Գլխավոր տեղեկություն

Համար

N 729-Ն

Տիպ

Որոշում

Ակտի տիպ

Պաշտոնական Ինկորպորացիա (30.11.2006-15.08.2015)

Կարգավիճակ

Գործում է

Սկզբնաղբյուր

ՀՀՊՏ 2004.12.21/69(368) Հոդ.656

Ընդունող մարմին

ՀՀ կառավարություն

Ընդունման ամսաթիվ

27.04.2006

Ստորագրող մարմին

ՀՀ վարչապետ

Ստորագրման ամսաթիվ

05.06.2006

Վավերացնող մարմին

ՀՀ Նախագահ

Վավերացման ամսաթից

07.06.2006

Ուժի մեջ մտնելու ամսաթիվ

01.07.2006

«Վավերացնում եմ»
Հայաստանի Հանրապետության
Նախագահ Ռ. Քոչարյան
7 հունիսի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

27 ապրիլի 2006 թվականի N 729-Ն

ՀՈՂԵՐԻ ՆՊԱՏԱԿԱՅԻՆ ՆՇԱՆԱԿՈՒԹՅՈՒՆԸ ՓՈՓՈԽԵԼՈՒ ՄԱՍԻՆ

Հայաստանի Հանրապետության հողային օրենսգրքի 7-րդ հոդվածի 2-րդ կետի պահանջներին համապատասխան և Երևան քաղաքի կանաչ տարածքներն ավելացնելու նպատակով Հայաստանի Հանրապետության կառավարությունը որոշում է.

1. Երևան քաղաքի վարչական տարածքի սահմաններում բնակավայրերի նպատակային նշանակության հողերից համապատասխանաբար առանձնացնել Մալաթիա-Սեբաստիա թաղային համայնքում` 10000, 18000, 8000, 12000, 80000, 260000, 8000, 18000, 14000 և 7000 քառ. մետր, Էրեբունի թաղային համայնքում` 6000 և 6000 քառ. մետր, Արաբկիր թաղային համայնքում` 15000 քառ. մետր, Նոր Նորք թաղային համայնքում` 120000 քառ. մետր մակերեսներով հողատարածքները և ըստ նպատակային նշանակության դասակարգել որպես հատուկ պահպանվող տարածքների հողեր` համաձայն NN 1-10 հավելվածների:

2. Թույլատրել Երևանի քաղաքապետին սույն որոշման 1-ին կետով նախատեսված հատուկ պահպանվող տարածքների հողերը, բնակչության հանգստի կազմակերպման համար, համաքաղաքային զբոսայգիներ հիմնելու նպատակով, անհատույց (մշտական) օգտագործման իրավունքով տրամադրել համապատասխան թաղային համայնքներին:

(2-րդ կետը խմբ. 12.10.06 N 1580-Ն)

2¹. Երևան քաղաքում համաքաղաքային զբոսայգիների կառուցապատումն իրականացնել Հայաստանի Հանրապետության օրենքների և նորմատիվ ակտերի պահանջներին համապատասխան։

(2¹ կետը լրաց. 12.10.06 N 1580-Ն)

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության
վարչապետ
Ա. Մարգարյան

2006 թ. հունիսի 5
Երևան

Հավելված N 1
ՀՀ կառավարության 2006 թվականի
ապրիլի 27-ի N 729-Ն որոշման

ԶԲՈՍԱՅԳԻ ՀԻՄՆԵԼՈՒ ՆՊԱՏԱԿՈՎ ԱՌԱՋԱՐԿՎՈՂ ՏԱՐԱԾՔ
Մ 1:2000