«Գրանցված է» 
ՀՀ արդարադատության
նախարարության կողմից

31 օգոստոսի 2005 թ.

Պետական գրանցման թիվ 05005352

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

Ո Ր Ո Շ ՈՒ Մ

 «ՀԱՅԱՍՏԱՆԻ ԶԻՆՎԱԾ ՈՒԺԵՐ» ՈՍԿՅԱ ԵՎ ԱՐԾԱԹՅԱ ՀՈՒՇԱԴՐԱՄՆԵՐԸ ՇՐՋԱՆԱՌՈՒԹՅԱՆ ՄԵՋ ԴՆԵԼՈՒ ՄԱՍԻՆ

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «է» կետը` Հայաստանի Հանրապետության կենտրոնական բանկի խորհուրդը որոշում է.

1. 2005 թվականի հոկտեմբերի 1-ից շրջանառության մեջ դնել Հայաստանի Հանրապետության կենտրոնական բանկի խորհրդի 2004 թվականի հոկտեմբերի 12-ի «Հայաստանի Հանրապետության կենտրոնական բանկի խորհրդի 2004 թվականի մայիսի 19-ի թիվ 126-Ն որոշման մեջ լրացումներ կատարելու մասին» թիվ 241-Ն որոշմամբ թողարկված 50000 դրամ անվանական արժեքով «Հայաստանի զինված ուժեր» ոսկյա և 5000 դրամ անվանական արժեքով «Հայաստանի զինված ուժեր» արծաթյա հուշադրամները: Հուշադրամների նկարագրությունը համաձայն հավելված 1-ի (կցվում է):

2. Սույն որոշումն ուժի մեջ է մտնում հրապարակմանը հաջորդող տասներորդ օրվանից:

ՀՀ կենտրոնական բանկի նախագահ`	Տ. Սարգսյան
2005 թ. օգոստոսի 22 Երևան

	Հավելված 1
	Հաստատված է Հայաստանի Հանրապետության կենտրոնական բանկի խորհրդի 2005 թվականի օգոստոսի 16-ի թիվ 423-Ն որոշմամբ

Ն Կ Ա Ր Ա Գ Ր ՈՒ Թ Յ ՈՒ Ն

ՀԱՅԱՍՏԱՆԻ ԶԻՆՎԱԾ ՈՒԺԵՐԻՆ ՆՎԻՐՎԱԾ 50000 ԴՐԱՄ ԱՆՎԱՆԱԿԱՆ ԱՐԺԵՔՈՎ ՈՍԿՅԱ ՀՈՒՇԱԴՐԱՄԻ

 Հայաստանի Հանրապետության կենտրոնական բանկը թողարկել է ոսկյա հուշադրամ` նվիրված Հայաստանի զինված ուժերին:

Հուշադրամի դիմերեսին պատկերված է Հայաստանի Հանրապետության զինանշանը: Զինանշանից ներքև երկու տողով անվանական արժեքի մակագրությունն է` «50000» և «ԴՐԱՄ»: Շրջանագծով եզրաշուրթի մոտ մակագրված է «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ 2005»: Դաշտի կենտրոնի աջ և ձախ մասերում նշված է դրամահատարանի առևտրային նիշը:

Հուշադրամի դարձերեսին պատկերված է Հայաստանի Հանրապետության «Մարտական խաչ» շքանշանը: Շքանշանից ձախ Հայաստանի զինված ուժերի խորհրդանիշի պատկերն է: Շրջանագծով եզրաշուրթի մոտ վերևում հայերեն, իսկ ներքևում անգլերեն մակագրված է համապատասխանաբար` «ՀԱՅԱՍՏԱՆԻ ԶԻՆՎԱԾ ՈՒԺԵՐ» և «ARMED FORCES ՕF ARMENIA»:

Հուշադրամը շրջանագծով երկու կողմից ունի ուռուցիկ եզրաշուրթ:

Հուշադրամը տեղադրված է թափանցիկ պատիճում և ունի իսկության հավաստագիր: Հուշադրամի ուրվագծերի ձևավորումը կատարել է Հայաստանի նկարիչների միության անդամ Հարություն Սամուելյանը: Հուշադրամը պատրաստվել է Նիդեռլանդների «DE NEDERLANDSE MUNT» դրամահատարանում:

Հուշադրամի բնութագիրը.

Անվանական արժեքը`	50000 դրամ
Մետաղը և հարգը`	ոսկի, 9990
Զանգվածը`	8,6 գ
Տրամագիծը`	22,0 մմ
Դրամաշուրթը`	ատամնավոր
Որակը`	պրուֆ
Ձևը`	կլոր
Տպաքանակը`	1000 հատ

Ն Կ Ա Ր Ա Գ Ր ՈՒ Թ Յ ՈՒ Ն

ՀԱՅԱՍՏԱՆԻ ԶԻՆՎԱԾ ՈՒԺԵՐԻՆ ՆՎԻՐՎԱԾ 5000 ԴՐԱՄ ԱՆՎԱՆԱԿԱՆ ԱՐԺԵՔՈՎ ԱՐԾԱԹՅԱ ՀՈՒՇԱԴՐԱՄԻ

Հայաստանի Հանրապետության կենտրոնական բանկը թողարկել է արծաթյա հուշադրամ նվիրված Հայաստանի զինված ուժերին:

Հուշադրամի դիմերեսին պատկերված է Հայաստանի Հանրապետության զինանշանը: Զինանշանից ներքև երկու տողով անվանական արժեքի մակագրությունն է` «5000» և «ԴՐԱՄ»: Շրջանագծով եզրաշուրթի մոտ մակագրված է «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ 2005»: Դաշտի կենտրոնի աջ և ձախ մասերում նշված է դրամահատարանի առևտրային նիշը:

Հուշադրամի դարձերեսին պատկերված է Հայաստանի Հանրապետության «Մարտական խաչ» շքանշանը: Շքանշանից ձախ Հայաստանի զինված ուժերի խորհրդանիշի պատկերն է: Շրջանագծով եզրաշուրթի մոտ վերևում հայերեն, իսկ ներքևում անգլերեն մակագրված է համապատասխանաբար` «ՀԱՅԱՍՏԱՆԻ ԶԻՆՎԱԾ ՈՒԺԵՐ» և «ARMED FORCES ՕF ARMENIA»:

Հուշադրամը շրջանագծով երկու կողմից ունի ուռուցիկ եզրաշուրթ:

Հուշադրամը տեղադրված է թափանցիկ պատիճում և ունի իսկության հավաստագիր: Հուշադրամի ուրվագծերի ձևավորումը կատարել է Հայաստանի նկարիչների միության անդամ Հարություն Սամուելյանը: Հուշադրամը պատրաստվել է Նիդեռլանդների «DE NEDERLANDSE MUNT» դրամահատարանում:

Հուշադրամի բնութագիրը.

Անվանական արժեքը`	5000 դրամ
Մետաղը և հարգը`	արծաթ, 9250
Զանգվածը`	31,1գ
Տրամագիծը`	38,0 մմ
Դրամաշուրթը`	ատամնավոր
Որակը`	պրուֆ
Ձևը`	ութանկյուն
Տպաքանակը`	500 հատ