040.0042.16.01.02

«Վավերացնում եմ»

Հայաստանի Հանրապետության

Նախագահ Ռ. Քոչարյան

16 հունվարի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

16 հունվարի 2002 թվականի N 42
քաղ. Երևան

ՉԱՓՄԱՆ ՄԻՋՈՑՆԵՐԻ ԱՐՏԱԴՐՈՒԹՅԱՆ ԵՎ ՆՈՐՈԳՄԱՆ ԳՈՐԾՈՒՆԵՈՒԹՅԱՆ ԼԻՑԵՆԶԱՎՈՐՄԱՆ ԿԱՐԳԸ ԵՎ ԴՐԱ ԻՐԱԿԱՆԱՑՄԱՆ ՀԱՄԱՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԵՎՏՐԻ ԵՎ ՏՆՏԵՍԱԿԱՆ ԶԱՐԳԱՑՄԱՆ ՆԱԽԱՐԱՐՈՒԹՅԱՆ ԿՈՂՄԻՑ ՏՐՎՈՂ ԼԻՑԵՆԶԻԱՅԻ ՁԵՎԸ ՀԱՍՏԱՏԵԼՈՒ ՄԱՍԻՆ
(Վերնագիրը փոփ. 23.04.03 N 457-Ն)

«Լիցենզավորման մասին» Հայաստանի Հանրապետության օրենքի 10-րդ հոդվածի 3-րդ և 17-րդ հոդվածի 2-րդ կետերին համապատասխան` Հայաստանի Հանրապետության կառավարությունը որոշում է.

Հաստատել`

ա) չափման միջոցների արտադրության և նորոգման գործունեության լիցենզավորման կարգը (կցվում է).

բ) չափման միջոցների արտադրության և նորոգման գործունեության իրականացման համար Հայաստանի Հանրապետության առևտրի և տնտեսական զարգացման նախարարության կողմից տրվող լիցենզիայի ձևը (կցվում է):

(Որոշումը փոփ. 23.04.03 N 457-Ն)

Հայաստանի Հանրապետության վարչապետ

Ա. Մարգարյան

Հաստատված է ՀՀ կառավարության 2002 թվականի հունվարի 16-ի N 42 որոշմամբ

Կ Ա Ր Գ

ՉԱՓՄԱՆ ՄԻՋՈՑՆԵՐԻ ԱՐՏԱԴՐՈՒԹՅԱՆ ԵՎ ՆՈՐՈԳՄԱՆ ԳՈՐԾՈՒՆԵՈՒԹՅԱՆ ԼԻՑԵՆԶԱՎՈՐՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով սահմանվում է Հայաստանի Հանրապետությունում չափման միջոցների արտադրության և նորոգման գործունեության լիցենզավորման կարգը` համաձայն «Լիցենզավորման մասին» Հայաստանի Հանրապետության օրենքի:

2. Որակի, ստանդարտացման, սերտիֆիկացման, չափագիտության բնագավառում լիցենզավորման են ենթակա ձեռնարկատիրական (տնտեսական) գործունեության նպատակով իրականացվող չափման միջոցների արտադրությունն ու նորոգումը:

3. Որակի, ստանդարտացման, սերտիֆիկացման, չափագիտության բնագավառում չափման միջոցների արտադրության և նորոգման գործունեությունը լիցենզավորվում է «Լիցենզավորման մասին» Հայաստանի Հանրապետության օրենքով սահմանված բարդ ընթացակարգով տրվող լիցենզիաների պահանջներին համապատասխան:

4. Որակի, ստանդարտացման, սերտիֆիկացման, չափագիտության բնագավառում չափման միջոցների արտադրության և նորոգման գործունեություն իրականացնելու համար սույն կարգի համաձայն տրված լիցենզիան գործում է Հայաստանի Հանրապետության ամբողջ տարածքում:

5. Հայաստանի Հանրապետության առևտրի և տնտեսական զարգացման նախարարությունը (այսուհետև` լիցենզավորող մարմին) չափման միջոցների արտադրության և նորոգման գործունեության լիցենզիա տալու, լիցենզիայի գործողությունը կասեցնելու կամ դադարեցնելու մասին եզրակացություններ տալու նպատակով ստեղծում է լիցենզավորող հանձնաժողով և հաստատում նրա կանոնադրությունը:

(5-րդ կետը փոփ. 23.04.03 N 457-Ն)

6. Լիցենզավորված անձինք պարտավոր են պահպանել բնապահպանական, հիգիենիկ և սանիտարահամաճարակային անվտանգության, հակահրդեհային նորմերն ու կանոնները, ինչպես նաև` ապահովելով իրավական ակտերով, այդ թվում` նաև սույն կարգով սահմանված պարտադիր պահանջների կամ պայմանների կատարումը:

7. Լիցենզիան չի կարող տրվել այլ անձանց` օգտագործման, օտարվել կամ գրավադրվել, բացառությամբ օրենքով սահմանված դեպքերի:

8. Լիցենզիան տալու, վերաձևակերպելու, դրա գործողությունը կասեցնելու կամ դադարեցնելու մասին տեղեկությունները ենթակա են գրանցման լիցենզավորող մարմնի լիցենզիաների գրանցամատյանում:

9. Լիցենզավորող մարմինը լիցենզիան տալիս է սույն կարգով նախատեսված բոլոր փաստաթղթերը ներկայացվելուց հետո երեսուն օրվա ընթացքում:

10. Լիցենզիա տալու համար հիմք են հանդիսանում հայտատուի կողմից ներկայացված լիցենզիա ստանալու մասին հայտն ու դրան կից փաստաթղթերի փորձաքննության մասին դրական եզրակացությունը:

11. Լիցենզավորման համար ներկայացված փաստաթղթերի փորձաքննությունն իրականացնում են համապատասխան լիցենզիա ունեցող անձինք:

12. Հայտատուն, որը մտադիր է ստանալու չափման միջոցների արտադրության և նորոգման գործունեության լիցենզիա, պետք է ունենա`

ա) տվյալ չափման միջոցի արտադրության և նորոգման համար անհրաժեշտ կոնստրուկտորական-տեխնոլոգիական ու նորոգման կարգը սահմանող փաստաթղթերի փաթեթ.

բ) տվյալ չափման միջոցի տեսակի հաստատման սերտիֆիկատ` տրված ՀՍՏ 8.1-93 «Չափման միջոցների տեսակի պետական փորձարկումները, տեսակի հաստատումը և պետական գրանցումը» ստանդարտի համաձայն.

գ) նորմատիվ փաստաթղթերով սահմանված չափման միջոցների արտադրության և նորոգման պայմաններ, անհրաժեշտ տեխնոլոգիական սարքավորումներ, տարածքներ, չափման միջոցներ.

դ) մասնագիտական որակավորում ունեցող աշխատակազմ` չափման միջոցների արտադրություն իրականացնելու և դրանք նորոգելու համար:

13. Լիցենզավորված անձինք պարտավոր են չափման միջոցների արտադրությունից և նորոգումից հետո «Հայաստանի Հանրապետությունում չափումների միասնականության ապահովման մասին» Հայաստանի Հանրապետության օրենքի համաձայն անցկացնել դրանց ստուգաչափում:

14. Հայտատուն չափման միջոցների արտադրության և նորոգման գործունեության լիցենզիա ստանալու համար լիցենզավորող մարմին է ներկայացնում հետևյալ փաստաթղթերը`

ա) լիցենզիա ստանալու մասին հայտը (N 1 ձևը կցվում է)`

նշելով` իրավաբանական անձի համար` իրավաբանական անձի անվանումը և կազմակերպական-իրավական ձևը, գտնվելու և գործունեության իրականացման վայրերը, իսկ ֆիզիկական անձի (անհատ ձեռնարկատիրոջ) համար` անունը, ազգանունը, բնակության և գործունեության իրականացման վայրերը.

լիցենզավորման ենթակա գործունեության տեսակը, որը հայտատուն մտադիր է իրականացնել.

հայտին կից փաստաթղթերի անվանումները.

բ) իրավաբանական անձի համար` կանոնադրության և պետական գրանցման վկայականի պատճենները, ֆիզիկական անձի (անհատ ձեռնարկատիրոջ) համար` պետական գրանցման վկայականի պատճենը.

գ) արտադրության և նորոգման ենթակա չափման միջոցների ցանկը (N 2 ձևը կցվում է).

դ) տեղեկություններ լիցենզավորման ենթակա գործունեությամբ զբաղվող անձնակազմի մասին (N 3 ձևը կցվում է).

ե) տեղեկություններ լիցենզավորման ենթակա գործունեության իրականացման վայրում անհրաժեշտ պայմաններով ապահովվածության մասին (N 4 ձևը կցվում է).

զ) ներկայացված փաստաթղթերի փորձաքննության մասին եզրակացությունը.

