ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

Ո Ր Ո Շ ՈՒ Մ

10 հունվարի 1997 թվականի N 15.0007

«ԲԱՆԿԵՐԻ ԵՎ ՕՏԱՐԵՐԿՐՅԱ ԲԱՆԿԵՐԻ ՄԱՍՆԱՃՅՈՒՂԵՐԻ ԳՐԱՆՑՈՒՄԸ ԵՎ ԼԻՑԵՆԶԱՎՈՐՈՒՄԸ, ՄԱՍՆԱՃՅՈՒՂԵՐԻ, ԳՈՐԾԱՌՆԱԿԱՆ ԳՐԱՍԵՆՅԱԿՆԵՐԻ (ԿԵՏԵՐԻ) ԵՎ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԳՐԱՆՑՈՒՄԸ» 1-ԻՆ ԿԱՆՈՆԱԿԱՐԳՈՒՄ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 1996 ԹՎԱԿԱՆԻ ՆՈՅԵՄԲԵՐԻ 15-Ի N 55 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ՈՒ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կենտրոնական բանկի խորհուրդը որոշում է.

1. «Բանկերի և օտարերկրյա բանկերի մասնաճյուղերի գրանցումը և լիցենզավորումը, մասնաճյուղերի, գործառնական գրասենյակների (կետերի) և ներկայացուցչությունների գրանցումը» 1-ին կանոնակարգում կատարել հետևյալ փոփոխություններն ու լրացումները.

1.1. 13-րդ կանոնի 1-ին կետը վերաշարադրել հետևյալ խմբագրությամբ.

«1. Բանկի խորհրդի նախագահը և անդամները`

- բանկային օրենսդրության իմացություն,

- բանկի առջև ծառացած հիմնահարցերին և զարգացման հեռանկարային ուղղություններին իրազեկություն».

1.2. հանել նույն կանոնի 2-րդ կետը` այդ կապակցությամբ փոխելով 3-9 կետերի համարակալումը.

1.3. 26-րդ կանոնի 1-ին կետի 1-ին պարբերության մեջ «որակավորման» բառից առաջ ավելացնել «բացառությամբ խորհրդի նախագահի», իսկ 3-րդ պարբերության մեջ «թեկնածուներին» բառից հետո` «բացառությամբ խորհրդի նախագահի և անդամների» բառերը.

1.4. նույն կետը լրացնել նոր պարբերությամբ` հետևյալ բովանդակությամբ.

«Բանկը պարտավոր է ընտրվող խորհրդի նախագահի և անդամների թեկնածություններն ընտրման օրվանից մեկ ամսվա ընթացքում ներկայացնել Հայաստանի Հանրապետության կենտրոնական բանկ` նրանց որակավորումը և մասնագիտական համապատասխանությունը պարզելու նպատակով հարցազրույց անցնելու համար»:

2. Հայաստանի Հանրապետության կենտրոնական բանկի խորհրդի 1996 թվականի նոյեմբերի 15-ի «Հայաստանի Հանրապետության կենտրոնական բանկի խորհրդի 1996 թվականի սեպտեմբերի 13-ի N 5 որոշմամբ հաստատված կանոնակարգ 1-ում փոփոխություններ և լրացումներ կատարելու մասին» N 55 որոշման մեջ կատարել հետևյալ փոփոխություններն ու լրացումները.

2.1. 1.3.3 կետը վերաշարադրել հետևյալ խմբագրությամբ.

«1.3.3. 2-րդ կետը վերաշարադրել հետևյալ խմբագրությամբ.

«2. Քննումն անցկացվում է ըստ ղեկավարների հետևյալ խմբերի`

ա) գործադիր տնօրեն, վարչության անդամներ, գլխավոր հաշվապահ և վերստուգիչ հանձնաժողովի նախագահ, օտարերկրյա բանկի մասնաճյուղի կառավարիչ և գլխավոր հաշվապահ, բանկի մասնաճյուղի կառավարիչ և գլխավոր հաշվապահ.

բ) վերստուգիչ հանձնաժողովի անդամներ»».

2.2. սույն որոշման նախորդ կետի կապակցությամբ`

ա) 1.3.6, 1.3.11 և 1.3.12 կետերում «սույն կանոնի 2 (գ) կետում նշված» բառերը փոխարինել «սույն կանոնի 2 (ա) կետում նշված» բառերով.

բ) 1.3.7 կետում «սույն կանոնի 2 (դ) կետում նշված» բառերը փոխարինել «սույն կանոնի 2 (բ) կետում նշված» բառերով.

գ) 1.3.11 և 1.3.12 կետերում «2 (դ) կետում» բառերը փոխարինել «2 (բ) կետում» բառերով.

2.3. 1.3.4 կետը վերաշարադրել հետևյալ խմբագրությամբ.

«1.3.4. 4-րդ կետը վերաշարադրել հետևյալ խմբագրությամբ.

«4. Բանկի խորհրդի նախագահի որակավորման և մասնագիտական համապատասխանության ստուգումը կատարվում է Հայաստանի Հանրապետության կենտրոնական բանկի խորհրդի նիստում` հարցազրույցի ձևով, կենտրոնական բանկի գրանցման և լիցենզավորման հանձնաժողովի եզրակացության ներկայացմամբ:

Ընդ որում, հանձնաժողովը եզրակացություն է ներկայացնում 7-րդ և 14-րդ հավելվածներով բանկի ղեկավարների համար սահմանված փաստաթղթերի տվյալների հիման վրա, իսկ հարցազրույցն անցկացվում է Հայաստանի Հանրապետության կենտրոնական բանկի նախագահի կողմից հաստատված թեմաների շրջանակներում:

Հարցազրույցի արդյունքում պարզվում է խորհրդի նախագահի` բանկային օրենսդրության իմացության մակարդակը, տվյալ բանկի առջև ծառացած հիմնահարցերին և բանկի զարգացման հեռանկարային ուղղություններին իրազեկության աստիճանը:

Հարցազրույցի արդյուքների և հանձնաժողովի եզրակացության հիման վրա Հայաստանի Հանրապետության կենտրոնական բանկի խորհուրդը արձանագրում է`

(ա) բանկի խորհրդի նախագահի համապատասխանությունը Հայաստանի Հանրապետության կենտրոնական բանկի կողմից սահմանված չափանիշներին կամ`

(բ) բանկի խորհրդի նախագահի անհամապատասխանությունը Հայաստանի Հանրապետության կենտրոնական բանկի կողմից սահմանված չափանիշներին»».

2.4. 1.3.5 կետը վերաշարադրել հետևյալ խմբագրությամբ.

«1.3.5. 4-րդ կետից հետո ավելացնել նոր կետ (այդ կապակցությամբ փոխելով 5-14 կետերի համարակալումը)` հետևյալ բովանդակությամբ.

«5. Բանկի խորհրդի անդամների (բացառությամբ Հայաստանի Հանրապետության տարածքից մշտապես դուրս բնակվողների) որակավորման և մասնագիտական համապատասխանության ստուգումը կատարվում է հանձնաժողովի նիստում` հարցազրույցի ձևով, Հայաստանի Հանրապետության կենտրոնական բանկի նախագահի կողմից հաստատված թեմաների շրջանակներում:

Հարցազրույցի արդյունքում պարզվում է խորհրդի անդամների` բանկային օրենսդրության իմացության մակարդակը, տվյալ բանկի առջև ծառացած հիմնահարցերին և բանկի զարգացման հեռանկարային ուղղություններին իրազեկության աստիճանը:

7-րդ և 14-րդ հավելվածներով բանկի ղեկավարների համար սահմանված փաստաթղթերի տվյալների և հարցազրույցի արդյունքների հիման վրա հանձնաժողովը արձանագրում է`

(ա) բանկի խորհրդի անդամների համապատասխանությունը Հայաստանի Հանրապետության կենտրոնական բանկի կողմից սահմանված չափանիշներին կամ`

(բ) բանկի խորհրդի անդամների անհամապատասխանությունը Հայաստանի Հանրապետության կենտրոնական բանկի կողմից սահմանված չափանիշներին:

Եթե բանկի խորհրդի անդամը մշտապես բնակվում է Հայաստանի Հանրապետության տարածքից դուրս, ապա նրա որակավորման և մասնագիտական համապատասխանության վերաբերյալ հանձնաժողովը տալիս է եզրակացություն` Հայաստանի Հանրապետության կենտրոնական բանկի նախագահի կողմից հաստատված հարցաթերթիկի պատասխանների արդյունքների ամփոփման հիման վրա (հեռակա քննում)»»:

3. Սույն որոշումն ուժի մեջ է մտնում ընդունման պահից: