«Վավերացնում եմ»
Հայաստանի Հանրապետության
Նախագահ Լ. ՏԵՐ-ՊԵՏՐՈՍՅԱՆ
21 նոյեմբերի 1997 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

21 նոյեմբերի 1997 թվականի N 522
քաղ. Երևան

ԱՇԽԱՏԱՎՈՐԱԿԱՆ ԿՈԼԵԿՏԻՎՆԵՐԻ ՆԱԽԱՁԵՌՆՈՒԹՅԱՄԲ ՍԵՓԱԿԱՆԱՇՆՈՐՀՎՈՂ «ՓՈՔՐ» ՕԲՅԵԿՏՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ

Համաձայն «Հայաստանի Հանրապետության պետական ձեռնարկությունների և անավարտ շինարարության օբյեկտների սեփականաշնորհման և ապապետականացման 1996-1997 թվականների ծրագրի մասին» Հայաստանի Հանրապետության օրենքի 4 հոդվածի՝ Հայաստանի Հանրապետության կառավարությունը որոշում է.

1. Հաստատել աշխատավորական կոլեկտիվների նախաձեռնությամբ սեփականաշնորհվող «փոքր» օբյեկտների ցանկը (կցվում է)։

2. Հայաստանի Հանրապետության արդյունաբերության և առևտրի նախարարությանը, Հայաստանի Հանրապետության գյուղատնտեսության նախարարությանը և Հայաստանի Հանրապետության տրանսպորտի նախարարությանը` 10-օրյա ժամկետում Հայաստանի Հանրապետության պետական ունեցվածքի հաշվառման և ապապետականացման վարչություն ներկայացնել նշված օբյեկտների գնահատման համար անհրաժեշտ տվյալները։

3. Հայաստանի Հանրապետության պետական ունեցվածքի հաշվառման և ապապետականացման վարչությանը՝ անհրաժեշտ տվյալներն ստանալուց հետո մեկամսյա ժամկետում ավարտել նշված «փոքր» օբյեկտների գնահատման աշխատանքները և այդ օբյեկտները Հայաստանի Հանրապետության օրենսդրությամբ սահմանված կարգով առաջարկել դրանց աշխատավորական կոլեկտիվներին։

4. Սույն որոշումն ուժի մեջ է մտնում 1997 թվականի նոյեմբերի 21-ից։

Հայաստանի Հանրապետության վարչապետ

Ռ. ՔՈՉԱՐՅԱՆ

Հաստատված է ՀՀ կառավարության 1997 թվականի նոյեմբերի 21-ի N 522 որոշմամբ

Ց Ա Ն Կ

աշխատավորական կոլեկտիվների նախաձեռնությամբ սեփականաշնորհվող «փոքր» օբյեկտների

NN ը/կ	Ծածկագիրը, հայտի համարը	Օբյեկտի անվանումը	Օբյեկտի հասցեն
1	2	3	4
ՀՀ արդյունաբերության և առևտրի նախարարություն
1.	96785 4785	«Արաքս» սրճարանի խոհանոց	քաղ. Երևան, Մեսրոպ Մաշտոցի 1
2.	97811 5811	«Ծիածան» ԴՁ-ի կենցաղային սարքերի վերանորոգման արհեստանոց	քաղ. Երևան, Մեսրոպ Մաշտոցի 54 ա
3.	97819 5819	«Շիրառսպաս» ՊՁ-ի Գյումրիի ԹԿՏԱ ԴՁ-ի տաղավար	քաղ. Գյումրի, Թբիլիսյան խճ., 2
4.	97862 5862	Հանրային սննդի N 2 ԴՁ-ի պետկրկեսի N 2/2 բուֆետ (գույք)	քաղ. Երևան, պետկրկես
5.	97949 5949	«Չայկա» միավորման «Հադիս» ճաշարան (գույք)	Ջրվեժ, «Հադիս» ճաշարան
6.	97971 5971	Հանրային սննդի N 5 ԴՁ-ի N 564 տաղավար (գույք)	քաղ. Երևան, «Մալաթիա» բժշկական կենտրոնի տարածք
7.	97974 5974	«Եռառսպաս» ՊՁ-ի «Արարատ» ԴՁ-ի N 13 տաղավար	քաղ. Երևան, Շինարարների 10/1 շենքի մոտ
8.	97753 5753	«Շինանյութ» N 25 ֆիրմային խանութ	քաղ. Իջևան, Ամիրխանյան 41
9.	97987 5987	«Չայկա» միավորման գարեջրի կրպակ	քաղ. Աբովյան, Երևանյան փող., հանրախանութի դիմաց
10.	96648 4648	«Արա» սրճարան-բար	քաղ. Երևան, Զաքարիա Քանաքեռցու 106/1 բ
ՀՀ գյուղատնտեսության նախարարություն
11.	97887 5887	N 10 հացի գործարանի N 3 ֆիրմային խանութ	քաղ. Երևան, Մարշալ Բաղրամյան 68
12.	97956 5956	«Զովք» առևտրաարտադրական միավորման ֆիրմային խանութ	քաղ. Երևան, Տիգրան Մեծի 61
ՀՀ տրանսպորտի նախարարություն
13.	95538 3122	Երկաթգծի մատակարարման ՊՁ-ի N 38 արդյունաբերական  ապրանքների խանութ	քաղ. Գյումրի, Գորկու 109 շենքի 1-ին հարկի բացվածք
Տնտեսության այլ ճյուղեր
14.	97296 5296	«ԱվտոԶազ» ԱՄ-ի առևտրաարտադրական ձեռնարկություն	քաղ. Երևան, Նոր Արեշ, 34-րդ փող., 110