«Վավերացնում եմ»
Հայաստանի Հանրապետության
Նախագահ Ռ. Քոչարյան
10 հունիսի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 մայիսի 2006 թվականի N 751-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2003 ԹՎԱԿԱՆԻ ՄԱՐՏԻ 27-Ի N 503-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ԵՎ ՀՈՂԱՄԱՍ ՕՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2003 թվականի մարտի 27-ի «Ռենկո Արմէստեյտ» սահմանափակ պատասխանատվությամբ ընկերությանը և «Ֆրանկ Մյուլլեր Արմենիա» փակ բաժնետիրական ընկերությանն առանց մրցույթի, վարձակալությամբ հողամասեր տրամադրելու մասին» N 503-Ա որոշման մեջ կատարել հետևյալ փոփոխությունը`

որոշման 1-ին կետի «ա» ենթակետում «Դիվանագիտական թաղամաս կառուցելու» բառերը փոխարինել «հասարակական և բնակելի կառուցապատում իրականացնելու» բառերով:

2. Երևանի քաղաքապետին`

ա) Երևանի Ծովակալ Իսակովի պողոտային հարող տարածքում գտնվող` գնման նախապատվության իրավունքով վարձակալությամբ տրամադրված և պետական գրանցում ստացած 3,0 հեկտար մակերեսով հողամասն ուղղակի վաճառքի միջոցով օտարել «Ռենկո Արմէստեյտ» սահմանափակ պատասխանատվությամբ ընկերությանը` մեկ քառակուսի մետր հողամասի համար գինը սահմանելով ոչ պակաս 10.000 դրամից.

բ) առուվաճառքի պայմանագրում նախատեսել,

որ` առուվաճառքի պայմանագրից ծագող իրավունքների պետական գրանցումը կատարելուց հետո «Ռենկո Արմէստեյտ» սահմանափակ պատասխանատվությամբ ընկերությունը պարտավորվում է 18 ամսվա ընթացքում սկսել հասարակական և բնակելի թաղամասի կառուցապատման աշխատանքները,

մինչև շինարարական աշխատանքների ավարտը, «Ռենկո Արմէստեյտ» սահմանափակ պատասխանատվությամբ ընկերությունը պարտավորվում է հողամասն այլ անձանց չօտարել:

Հայաստանի Հանրապետության վարչապետ	Ա. Մարգարյան
2006 թ. հունիսի 5 Երևան