«Վավերացնում եմ»
Հայաստանի Հանրապետության
Նախագահ Ռ. Քոչարյան
20 նոյեմբերի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

9 նոյեմբերի 2006 թվականի N 1602-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀՈՂՕԳՏԱԳՈՐԾՈՂՆԵՐԻՆ ՄԱՏՉԵԼԻ ԳՆԵՐՈՎ ԱԶՈՏԱԿԱՆ ՊԱՐԱՐՏԱՆՅՈՒԹԻ ԲԱՇԽՄԱՆ ԳՈՐԾԸՆԹԱՑԸ ԿԱԶՄԱԿԵՐՊԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության հողօգտագործողներին 21.0 հազ. տոննա ազոտական պարարտանյութ, մեկ տոննան՝ 74000.0 դրամով մատակարարելու նպատակով յուրաքանչյուր տոննայի դիմաց 10000.0 դրամ սուբսիդիա տրամադրելու համար՝ առաջարկել Հայաստանի Հանրապետության գյուղի և գյուղատնտեսության աջակցության հիմնադրամին Հայաստանի Հանրապետության գյուղատնտեսության նախարարության կողմից տրամադրված պարարտանյութի բաշխացուցակին համապատասխան՝ պարարտանյութ մատակարարող կազմակերպությանը, որպես սուբսիդիա, հատկացնել 210000.0 հազ. դրամ՝ Հայաստանի Հանրապետության կառավարության 2005 թվականի դեկտեմբերի 29-ի N 2409-Ա որոշմամբ նախատեսված գումարներից:

2. Հաստատել սուբսիդավորված ազոտական պարարտանյութի (այսուհետ՝ պարարտանյութ) բաշխացուցակը` ըստ մարզերի` համաձայն հավելվածի:

3. Հայաստանի Հանրապետության մարզպետներին՝

ա) մինչև 2006 թվականի դեկտեմբերի 25-ը՝ ապահովել պարարտանյութի դիմաց վճարումների կատարումը, կազմակերպել պարարտանյութի ստացումը, փոխադրումն ու բաշխումը համայնքներին և հսկողություն սահմանել նշված գործընթացների իրականացման նկատմամբ.

բ) պարարտանյութի դիմաց կատարված վճարումների, փոխադրման և բաշխման աշխատանքների ընթացքի մասին յուրաքանչյուր տասնօրյակ Հայաստանի Հանրապետության գյուղատնտեսության նախարարություն ներկայացնել տեղեկատվություն.

գ) համայնքներում շահառուներին հատկացվող պարարտանյութի առավելագույն քանակությունը սահմանել 500 կգ:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2006 թ. նոյեմբերի 15 Երևան

Հավելված ՀՀ կառավարության 2006 թվականի նոյեմբերի 9-ի N 1602-Ն որոշման

Բ Ա Շ Խ Ա Ց ՈՒ Ց Ա Կ

ՍՈՒԲՍԻԴԱՎՈՐՎԱԾ ԱԶՈՏԱԿԱՆ ՊԱՐԱՐՏԱՆՅՈՒԹԻ` ԸՍՏ ՄԱՐԶԵՐԻ

Մարզի անվանումը	Պարարտանյութի նախատեսված քանակությունը (տոննա)
Արագածոտն	2170
Արարատ	3440
Արմավիր	3490
Գեղարքունիք	2690
Լոռի	1720
Կոտայք	1670
Շիրակ	2460
Սյունիք	1930
Վայոց ձոր	420
Տավուշ	300
Երևան	30
Պահուստային	680
Ընդամենը	21000

  

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան