«Վավերացնում եմ»
Հայաստանի Հանրապետության
Նախագահ Ռ. Քոչարյան
 27 ապրիլի 2006 թ.

 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

27 ապրիլի 2006 թվականի N 502-Ն

2006 ԹՎԱԿԱՆԻ ԳԱՐՆԱՆԱՅԻՆ ԶՈՐԱԿՈՉԸ ԿԱԶՄԱԿԵՐՊԵԼՈՒ ՄԱՍԻՆ

Ի կատարումն Հայաստանի Հանրապետության Նախագահի 2006 թվականի ապրիլի 27-ի «2006 թվականի գարնանային զորակոչ անցկացնելու և զորացրում կատարելու մասին» ՆՀ 92-Ն հրամանագրի` Հայաստանի Հանրապետության կառավարությունը որոշում է.

1. Հայաստանի Հանրապետության 2006 թվականի գարնանային զորակոչի ընդհանուր ղեկավարումն ապահովելու նպատակով ստեղծել հանրապետական զորակոչային հանձնաժողով` համաձայն N 1 հավելվածի:

2. Հայաստանի Հանրապետության վարչատարածքային միավորներում գարնանային զորակոչի անցկացման աշխատանքների համակարգման նպատակով ստեղծել մարզային (Երևանի քաղաքային) զորակոչային հանձնաժողովներ` համաձայն N 2 հավելվածի: Մարզային զորակոչային հանձնաժողովների գործունեության նկատմամբ վերահսկողությունը հանձնարարել  հանրապետական զորակոչային հանձնաժողովի նախագահին:

3. Հաստատել կենտրոնական բժշկական հանձնաժողովի կազմը` համաձայն N 3 հավելվածի:

4. Հայաստանի Հանրապետության պաշտպանության նախարարին`

ա) 2006 թվականի գարնանային զորակոչն անցկացնել սահմանված կարգով`  ապրիլ-հունիս ամիսների ընթացքում,

բ) զորակոչից խուսափող Հայաստանի Հանրապետության քաղաքացիների վերաբերյալ նյութերն ուղարկել Հայաստանի Հանրապետության դատախազության համապատասխան կառուցվածքային ստորաբաժանումներ:

5. Առաջարկել Հայաստանի Հանրապետության գլխավոր դատախազին`

ա) զորակոչից խուսափող Հայաստանի Հանրապետության քաղաքացիների նկատմամբ օրենքով սահմանված կարգով քրեական հետապնդում հարուցելու, ինչպես նաև այդ բնույթի գործերով հետաքննության և նախաքննության օրինականության նկատմամբ հսկողություն իրականացնելու ուղղությամբ աշխատանքների կազմակերպումը վերցնել անմիջական վերահսկողության տակ.

բ) Հայաստանի Հանրապետության միջազգային պայմանագրերին և օրենսդրությանը համապատասխան իրականացնել լրացուցիչ միջոցառումներ Հայաստանի Հանրապետությունից դուրս գտնվող` զորակոչից խուսափող անձանց հետախուզման ու հանրապետություն վերադարձնելու համար:

6. Հայաստանի Հանրապետության նախարարությունների, պետական կառավարման այլ մարմինների և կազմակերպությունների (անկախ կազմակերպական-իրավական ձևերից) ղեկավարներին`

ա) քրեական պատասխանատվության կանչված և հետախուզման մեջ գտնվող զորակոչիկների ցուցակներն ստանալուց հետո նրանց նկատմամբ կիրառել աշխատանքային, տնտեսական ու այլ ոլորտներում Հայաստանի Հանրապետության օրենսդրությամբ նախատեսված սահմանափակումներ և գտնվելու վայրի մասին անհապաղ իրազեկել իրավասու պետական մարմիններին.

բ) իրավասության սահմաններում ապահովել Հայաստանի Հանրապետության զորակոչային տարիքի քաղաքացիների ներկայանալը զինվորական կոմիսարիատներ:

7. Հայաստանի Հանրապետության մարզպետներին և Երևանի քաղաքապետին`

ա) 2006 թվականի գարնանային զորակոչի անցկացման համար զինվորական կոմիսարիատներն ապահովել զորակոչային տեղամասերով, սպասարկող անձնակազմով, ինչպես նաև նյութական և ավտոտրանսպորտային միջոցներով.

բ) հաստատել տեղական (ըստ զինվորական կոմիսարիատների կողմից սպասարկվող տարածքների) զորակոչային հանձնաժողովների անհատական կազմերը` դրանցում ընդգրկելով վարչատարածքում գործող բժշկական հաստատությունների առաջատար բժիշկ-մասնագետներին, իսկ Երևանում, անհրաժեշտության դեպքում, նաև` հանրապետական ենթակայության բժշկական հաստատությունների բժիշկ-մասնագետներին:

8. Հայաստանի Հանրապետության առողջապահության նախարարին`

ա) անհրաժեշտության դեպքում` համաձայն Հայաստանի Հանրապետության մարզպետների և Երևանի քաղաքապետի կողմից ներկայացված հայտերի, տեղական զորակոչային հանձնաժողովների կազմերը համալրել հանրապետական ենթակայության բժշկական հաստատությունների համապատասխան բժիշկ-մասնագետներով.

բ) Հայաստանի Հանրապետության պաշտպանության նախարարության հայտով զորակոչիկների ֆլյուորո (ռենտգեն) զննում, ինչպես նաև կանխարգելիչ պատվաստումներ կատարելու նպատակով հանձնարարել համակարգի բուժկանխարգելիչ հաստատություններին ապահովել անհրաժեշտ քանակով պատվաստանյութեր և ֆլյուորո (ռենտգեն) ժապավեններ:

9. Հայաստանի Հանրապետության ոստիկանության պետին`

ա) ապահովել զորակոչիկների անվտանգ փոխադրումը և հասարակական կարգի պահպանումը հանրապետության զորակոչային տեղամասերում.

բ) ապահովել զորակոչից խուսափող զորակոչիկների որոնումը Հայաստանի Հանրապետության տարածքում և Հայաստանի Հանրապետության տարածքից դուրս ու նրանց ներկայանալը զորակոչային տեղամասեր. 

գ) զորակոչի ընթացքում զորակոչիկներին Երևանի սահմաններից դուրս փոխադրող ավտոբուսներն ուղեկցելու համար հանրապետական հավաքակայանին կցել պետավտոտեսչության 2 անձնակազմ:

10. Հայաստանի Հանրապետության տրանսպորտի և կապի նախարարին` սույն որոշումն ուժի մեջ մտնելուց հետո 5-օրյա ժամկետում Հայաստանի Հանրապետության պաշտպանության նախարարությանը տրամադրել Հայաստանի Հանրապետության տարածքում ուղևորափոխադրումներ իրականացնող կազմակերպությունների ցանկը` «Գնումների մասին» Հայաստանի Հանրապետության օրենքով սահմանված կարգով զորակոչիկների փոխադրումներն իրականացնելու համար:

11. Սահմանել, որ զորակոչի կազմակերպման ծախսերը փոխհատուցվում են Հայաստանի Հանրապետության պաշտպանության նախարարության միջոցների հաշվին, բացառությամբ սույն որոշման 8-րդ կետով կատարվող ծախսերի:

12. Հայաստանի Հանրապետության տրանսպորտի և կապի նախարարին, Հայաստանի Հանրապետության ոստիկանության պետին, Հայաստանի Հանրապետության կառավարությանն առընթեր ազգային անվտանգության ծառայության տնօրենին, Հայաստանի Հանրապետության կառավարությանն առընթեր մաքսային պետական կոմիտեի նախագահին` զորակոչից խուսափելու դեպքերը կանխելու նպատակով գարնանային զորակոչի ընթացքում ուժեղացնել վերահսկողությունը Հայաստանի Հանրապետության սահմանային հաղորդակցության ուղիներում և զորակոչային տարիքի Հայաստանի Հանրապետության քաղաքացիների` հանրապետությունից մեկնումը թույլատրել միայն զինվորական գրքույկներում զինվորական ծառայությունն ավարտելու կամ հիվանդության պատճառով պահեստազորում գտնվելու, իսկ ամրակցման (նախնական հաշվառման) վկայականներում` պարտադիր զինվորական ծառայության զորակոչից տարկետման իրավունքից օգտվելու մասին զինվորական կոմիսարիատների համապատասխան նշումների առկայության դեպքում:

13. Հայաստանի Հանրապետության կրթության և գիտության նախարարին`

ա) 2006 թվականի գարնանային զորակոչի ընթացքում զորակոչային ռեսուրսներն առավելագույնս օգտագործելու նպատակով փոխադրման և ավարտական քննությունները, դիպլոմային աշխատանքների ու մագիստրոսական թեզերի պաշտպանություններն ավարտել`

դպրոցներում, քոլեջներում, ուսումնարաններում` մինչև 2006 թվականի հունիսի 25 ը,

բարձրագույն ուսումնական հաստատություններում` մինչև 2006 թվականի հունիսի 1-ը.

բ) պետական բարձրագույն ուսումնական հաստատությունների մագիստրոսների, ասպիրանտների (տարկետման իրավունքով տեղերի) և Հայաստանի Հանրապետության գիտությունների ազգային ակադեմիայի ասպիրանտների (տարկետման իրավունքով տեղերի) ընդունելություններն ավարտել 2006 թվականի հունիսի 20-ին:  

14. Սույն որոշման կատարման նկատմամբ վերահսկողությունը հանձնարարել  Հայաստանի Հանրապետության պաշտպանության նախարարությանը և հանրապետական զորակոչային հանձնաժողովին:

15. Սույն որոշումն  ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2006 թ. ապրիլի 27 Երևան

Հավելված N 1 ՀՀ կառավարության 2006 թվականի ապրիլի 27-ի N 502-Ն որոշման

Կ Ա Զ Մ
       
ՀԱՆՐԱՊԵՏԱԿԱՆ ԶՈՐԱԿՈՉԱՅԻՆ ՀԱՆՁՆԱԺՈՂՈՎԻ

Ս. Սարգսյան	-	ՀՀ պաշտպանության նախարար (հանձնաժողովի նախագահ)
Մ. Հարությունյան	-	ՀՀ զինված ուժերի գլխավոր շտաբի պետ, ՀՀ պաշտպանության նախարարի առաջին տեղակալ (հանձնաժողովի նախագահի տեղակալ)
Ա. Հարությունյան	-	ՀՀ զինվորական կոմիսար
Հ. Հարությունյան	-	ՀՀ ոստիկանության պետ
Գ. Հակոբյան	-	ՀՀ կառավարությանն առընթեր ազգային անվտանգության ծառայության տնօրեն
Ա. Հովսեփյան	-	ՀՀ գլխավոր դատախազ
Ն. Դավիդյան	-	ՀՀ առողջապահության նախարար
Ա. Մանուկյան	-	ՀՀ տրանսպորտի և կապի նախարար
Ս. Երիցյան	-	ՀՀ կրթության և գիտության նախարար
Մ. Շահգելդյան	-	ՀՀ Ազգային ժողովի պաշտպանության, ազգային անվտանգության և ներքին գործերի մշտական հանձնաժողովի նախագահ (համաձայնությամբ)
Հ. Խառատյան	-	ՀՀ կառավարության աշխատակազմի ազգային փոքրամասնությունների և կրոնի հարցերի վարչության պետ
Բ. Ոսկանյան	-	ՀՀ կառավարության աշխատակազմի վարչական մարմինների վարչության պետ (հանձնաժողովի  քարտուղար)

