Գլխավոր տեղեկություն
Համար
N 1113-Ա
Տիպ
Որոշում
Ակտի տիպ
Ինկորպորացիա (30.11.2006-մինչ օրս)
Կարգավիճակ
Գործում է
Սկզբնաղբյուր
Չի հրապարակվել պաշտոնական պարբերականում
Ընդունող մարմին
ՀՀ կառավարություն
Ընդունման ամսաթիվ
10.08.2006
Ստորագրող մարմին
ՀՀ վարչապետ
Ստորագրման ամսաթիվ
16.08.2006
Վավերացնող մարմին
ՀՀ Նախագահ
Վավերացման ամսաթից
17.08.2006
Ուժի մեջ մտնելու ամսաթիվ
18.08.2006

«Վավերացնում եմ»
Հայաստանի Հանրապետության
Նախագահ Ռ. Քոչարյան
17 օգոստոսի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

10 օգոստոսի 2006 թվականի N 1113-Ա

 

ԼԻՆՍԻ ՀԻՄՆԱԴՐԱՄԻ «ԴՊՐՈՑԱՇԻՆՈՒԹՅՈՒՆ» ԾՐԱԳՐԻ ՇՐՋԱՆԱԿՆԵՐՈՒՄ ԳՅՈՒՄՐԻ ՔԱՂԱՔՈՒՄ ԿԱՌՈՒՑՎՈՂ N 30 ԴՊՐՈՑԻ ՄԱՐԶԱԴԱՀԼԻՃԻ ՇԻՆԱՐԱՐԱԿԱՆ ՀՐԱՊԱՐԱԿԻ ՏԱՐԱԾՔՈՒՄ ԳՏՆՎՈՂ ԺԱՄԱՆԱԿԱՎՈՐ ՇԻՆՈՒԹՅՈՒՆՆԵՐՈՒՄ ԲՆԱԿՎՈՂ` ԵՐԿՐԱՇԱՐԺԻ ՀԵՏԵՎԱՆՔՈՎ ԱՆՕԹԵՎԱՆ ՄՆԱՑԱԾ ԱՆՁԱՆՑ ԲՆԱԿԱՐԱՆԱՅԻՆ ԽՆԴԻՐՆԵՐԻ ԼՈՒԾՄԱՆ ՄԱՍԻՆ

 

Հայաստանի Հանրապետության կառավարության 2006 թվականի մայիսի 18-ի N 656-Ն որոշմանը համապատասխան և Լինսի հիմնադրամի «Դպրոցաշինություն» ծրագրի շրջանակներում Գյումրի քաղաքում կառուցվող N 30 դպրոցի մարզադահլիճի շինարարական հրապարակի տարածքում շինարարական աշխատանքները խոչընդոտող ժամանակավոր շինություններում բնակվող` երկրաշարժի հետևանքով անօթևան մնացած անձանց բնակարանային խնդիրները լուծելու նպատակով Հայաստանի Հանրապետության կառավարությունը որոշում է.

1. Լինսի հիմնադրամի «Դպրոցաշինություն» ծրագրի շրջանակներում Գյումրի քաղաքում կառուցվող N 30 դպրոցի մարզադահլիճի շինարարական հրապարակի տարածքում բնակվող` Հայաստանի Հանրապետության կառավարության 1999 թվականի հունիսի 10-ի «Աղետի գոտու բնակավայրերում քաղաքացիներին բնակարանների արտահերթ հատկացման կարգը հաստատելու մասին» N 432 որոշմամբ հաստատված կարգի համաձայն բնակարան ստանալու համար 2006 թվականի մարտի 1-ի դրությամբ հաշվառված` երկրաշարժի հետևանքով անօթևան մնացած անձանց` Սարգսյան Օֆիկի և Եղիկյան Թամարայի ընտանիքի մի մասի` Եղիկյան Պետրոսի ընտանիքի, բնակարանային խնդիրները լուծել պետական ֆինանսական աջակցության միջոցով, Հայաստանի Հանրապետության 2006 թվականի պետական բյուջեի «Բնակարանային ապահովում` բնակարանների գնման վկայագրերի տրամադրման միջոցով» ծախսային ծրագրով նախատեսված հատկացումների սահմաններում:

(1-ին կետը լրաց. 16.11.06 N 1603-Ն)

2. Հայաստանի Հանրապետության քաղաքաշինության նախարարին` սույն որոշման 1-ին կետում նշված անձանց ֆինանսական աջակցությունը տրամադրել բնակարանների գնման վկայագրերի տրամադրման միջոցով` Հայաստանի Հանրապետության կառավարության 2006 թվականի մայիսի 18-ի N 656-Ն որոշման 2-րդ կետի համաձայն:

 

Հայաստանի Հանրապետության
վարչապետ

 Ա. Մարգարյան
   

2006 թ. օգոստոսի 16
Երևան