«Վավերացնում եմ»
Հայաստանի Հանրապետության
Նախագահ Ռ. Քոչարյան
12 փետրվարի 2007 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

23 նոյեմբերի 2006 թվականի N 1929-Ն

ՌՈՒՍԱՍՏԱՆԻ ԴԱՇՆՈՒԹՅԱՆ ԳՅՈՒՄՐՈՒ ԳԼԽԱՎՈՐ ՀՅՈՒՊԱՏՈՍԱՐԱՆԻ ՇԵՆՔԻ ԿԱՌՈՒՑՄԱՆ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ՄԱՅԻՍԻ 6-Ի N 971-Ա ՈՐՈՇՈՒՄԸ ՉԵՂՅԱԼ ՃԱՆԱՉԵԼՈՒ ՄԱՍԻՆ

Հաշվի առնելով 2006 թվականի հոկտեմբերի 9-ի Հայաստանի Հանրապետության և Ռուսաստանի Դաշնության միջև տնտեսական համագործակցության միջկառավարական հանձնաժողովի 8-րդ նիստի արձանագրությունը, ինչպես նաև Հայաստանի Հանրապետության Շիրակի մարզի Գյումրու քաղաքային համայնքի ավագանու որոշումը` Հայաստանի Հանրապետության կառավարությունը որոշում է.

1. Հայաստանի Հանրապետության Շիրակի մարզի Գյումրի քաղաքում Ռուսաստանի Դաշնության գլխավոր հյուպատոսարանի շենքի կառուցման նպատակով Գյումրի քաղաքի Մովսես Խորենացու փողոցի հարևանությամբ գտնվող 1,2 հեկտար հողամասն ընդունել որպես պետական սեփականություն և 49 տարով` անհատույց օգտագործման իրավունքով, տրամադրել Ռուսաստանի Դաշնությանը` համաձայն հավելվածի:

2. Ընդունել ի գիտություն, որ Գյումրու Ռուսաստանի Դաշնության գլխավոր հյուպատոսարանի շենքի շինարարությանն աջակցելու նպատակով Հայաստանի Հանրապետության արտաքին գործերի նախարարությանը 2007 թվականի ընթացքում տրամադրվելու է անհրաժեշտ չափաբաժնով գումար` ռուսական կողմին սահմանված կարգով փոխանցելու նպատակով:

3. Հայաստանի Հանրապետության արտաքին գործերի նախարարին` մեկամսյա ժամկետում ռուսական կողմի հետ բանակցել և նախապատրաստել համապատասխան միջպետական պայմանագրի նախագիծ` Գյումրու Ռուսաստանի Դաշնության գլխավոր հյուպատոսարանի շենքի և հողամասի, ինչպես նաև Մոսկվայում Հայաստանի Հանրապետության դեսպանության շենքի և հողամասի տրամադրման պայմանների վերաբերյալ:

4. Չեղյալ ճանաչել Հայաստանի Հանրապետության կառավարության 2004 թվականի մայիսի 6-ի «Շենք գնելու մասին» N 971-Ա որոշումը:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2007 թ. փետրվարի 9 Երևան

Հավելված ՀՀ կառավարության 2006 թվականի   նոյեմբերի 23-ի N 1929-Ն որոշման

Հ Ա Տ Ա Կ Ա Գ Ի Ծ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐԻ ՔԱՂԱՔՈՒՄ ՌՈՒՍԱՍՏԱՆԻ ԴԱՇՆՈՒԹՅԱՆ ԳԼԽԱՎՈՐ ՀՅՈՒՊԱՏՈՍԱՐԱՆԻ ՇԵՆՔԻ ԿԱՌՈՒՑՄԱՆ ՀԱՄԱՐ ՏՐԱՄԱԴՐՎՈՂ ՀՈՂԱՄԱՍԻ

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան