«Վավերացնում եմ»
Հայաստանի Հանրապետության
Նախագահ Ռ. Քոչարյան
 5 նոյեմբերի 2005 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

20 հոկտեմբերի 2005 թվականի N 1750-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ԳՈՐԾՈՂ ՉԱՓԻՉ ԿԵՏԵՐՈՒՄ ԱՎՏՈՏՐԱՆՍՊՈՐՏԱՅԻՆ ՄԻՋՈՑՆԵՐԻՑ ԱՐՏԱՆԵՏՎՈՂ ՉԱՓՄԱՆ ԵՆԹԱԿԱ ԱՂՏՈՏՈՂ ՆՅՈՒԹԵՐԻ ՑԱՆԿԸ ԵՎ ՉԱՓՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Համաձայն «Մթնոլորտային օդի պահպանության մասին» Հայաստանի Հանրապետության օրենքի 18¹ -րդ հոդվածի 6-րդ մասի` Հայաստանի Հանրապետության կառավարությունը որոշում է.

1. Հաստատել՝

ա) Հայաստանի Հանրապետության տարածքում գործող չափիչ կետերում ավտոտրանսպորտային միջոցներից արտանետվող չափման ենթակա աղտոտող նյութերի չափման կարգը` համաձայն N 1 հավելվածի.

բ) Հայաստանի Հանրապետության տարածքում գործող չափիչ կետերում ավտոտրանսպորտային միջոցներից արտանետվող չափման ենթակա աղտոտող նյութերի ցանկը` համաձայն N 2 հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը։

Հայաստանի Հանրապետության   վարչապետ	Ա. Մարգարյան
2005 թ. հոկտեմբերի 26     Երևան

Հավելված N 1 ՀՀ կառավարության 2005 թվականի հոկտեմբերի 20-ի N 1750-Ն որոշման

Կ Ա Ր Գ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ԳՈՐԾՈՂ ՉԱՓԻՉ ԿԵՏԵՐՈՒՄ ԱՎՏՈՏՐԱՆՍՊՈՐՏԱՅԻՆ ՄԻՋՈՑՆԵՐԻՑ ԱՐՏԱՆԵՏՎՈՂ ՉԱՓՄԱՆ ԵՆԹԱԿԱ ԱՂՏՈՏՈՂ ՆՅՈՒԹԵՐԻ ՉԱՓՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով սահմանվում է Հայաստանի Հանրապետության տարածքում գործող չափիչ կետերում ավտոտրանսպորտային միջոցներից արտանետվող չափման ենթակա աղտոտող նյութերի չափման կարգը:

2. Չափիչ կետերում իրականացվող հիմնական աշխատանքներն են`

ա) ավտոտրանսպորտային միջոցներից արտանետվող չափման ենթակա աղտոտող նյութերի չափումները,

բ) չափման արդյունքների գրանցումն ավտոտրանսպորտային միջոցներից աղտոտող նյութերի արտանետումների չափումների հաշվառման մատյանում,

գ) ավտոտրանսպորտային միջոցներից աղտոտող նյութերի արտանետումների նորմատիվներին համապատասխանության կտրոնի հաշվառումը, լրացումն ու տրամադրումը,

դ) չափումների արդյունքներն ամփոփելը և կիսամյակային ու տարեկան հաշվետվություններ կազմելն ու ներկայացնելը մթնոլորտային օդի պահպանության բնագավառում լիազորված պետական մարմին (այսուհետ` լիազորված պետական մարմին):

3. Ավտոտրանսպորտային միջոցներից աղտոտող նյութերի չափումներն իրականացվում են «Մթնոլորտային օդի պահպանության մասին» Հայաստանի Հանրապետության օրենքի 18-րդ հոդվածի 3-րդ կետում նշված ժամկետներում:

II. ՉԱՓԻՉ ԿԵՏԵՐՈՒՄ ԱՇԽԱՏԱՆՔՆԵՐԻ ԿԱԶՄԱԿԵՐՊՈՒՄԸ

4. Ավտոտրանսպորտային միջոցներից արտանետվող չափման ենթակա աղտոտող նյութերի չափումներն իրականացվում են միջպետական և Հայաստանի Հանրապետության ստանդարտների պահանջներին համապատասխան:

5. Չափման արդյունքների և ավտոտրանսպորտային միջոցներից աղտոտող նյութերի արտանետումների համար սահմանված նորմատիվների համապատասխանության դեպքում ավտոտրանսպորտային միջոցներ տնօրինողներին տրվում է աղտոտող նյութերի նորմատիվների համապատասխանության կտրոն (այսուհետ` համապատասխանության կտրոն)` ըստ լիազորված պետական մարմնի հաստատած ձևի:

Համապատասխանության կտրոնները լիազորված պետական մարմնի կողմից համարակալվում և տրվում են ավտոտրանսպորտային միջոցներից աղտոտող նյութերի արտանետումների չափումներ իրականացնելու լիցենզիա ունեցող իրավաբանական անձանց (այսուհետ` լիցենզառու)` Հայաստանի Հանրապետության օրենսդրությամբ սահմանված կարգով լիցենզիայի ձևակերպումից հետո` 5-օրյա ժամկետում:

6. Չափման արդյունքները չափիչ կետերում գրանցվում են ավտոտրանսպորտային միջոցներից աղտոտող նյութերի արտանետումների չափումների հաշվառման մատյանում` համաձայն N 1 ձևի:

Ավտոտրանսպորտային միջոցներից աղտոտող նյութերի արտանետումների չափումների հաշվառման մատյանի էջերը համարակալվում են և կնքվում լիազորված պետական մարմնի կողմից:

7. Չափումների կիսամյակային և տարեկան ամփոփ արդյունքները ներկայացվում են լիազորված մարմին մինչև յուրաքանչյուր տարվա հուլիսի 15-ը և հաշվետու տարվան հաջորդող տարվա հունվարի 15-ը` համաձայն N 2 ձևի:

8. Լիցենզառուն սույն կարգի 2-րդ կետում նշված աշխատանքների հավաստիության համար կրում է պատասխանատվություն` Հայաստանի Հանրապետությամբ օրենսդրությամբ սահմանված կարգով:

9. Լիցենզառուն պարտավոր է հետևել չափիչ կետի սարքավորումների սարքինությանը և կատարել սարքավորումների համապատասխան տեխնիկական սպասարկում, ինչպես նաև սարքավորումները ներկայացնել ստուգաչափման` Հայաստանի Հանրապետության օրենսդրությամբ սահմանված կարգով:

III. ՉԱՓԻՉ ԿԵՏԵՐԻ ՍԱՐՔԱՎՈՐՈՒՄՆԵՐԸ, ՉԱՓՄԱՆ ՄԻՋՈՑՆԵՐԸ, ՓԱՍՏԱԹՂԹԵՐԸ

10. Չափիչ կետերը պետք է ունենան հետևյալ սարքավորումներն ու չափման միջոցները, որոնք պետք է ապահովեն չափումների ճշտությունը` չգերազանցելով նշված սարքավորումների և չափման միջոցների համար նախատեսված թույլատրելի սխալները`

ա) Հայաստանի Հանրապետության կառավարության 2005 թվականի հոկտեմբերի 20-ի «Հայաստանի Հանրապետության տարածքում գործող չափիչ կետերում ավտոտրանսպորտային միջոցներից արտանետվող չափման ենթակա աղտոտող նյութերի ցանկը և չափման կարգը հաստատելու մասին» N 1750-Ն որոշման N 2 հավելվածում նշված աղտոտող նյութերը չափող անհրաժեշտ գազաանալիզատորներ,

բ) ավտոտրանսպորտային միջոցների շարժիչի ծնկաձև լիսեռի պտույտների հաճախականության չափման միջոց (տախոմետր),

գ) մթնոլորտային ճնշման չափման միջոց (բարոմետր),

դ) մթնոլորտի ջերմաստիճանի չափման միջոց (ջերմաչափ):

