ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿԱՅԻ ՀԱՆՁՆԱԺՈՂՈՎ
Ո Ր Ո Շ ՈՒ Մ
1 օգոստոսի 1997 թ. N 6
քաղ. Երևան
ԷԼԵԿՏՐԱԿԱՆ ԷՆԵՐԳԻԱՅԻ ՍԱԿԱԳՆԵՐԻ ՄԱՍԻՆ
Ղեկավարվելով Հայաստանի Հանրապետության «Էներգետիկայի մասին» օրենքով և հաշվի առնելով Էներգետիկայի բնագավառի սուբյեկտների անվտանգ և արդյունավետ շահագործման, պահպանման, հիմնական միջոցների հաշվեկշռային արժեքի ամորտիզացիոն հատկացումների, հիմնանորոգման և կապիտալ ներդրումների ծախսերի, վարկերի սպասարկման ծախսերի փոխհատուցման և շահույթի ապահովման անհրաժեշտությունը.
1. Սահմանել էլեկտրական էներգիայի արտադրության, հաղորդման և բաշխման հետևյալ սակագները ներառյալ ԱԱՀ`
| ա) Որոտանի ՀԷԿ-երի համալիր | 1.37 դրմ/կՎտժ |
| բ) Էներգահամակարգի սեփականաշնորհված փոքր ՀԷԿ-եր | 13 դրամ/կՎտժ |
| գ) Հրազդանի ՋԷԿ | 15.48 դրամ/կՎտժ |
| դ) Երևանի ՋԷԿ | 16.26 դրամ/կՎտժ |
| ե) ՀԱԷԿ | 12.37 դրամ/կՎտժ |
| զ) «Հայէներգո» ՊՁ կողմից բաշխիչ ցանցերին վաճառք (միջինացված) | 15.34 դրամ/կՎտժ |
| է) 35 կՎ և բարձր լարման սպառողներին վաճառք | 16 դրամ/կՎտժ |
| ը) 6 (10) կՎ լարման անմիջական սպառողներին վաճառք | 20 դրամ/կՎտժ |
| թ) 0.4 կՎ լարման սպառողներին վաճառք` | |
| - բնակչության յուրաքանչյուր բաժանորդի ամսական մինչև 100 կՎտժ օգտագործված էլեկտրաէներգիայի համար | 15 դրամ/կՎտժ |
| - բնակչության յուրաքանչյուր բաժանորդի ամսական 100-ից 250 կՎտժ օգտագործված յուրաքանչյուր կՎտժ էլեկտրաէներգիայի համար | 22 դրամ/կՎտժ |
| - բնակչության յուրաքանչյուր բաժանորդի ամսական 250 կՎտժ-ից ավելի սպառած և 6(10) ու 0,4 կՎ լարման այլ սպառողների յուրաքանչյուր կՎտժ էլեկտրաէներգիայի համար |
25 դրամ կՎտժ սակագին, ներառյալ ԱԱՀ |
Ուղիղ բջիջներով սնվող սպառողներից և բնակչությունից բացի բոլոր սպառողներին, անկախ լարումից, դասել այլ սպառողների խմբին:
Ընդունել, որ բարձր լարման այլ սպառողներին սնող էլեկտրահաղորդման գծերի և տրանսֆորմատորների էլեկտրաէներգիայի տեխնոլոգիական կորուստները հաշվի են առնված այլ սպառողներին էլեկտրաէներգիայի վաճառքի սակագնում:
Ընդունել ի գիտություն, որ Սևան-Հրազդանյան ՀԷԿ-երի կասկադի սակագինը` 4.21 դրամ/կՎտժ սահմանվել է ՀՀ էներգետիկայի հանձնաժողովի 1997 թ. հունիսի 30-ին կայացած նիստի որոշմամբ (արձանագրություն թիվ 4):
(1-ին կետը խմբ., լրաց. 22.08.97 N 10)
| 2. | Մասնավոր փոքր ՀԷԿ-երի սակագների մասին որոշումը կկայացվի լրացուցիչ ուսումնասիրություններից հետո` մինչև ս/թ օգոստոսի 20-ը: |
| 3. | Սույն որոշումով սահմանված սակագները ուժի մեջ են մտնում 1997 թ. սեպտեմբերի 1-ից: Փոքր ՀԷԿ-երի սակագների գործողության ժամկետն է մինչև 1998 թ. հուլիսի 1-ը: |
| 4. | Սահմանել բարձր լարման սպառողներին ժ. 23.00 - 7.00 էլեկտրաէներգիայի սպառման համար զեղչ սակագին` 12 դրամ/կՎտժ |
| 5. | ՀՀ էներգետիկայի հանձնաժողովին` երկամսյա ժամակետում վերանայել ՀՀ էներգետիկայի նախարարության կողմից հաստատված «Էներգահամակարգի բեռի գրաֆիկի հարթեցման նպատակով բարձր լարման սպառողների համար օրվա ժամերով տարբերակված էլեկտրաէներգիայի սակագնի անցման կարգը» և կայացնել համապատասխան որոշում: |
|
ՀՀ էներգետիկայի |
Վ. Մովսեսյան |
| Փոփոխող ակտ | Համապատասխան ինկորպորացիան | |
|---|---|---|
| 25.07.2013, N 265-Ն | 25.08.2013, N 6 | |
| 11.11.1998, N 52 | 26.12.1998, N 6 | |
| 09.11.1998, N 50 | 26.12.1998, N 6 | |
| 07.11.1998, N 49 | 26.12.1998, N 6 | |
| 06.11.1998, N 48 | 26.12.1998, N 6 | |
| 22.08.1997, N 10 | 02.10.1997, N 6 |
| Փոփոխող ակտ | Համապատասխան ինկորպորացիան |
|---|