«Վավերացնում եմ»
Հայաստանի Հանրապետության
Նախագահ Ռ. Քոչարյան
 2 մայիսի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

20 ապրիլի 2006 թվականի N 521-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՆԵՐՄՈՒԾՎՈՂ ՍՆՆԴԱՄԹԵՐՔԻ` 2007 ԹՎԱԿԱՆԻ ՀՈՒՆՎԱՐԻ 1-ԻՑ ՊԱՐՏԱԴԻՐ ՀԱՅԵՐԵՆ ՄԱԿՆՇՄԱՆ ԱՊԱՀՈՎՄԱՆ ՄԻՋՈՑԱՌՈՒՄՆԵՐԸ ՀԱՍՏԱՏԵԼՈՒ ՄԱՍԻՆ

«Սպառողների իրավունքների պաշտպանության մասին» Հայաստանի Հանրապետության օրենքի 9-րդ հոդվածի 1-ին մասի կիրարկումն ապահովելու նպատակով Հայաստանի Հանրապետության կառավարությունը որոշում է.

1. Հաստատել Հայաստանի Հանրապետություն ներմուծվող սննդամթերքի` 2007 թվականի հունվարի 1-ից պարտադիր հայերեն մակնշման ապահովման միջոցառումները` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

Հայաստանի Հանրապետության վարչապետ	Ա. Մարգարյան
2006 թ. ապրիլի 28 Երևան

Հավելված ՀՀ կառավարության 2006 թվականի ապրիլի 20-ի N 521-Ն որոշման

Մ Ի Ջ Ո Ց Ա Ռ ՈՒ Մ Ն Ե Ր

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՆԵՐՄՈՒԾՎՈՂ ՍՆՆԴԱՄԹԵՐՔԻ` 2007 ԹՎԱԿԱՆԻ ՀՈՒՆՎԱՐԻ 1-ԻՑ ՊԱՐՏԱԴԻՐ ՀԱՅԵՐԵՆ ՄԱԿՆՇՄԱՆ ԱՊԱՀՈՎՄԱՆ

NN ը/կ	Միջոցառման նպատակը	Օրենքի կամ ՀՀ կառավարության որոշման նախագծի անվանումը	ՀՀ կառավարություն ներկայացնելու ժամկետը	Կատարողը
1	2	3	4	5
1.	Հայաստանի Հանրապետություն ներմուծվող սննդամթերքի առանձին տեսականու համար պարտադիր հայերեն մակնշման պահանջի և այն ուժի մեջ մտնելու ժամանակացույցի սահմանում` դրա իրականացումը նախատեսելով հետևյալ 2 փուլով`	1. «Սննդամթերքի համար պարտադիր հայերեն մակնշման պահանջի կիրառման ժամանակացույցը հաստատելու մասին» ՀՀ կառավարության որոշման նախագիծ	2006 թ. ապրիլի 17	ՀՀ առևտրի և տնտեսական զարգացման նախարարություն ՀՀ կառավարությանն առընթեր մաքսային պետական կոմիտե ՀՀ գյուղատնտեսության նախարարություն
	Առաջին փուլ` 01.01.2007 թ. ա) մանկական սննդի, բ) ալկոհոլային և ոչ ալկոհոլային խմիչքների, գ) ձկան խավիարի, ձկնեղենի, դ) բնական հյութերի և նեկտարների, ե) կոնֆետների և հրուշակեղենի, զ) փաթեթավորված յուղերի և ճարպերի, է) այլ առաջնահերթ հայերեն մակնշման ենթակա սննդամթերքի.	2. «Հայաստանի Հանրապետություն ներմուծվող սննդամթերքի առանձին տեսականու հայերեն մակնշման ձևերին և բովանդակությանը ներկայացվող պահանջների մասին» ՀՀ կառավարության որոշման նախագիծ	«Սննդամթերքի անվտանգության մասին» նոր ՀՀ օրենքի ընդունումից հետո 15-օրյա ժամկետում	ՀՀ առևտրի և տնտեսական զարգացման նախարարություն ՀՀ գյուղատնտեսության նախարարություն ՀՀ կառավարությանն առընթեր մաքսային պետական կոմիտե
	Երկրորդ փուլ` 01.07.2007 թ. մնացած սննդամթերքի համար
2.	Հայաստանի արդյունաբերողների և գործարարների միության ու Հայաստանի Հանրապետության առևտրաարդյունաբերական պալատի հետ համատեղ` Հայաստանի Հանրապետության տարածքում գործող և ներմուծում իրականացնող բոլոր տնտեսավարող սուբյեկտներին Հայաստանի Հանրապետություն ներմուծվող սննդամթերքի` 2007 թվականի հունվարի 1-ից պարտադիր հայերեն մակնշման պահանջը մաքսային սահմանին կիրառելու մասին իրազեկման ապահովում` օգտագործելով նաև զանգվածային լրատվության միջոցները		«Սննդամթերքի անվտանգության մասին» ՀՀ օրենքի և ՀՀ կառավարության որոշումների ընդունումից հետո, պարբերաբար	ՀՀ առևտրի և տնտեսական զարգացման նախարարություն ՀՀ կառավարությանն առընթեր մաքսային պետական կոմիտե

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան