«Գրանցված է»
ՀՀ արդարադատության
նախարարության կողմից
18 ապրիլի 2005 թ.
Պետական գրանցման թիվ 05005167

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

29 մարտի 2005 թ.

N 141-Ն

Ո Ր Ո Շ ՈՒ Մ

«ԱՐՇԻԼ ԳՈՐԿՈՒ 100-ԱՄՅԱԿ», «ԳԱՆՁԱՍԱՐԻ ՎԱՆՔ», «ՄԱՐՏԻՐՈՍ ՍԱՐՅԱՆԻ 125-ԱՄՅԱԿ» ԵՎ «ԱՆԱՆԻԱ ՇԻՐԱԿԱՑՈՒ 1400-ԱՄՅԱԿ» ՀՈՒՇԱԴՐԱՄՆԵՐԸ ՇՐՋԱՆԱՌՈՒԹՅԱՆ ՄԵՋ ԴՆԵԼՈՒ ՄԱՍԻՆ

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «է» կետը՝ Հայաստանի Հանրապետության կենտրոնական բանկի խորհուրդը որոշում է.

1. 2005 թվականի մայիսի 10-ից շրջանառության մեջ դնել Հայաստանի Հանրապետության կենտրոնական բանկի խորհրդի 2004 թվականի մայիսի 19-ի «Հայաստանի Հանրապետության կենտրոնական բանկի կողմից թողարկվելիք հուշադրամների թեմաների ցանկը, ինչպես նաև 2004-2005 թվականների հուշադրամների թողարկման ծրագիրը և հուշադրամների չափանիշները հաստատելու մասին» թիվ 126-Ն որոշմամբ թողարկված 10000 դրամ անվանական արժեքով «Արշիլ Գորկու100-ամյակ» ոսկե և100 դրամ անվանական արժեքով «Գանձասարի վանք» արծաթե հուշադրամները: Հուշադրամների նկարագրությունը ներկայացվում է համաձայն հավելված 1-ի (կցվում է):

2. 2005 թվականի հունիսի 10-ից շրջանառության մեջ դնել Հայաստանի Հանրապետության կենտրոնական բանկի խորհրդի 2004 թվականի մայիսի 19-ի «Հայաստանի Հանրապետության կենտրոնական բանկի կողմից թողարկվելիք հուշադրամների թեմաների ցանկը, ինչպես նաև 2004-2005 թվականների հուշադրամների թողարկման ծրագիրը և հուշադրամների չափանիշները հաստատելու մասին» թիվ 126-Ն որոշմամբ թողարկված 10000 դրամ անվանական արժեքով «Մարտիրոս Սարյանի 125-ամյակ» ոսկե և 100 դրամ անվանական արժեքով «Անանիա Շիրակացու 1400-ամյակ» արծաթե հուշադրամները: Հուշադրամների նկարագրությունը ներկայացվում է համաձայն հավելված 2-ի (կցվում է):

3. Սույն որոշումն ուժի մեջ է մտնում հրապարակմանը հաջորդող տասներորդ օրվանից:
 

ՀՀ կենտրոնական բանկի նախագահ	Տ. Սարգսյան
2005 թ. ապրիլի 1 Երևան

	Հավելված 1
	Հաստատված է ՀՀ կենտրոնական բանկի խորհրդի 2005 թվականի մարտի 29-ի թիվ 141-Ն որոշմամբ

Արշիլ Գորկու ծննդյան 100-ամյակին նվիրված 10000 դրամ անվանական արժեքով ոսկե հուշադրամի

Հայաստանի Հանրապետության կենտրոնական բանկը Արշիլ Գորկու ծննդյան 100-ամյակի կապակցությամբ թողարկել է ոսկե հուշադրամ:

Հուշադրամի դիմերեսին պատկերված է Արշիլ Գորկու կտավից մի դրվագ, որտեղ նա պատկերել է իրեն՝ մոր հետ: Եզրաշուրթի մոտ շրջանաձև մակագրված է՝ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ»: Հուշադրամի դաշտի ձախ մասում երկու տողով անվանական արժեքի մակագրությունն է համապատասխանաբար՝ «10000» և «ԴՐԱՄ»: Ներքևի աջ մասում նշված է թողարկման տարեթիվը՝ «2004»:

Հուշադրամի դարձերեսին Արշիլ Գորկու դիմապատկերն է: Վերևում զրաշուրթի մոտ շրջանաձև վերևում հայերեն, իսկ ներքևում անգլերեն մակագրված է համապատասխանաբար՝ «ԱՐՇԻԼ ԳՈՐԿԻ» և «ARSHILE GORKY»: Դիմապատկերից ձախ երկու տողով և հորիզոնական գծիկով տարանջատված նշված են Արշիլ Գորկու ծննդյան և մահվան տարեթվերը համապատասխանաբար՝ «1904» և «1948»: Դիմապատկերից աջ նշված է դրամահատարանի առևտրային նիշը:

Հուշադրամի դիմերեսի և դարձերեսի եզրաշուրթն ուռուցիկ է:

Հուշադրամի բնութագիրը.

Անվանական արժեքը՝	10000 դրամ
Մետաղը և հարգը՝	ոսկի, 9990
Զանգվածը՝	8,6 գ
Տրամագիծը՝	22,0 մմ
Դրամաշուրթը՝	ատամնավոր
Որակը՝	պրուֆ
Տպաքանակը՝	1000 հատ

Հուշադրամը տեղադրված է գունավոր պատկերազարդ գրքույկում: Հուշադրամի ձևավորումը կատարել է Հայաստանի նկարիչների միության անդամ Կարապետ Աբրահամյանը, իսկ գրքույկի ձևավորումը՝ Հայաստանի նկարիչների միության անդամ Հարություն Սամուելյանը: Հուշադրամը պատրաստվել է Նիդեռլանդների թագավորական դրամահատարանում:

Ն Կ Ա Ր Ա Գ Ր ՈՒ Թ Յ ՈՒ Ն

Հայաստանի Հանրապետության կենտրոնական բանկը թողարկել է արծաթե հուշադրամ՝ նվիրված Գանձասարի վանքին:

Հուշադրամի դիմերեսին պատկերված է Գանձասարի վանքի քանդակներից մեկը՝ խաչի տեսքով: Խաչի պատկերից աջ նշված է դրամահատարանի առևտրային նիշը: Պատկերի ներքևի մասում նշված է անվանական արժեքը՝ «100 ԴՐԱՄ»: Խաչի պատկերը և անվանական արժեքը եզերված են գծավոր շրջանագծով: Շրջանագծի և եզրաշուրթի միջև շրջանաձև հայերեն մակագրված է՝ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ 2004»:

Հուշադրամի դարձերեսին պատկերված է Գանձասարի վանքը: Պատկերի վերևի մասը եզերված է գծավոր շրջանագծի հատվածով: Շրջանագծի հատվածի և եզրաշուրթի միջև հայերեն և անգլերեն մակագրված է՝ «ԳԱՆՁԱՍԱՐԻ ՎԱՆՔ GANDZASAR MONASTERY»:

Հուշադրամի դիմերեսի և դարձերեսի եզրաշուրթն ուռուցիկ է:

Հուշադրամի բնութագիրը.

Անվանական արժեքը՝	100 դրամ
Մետաղը և հարգը՝	ոսկի, 9990
Զանգվածը՝	31,1 գ
Տրամագիծը՝	38,0 մմ
Դրամաշուրթը՝	ատամնավոր
Որակը՝	պրուֆ
Տպաքանակը՝	500 հատ

Հուշադրամը տեղադրված է գունավոր պատկերազարդ գրքույկում: Հուշադրամի և
գրքույկի ձևավորումը կատարել է Հայաստանի նկարիչների միության անդամ Հարություն Սամուելյանը: Հուշադրամը պատրաստվել է Նիդեռլանդների թագավորական դրամահատարանում:

 

	Հավելված 2
	Հաստատված է ՀՀ կենտրոնական բանկի խորհրդի 2005 թվականի մարտի 29-ի թիվ 141-Ն որոշմամբ

Ն Կ Ա Ր Ա Գ Ր ՈՒ Թ Յ ՈՒ Ն

Մարտիրոս Սարյանի ծննդյան 125-ամյակին նվիրված 10000 դրամ անվանական արժեքով ոսկե հուշադրամի

Հայաստանի Հանրապետության կենտրոնական բանկը Մարտիրոս Սարյանի ծննդյան 125-ամյակի կապակցությամբ թողարկել է ոսկե հուշադրամ:

Հուշադրամի դիմերեսին պատկերված է Մարտիրոս Սարյանի կտավից մի դրվագ՝ Արարատ լեռան պատկերով: Պատկերից ներքև երկու տողով անվանական արժեքի մակագրությունն է համապատասխանաբար՝ «10000» և «ԴՐԱՄ»: Պատկերը և անվանական արժեքի մակագրությունը եզերված են գծային շրջանագծով: Նշված շրջանագծի և եզրաշուրթի միջև
շրջանաձև մակագրված է՝ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ 2005»:

Հուշադրամի դարձերեսին Մարտիրոս Սարյանի դիմապատկերն է: Դիմապատկերից աջ նշված է դրամահատարանի առևտրային նիշը: Դիմապատկերը եզերված է գծային շրջանագծով: Նշված շրջանագծի և եզրաշուրթի միջև շրջանաձև վերևում հայերեն և անգլերեն մակագրված է՝ «ՄԱՐՏԻՐՈՍ ՍԱՐՅԱՆ MARTIROS SARIAN», իսկ ներքևում՝ նշված են ծննդյան և մահվան տարեթվերը՝ «1880-1972»:

Հուշադրամի դիմերեսի և դարձերեսի եզրաշուրթն ուռուցիկ է:

Հուշադրամի բնութագիրը.

Անվանական արժեքը՝	10000 դրամ
Մետաղը և հարգը՝	ոսկի, 9990
Զանգվածը՝	8,6 գ
Տրամագիծը՝	22,0 մմ
Դրամաշուրթը՝	ատամնավոր
Որակը՝	պրուֆ
Տպաքանակը՝	1000 հատ

Հուշադրամը տեղադրված է գունավոր պատկերազարդ գրքույկում: Հուշադրամի և գրքույկի ձևավորումը կատարել է Հայաստանի նկարիչների միության անդամ Հարություն Սամուելյանը: Հուշադրամը պատրաստվել է Նիդեռլանդների թագավորական դրամահատարանում:

Ն Կ Ա Ր Ա Գ Ր ՈՒ Թ Յ ՈՒ Ն

Հայաստանի Հանրապետության կենտրոնական բանկը թողարկել է արծաթե հուշադրամ՝ նվիրված Անանիա Շիրակացու ծննդյան 1400-ամյակին:

Հուշադրամի դիմերեսին երկիր մոլորակի, լուսնի, արեգակի և տիեզերքի հատվածի պատկերներն են: Պատկերների ներքևի մասում նշված է անվանական արժեքը՝ «100 ԴՐԱՄ»: Պատկերները և անվանական արժեքը եզերված են գծավոր շրջանագծով: Շրջանագծի և եզրաշուրթի միջև շրջանաձև հայերեն մակագրված է՝ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ 2005»:

Հուշադրամի դարձերեսին Անանիա Շիրակացու պատկերն է դեպի աջ, որի աջ ձեռքում մոլորակի մոդելն է: Պատկերից աջ երկու տողով մակագրված է համապատասխանաբար՝ «1400» և «ԱՄՅԱԿ»: Մակագրությունից ներքև նշված է դրամահատարանի առևտրային նիշը: Դաշտի աջ մասը եզերված է գծավոր շրջանագծի հատվածով: Շրջանագծի հատվածի և եզրաշուրթի միջև շրջանաձև անգլերեն և հայերեն մակագրված է՝ «ANANIA SHIRAKATSI ԱՆԱՆԻԱ ՇԻՐԱԿԱՑԻ»:

Հուշադրամի դիմերեսի և դարձերեսի եզրաշուրթն ուռուցիկ է:

Հուշադրամի բնութագիրը.

Անվանական արժեքը՝	100 դրամ
Մետաղը և հարգը՝	ոսկի, 9250
Զանգվածը՝	31,1 գ
Տրամագիծը՝	40,0 մմ
Դրամաշուրթը՝	ատամնավոր
Որակը՝	պրուֆ
Տպաքանակը՝	500 հատ

Հուշադրամը տեղադրված է գունավոր պատկերազարդ գրքույկում: Հուշադրամի դիմերեսի և գրքույկի ձևավորումները կատարել է Հայաստանի նկարիչների միության անդամ Հարություն Սամուելյանը, իսկ հուշադրամի դարձերեսինը՝ Մարինա Մակարյանը: Հուշադրամը պատրաստվել է Նիդեռլանդների թագավորական դրամահատարանում: