Ո Ր Ո Շ ՈՒ Մ

Միջկառավարական սուրհանդակային կապի մասին Համաձայնագրում լրացում կատարելու մասին

1993 թվականի հունվարի 22-ին Մինսկ քաղաքում ստորագրված Միջկառավարական սուրհանդակային կապի մասին Համաձայնագրի մասնակից պետությունների կառավարությունները

որոշեցին.

1. Լրացնել.

վերոհիշյալ Համաձայնագրի 2-րդ հոդվածը հետևյալ բովանդակությամբ երրորդ մասով. «Միջկառավարական սուրհանդակային կապի աշխատակիցների կողմից հրազենի, հատուկ միջոցների և ֆիզիկական ուժի կիրառման կարգը սահմանվում է գտնվելու վայրի պետության` համապատասխան սուրհանդակային ծառայությունների աշխատակիցների կողմից հրազենի, հատուկ միջոցների և ֆիզիկական ուժի կիրառման հարցերը կարգավորող օրենսդրությամբ»:

Միջկառավարական սուրհանդակային կապի գործունեության կարգի մասին Կանոնակարգի 10-րդ կետը` հետևյալ բովանդակությամբ երկրորդ մասով. «Միջկառավարական սուրհանդակային կապի աշխատակիցների կողմից հրազենի, հատուկ միջոցների և ֆիզիկական ուժի կիրառման կարգը սահմանվում է գտնվելու վայրի պետության` համապատասխան սուրհանդակային ծառայությունների աշխատակիցների կողմից հրազենի, հատուկ միջոցների և ֆիզիկական ուժի կիրառման հարցերը կարգավորող օրենսդրությամբ»:

2. Սույն Որոշումն ուժի մեջ է մտնում ստորագրման օրվանից:

Կատարված է Մոսկվա քաղաքում 1995 թվականի նոյեմբերի 3-ին, մեկ բնօրինակով, ռուսերեն: Բնօրինակը պահվում է Անկախ Պետությունների Համագործակցության գործադիր քարտուղարությունում, որը սույն Որոշումը ստորագրած յուրաքանչյուր պետության կուղարկի դրա հաստատված պատճենը:

Որոշում են Ադրբեջանի Հանրապետության, Հայաստանի Հանրապետության, Բելառուսի Հանրապետության, Վրաստանի, Ղազախստանի Հանրապետության, Ղրղզստանի Հանրապետության, Մոլդովայի Հանրապետության, Ռուսաստանի Դաշնության, Տաջիկստանի Հանրապետության, Թուրքմենստանի, Ուզբեկստանի Հանրապետության, Ուկրաինայի կառավարությունները: