ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

1 հունիսի 1999 թվականի

թիվ 88

Ո Ր Ո Շ ՈՒ Մ

 «ԲԱՆԿԵՐԻ ԳՈՐԾՈՒՆԵՈՒԹՅԱՆ ԿԱՐԳԱՎՈՐՈՒՄԸ, ԲԱՆԿԱՅԻՆ ԳՈՐԾՈՒՆԵՈՒԹՅԱՆ ՏՆՏԵՍԱԿԱՆ ՆՈՐՄԱՏԻՎՆԵՐԸ» ԿԱՆՈՆԱԿԱՐԳ 2-ՈՒՄ (ՆՈՐ ԽՄԲԱԳՐՈՒԹՅԱՄԲ) ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

(որոշումն ուժը կորցրել է 31.05.01 թիվ 147)

 Ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածով` Հայաստանի Հանրապետության կենտրոնական բանկի խորհուրդը որոշում է.

 1. «Բանկերի գործունեության կարգավորումը, բանկային գործունեության տնտեսական նորմատիվները» կանոնակարգ 2-ում (նոր խմբագրությամբ) (այսուհետև` կանոնակարգ) կատարել հետևյալ փոփոխությունները`

 1.1. կանոնակարգի 11 մասի 11.1 կանոնը լրացնել հետևյալ պարբերությամբ.

 «2001 թ. հուլիսի 1-ից հետո` 1.300.000 ԱՄՆ-ի դոլարին համարժեք գումար,

 2002 թ. հուլիսի 1-ից հետո` 1.650.000 ԱՄՆ-ի դոլարին համարժեք գումար,

 2003 թ. հուլիսի 1-ից հետո` 2.000.000 ԱՄՆ-ի դոլարին համարժեք գումար».

 1.2. կանոնակարգի 20.04 կանոնում`

 - ակտիվների տեսակների 27-րդ կետը վերահամարակալել որպես 29-րդ կետ.

 - բանկի ռիսկով կշռված ակտիվների հաշվարկում ընդգրկվող ակտիվային հաշիվների մնացորդների հաշվարկը լրացնել նոր 27-րդ և 28-րդ կետերով`

 հետհաշվեկշռային հետևյալ հոդվածներով.

Ակտիվների տեսակները	Կշիռներն ըստ ռիսկերի (%)
27. Զուտ վարկային գիծ (վարկային գծերի և վարկային քարտերի չօգտագործված մասերի հանրագումար):	20 *****
28. Ակրեդիտիվներ, կանխիկ (սփոթ) գործառնություններ, ժամկետային գործառնություններ (ֆորվարդ, ֆյուչերս, սվոփ), օպցիոններ:	100

 ***** 2001 թ. հունվարի 1-ից` 50 %:

 2. Սույն որոշումն ուժի մեջ է մտնում ընդունման պահից, բացառությամբ սույն որոշման 1.2 կետի, որն ուժի մեջ է մտնում 1999 թվականի դեկտեմբերի 1-ից: