«Գրանցված է»

ՀՀ արդարադատության

նախարարության կողմից

24 հունիսի 2011 թ.

Պետական գրանցման թիվ 11611268

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐ

15 հունիսի 2011 թ. ք. Երևան

N 333-Ն

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐԻ 2010 ԹՎԱԿԱՆԻ ԱՊՐԻԼԻ 10-Ի ԹԻՎ 195-Ն ՀՐԱՄԱՆՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ԵՎ ՓՈՍՏԱՅԻՆ ՎՃԱՐՄԱՆ ՊԵՏԱԿԱՆ ՆՇԱՆԻ ՆՄՈՒՇԸ ՀԱՍՏԱՏԵԼՈՒ ՈՒ ԳՈՐԾՈՂՈՒԹՅԱՆ ՄԵՋ ԴՆԵԼՈՒ ՄԱՍԻՆ

Ղեկավարվելով «Փոստային կապի մասին» Հայաստանի Հանրապետության օրենքի 10-րդ հոդվածի երկրորդ մասի «դ» կետով և Հայաստանի Հանրապետության կառավարության 2002 թվականի նոյեմբերի 21-ի «Հայաստանի Հանրապետության տրանսպորտի և կապի նախարարության աշխատակազմ» պետական կառավարչական հիմնարկ ստեղծելու և Հայաստանի Հանրապետության տրանսպորտի և կապի նախարարության կանոնադրությունն ու աշխատակազմի կառուցվածքը հաստատելու մասին» թիվ 1809-Ն որոշմամբ հաստատված կանոնադրության 8-րդ կետի «ժգ» ենթակետի դրույթով.

1. Հայաստանի Հանրապետության տրանսպորտի և կապի նախարարի 2010 թվականի ապրիլի 10-ի «2010 թվականի փոստային վճարման պետական նշանների թեման, գործողության մեջ դնելու ժամկետը, անվանագինը, տպաքանակը հաստատելու մասին» թիվ 195-Ն հրամանում կատարել հետևյալ փոփոխությունը.

հրամանի հավելվածի 27-րդ կետը շարադրել հետևյալ խմբագրությամբ.

27.

Պետական պարգևներ

1 նամականիշով միակողմանի բացիկ

IV եռամսյակ

240

1 000

2. Հաստատել փոստային վճարման պետական նշանի նմուշը` պետական պարգևներ թեմային նվիրված «ՊԱՏՎՈ ՇՔԱՆՇԱՆ. ORDER OF HONOR» 1 նամականիշով միակողմանի բացիկի, համաձայն հավելվածի:

3. Գործողության մեջ դնել` պետական պարգևներ թեմային նվիրված «ՊԱՏՎՈ ՇՔԱՆՇԱՆ. ORDER OF HONOR» 1 նամականիշով միակողմանի բացիկը, սահմանելով անվանագինը` 240 դրամ, տպաքանակը` 1000 հատ:

ՀՀ տրանսպորտի և կապի նախարար`

Մ. Վարդանյան

ՀԱՍՏԱՏՎԱԾ Է  Հավելված ՀՀ տրանսպորտի և կապի նախարարի 2011 թվականի հունիսի 15-ի թիվ 333-Ն հրամանի

ՀՀ տրանսպորտի և կապի նախարարության աշխատակազմի ղեկավար

Վ. Ջիլավյան