«Վավերացնում եմ»
Հայաստանի Հանրապետության
Նախագահ Ռ. Քոչարյան
 17 հունվարի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

24 նոյեմբերի 2005 թվականի N 2290-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ՍԵՊՏԵՄԲԵՐԻ 12-Ի N 1579-Ն ԵՎ 2004 ԹՎԱԿԱՆԻ ԴԵԿՏԵՄԲԵՐԻ 30-Ի N 1928-Ն ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

«Պետական կառավարչական հիմնարկների մասին» Հայաստանի Հանրապետության օրենքի 9-րդ և 11-րդ հոդվածներին և Հայաստանի Հանրապետության Նախագահի 2002 թվականի մարտի 16-ի ՆՀ-1064 հրամանագրով սահմանված կարգի 4.3-րդ կետին համապատասխան` Հայաստանի Հանրապետության կառավարությունը որոշում է.

1. Հայաստանի Հանրապետության կրթության և գիտության նախարարության աշխատակազմի մասնագիտական կրթության վարչությունը բաժանման միջոցով վերակազմակերպել նախնական և միջին մասնագիտական կրթության վարչության և բարձրագույն մասնագիտական կրթության վարչության:

Գիտության և գիտամանկավարժական կադրերի պատրաստման վարչությունը վերանվանել գիտության և հետբուհական կրթության վարչություն:

Տեղեկատվության վերլուծության և զարգացման ծրագրերի բաժինը բաժանման միջոցով վերակազմակերպել տեղեկատվության վերլուծության բաժնի` այն միավորելով հասարակայնության հետ կապերի բաժնի հետ որպես վարչություն և զարգացման ծրագրերի առանձին բաժնի:

Մարզառազմական և արտադպրոցական դաստիարակության բաժինը վերակազմակերպել մարզառազմական և արտաուսումնական դաստիարակության վարչության:

2. Սահմանել, որ`

ա) Հայաստանի Հանրապետության կրթության և գիտության նախարարության աշխատակազմի կառուցվածքային ստորաբաժանում հանդիսացող վարչությունը կարող է ունենալ առնվազն 7 հաստիքային միավոր.

բ) Հայաստանի Հանրապետության կրթության և գիտության նախարարության աշխատակազմի կառուցվածքային ստորաբաժանում հանդիսացող բաժինը կարող է ունենալ առնվազն 3 հաստիքային միավոր:

3. Հայաստանի Հանրապետության կառավարության 2002 թվականի սեպտեմբերի 12-ի «Հայաստանի Հանրապետության կրթության և գիտության նախարարության աշխատակազմ» պետական կառավարչական հիմնարկ ստեղծելու, Հայաստանի Հանրապետության կրթության և գիտության նախարարության կանոնադրությունը, նախարարության աշխատակազմի կառուցվածքը, նախարարության աշխատակազմին հանձնվող գույքի կազմը և չափը հաստատելու մասին» N 1579-Ն որոշման մեջ կատարել հետևյալ փոփոխությունը`

որոշման N 2 հավելվածը շարադրել հետևյալ խմբագրությամբ.

«Հավելված N 2 ՀՀ կառավարության 2002 թվականի սեպտեմբերի 12-ի N 1579-Ն որոշման

Կ Ա Ռ ՈՒ Ց Վ Ա Ծ Ք

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐՈՒԹՅԱՆ ԱՇԽԱՏԱԿԱԶՄԻ

1. Վարչություններ

Հանրակրթության վարչություն

Նախնական և միջին մասնագիտական կրթության վարչություն

Բարձրագույն մասնագիտական կրթության վարչություն

Գիտության և հետբուհական կրթության վարչություն

Մարզառազմական և արտաուսումնական դաստիարակության վարչություն

Միջազգային համագործակցության և սփյուռքի վարչություն

Ֆինանսատնտեսագիտական և հաշվապահական հաշվառման վարչություն

Անձնակազմի կառավարման վարչություն

Օրենսդրության և իրավաբանական վարչություն

Հասարակայնության հետ կապերի և տեղեկատվության վարչություն

2. Քարտուղարություն

Նախարարության աշխատակազմի քարտուղարություն

3. Բաժիններ

Զարգացման ծրագրերի բաժին

II. Առանձնացված ստորաբաժանումներ

1. Գործակալություններ

ՀՀ բարձրագույն որակավորման հանձնաժողով

Լիցենզավորման և հավատարմագրման ծառայություն

2. Տեսչություններ

Լեզվի պետական տեսչություն

Կրթության պետական տեսչություն»։

4. Հայաստանի Հանրապետության կառավարության 2004 թվականի դեկտեմբերի 30-ի «Հայաստանի Հանրապետության կառավարության 2002 թվականի սեպտեմբերի 12-ի N 1579-Ն որոշման մեջ լրացում կատարելու մասին» N 1928-Ն որոշման մեջ կատարել հետևյալ փոփոխությունը`

ուժը կորցրած ճանաչել որոշման 2-րդ կետը:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2006 թ. հունվարի 10 Երևան