«Գրանցված է»
ՀՀ արդարադատության
նախարարության կողմից
13 փետրվարի 2007 թ.
Պետական գրանցման թիվ 60607050

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ

1 փետրվարի 2007 թ. ք. Երևան

N 17-Ն

Ո Ր Ո Շ ՈՒ Մ

ԶԻՆՎՈՐԱԿԱՆ ՄԱՍԵՐՈՒՄ ՀԱՇՎԱՌՎԱԾ ԶԻՆԾԱՌԱՅՈՂՆԵՐԻ ԶԻՆՎՈՐԱԿԱՆ ՎԿԱՅԱԿԱՆԸ ԿԱՄ ԶԻՆՎՈՐԱԿԱՆ ԳՐՔՈՒՅԿԸ ԴՐՈՇՄԱԿՆՔԵԼՈՒ ԿԱՐԳԸ ԵՎ ԴՐՈՇՄԱԿՆԻՔԻ ՆՄՈՒՇԸ ՍԱՀՄԱՆԵԼՈՒ ՄԱՍԻՆ

Ղեկավարվելով Հայաստանի Հանրապետության ընտրական օրենսգրքի 41-րդ հոդվածի 1-ին կետի 15-րդ ենթակետով և 55-րդ հոդվածի 2-րդ կետով, Հայաստանի Հանրապետության կենտրոնական ընտրական հանձնաժողովը որոշում է.

Սահմանել`

1. տեղամասային ընտրական հանձնաժողովում զինվորական վկայականը կամ զինվորական գրքույկը կնքելու դրոշմակնիքի նմուշը՝ համաձայն թիվ 1 հավելվածի:

Դրոշմակնիքը կլոր է, 8 մմ տրամագծով, կնիքի եզրագծով նշված են «Կ Ը Հ» տառերը և ընտրության անցկացման տարեթիվը:

Յուրաքանչյուր համապետական ընտրության համար պատրաստվում է նոր դրոշմակնիք` ընտրության անցկացման տարեթվով:

2. Համապետական ընտրությունների ժամանակ հանձնաժողովի ընտրողների գրանցման համար պատասխանատու անդամը դրոշմակնքում է զինվորական վկայականի կամ զինվորական գրքույկի վերջին էջը:

3. Դրոշմակնիքները վերադարձվում են կենտրոնական ընտրական հանձնաժողով և ենթակա են ոչնչացման Հայաստանի Հանրապետության օրենսդրությամբ սահմանված կարգով:

ՀՀ կենտրոնական ընտրական հանձնաժողովի նախագահ՝

Գ. Ազարյան

Հավելված 1 ՀՀ կենտրոնական ընտրական հանձնաժողովի 2007 թ. փետրվարի 1-ի թիվ 17-Ն որոշման