|
«Վավերացնում եմ» |
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
23 փետրվարի 2006 թվականի N 227-Ն
ՌՈՒՍԱՍՏԱՆԻ ԴԱՇՆՈՒԹՅԱՆՆ ԻՈՆԱՑՆՈՂ ՃԱՌԱԳԱՅԹՄԱՆ ԱՂԲՅՈՒՐՆԵՐ ՀԱՆԴԻՍԱՑՈՂ ԿՈԲԱԼՏ-60-Ը ԵՎ ՌԱԴԻՈԻԶՈՏՈՊԱՅԻՆ ՋԵՐՄԱԷԼԵԿՏՐԱԿԱՆ ԳԵՆԵՐԱՏՈՐՆԵՐԸ ՎԱՃԱՌԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Թույլատրել «Ռադիոակտիվ թափոնների վնասազերծում» փակ բաժնետիրական ընկերությանն իր պահպանության ներքո գտնվող` իոնացնող ճառագայթման աղբյուրներ հանդիսացող կոբալտ-60-ը և ռադիոիզոտոպային ջերմաէլեկտրական գեներատորները վաճառել «Իզոտոպ» համատարածաշրջանային միավորում» դաշնային պետական ունիտար ձեռնարկությանը և օրենքով սահմանված կարգով արտահանել և տեղափոխել Ռուսաստանի Դաշնություն:
2. Ընդունել ի գիտություն, որ սույն որոշման 1-ին կետում նշված իոնացնող ճառագայթման աղբյուրների տեղափոխման հետ կապված ծախսերը կատարվում են Ատոմային էներգիայի միջազգային գործակալության միջոցների հաշվին:
3. Հայաստանի Հանրապետության կառավարությանն առընթեր ազգային անվտանգության ծառայության տնօրենին և Հայաստանի Հանրապետության ոստիկանության պետին՝ ապահովել իոնացնող ճառագայթման աղբյուրներ հանդիսացող կոբալտ-60-ի և ռադիոիզոտոպային ջերմաէլեկտրական գեներատորների անվտանգ տեղափոխումը Հայաստանի Հանրապետության տարածքով:
4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։
|
Հայաստանի Հանրապետության |
Ա. Մարգարյան |
|
|