Գլխավոր տեղեկություն

Համար

N 40

Տիպ

Որոշում

Ակտի տիպ

Հիմնական ակտ (13.03.1997-մինչ օրս)

Կարգավիճակ

Գործում է

Սկզբնաղբյուր

ՀՀՊՏ 2003.10.31/54(289)

Ընդունող մարմին

ՀՀ կառավարություն

Ընդունման ամսաթիվ

13.03.1997

Ստորագրող մարմին

ՀՀ վարչապետ

Ստորագրման ամսաթիվ

13.03.1997

Վավերացնող մարմին

ՀՀ Նախագահ

Վավերացման ամսաթից

13.03.1997

Ուժի մեջ մտնելու ամսաթիվ

13.03.1997

«ՎԱՎԵՐԱՑՆՈՒՄ ԵՄ»
Հայաստանի Հանրապետության
Նախագահ Լ. Տեր-Պետրոսյան
13 մարտի 1997 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

13 մարտի 1997 թվականի N 40

քաղ. Երևան

ՍԵՓԱԿԱՆԱՇՆՈՐՀՎՈՂ «ՓՈՔՐ» ՕԲՅԵԿՏՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ

Ի կատարումն Հայաստանի Հանրապետության պետական ձեռնարկությունների և անավարտ շինարարության օբյեկտների սեփականաշնորհման և ապապետականացման 1996-1997 թվականների ծրագրի, Հայաստանի Հանրապետության կառավարությունը որոշում է.

1. Հաստատել սեփականաշնորհվող «փոքր» օբյեկտների ցանկը` համաձայն NN 1-5 հավելվածների:

2. Սույն որոշման NN 1-5 հավելվածներում ընդգրկված և Երևան քաղաքում տեղաբաշխված բոլոր ժամանակավոր օբյեկտների (տաղավարներ, կրպակներ) սեփականաշնորհումն իրականացվում է առանց հողի սեփականաշնորհման:

3. Հայաստանի Հանրապետության առևտրի, սպասարկումների և զբոսաշրջիկության նախարարությանը` մինչև յուրաքանչյուր ամսվա 20-ը, հավելվածներին համապատասխան, Հայաստանի Հանրապետության պետական ունեցվածքի հաշվառման և ապապետականացման վարչություն ներկայացնել «փոքր» օբյեկտների գնահատման համար անհրաժեշտ տվյալները:

4. Հայաստանի Հանրապետության պետական ունեցվածքի հաշվառման և ապապետականացման վարչությանը` գնահատման համար անհրաժեշտ տվյալներն ստանալուց հետո մեկամսյա ժամկետում ավարտել նշված «փոքր» օբյեկտների գույքագրման և գնահատման աշխատանքներն ու այդ օբյեկտները Հայաստանի Հանրապետության օրենսդրությամբ սահմանված կարգով առաջարկել դրանց աշխատավորական կոլեկտիվներին:

5. Սույն որոշումն ուժի մեջ է մտնում 1997 թվականի մարտի 13-ից:

Հայաստանի Հանրապետության
վարչապետ
Ա. Սարգսյան

Հավելված N 1
ՀՀ կառավարության 1997 թվականի
մարտի 13-ի N 40 որոշման

Ց Ա Ն Կ

1997 թվականի մարտ ամսին սեփականաշնորհման ենթակա «փոքր» օբյեկտների