«Վավերացնում եմ»
Հայաստանի Հանրապետության
Նախագահ Ռ. Քոչարյան
4 մայիսի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

4 մայիսի 2006 թվականի N 543-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱՔԻՆ ԳՈՐԾԵՐԻ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին համապատասխան` Հայաստանի Հանրապետության կառավարությունը որոշում է.

2006 թվականի սեպտեմբերին Երևանում կայանալիք` Հայաստան-Սփյուռք երրորդ խորհրդաժողովի նախապատրաստման և անցկացման նպատակով Հայաստանի Հանրապետության արտաքին գործերի նախարարությանը հատկացնել 72862.5 հազ. դրամ` Հայաստանի Հանրապետության 2006 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին` բյուջետային ծախսերի տնտեսագիտական դասակարգման հետևյալ հոդվածներով`

Գրասենյական ապրանքներ և նյութեր` 1900.0 հազ. դրամ,

Գործուղումներ և ծառայողական ուղևորություններ` 22000.0 հազ. դրամ,

Տրանսպորտային ծառայությունների վճարներ` 3000.0 հազ. դրամ,

Այլ ծախսեր` 9500.0 հազ. դրամ, այդ թվում` շենքերի, շինությունների և բնակարանների վարձակալության ծախսեր` 2000.0 հազ. դրամ, ներկայացուցչական ծախսեր` 7500.0 հազ. դրամ,

(7-րդ պարբերությունը հանված է 03.08.06 N 1135-Ա)

Ձեռնարկություններին և կազմակերպություններին տրվող սուբսիդիաներ` 36462.5 հազ. դրամ:

(Որոշումը փոփ. 03.08.06 N 1135-Ա)

Հայաստանի Հանրապետության վարչապետ	Ա. Մարգարյան
2006 թ. մայիսի 4 Երևան