«Վավերացնում եմ»
Հայաստանի Հանրապետության
Նախագահ Ռ. Քոչարյան
21 հունիսի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

8 հունիսի 2006 թվականի N 831-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ԹՄՐԱՄԻՋՈՑ ՆԵՐՄՈՒԾԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Թույլատրել Ամերիկայի Միացյալ Նահանգներից Միացյալ հայկական հիմնադրամի` 137-րդ չվերթով Հայաստանի Հանրապետության առողջապահության նախարարության հասցեով ստացված նուբաին (նալբուֆին հիդրոքլորիդ) 10 մգ/մլ ներարկման լուծույթ` 10000 սրվակ, և նուբաին (նալբուֆին հիդրոքլորիդ) 20 մգ/մլ ներարկման լուծույթ` 15000 սրվակ թմրամիջոցի ներմուծումը:

2. Հայաստանի Հանրապետության առողջապահության նախարարին՝ ապահովել սույն որոշման 1-ին կետում նշված թմրամիջոցի պահպանումը Հայաստանի Հանրապետության առողջապահության նախարարության «Մարդասիրական օգնության հանրապետական կենտրոն» պետական ոչ առևտրային կազմակերպությունում և հետագա բաշխումը համապատասխան բժշկական հաստատություններին:

3. Հայաստանի Հանրապետության ոստիկանության պետին՝ ապահովել նուբաին (նալբուֆին հիդրոքլորիդ) 10 մգ/մլ ներարկման լուծույթ` 10000 սրվակ, և նուբաին (նալբուֆին հիդրոքլորիդ) 20 մգ/մլ ներարկման լուծույթ` 15000 սրվակ, թմրամիջոցի Հայաստանի Հանրապետություն ներմուծման անվտանգությունը:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2006 թ. հունիսի 15 Երևան