է) իրավաբանական անձանց համար` հարկ վճարողի հաշվառման համարի պատճենը, անհատ ձեռնարկատիրոջ կամ ֆիզիկական անձի համար` հարկ վճարողի հաշվառման համարի պատճենը կամ սոցիալական քարտի պատճենը:

(14-րդ կետը լրաց. 26.10.06 N 1520-Ն)

15. Լիցենզավորված իրավաբանական անձի վերակազմակերպման, նրա անվանման կամ գտնվելու վայրի, ինչպես նաև ֆիզիկական անձի (անհատ ձեռնարկատիրոջ) անվան կամ բնակության վայրի փոփոխման դեպքում լիցենզավորված անձը պարտավոր է այդ փոփոխություններն իրավական ուժ ստանալու օրվանից սկսած տասնհինգօրյա ժամկետում ներկայացնել հայտ` լիցենզիայի վերաձևակերպման համար, կցելով նշված տեղեկությունները հավաստող համապատասխան փաստաթղթերը:

Լիցենզիան վերաձևակերպվում է լիցենզավորված անձի համապատասխան հայտը լիցենզավորող մարմնում մուտքագրվելու օրվան հաջորդող 3-րդ օրը: Լիցենզիայի վերաձևակերպման ժամանակ լիցենզավորող մարմինը լիցենզիայի գրանցամատյանում կատարում է համապատասխան փոփոխություններ:

16. Լիցենզիայի գործողությունը կարող է կասեցվել կամ դադարեցվել` «Լիցենզավորման մասին» Հայաստանի Հանրապետության օրենքի պահանջներին համապատասխան:

17. Լիցենզավորված գործունեության ընթացքում ծագած վեճերը լուծվում են դատական կարգով:

18. Որակի, ստանդարտացման, սերտիֆիկացման, չափագիտության բնագավառում չափման միջոցների արտադրության և նորոգման գործունեության պարտադիր պահանջների պահպանման նկատմամբ հսկողությունն օրենքով սահմանված կարգով իրականացնում է լիցենզավորող մարմինը:

II. ԱՆՑՈՒՄԱՅԻՆ ԴՐՈՒՅԹՆԵՐ

19. Մինչև «Լիցենզավորման մասին» Հայաստանի Հանրապետության օրենքն ուժի մեջ մտնելը Հայաստանի Հանրապետության օրենսդրությանը համապատասխան տրված չափման միջոցների արտադրության և նորոգման գործունեության լիցենզիաները գործում են մինչև դրանց գործողության ժամկետի ավարտը:

Ձև N 1

Հայաստանի Հանրապետության առևտրի և տնտեսական զարգացման նախարար

պրն _________________________   ________________________________________ (հայտատուի անվանումը (անունը) _______________________________________________________ և կազմակերպական- իրավական ձևը)   ________________________________________ (գտնվելու վայրը)   Հեռախոսահամարը _______________________

Հ Ա Յ Տ

լիցենզիա ստանալու մասին

Խնդրում եմ թույլատրել զբաղվել _______________________________________ (գործունեության տեսակի անվանումը) ____________________________________________________________ Լիցենզավորման պայմաններին ու պահանջներին ծանոթացել եմ և պարտավորվում եմ դրանք պահպանել: Կից ներկայացնում եմ հետևյալ փաստաթղթերը` 1. ___________________________________________________________ 2. ___________________________________________________________ 3. ___________________________________________________________ 4. ___________________________________________________________ 5. ___________________________________________________________ Հայտատու __________________ _____________________ (ստորագրությունը) (անունը, ազգանունը) ____ _______________ 200 թ.

(Ձևը փոփ. 23.04.03 N 457-Ն)

Ձև N 2

Ց Ա Ն Կ

ԱՐՏԱԴՐՈՒԹՅԱՆ ԵՎ ՆՈՐՈԳՄԱՆ ԵՆԹԱԿԱ ՉԱՓՄԱՆ ՄԻՋՈՑՆԵՐԻ

NN ը/կ	Տեղեկություններ արտադրության և նորոգման ենթակա չափման միջոցների մասին		Տեղեկություններ արտադրության և նորոգման համար անհրաժեշտ չափման միջոցների ու սարքավորումների մասին
	չափման միջոցների անվանումները, տեսակները	չափման տիրույթը, ճշտության դասը	չափման միջոցների ու սարքավորումների անվանումները և տեսակները	չափման տիրույթը, ճշտության դասը	ստուգաչափման, չափագիտական, վկայագրման վկայականների գործողության ժամկետը	նորմատիվ փաստաթղթերի, ստուգաչափման մեթոդիկայի արտադրությանը և նորոգմանը վերաբերող փաստաթղթերի անվանումները
1	2	3	4	5	6	7

Հայտատու _________________ _____________________ (ստորագրությունը) (անունը, ազգանունը) Կ.Տ.

Ձև N 3

Տ Ե Ղ Ե Կ ՈՒ Թ Յ ՈՒ Ն Ն Ե Ր

ԼԻՑԵՆԶԱՎՈՐՄԱՆ ԵՆԹԱԿԱ ԳՈՐԾՈՒՆԵՈՒԹՅԱՄԲ ԶԲԱՂՎՈՂ ԱՆՁՆԱԿԱԶՄԻ ՄԱՍԻՆ

NN ը/կ	Անունը, ազգանունը	Կրթությունը, մասնագիտությունը	Անձի մասնագիտական որակավորումը հավաստող փաստաթուղթը		Զբաղվածության ոլորտը	Ծանոթագրություն
			վկայագրման վկայականը	տվյալ բնագավառում աշխատանքի ստաժը
1	2	3	4	5	6	7

Հայտատու _________________ _____________________ (ստորագրությունը) (անունը, ազգանունը) Կ.Տ.

Ձև N 4

Տ Ե Ղ Ե Կ ՈՒ Թ Յ ՈՒ Ն Ն Ե Ր

ԼԻՑԵՆԶԱՎՈՐՄԱՆ ԵՆԹԱԿԱ ԳՈՐԾՈՒՆԵՈՒԹՅԱՆ ԻՐԱԿԱՆԱՑՄԱՆ ՎԱՅՐՈՒՄ ԱՆՀՐԱԺԵՇՏ ՊԱՅՄԱՆՆԵՐՈՎ ԱՊԱՀՈՎՎԱԾՈՒԹՅԱՆ ՄԱՍԻՆ

NN ը/կ	Տարածքի անվա-նումը	Մակերեսը (քառ.մ)	Ջերմաստի-ճանը և խոնավու-թյունը	Աշխատա-տեղի լուսավորվա-ծությունը	Աղմուկի մակար-դակը	Գազերով աղտոտվա-ծության մակարդակը	Ռադիո-խանգարում-ների մակարդակը	Օդափո-խությունը, ջերմաստիճանը կարգավորող սարքավորում-ների առկայությունը	Արտադրվող կամ նորոգվող չափման միջոցների ընդունման և պահպանման պայմանները	Եզրա- կացություն անհրաժեշտ պայման-ներով ապահովվա-ծության մասին
1	2	3	4	5	6	7	8	9	10	11

Հայտատու _________________ _____________________ (ստորագրությունը) (անունը, ազգանունը)

Հաստատված է ՀՀ կառավարության 2002 թվականի հունվարի 16-ի N 42 որոշմամբ

Ձև

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌԵՎՏՐԻ ԵՎ ՏՆՏԵՍԱԿԱՆ ԶԱՐԳԱՑՄԱՆ ՆԱԽԱՐԱՐՈՒԹՅՈՒՆ

Լ ի ց ե ն զ ի ա  N

Տրված է ___ ___________ 200  թ.

Գործողության ժամկետը` անժամկետ

____________________________________________________________ (իրավաբանական անձի անվանումը)   ____________________________________________________________   Գտնվելու վայրը __________________________________________________   Գործունեության տեսակը ____________________________________________   ____________________________________________________________   ____________________________________________________________   Արտադրության և նորոգման ենթակա չափման միջոցների ցանկը (ձևը կցվում է) __________ (նշել էջերի թիվը)   Լիցենզավորման մարմնի ղեկավար __________________ _____________________ (ստորագրությունը) (անունը, ազգանունը) Կ.Տ.

(Ձևը փոփ. 23.04.03 N 457-Ն)

Ձև

Ց Ա Ն Կ

ԱՐՏԱԴՐՈՒԹՅԱՆ ԵՎ ՆՈՐՈԳՄԱՆ ԵՆԹԱԿԱ ՉԱՓՄԱՆ ՄԻՋՈՑՆԵՐԻ

NN ը/կ	Արտադրությունը և նորոգումը թույլատրված չափման միջոցների անվանումները
	անվանումը, տեսակը, ծածկագիրը (ԱՏԳ ԱԱ)	չափագիտական բնութագրերը
1	2	3

Լիցենզավորման
մարմնի ղեկավար       __________________               _____________________
                                      (ստորագրությունը)                                               (անունը, ազգանունը)