11. Չափումները կարող են իրականացվել սահմանափակ օդափոխանակությամբ (փակ տարածք) և անսահմանափակ օդափոխանակությամբ (բաց տարածք) տարածքներում:

Եթե չափումները կատարվում են փակ տարածքում, ապա ահրաժեշտ է գազահեռացման համակարգի առկայություն:

12. Չափիչ կետերում պետք է լինեն հետևյալ փաստաթղթերը`

ա) ավտոմեքենաների և շարժիչների համար` թողարկող կազմակերպության կողմից տրամադրվող շահագործման հրահանգները,

բ) սարքավորումների և չափման միջոցների համար` թողարկող կազմակերպության կողմից տրամադրվող շահագործման հրահանգները:

13. Չափիչ կետերում կիրառվող (օգտագործվող) սարքավորումները և չափման միջոցները պետք է լինեն տեսակը հաստատված, ստուգաչափված կամ վկայագրված` համաձայն «Չափումների միասնականության ապահովման մասին» Հայաստանի Հանրապետության օրենքի:

IV. ՍԱՐՔԱՎՈՐՈՒՄՆԵՐԻ ՇԱՀԱԳՈՐԾՄԱՆ ԿԱՆՈՆՆԵՐԸ

 14. Սույն կարգի 10-րդ կետով սահմանված սարքավորումների շահագործումն իրականացվում է` պահպանելով թողարկող կազմակերպության շահագործման հրահանգները:

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Ձև 1

ԱՎՏՈՏՐԱՆՍՊՈՐՏԱՅԻՆ ՄԻՋՈՑՆԵՐԻՑ ԱՂՏՈՏՈՂ ՆՅՈՒԹԵՐԻ ԱՐՏԱՆԵՏՈՒՄՆԵՐԻ ՉԱՓՈՒՄՆԵՐԻ ՀԱՇՎԱՌՄԱՆ ՄԱՏՅԱՆ

NN ը/կ	Չափման ամսաթիվը	Ավտոմե-քենայի մակնիշը	Ավտոմե-քենայի  պետական համարանիշը	Օգտա-գործվող վառելա-նյութի տեսակը	Համապա-տասխա-նության կտրոնի համարը	Չափվող աղտոտող նյութերի անվանումը (+)			Արտանետման չափման արդյունքն ըստ աղտոտող նյութերի			Ստուգողի ստորագրու-թյունը	Ծանոթա-գրություն
						ածխածնի օքսիդ	ածխա-ջրածին-ներ	ծխայնու-թյուն	ածխածնի օքսիդ	ածխաջրա-ծիններ	ծխայնու-թյուն
1	2	3	4	5	6	7	8	9	10	11	12	13	14

Ձև 2

ՉԱՓՈՒՄՆԵՐԻ ԿԻՍԱՄՅԱԿԱՅԻՆ ԵՎ ՏԱՐԵԿԱՆ ԱՄՓՈՓ ԱՐԴՅՈՒՆՔՆԵՐԸ

Ստուգված ավտոմեքենաների  տեսակը	Ստուգված ավտոմեքե-նաների քանակը	Նորմատիվները գերազանցած ավտոմեքենաների քանակը (այդ թվում` 10 և ավելի անգամ)	Կարգավորված ավտոմեքենաների քանակը (այդ թվում` 10 և ավելի անգամ գերազանցողներից)	Տրված համապա-տասխանության կտրոնների քանակը
1	2	3	4	5
Թեթև մարդատար
Թեթև բեռնատար (< 3.5տ)
Ծանր բեռնատար (>3.5տ)
Ընդամենը

Հավելված N 2 ՀՀ կառավարության 2005 թվականի հոկտեմբերի 20-ի N 1750-Ն որոշման

Ավտոտրանսպորտային միջոցներից արտանետվող, չափման ենթակա աղտոտող նյութերն են`

ածխածնի օքսիդը,

ածխաջրածինները,

ծխայնությունը: 

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան