընթեր Հայաստանի Հանրապետության ոստիկանության համապատասխան բաժնի կողմից տրված անվտանգության պայմանների պահպանման մասին եզրակացությունը:

(5-րդ կետը փոփ. 27.03.03 N 326-Ն, լրաց. 11.01.07 N 7-Ն)

6. Լիցենզիա ստանալու մասին հայտը մերժվում է, եթե`

ա) ներկայացված փաստաթղթերը թերի են, կամ դրանցում առկա են ակնհայտ կեղծ կամ խեղաթյուրված տեղեկություններ,

բ) ներկայացված փաստաթղթերը չեն համապատասխանում օրենքին կամ Հայաստանի Հանրապետության օրենսդրության պահանջներին,

գ) իրավաբանական անձն օրենքի կամ իր կանոնադրության համաձայն իրավունք չունի զբաղվելու հայցվող` լիցենզավորման ենթակա գործունեությամբ,

դ) օրենքով նախատեսված այլ դեպքերում:

6¹. Լիազորված մարմինը 20-օրյա ժամկետում` սահմանված կարգով լիցենզավորող մարմնի քննարկմանն է ներկայացնում սույն կարգի 5-րդ կետում նշված փաստաթղթերը և լիցենզավորող մարմնի համապատասխան որոշման նախագիծը: Լիցենզավորող մարմինը նշված փաստաթղթերը լիազորված մարմնում մուտքագրվելուց հետո 30 օրվա ընթացքում ընդունում է համապատասխան որոշում:

Լիազորված մարմինը լիցենզավորող մարմնի` լիցենզիա տալու մասին որոշումը սահմանված կարգով ուժի մեջ մտնելուց հետո 5-օրյա ժամկետում` լիցենզավորված անձին է հանձնում լիցենզիան` լիազորված մարմնի ղեկավարի ստորագրությամբ և այդ մարմնի` Հայաստանի Հանրապետության զինանշանի պատկերով կնիքով:

Լիազորված մարմինն իրականացնում է «Լիցենզավորման մասին» Հայաստանի Հանրապետության օրենքով նախատեսված` լիցենզավորող մարմնի բոլոր լիազորությունները` բացառությամբ լիցենզիա տալու կամ լիցենզիա ստանալու մասին հայտը մերժելու, լիցենզիայի գործողության ժամկետը երկարաձգելու կամ լիցենզիայի գործողության ժամկետի երկարաձգման մասին հայտը մերժելու, լիցենզիան վերաձևակերպելու, լիցենզիան վերաձևակերպելու մասին հայտը մերժելու, լիցենզիայի գործողությունը կասեցնելու, լիցենզիայի գործողությունը դադարեցնելու վերաբերյալ հարցերը քննելու և որոշումներ ընդունելու լիազորությունների:

(6¹ կետը լրաց. 27.03.03 N 326-Ն)

7. Թմրամիջոցների արտահանման կամ ներմուծման գործունեության լիցենզիայի պայմանների և պահանջների վերահսկումը կատարվում է «Հայաստանի Հանրապետությունում ստուգումների կազմակերպման և անցկացման մասին» Հայաստանի Հանրապետության օրենքի համաձայն:

8. Լիցենզիայի վերաձևակերպումը, գործողության կասեցումն ու դադարեցումը կատարվում է օրենքով սահմանված կարգով:

II. ԼԻՑԵՆԶԻԱՅԻ ՊԱՐՏԱԴԻՐ ՊԱՀԱՆՋՆԵՐԸ ԵՎ ՊԱՅՄԱՆՆԵՐԸ

9. «Լիցենզավորման մասին» Հայաստանի Հանրապետության օրենքի 10-րդ հոդվածի 8-րդ կետին համապատասխան` հանրության առողջության, անվտանգության ու պաշտպանության նպատակով թմրամիջոցների արտահանման կամ ներմուծման համար սահմանվում են պարտադիր պահանջներ և պայմաններ:

10. Թմրամիջոցների արտահանման կամ ներմուծման գործունեության լիցենզավորման համար անհրաժեշտ պայմաններն են`

ա) Հայաստանի Հանրապետություն կարող են ներմուծվել միայն Հայաստանի Հանրապետությունում պետական գրանցում ունեցող և ըստ քվոտաների հաշվարկված թմրադեղեր,

բ) թմրամիջոցների արտահանման կամ ներմուծման լիցենզիա ստացած իրավաբանական անձինք կամ անհատ ձեռնարկատերերը պետք է ունենան թմրամիջոցների պահպանման համար պահեստ (բունկեր): Պահեստի դուռը պետք է լինի երկաթյա, պատուհանները` վանդակապատված, պահեստում պետք է տեղադրված լինեն հատակին ամրացված չհրկիզվող պահարաններ, որոնք պետք է ապահովված լինեն Հայաստանի Հանրապետության կառավարությանն առընթեր Հայաստանի Հանրապետության ոստիկանության բաժինների հետ հաղորդակից ահազանգման և ազդանշանային համակարգով ու խոնավաչափով:

(10-րդ կետը փոփ. 27.03.03 N 326-Ն)

11. Թմրամիջոցների պահպանումն իրավաբանական անձանց կողմից իրականացվում է լիցենզիայում նշված վայրում (պահեստում):

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Ձև 1

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Հ Ա Յ Տ

ԼԻՑԵՆԶԻԱ ՍՏԱՆԱԼՈՒ ՄԱՍԻՆ

1. Իրավաբանական անձի (կազմակերպության) անվանումը ___________________________ ________________________________________________________________

2. Կազմակերպական-իրավական ձևը _________________________________________ ________________________________________________________________

3. Իրավաբանական անձի գտնվելու վայրը (հասցեն) _______________________________ ________________________________________________________________

4. Թմրամիջոցների պահպանման պահեստի գտնվելու վայրը (հասցեն), հեռախոսահամարը ________ ________________________________________________________________

5. Գործունեության տեսակը ______________________________________________

6. Հարկ վճարողի հաշվառման համարը _________________________

Կից ներկայացվող փաստաթղթերը`

1. Կանոնադրության պատճենը

2. Իրավաբանական անձի պետական գրանցման վկայականի պատճենը

3. Պահեստի տարածքի սեփականության կամ անշարժ գույքի վարձակալության իրավունքի պետական գրանցման վկայականի պատճենը (ընդգծել)

4. Պետական տուրքի վճարման անդորրագիրը

5.

6.

7.

8.

9.

10.

Ներկայացված տեղեկությունների իսկությունը

հաստատում եմ

______________________________________________________ (կազմակերպության տնօրենի ստորագրությունը, ազգանունը, անունը, հայրանունը)

____ _________ 200 թ.

Կ. Տ.

Ձև 2

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Հ Ա Յ Տ

ԼԻՑԵՆԶԻԱ ՍՏԱՆԱԼՈՒ ՄԱՍԻՆ

1. Անհատ ձեռնարկատիրոջ կամ ֆիզիկական անձի ազգանունը, անունը, հայրանունը _______________________________________________________________

2. Բնակության վայրը, հեռախոսահամարը _____________________________________

_______________________________________________________________

3. Անձնագիր

___________________________________________________ (սերիան և համարը)

4. Թմրամիջոցների պահպանման պահեստի վայրը (հասցեն), հեռախոսահամարը ______________ ________________________________________________________________

5. Գործունեության տեսակը ______________________________________________

6. Հարկ վճարողի հաշվառման համարը կամ սոցիալական քարտի համարը (ընդգծել) _______________________________

Կից ներկայացվող փաստաթղթերը`

1. Անհատ ձեռնարկատիրոջ պետական գրանցման վկայականի պատճենը

2. Պահեստի տարածքի սեփականության կամ անշարժ գույքի վարձակալության իրավունքի պետական գրանցման վկայականի պատճենը (ընդգծել)

3. Պետական տուրքի վճարման անդորրագիրը

4.

5.

6.

7.

8.

9.

10.

Ներկայացված տեղեկությունների իսկությունը

հաստատում եմ

______________________________________________________ (անհատ ձեռնարկատիրոջ կամ ֆիզիկական անձի ստորագրությունը, ազգանունը, անունը, հայրանունը)

____ _________ 200 թ.

Կ. Տ.

(Ձևը լրաց. 11.01.07 N 7-Ն)

Հավելված N 4 ՀՀ կառավարության 2002 թվականի հոկտեմբերի 3-ի N 1656-Ն որոշման

Ձև 1

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Լ Ի Ց Ե Ն Զ Ի Ա  Կ - XX - 000000

Տրված ____ _________ 200 թ.

Գործունեության տեսակը ______________________________________________

_______________________________________________________________ _______________________________________________________________

_______________________________________________________________ _______________________________________________________________

Իրավաբանական անձի անվանումը և գտնվելու վայրը ______________________________ ________________________________________________________________

Թմրամիջոցների պահպանման պահեստի գտնվելու վայրը

__________________________    (հասցեն)

________________________________________________________________

Գործողության ժամկետը` անժամկետ

_______________________ (ստորագրությունը)

Կ. Տ.

Ձև 2

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Լ Ի Ց Ե Ն Զ Ի Ա  Ա - XX - 000000

Տրված ____ _________ 200 թ.

Գործունեության տեսակը ________________________________________________ ________________________________________________________________ ________________________________________________________________ ________________________________________________________________

________________________________________________________________

Անհատ ձեռնարկատիրոջ կամ ֆիզիկական անձի ազգանունը, անունը, հայրանունը և բնակության վայրը  _______________________________________________________________

_______________________________________________________________

Թմրամիջոցների պահպանման պահեստի գտնվելու վայրը

__________________________    (հասցեն)

_______________________________________________________________

Նշումներ _________________________________________________________

Գործողության ժամկետը` անժամկետ

_______________________ (ստորագրությունը)

Կ. Տ.

Հայաստանի Հանրապետության
կառավարության աշխատակազմի
ղեկավար-նախարար
Մ. Թոփուզյան