ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿԱՅԻ ՀԱՆՁՆԱԺՈՂՈՎ

Ո Ր Ո Շ ՈՒ Մ

8 սեպտեմբերի 1997 թ. N 12

քաղ. Երևան

ԷԼԵԿՏՐԱԿԱՆ ԵՎ ՋԵՐՄԱՅԻՆ ԷՆԵՐԳԻԱՅԻ ՈՒ ԲՆԱԿԱՆ ԳԱԶԻ ՈԼՈՐՏԻ ՏՆՏԵՍԱՎԱՐՈՂ ՍՈՒԲՅԵԿՏՆԵՐԻՆ ՄԻՆՉԵՎ ԼԻՑԵՆԶԱՎՈՐՄԱՆ ՀԱՄԱԿԱՐԳԻ ՆԵՐԴՐՈՒՄԸ ԳՈՐԾՈՒՆԵՈՒԹՅՈՒՆԸ ՇԱՐՈՒՆԱԿԵԼՈՒ ԹՈՒՅԼ ՏԱԼՈՒ ՄԱՍԻՆ

Ղեկավարվելով «Էներգետիկայի մասին» Հայաստանի Հանրապետության օրենքի Հոդված 48-ով և ելնելով էներգասպառողների անխափան էներգամատակարարումն ապահովելու անհրաժեշտությունից`

Թույլատրել բոլոր էլեկտրական էներգիա արտադրող, ներկրող, հաղորդող, արտահանող և բաշխող, ջերմային էներգիա արտադրող, փոխադրող և բաշխող, և բնական գազ ներկրող, փոխադրող և բաշխող տնտեսավարող ձեռնարկություններին` անկախ սեփականության ձևից, շարունակել իրենց գործունեությունը ներկայումս գործող կարգով` մինչև հանձնաժողովի կողմից կազմված ժամանակացույցով և սահմանված կարգով լիցենզավորման համակարգի ներդրումը:

ՀՀ էներգետիկայի հանձնաժողովի փոխնախագահ

Ն. Գրիգորյան