«Գրանցված է»
ՀՀ արդարադատության
նախարարության կողմից
12 նոյեմբերի 2002 թ.
Պետական գրանցման թիվ 05002282
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
|
17 սեպտեմբերի 2002 թ. |
|
N 298-Ն |
Ո Ր Ո Շ ՈՒ Մ
ՎԱՐԿԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻՆ ՏՐԱՄԱԴՐՎԱԾ ԼԻՑԵՆԶԻԱՆԵՐԻ ՄԻԱՍՆԱԿԱՆ ԳՐԱՆՑԱՄԱՏՅԱՆԻ ՎԱՐՈՒՄԸ ԿԱՆՈՆԱԿԱՐԳԵԼՈՒ ՄԱՍԻՆ
Հիմք ընդունելով «Վարկային կազմակերպությունների մասին» Հայաստանի Հանրապետության օրենքի 2-րդ, 6-րդ և «Իրավական ակտերի մասին» Հայաստանի Հանրապետության օրենքի 16-րդ հոդվածները, նպատակ ունենալով ստեղծել վարկային կազմակերպություններին տրամադրված լիցենզիաների գրանցման ընդհանուր միասնական համակարգ, ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետով, Հայաստանի Հանրապետության կենտրոնական բանկի խորհուրդը
ՈՐՈՇՈՒՄ Է.
1. Հաստատել վարկային կազմակերպություններին տրամադրված լիցենզիաների գրանցամատյանի ձևը (կցվում է):
2. Սահմանել, որ՝
ա) վարկային կազմակերպություններին տրամադրված լիցենզիաների գրանցամատյանը վարում է Հայաստանի Հանրապետության կենտրոնական բանկի բանկային վերահսկողության համար պատասխանատու ստորաբաժանումը, որը գրանցամատյանում համապատասխան տեղեկությունները գրառում է Հայաստանի Հանրապետության կենտրոնական բանկի խորհրդի կողմից վարկային կազմակերպությանը գրանցելու և լիցենզավորելու մասին որոշման կայացման, իսկ «Վարկային կազմակերպությունների մասին» Հայաստանի Հանրապետության օրենքի 5-րդ հոդվածի 6-րդ մասով նախատեսված դեպքում` մեկամսյա ժամկետը լրանալու պահից եռօրյա ժամկետում՝ բացառությամբ սույն կետի «բ» ենթակետում նշված տեղեկությունների,
բ) սահմանել, որ հարկ վճարողի հաշվառման համարի (ՀՎՀՀ) վերաբերյալ տեղեկությունները վարկային կազմակերպություններին տրամադրված լիցենզիաների գրանցամատյանում զետեղվում են պետական լիազորված մարմնի կողմից վարկային կազմակերպությանը հարկ վճարողի հաշվառման համար տրամադրելու օրվանից եռօրյա ժամկետում,
գ) սահմանել, որ վարկային կազմակերպություններին տրամադրված լիցենզիաների գրանցամատյանի «Այլ տեղեկություններ» սյունակում նշվում է գործունեության տեսակը փոփոխած և որպես վարկային կազմակերպություն վերագրանցված բանկի նախկին ֆիրմային անվանումը (եթե վարկային կազմակերպությունը մինչև գրանցվելն ու լիցենզիա ստանալը հանդիսացել է բանկ), ինչպես նաև տվյալ վարկային կազմակերպության տիպը:
3. Սույն որոշումն ուժի մեջ է մտնում 2003 թվականի հունվարի 3-ից:
|
Հայաստանի Հանրապետության |
Տ. Սարգսյան |
|
|
Ձև
|
Հաստատված է |
ՎԱՐԿԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻՆ ՏՐԱՄԱԴՐՎԱԾ ԼԻՑԵՆԶԻԱՆԵՐԻ ԳՐԱՆՑԱՄԱՏՅԱՆԻ ՁԵՎԸ ԵՎ ԴՐԱՆՈՒՄ ՆԵՐԱՌՎՈՂ ՏԵՂԵԿՈՒԹՅՈՒՆՆԵՐԻ ՑԱՆԿԸ
| Հ/Հ | Վարկային կազմակերպության անվանումը և գտնվելու վայրը | Լիցենզիայի համարը | Լիցենզիան տալու ամսաթիվը | Լիցենզիայով նախատեսված գործունեության տեսակը, գործունեության իրականացման վայրը | ՀՎՀՀ | Տեղեկություններ գրանցամատյանում լիցենզիայի վերաձևակերպման, լիցենզիայի գործողության կասեցման, լիցենզիայի գործողության դադարեցման մասին | Այլ տեղեկու- թյուններ |