«Վավերացնում եմ» Հայաստանի Հանրապետության Նախագահ Ռ. Քոչարյան  30 հունվարի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

29 դեկտեմբերի 2005 թվականի N 2323-Ն

ՓՐԿԱՐԱՐԱԿԱՆ ԾԱՌԱՅՈՒԹՅԱՆ ԾԱՌԱՅՈՂԻ ՊԱՇՏՈՆԱՅԻՆ ԴՐՈՒՅՔԱՉԱՓԸ, ՓՐԿԱՐԱՐԱԿԱՆ ԾԱՌԱՅՈՒԹՅԱՆ ԿՈՉՄԱՆ ՀԱՎԵԼԱՎՃԱՐԻ ՉԱՓԸ ԵՎ ՓՐԿԱՐԱՐԱԿԱՆ ԾԱՌԱՅՈՒԹՅԱՆ ԾԱՌԱՅՈՂԻՆ ՏՐՎՈՂ ՍՆՆԴԻ ՓՈԽՀԱՏՈՒՑՄԱՆ ԳՈՒՄԱՐԻ ՉԱՓԸ ՍԱՀՄԱՆԵԼՈՒ ՄԱՍԻՆ

«Հայաստանի փրկարար ծառայության մասին» Հայաստանի Հանրապետության օրենքի 41-րդ հոդվածի 1-ին մասին, 42-րդ և 43-րդ հոդվածներին համապատասխան` Հայաստանի Հանրապետության կառավարությունը որոշում է. 1. Սահմանել` ա) փրկարարական ծառայության ծառայողի պաշտոնային դրույքաչափը` ըստ պաշտոնների` համաձայն N 1 հավելվածի. բ) փրկարարական ծառայության կոչման հավելավճարի չափը` համաձայն N 2 հավելվածի. գ) փրկարարական ծառայության ծառայողին յուրաքանչյուր ամիս տրվող սննդի փոխհատուցման գումարի չափը` 10.000 դրամ: 2. Հայաստանի փրկարար ծառայության տեխնիկական սպասարկում իրականացնող անձանց դրույքաչափերը նշանակվում են հանրապետական գործադիր մարմինների տեխնիկական սպասարկում իրականացնող անձանց համար Հայաստանի Հանրապետության կառավարության կողմից սահմանված դրույքաչափերին համապատասխան: 3. Իրավունք վերապահել Հայաստանի Հանրապետության տարածքային կառավարման նախարարության Հայաստանի փրկարար ծառայության տնօրենին Հայաստանի Հանրապետության պետական բյուջեով նախատեսված աշխատավարձի ֆոնդի սահմաններում տնտեսված գումարների հաշվին աշխատողներին վճարելու լրավճարներ, հավելավճարներ և պարգևատրումներ:  4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, և դրա գործողությունը տարածվում է 2006 թվականի հունվարի 1-ից հետո ծագած հարաբերությունների վրա։

Հայաստանի Հանրապետության վարչապետ	Ա. Մարգարյան
2006 թ. հունվարի 23 Երևան

	Հավելված N 1 ՀՀ կառավարության 2005 թվականի դեկտեմբերի 29-ի N 2323-Ն որոշման
ՊԱՇՏՈՆԱՅԻՆ ԴՐՈՒՅՔԱՉԱՓ ՓՐԿԱՐԱՐԱԿԱՆ ԾԱՌԱՅՈՒԹՅԱՆ ԾԱՌԱՅՈՂԻ NN ը/կ Պաշտոնը Պաշտոնային դրույքաչափը ա) փրկարարական ծառայության բարձրագույն պաշտոն` 1. կենտրոնական ապարատի վարչության պետ 20940-42000 բ) փրկարարական ծառայության գլխավոր պաշտոններ` 2. կենտրոնական ապարատի առանձին բաժնի պետ 19760-33500 3. կենտրոնական ապարատի վարչության պետի տեղակալ 19760-33500 4. տարածքային, ներառյալ` Երևան քաղաքի վարչության պետ 19760-33500 գ) փրկարարական ծառայության ավագ պաշտոններ` 5. տարածքային, ներառյալ` Երևան քաղաքի, վարչության պետի տեղակալ  18610-28500 6. հատուկ փրկարարական ջոկատի հրամանատար, հատուկ հրշեջ ջոկատի հրամանատար  18610-28500 7. հրշեջ- փրկարարական ջոկատի հրամանատար 18610-28500 8. բաժնի պետ 18610-28500 9. հատուկ փրկարարական ջոկատի հրամանատարի տեղակալ, հատուկ հրշեջ ջոկատի հրամանատարի տեղակալ 18610-28500 10. հրշեջ- փրկարարական ջոկատի հրամանատարի տեղակալ 15840-24500 11. լաբորատորիայի պետ 15840-24500 դ) փրկարարական ծառայության միջին պաշտոններ` 12. խմբի պետ 15000-19200 13. ջոկի հրամանատար 15000-19200 14. ավագ փրկարար 15000-18200 ե) փրկարարական ծառայության կրտսեր պաշտոններ` 15. փրկարար 15000-17100
Հայաստանի Հանրապետության կառավարության աշխատակազմի ղեկավար-նախարար	Մ. Թոփուզյան

	Հավելված N 2 ՀՀ կառավարության 2005 թվականի դեկտեմբերի 29-ի N 2323-Ն որոշման
Հ Ա Վ Ե Լ Ա Վ Ճ Ա Ր ՓՐԿԱՐԱՐԱԿԱՆ ԾԱՌԱՅՈՒԹՅԱՆ ԿՈՉՄԱՆ     NN ը/կ Փրկարարական ծառայության կոչումը  Կոչման դրույքաչափը ա) փրկարարական ծառայության բարձրագույն կոչումներ` 1. փրկարարական ծառայության գեներալ- լեյտենանտ 10.100 2. փրկարարական ծառայության գեներալ- մայոր 9.320 բ) փրկարարական ծառայության գլխավոր կոչում` 3. փրկարարական ծառայության գնդապետ 7.760 գ) փրկարարական ծառայության ավագ կոչումներ` 4. փրկարարական ծառայության փոխգնդապետ 7.300 5. փրկարարական ծառայության մայոր 6.670 դ) փրկարարական ծառայության միջին կոչումներ` 6. փրկարարական ծառայության կապիտան 6.200 7. փրկարարական ծառայության ավագ լեյտենանտ 5.740 8. փրկարարական ծառայության լեյտենանտ 4.980 9. փրկարարական ծառայության կրտսեր լեյտենանտ 4.370 ե) փրկարարական ծառայության կրտսեր կոչումներ` 10. փրկարարական ծառայության ավագ ենթասպա 3.580 11. փրկարարական ծառայության ենթասպա 3.110 12. փրկարարական ծառայության ավագ սերժանտ 2.810 13. փրկարարական ծառայության սերժանտ 2.640 14. փրկարարական ծառայության կրտսեր սերժանտ 2.340 15. փրկարարական ծառայության շարքային  2.030
Հայաստանի Հանրապետության կառավարության աշխատակազմի ղեկավար-նախարար	Մ. Թոփուզյան