600.0051.10.11.98

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԷՆԵՐԳԵՏԻԿԱՅԻ ՀԱՆՁՆԱԺՈՂՈՎ

Ո Ր Ո Շ ՈՒ Մ

10 նոյեմբերի 1998 թվականի N 51
քաղ. Երևան

ԷԼԵԿՏՐԱԿԱՆ ԷՆԵՐԳԻԱՅԻ ՍԱԿԱԳՆԵՐԻ ՄԱՍԻՆ

Հիմք ընդունելով «Էներգետիկայի մասին» ՀՀ օրենքի 14-րդ հոդվածը և 20-րդ հոդվածի ա) կետը, Հայաստանի Հանրապետության էներգետիկայի հանձնաժողովը որոշում է.

1.	Սահմանել 1999 թ. հունվարի 1-ից «Բարձրավոլտ էլեկտրացանցեր» ՊՓԲԸ-ի կողմից էլեկտրաէներգիայի հաղորդման ծառայության համար սակագինը` 1,18 դրամ/կՎտԺ` ներառյալ ավելացված արժեքի հարկը:
2.	Ընդունել ի գիտություն, որ «Հայէներգո» ՊՓԲԸ-ի կողմից բաշխվող ընկերություններին վաճառվող էլեկտրաէներգիայի սակագները սահմանելիս ներառվում է «Բարձրավոլտ էլեկտրացանցեր» ՊՓԲԸ-ի կողմից հաղորդման ծառայության համար սահմանված սակագինը:

ՀՀ էներգետիկայի հանձնաժողովի նախագահ`

Վ. Մովսեսյան