«Վավերացնում եմ»
Հայաստանի Հանրապետության
Նախագահ Ռ. Քոչարյան
21 օգոստոսի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

22 հունիսի 2006 թվականի N 1132-Ա

ԸՆՏԱՆԵԿԱՆ ԲԺՇԿՈՒԹՅԱՆ ԵՐԿՐՈՐԴ ԿՐԹԱԿԱՆ ԿԵՆՏՐՈՆԻՆ ԱՆՀՐԱԺԵՇՏ ՏԱՐԱԾՔ ՀԱՏԿԱՑՆԵԼՈՒ ՄԱՍԻՆ

«Բաժնետիրական ընկերությունների մասին» Հայաստանի Հանրապետության օրենքի 68-րդ հոդվածի 7-րդ կետին համապատասխան` Հայաստանի Հանրապետության կառավարությունը որոշում է.

1. «Սուրբ Գրիգոր Լուսավորիչ» բժշկական կենտրոն» փակ բաժնետիրական ընկերության գույքի կազմից Հայաստանի Հանրապետության օրենսդրությամբ սահմանված կարգով առանձնացնել 6509419 դրամ հաշվեկշռային արժեք ունեցող` Երևանի Նոր Նորքի Գյուրջյան 6 հասցեում գտնվող ծննդատան շենքի 1330 քառ. մետր ընդհանուր մակերեսով տարածքը, այդ թվում՝ ցոկոլային հարկից` 39 քառ. մետր, առաջին հարկից` 225 քառ. մետր, և երկրորդ հարկից` 1066 քառ. մետր (այսուհետ՝ գույք), և այն հանձնել Հայաստանի Հանրապետության առողջապահության նախարարության տնօրինությանը՝ համապատասխան չափով բաժնետոմսերի ձեռքբերմամբ և մարմամբ` Հայաստանի Հանրապետության օրենսդրությամբ սահմանված կարգով նվազեցնելով «Սուրբ Գրիգոր Լուսավորիչ» բժշկական կենտրոն» փակ բաժնետիրական ընկերության կանոնադրական կապիտալը:

Գույքի առանձնացման արդյունքում առաջացող ավելացված արժեքի հարկի վճարումն իրականացնել «Հայաստանի Հանրապետության 2006 թվականի պետական բյուջեի մասին» Հայաստանի Հանրապետության օրենքի 9-րդ հոդվածի 12-րդ կետով սահմանված կարգով:

2. Երևանի քաղաքապետին՝

ա) ապահովել «Սուրբ Գրիգոր Լուսավորիչ» բժշկական կենտրոն» փակ բաժնետիրական ընկերության կանոնադրական կապիտալի համապատասխան չափով` սահմանված կարգով նվազեցումը.

բ) մեկամսյա ժամկետում Հայաստանի Հանրապետության առողջապահության նախարարի հետ համատեղ ապահովել սույն որոշման 1-ին կետում նշված գույքի հանձնման-ընդունման աշխատանքների կատարումը:

3. Սույն որոշման 2-րդ կետի «բ» ենթակետում նշված աշխատանքների կատարումից հետո` նշված գույքն ընտանեկան բժշկության երկրորդ կրթական կենտրոնին հատկացնելու նպատակով` Հայաստանի Հանրապետության օրենսդրությամբ սահմանված կարգով ներդնել «Ակադեմիկոս Ս. Ավդալբեկյանի անվան առողջապահության ազգային ինստիտուտ» փակ բաժնետիրական ընկերության կանոնադրական կապիտալում` Հայաստանի Հանրապետության օրենսդրությամբ սահմանված կարգով` համապատասխան չափով ավելացնելով ընկերության բաժնետոմսերի անվանական արժեքը:

4. Հայաստանի Հանրապետության առողջապահության նախարարին` ապահովել նշված գույքն «Ակադեմիկոս Ս. Ավդալբեկյանի անվան առողջապահության ազգային ինստիտուտ» փակ բաժնետիրական ընկերությանը Հայաստանի Հանրապետության օրենսդրությամբ սահմանված կարգով հանձնելու աշխատանքների և ընկերության կանոնադրական կապիտալի համապատասխան չափով ավելացման գործընթացի իրականացումը:

Հայաստանի Հանրապետության վարչապետ	Ա. Մարգարյան
2006 թ. հունիսի 24 Երևան