«Վավերացնում եմ»
Հայաստանի Հանրապետության
Նախագահ Ռ. Քոչարյան
30 դեկտեմբերի 2006 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
28 դեկտեմբերի 2006 թվականի N 1870-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2003 ԹՎԱԿԱՆԻ ՓԵՏՐՎԱՐԻ 13-Ի N 202-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Պետական կառավարչական հիմնարկների մասին» Հայաստանի Հանրապետության օրենքի 11-րդ հոդվածի 1-ին կետով` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2003 թվականի փետրվարի 13-ի «Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության կանոնադրությունն ու աշխատակազմի կառուցվածքը հաստատելու և Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչությանը լիազորություններ վերապահելու մասին» N 202-Ն որոշման մեջ կատարել հետևյալ լրացումները և փոփոխությունները՝
ա) որոշման 3-րդ կետի «բ» ենթակետը «առաջին» բառից հետո լրացնել
«և անձնակազմի կառավարման» բառերով, իսկ «բաժնի» բառը փոխարինել «բաժինների» բառով.
բ) որոշման 3-րդ կետը լրացնել հետևյալ բովանդակությամբ նոր` «դ» ենթակետով.
«դ) Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության աշխատակազմի անձնակազմի կառավարման բաժինը կարող է ունենալ առնվազն 2 հաստիքային միավոր».
գ) որոշման N 1 հավելվածի`
32-րդ կետից հանել «քարտուղարություն» բառը,
40-րդ կետը լրացնել հետևյալ բովանդակությամբ նոր` «ժզ» ենթակետով.
«ժզ) ապահովում է աշխատակազմում քաղաքացիական ծառայության մասին Հայաստանի Հանրապետության օրենսդրությանը և այլ իրավական ակտերին համապատասխան` անձնակազմի կառավարման հետ կապված գործառույթների իրականացումը»:
2. Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության աշխատակազմի կառուցվածքում կատարել հետևյալ փոփոխությունները՝
ա) ավիացիոն անվտանգության բաժինը վերակազմակերպել ավիացիոն անվտանգության վարչության.
բ) քարտուղարությունը բաժանման միջոցով վերակազմակերպել անձնակազմի կառավարման բաժնի և ընդհանուր բաժնի:
Այդ կապակցությամբ որոշման N 2 հավելվածի «Կառուցվածքային ստորաբաժանումներ» բաժինը շարադրել նոր խմբագրությամբ՝ համաձայն հավելվածի:
3. Սույն որոշումն ուժի մեջ է մտնում 2007 թվականի հունվարի 1-ից:
|
Հայաստանի Հանրապետության |
Ա. Մարգարյան |
|
|
|
Հավելված |
Կառուցվածքային ստորաբաժանումներ
Ավիացիոն անվտանգության վարչություն
Թռիչքների անվտանգության տեսչական վարչություն
Թռիչքային ստանդարտների վարչություն
Օդանավակայանների սերտիֆիկացման և օդային երթևեկության կազմակերպման վարչություն
Օդային փոխադրումների կարգավորման և լիցենզավորման վարչություն
Անձնակազմի կառավարման բաժին
Ընդհանուր բաժին
Իրավաբանական բաժին
Հաշվապահական հաշվառման բաժին
Առաջին բաժին
| Հայաստանի Հանրապետության կառավարության աշխատակազմի ղեկավար-նախարար |
Մ. Թոփուզյան |