ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ

16 սեպտեմբերի 2004 թ. ք. Երևան

N 114-Ա

Ո Ր Ո Շ ՈՒ Մ

«ՈՐՈՏԱՆԻ ՀԷԿՀ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԿՈՂՄԻՑ ԷԼԵԿՏՐԱԷՆԵՐԳԻԱՅԻ ՓՈԽՀՈՍՔԵՐԻ ԻՐԱԿԱՆԱՑՄԱՆ ՄԱՍԻՆ

Հիմք ընդունելով «Էներգետիկայի մասին» Հայաստանի Հանրապետության օրենքի 17-րդ հոդվածի 1-ին մասի զ) կետը` Հայաստանի Հանրապետության հանրային ծառայությունները կարգավորող հանձնաժողովը որոշում է.

1. Ընդունել ի գիտություն, որ.

ա) Իրանի Իսլամական Հանրապետության հետ էլեկտրաէներգիայի փոխհոսքերի իրականացման գործառույթը վերապահվում է «Որոտանի ՀԷԿՀ» փակ բաժնետիրական ընկերությանը.

բ) Հայաստանի Հանրապետության և Իրանի Իսլամական Հանրապետության էլեկտրաէներգետիկական համակարգի զուգահեռ աշխատանքի (փոխհոսքերի) իրականացումը ապահովում է «Էլեկտրաէներգետիկական համակարգի օպերատոր» փակ բաժնետիրական ընկերությունը:

2. Սահմանել, որ.

ա) Հայաստանի Հանրապետության և Իրանի Իսլամական Հանրապետության էլեկտրաէներգետիկական համակարգերի միջև փոխհոսքերը իրականացվում են Հայաստանի Հանրապետությունում էլեկտրաէներգիայի (հզորության) արտադրության ռեժիմների բարելավման և ծախսերի նվազեցման նպատակով և չեն կրում առևտրային բնույթ.

բ) Իրանի Իսլամական Հանրապետություն կարող է ուղղվել միայն «Որոտանի ՀԷԿՀ» փակ բաժնետիրական ընկերության արտադրված էլեկտրաէներգիան.

գ) «Որոտանի ՀԷԿՀ» փակ բաժնետիրական ընկերությունը չի կարող ստանալ իր արտադրած էլեկտրաէներգիայի (հզորության) արտահանման լիցենզիա:

3. Յուրաքանչյուր ամիս «Որոտանի ՀԷԿՀ» փակ բաժնետիրական ընկերության կողմից էլեկտրաէներգիայի ներքին շուկա առաքված է համարվում և «Հայաստանի էլեկտրական ցանցեր» փակ բաժնետիրական ընկերության կողմից վճարման ենթակա է`

ա) «Որոտանի ՀԷԿՀ» փակ բաժնետիրական ընկերության կողմից առաքված և Իրանի Իսլամական Հանրապետություն ուղղված էլեկտրաէներգիայի քանակությունների տարբերությունը, եթե տվյալ ամսում կատարվել է էլեկտրաէներգիայի արտահոսք.

բ) «Որոտանի ՀԷԿՀ» փակ բաժնետիրական ընկերության կողմից առաքված և Իրանի Իսլամական Հանրապետությունից մուտք գործած էլեկտրաէներգիայի քանակների գումարը, եթե տվյալ ամսում կատարվել է էլեկտրաէներգիայի ներհոսք:

Վճարումները իրականացվում են «Որոտանի ՀԷԿՀ» փակ բաժնետիրական ընկերության համար հաստատված էլեկտրաէներգիայի (կՎտժ) սակագնային դրույքով:

4. Սույն որոշումն ուժի մեջ է մտնում 2004 թվականի հոկտեմբերի 1-ից և գործում է մինչև 2005 թվականի հունվարի 1-ը:

ՀՀ հանրային ծառայությունները կարգավորող հանձնաժողովի նախագահ`

Ռ. Նազարյան