ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

Ո Ր Ո Շ ՈՒ Մ

13 դեկտեմբերի 1996 թ. N 68

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ՎԱՐՉՈՒԹՅԱՆ 1996 ԹՎԱԿԱՆԻ ՕԳՈՍՏՈՍԻ 9-Ի N 134 ՈՐՈՇՄԱՄԲ ՀԱՍՏԱՏՎԱԾ «ԲԱՆԿԵՐԻ ՀԱՇՎԵՏՎՈՒԹՅՈՒՆՆԵՐԸ, ԴՐԱՆՑ ՆԵՐԿԱՅԱՑՈՒՄԸ ԵՎ ՀՐԱՊԱՐԱԿՈՒՄԸ» ԿԱՆՈՆԱԿԱՐԳ 3-Ի ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի վարչության 1996 թվականի օգոստոսի 9-ի N 134 որոշմամբ հաստատված «Բանկերի հաշվետվությունները, դրանց ներկայացումը և հրապարակումը» կանոնակարգ 3-ի մեջ կատարել հետևյալ փոփոխություններն ու լրացումները.

ա) 1-ին գլխի 1-ին կետում`

- Հայաստանի Հանրապետության կենտրոնական բանկ ներկայացվող հաշվետվությունների և տեղեկանքների կազմում ավելացնել «Տեղական արտարժույթի առք ու վաճառքի գործառնությունների վերաբերյալ» ձև N 7-տ (օրական) տեղեկանքը (կցվում է).

- Հայաստանի Հանրապետության կենտրոնական բանկ ներկայացվող հաշվետվությունների և տեղեկանքների կազմում «Տեղեկանք կանխիկ արտարժույթի, սեփականաշնորհման սերտիֆիկատների և միջբանկային շուկայում արտարժույթի առք ու վաճառքի վերաբերյալ» ձև N 2-տ տեղեկանքը փոխարինել «Տեղեկանք արտարժույթի, չեկերի և սեփականաշնորհման սերտիֆիկատների առք ու վաճառքի վերաբերյալ N 2-տ (շաբաթական) տեղեկանքով կցվում է).

բ) 2-րդ գլխի 1-ին կետում.

 - N 2-տ տեղեկանքի լրացման կարգը վերաշարադրել հետևյալ կերպ`

«N 2-տ (շաբաթական) տեղեկանքը բաղկացած է 3 բաժնից:

Տեղեկանքի I բաժինը լրացվում է արտարժույթի առք ու վաճառքի գործառնություններ իրականացնող բանկի կողմից:

«Գործարքի տեսակը» սյունակը լրացվում է համաձայն Հայաստանի Հանրապետության կենտրոնական բանկի վարչության 1996 թվականի օգոստոսի 16-ի N 141 որոշմամբ հաստատված «Արժութային կարգավորումը և վերահսկողությունը» կանոնակարգ 8-ի (նոր խմբագրությամբ) 6-րդ գլխում թվարկված գործարքների տեսակների (արտարժույթի առք ու վաճառք, սփոթ, ֆորվարդ, ֆյուչերս, սվոփ, միջազգային պրակտիկայում ընդունված այլ գործարքներ)` խմբավորված ըստ արտարժույթների տեսակների:

«Փոխարկվող արժույթներ (գնվող/վաճառվող)» սյունակում լրացվում են փոխարկվող համապատասխան արժույթների ISO կոդերը (օրինակ ԱՄՆ-ի դոլար` USD, հայկական դրամ` AMD, անգլիական ֆունտ ստեռլինգ` GBP և այլն): Յուրաքանչյուր գործարք լրացվում է` ելնելով նրա նպատակից, եթե իրականացվել է արտարժույթի գնման գործարք, ապա «Փոխարկվող արժույթներ (գնվող/վաճառվող)» սյունակի համարիչում նշվում է գնվող արտարժույթի ISO կոդը և լրացվում է առքի ծավալն ու առքի միջին փոխարժեքը: Եթե իրականացվել է արտարժույթի վաճառքի գործարք, ապա «Փոխարկվող արժույթներ (գնվող/վաճառվող)» սյունակի հայտարարում նշվում է վաճառվող արտարժույթի ISO կոդը, և լրացվում է վաճառքի ծավալն ու վաճառքի միջին փոխարժեքը:

«Ընդամենը» սյունակում լրացվում է ողջ շաբաթվա ընթացքում իրականացված գործարքների հանրագումարը` խմբավորված ըստ գործարքի և արտարժույթի տեսակների:

 II բաժնում արտահայտվում են չեկերի առք ու վաճառքի ծավալները:

III բաժնում արտահայտվում են սեփականաշնորհման սերտիֆիկատների առք ու վաճառքի ծավալները».

- N 6-տ տեղեկանքի լրացման կարգից հետո ավելացնել հետևյալ մասը`

«N 7-տ (օրական) տեղեկանքը լրացնում են արտարժույթի առք ու վաճառքի գործառնություններ իրականացնող բանկերը` Հայաստանի Հանրապետության կենտրոնական բանկի կողմից առք ու վաճառքի փոխարժեքների սահմանման մեջ հաշվի առնելու նպատակով:

«Գործարքի տեսակը» սյունակում լրացվում են գործարքների տեսակները` խմբավորված ըստ գործարքի իրականացման վայրի և արտարժույթի տեսակի:

«Վայր» սյունակում լրացվում է գործարքների իրականացման վայրը (բորսա, միջբանկային շուկա, գրասենյակի կամ գործակալի գտնվելու վայր):

«Միջին փոխարժեք» սյունակում լրացվում է տվյալ վայրում տվյալ գործարքի և տվյալ արտարժույթի գծով միջին փոխարժեքը (մի քանի գործարքի դեպքում), որը հաշվարկվում է Հայաստանի Հանրապետության կենտրոնական բանկի վարչության 1996 թվականի օգոստոսի 16-ի N 141 որոշմամբ հաստատված «Արժութային կարգավորումը և վերահսկողությունը» կանոնակարգ 8-ի (նոր խմբագրությամբ) 5-րդ գլխում նշված ձևով».

գ) 2-րդ գլխի 3-րդ կետում ավելացնել 8-րդ ենթակետ` հետևյալ բովանդակությամբ.

«8. Տեղեկանք արտարժութային գործառնությունների վերաբերյալ» ձև N 7-տ (օրական) տեղեկանքը 1000 և դրանից ավելի ԱՄՆ-ի դոլարին համարժեք գումարով գործարքներ իրականացնելու դեպքում ներկայացվում է Հայաստանի Հանրապետության կենտրոնական բանկի ֆինանսական գործառնությունների վարչության գործարքների ձևակերպման և հաշվառման բաժին` յուրաքանչյուր օր, մինչև ժամը 17.00 (տեղեկանքում արտացոլված տվյալները կարող են հաղորդվել նաև կապի միջոցներով` ֆաքս, հեռախոս և այլն):

2. Սույն որոշումն ուժի մեջ է մտնում 1997 թվականի հունվարի 1-ից:

քաղ. Երևան N 68

Հաստատված է ՀՀ կենտրոնական բանկի խորհրդի 1996 թվականի դեկտեմբերի 13-ի N 68 որոշմամբ

ձև N 2-տ

(շաբաթական)

Տ Ե Ղ Ե Կ Ա Ն Ք

ԱՐՏԱՐԺՈՒՅԹԻ, ՉԵԿԵՐԻ ԵՎ ՍԵՓԱԿԱՆԱՇՆՈՐՀՄԱՆ ՍԵՐՏԻՖԻԿԱՏՆԵՐԻ ԱՌՔ ՈՒ ՎԱՃԱՌՔԻ ՎԵՐԱԲԵՐՅԱԼ

Բանկի անվանումը _____________________________________

Ամսաթիվը ________________ _ ից մինչև _____________ թ.

 I. Արտարժույթի առք ու վաճառքի գործառնություններ

Շաբաթվա օրերը	Գործարքի տեսակը	Փոխարկվող արժույթներ (գնվող/ վաճառվող)	Առքի ծավալ	Առքի միջին փոխարժեք	Վաճառքի ծավալը	Վաճառքի միջին փոխարժեք
Ընդամենը`

II. Չեկերի առք ու վաճառք

Չեկերի տեսակները	Արտարժույթի անվանումը	Գնված չեկեր		վաճառված չեկեր
		գումար	կոմիսիոն վճար %	գումար	կոմիսիոն վճար %
Ընդամենը ըստ արտարժույթի տեսակների

III. Սեփականաշնորհման սերտիֆիկատների առք ու վաճառքը

Գնված սերտիֆիկատներ		Վաճառված սերտիֆիկատներ
քանակ	գումար	քանակ	գումար

Բանկի վարչության նախագահ` _____________________________

 Կ.Տ.

Գլխավոր հաշվապահ` _____________________________

Հաստատված է ՀՀ կենտրոնական բանկի խորհրդի 1996 թվականի դեկտեմբերի 13-ի N 68 որոշմամբ

ձև N 7-տ
(օրական)

Տ Ե Ղ Ե Կ Ա Ն Ք

ԱՐՏԱՐԺՈՒՅԹԻ ԱՌՔ ՈՒ ՎԱՃԱՌՔԻ ԳՈՐԾԱՌՆՈՒԹՅՈՒՆՆԵՐԻ ՎԵՐԱԲԵՐՅԱԼ

Բանկի անվանումը _______________________

Ամսաթիվը ___________________ թ.

N	Գործարքի տեսակը	Վայրը	Փոխարկվող արժույթներ (գնվող/վաճառվող)	Առքի ծավալ (արտարժույթով)	Առքի միջին փոխարժեք	Վաճառքի ծավալ արտարժութով	Վաճառքի միջին փոխարժեք	Միջին փոխարժեք
1
2
3
4
5
6
7
8
9
10

Բանկի վարչության նախագահ` _______________________

 Կ.Տ.

Գլխավոր հաշվապահ` _______________________