«Գրանցված է»
ՀՀ արդարադատության
նախարարության կողմից
6 մարտի 2006 թ.
Պետական գրանցման թիվ 60006062

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ

15 փետրվարի 2006 թ. ք. Երևան

N 17-Ն

Ո Ր Ո Շ ՈՒ Մ

ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԻ ԿԱՐԳԱՎՈՐՄԱՆ ՊԱՐՏԱԴԻՐ ՎՃԱՐ ՎՃԱՐՈՂՆԵՐԻ ՀԱՇՎԱՌՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

Հիմք ընդունելով «Հանրային ծառայությունների կարգավորման պարտադիր վճարների մասին» Հայաստանի Հանրապետության օրենքի 4-րդ հոդվածը՝ Հայաստանի Հանրապետության հանրային ծառայությունները կարգավորող հանձնաժողովը որոշում է.

1. Հաստատել հանրային ծառայությունների կարգավորման պարտադիր վճար վճարողների հաշվառման կարգը (հավելված)։

2. Սույն որոշումն ուժի մեջ է մտնում  պաշտոնական հրապարակման օրվան հաջորդող տասներորդ օրվանից:

ՀՀ հանրային ծառայությունները կարգավորող հանձնաժողովի նախագահ`

Ռ. Նազարյան

  

	Հավելված
	Հաստատված է ՀՀ հանրային ծառայությունները կարգավորող հանձնաժողովի 2006 թվականի փետրվարի 15-ի N 17-Ն որոշմամբ

Կ Ա Ր Գ

հանրային ծառայությունների կարգավորման պարտադիր վճար վճարողների հաշվառման

Սույն կարգը սահմանում է հանրային ծառայությունների կարգավորման պարտադիր վճար վճարողների (այսուհետ` վճարողներ) հաշվառման կարգը:

1. Վճարողներ են համարվում հանրային ծառայությունների ոլորտում կարգավորվող գործունեություն իրականացնող և ծառայություն մատուցող անձինք, որոնց համար Հայաստանի Հանրապետության հանրային ծառայությունները կարգավորող հանձնաժողովի (այսուհետ` հանձնաժողով) կողմից սահմանված են կարգավորվող սակագներ:

2. Կարգավորման պարտադիր վճարների տարեկան դրույքաչափերը հաշվարկվում և հանձնաժողովի համապատասխան որոշմամբ հաստատվում են յուրաքանչյուր տարվա բյուջետային գործընթացի համար սահմանված կարգով և ժամկետներում:

3. Յուրաքանչյուր տարվա համար վճարողների անվանական կազմը և կարգավորման պարտադիր վճարների տարեկան դրույքաչափերը անհրաժեշտության դեպքում (վճարողների անվանական կազմի, կարգավորման պարտադիր վճարների տարեկան դրույքաչափերի փոփոխության և այլնի) ճշգրտվում են մինչև տվյալ տարվա նոյեմբերի 1-ը:

4. Վճարողների հաշվառումն իրականացվում է վճարողների գրանցման մատյանում (հավելված N 1) գրանցելու միջոցով:

5. Գրանցման մատյանում հաշվառվում են հանձնաժողովի կողմից յուրաքանչյուր տարվա համար հաստատված անվանական կազմում ընդգրկված վճարողները:

6. Վճարողները վճարումը հավաստող փաստաթղթերը հանձնաժողով են ներկայացնում մինչև «Հանրային ծառայությունների կարգավորման պարտադիր վճարների մասին» Հայաստանի Հանրապետության օրենքի 11-րդ հոդվածի 1-ին մասով սահմանված վճարման ժամկետին հաջորդող ամսվա 25-ը:

Հավելված N 1 ՀՀ հանրային ծառայությունները  կարգավորող հանձնաժողովի  2006 թվականի փետրվարի 15-ի N 17-Ն որոշմամբ հաստատված կարգի

Գ Ր Ա Ն Ց Մ Ա Ն  Մ Ա Տ Յ Ա Ն

ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԻ ԿԱՐԳԱՎՈՐՄԱՆ ՊԱՐՏԱԴԻՐ ՎՃԱՐ ՎՃԱՐՈՂՆԵՐԻ

Հ/Հ	Կարգավորվող գործունեություն իրականացնող և ծառայություն մատուցող անձի անվանումը	Կարգավորման պարտադիր վճարի տարեկան դրույքաչափը (մլն դրամ)	Վճարվել է (մլն դրամ)					Տարբերու- թյունը (սյուն. 3- սյուն. 8) մլն դրամ	Վճարումը հավաստող փաստաթղթի համարը, ամսաթիվը	Տեղեկատվությունը հանձնեց		Ծանո-թություն
			1-ին եռամս-յակ	2-րդ եռամս-յակ	3-րդ եռամս-յակ	4-րդ եռամս-յակ	ընդա-մենը			անունը, ազգանունը	ստորա-գրություն
1	2	3	4	5	6	7	8	9	10	11	12	13