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 2 ՀՀ կառավարության 2006 թվականի ապրիլի 27-ի N 502-Ն որոշման

Կ Ա Զ Մ

ՄԱՐԶԱՅԻՆ (ԵՐԵՎԱՆԻ ՔԱՂԱՔԱՅԻՆ) ԶՈՐԱԿՈՉԱՅԻՆ ՀԱՆՁՆԱԺՈՂՈՎՆԵՐԻ

Մարզերի և զինկոմիսարիատների անվանումները	Հանձնաժողովների անդամները
1	2
Երևան
Արաբկիր	Ե. Զախարյան	- Երևանի քաղաքապետ
Մաշտոց		(հանձնաժողովի նախագահ)
Կենտրոնական Նոր Նորք	Յու. Խաչատուրով	- ՀՀ պաշտպանության նախարարի  տեղակալ
Շահումյան		- Երևան քաղաքի դատախազ
Շենգավիթ		- Երևան քաղաքի ոստիկանության վարչության պետ
Էրեբունի
		- Երևան քաղաքի կայազորի ռազմական
		ոստիկանության բաժնի պետ
Արագածոտն	Գ. Գյոզալյան	- Արագածոտնի մարզպետ
		(հանձնաժողովի նախագահ)
Աշտարակ Ապարան	Մ. Ս. Գրիգորյան	- ՀՀ պաշտպանության նախարարի տեղակալ
Թալին		- Արագածոտնի մարզի դատախազ
		- մարզային ոստիկանության վարչության պետ
		- Արմավիրի կայազորի ռազմական ոստիկանության Աշտարակի բաժանմունքի պետ
Արարատ	Ա. Սարգսյան	- Արարատի մարզպետ
		(հանձնաժողովի նախագահ)
Արտաշատ Արարատ	Ա. Աղաբեկյան	- ՀՀ պաշտպանության նախարարի տեղակալ
Մասիս		- Արարատի մարզի դատախազ
		- մարզային ոստիկանության վարչության պետ
		- ՀՀ պաշտպանության նախարարության  ռազմական ոստիկանության վարչության պետի տեղակալ
Արմավիր	Ա. Հերոյան	- Արմավիրի մարզպետ
		(հանձնաժողովի նախագահ)
Արմավիր Էջմիածին	Ա. Միրզաբեկյան	- ՀՀ պաշտպանության նախարարի տեղակալ
		- Արմավիրի մարզի դատախազ
		- մարզային ոստիկանության վարչության պետ
		- Արմավիրի կայազորի ռազմական ոստի-կանության բաժնի պետ
Գեղարքունիք	Ս. Բարսեղյան	Գեղարքունիքի մարզպետ
		(հանձնաժողովի նախագահ)
Գավառ Մարտունի	Հ. Բաղմանյան	-  2-րդ բանակային կորպուսի հրամանատար
Սևան		- Գեղարքունիքի մարզի դատախազ
Կրասնոսելսկ		- մարզային ոստիկանության վարչության պետ
		- Սևանի կայազորի  ռազմական ոստիկանության բաժնի պետ
Լոռի	Հ. Քոչինյան	- Լոռու մարզպետ
		(հանձնաժողովի նախագահ)
Վանաձոր Սպիտակ	Լ. Երանոսյան	- 3-րդ բանակային կորպուսի հրամանատար
Ստեփանավան		- Լոռու մարզի դատախազ
Տաշիր Թումանյան		- մարզային ոստիկանության վարչության պետ
		- Լոռու կայազորի  ռազմական ոստիկանության
		Վանաձորի բաժանմունքի պետ
Կոտայք	Կ. Շահգալդյան	- Կոտայքի մարզպետ
		(հանձնաժողովի նախագահ)
Կոտայք (Աբովյան)	Ա. Մելոյան	- ՀՀ պաշտպանության նախարարի ավագ
Հրազդան Չարենցավան		օգնական -վարչական ապարատի ղեկավար
Նաիրի		- Կոտայքի մարզի դատախազ
		- մարզային ոստիկանության վարչության պետ
		- Երևանի կայազորի ռազմական ոստիկանության
		Աբովյանի բաժանմունքի պետ
Շիրակ	Ռ. Մանուկյան	- Շիրակի մարզպետ
		(հանձնաժողովի նախագահ)
Գյումրի Արթիկ	Գ. Մելքոնյան	- ՀՀ պաշտպանության նախարարի տեղակալ
Աշոցք		- Շիրակի մարզի դատախազ
Անի		- մարզային ոստիկանության վարչության
Ախուրյան		պետի պաշտոնակատար
		- Շիրակի կայազորի ռազմական
		ոստիկանության բաժնի պետ
Սյունիք	Ս. Խաչատրյան	- Սյունիքի մարզպետ
		(հանձնաժողովի նախագահ)
Կապան Գորիս	Գ. Գաբրիելյան	- 1 -ին բանակային կորպուսի հրամանատար
Սիսիան		- Սյունիքի մարզի դատախազ
Մեղրի		- մարզային ոստիկանության վարչության պետ
		- Գորիսի կայազորի ռազմական ոստիկանության բաժնի պետ
Վայոց ձոր	Ս. Սարգսյան	- Վայոց ձորի մարզպետ
		(հանձնաժողովի նախագահ)
Եղեգնաձոր	Ա. Փայտյան	- 4-րդ ԲԿ-ի հրամանատար
Վայք		- Վայոց ձորի մարզի դատախազ
		- մարզային ոստիկանության վարչության պետ
		- Եղեգնաձորի կայազորի ռազմական ոստիկանության բաժնի պետ
Տավուշ	Ա. Ղուլարյան	- Տավուշի մարզպետ
		(հանձնաժողովի նախագահ)
Իջևան	Մ. Գ. Գրիգորյան	- ՀՀ պաշտպանության նախարարի հատուկ հանձնարարությունների գծով գեներալ
Տավուշ (Բերդ)
Նոյեմբերյան		- Տավուշի մարզի  դատախազ
Դիլիջան		- մարզային ոստիկանության վարչության պետ
		- Լոռու կայազորի ռազմական ոստիկանության բաժնի պետ

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 3 ՀՀ կառավարության 2006 թվականի ապրիլի 27-ի N 502-Ն որոշման

Կ Ա Զ Մ

ԿԵՆՏՐՈՆԱԿԱՆ ԲԺՇԿԱԿԱՆ ՀԱՆՁՆԱԺՈՂՈՎԻ

Ա. Հարությունյան	-	ՀՀ զինվորական կոմիսար (հանձնաժողովի նախագահ)
Ս. Ղասաբյան	-	ՀՀ առողջապահության նախարարության աշխատակազմի բժշկական օգնության կազմակերպման վարչության գլխավոր մասնագետ
Ա. Փարսադանյան	-	ՀՀ պաշտպանության նախարարության ռազմաբժշկական վարչության պետ
Լ. Նանիջանյան	-	թերապևտ
Վ. Տեր-Գրիգորյան	-	թերապևտ-սրտաբան
Ս. Թադևոսյան	-	հոգեբույժ
Գ. Հովհաննիսյան	-	նյարդաբան
Ա. Մուրադյան	-	քիթ-կոկորդ-ականջի մասնագետ
Ա. Ուզանկիչյան	-	վիրաբույժ
Հ. Շահինյան	-	ակնաբույժ
Կ. Բաբայան	-	մաշկավեներոլոգ
Վ. Այվազյան	-	վնասվածքաբան
Հ. Հովսեփյան	-	հանձնաժողովի քարտուղար