ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԴԱՏԱՐԱՆՆԵՐԻ ՆԱԽԱԳԱՀՆԵՐԻ ԽՈՐՀՈՒՐԴ
Ո Ր Ո Շ ՈՒ Մ N 60
«ԴԱՏԱՎՈՐԻ ՎԱՐՔԱԳԾԻ ԿԱՆՈՆԱԳՐՔԻ» ՆՈՐՄԵՐԻ ՊԱՀՊԱՆՄԱՆ ՄԱՍԻՆ
Հայաստանի Հանրապետության դատարանների նախագահների խորհուրդը, քննության առնելով դատավորների կողմից «Դատավորի վարքագծի կանոնագրքի» դրույթների խախտումների վերաբերյալ առանձին ահազանգերը, արձանագրում է, որ առկա են դեպքեր, երբ դատավորները երբեմն դատական նիստերը չեն սկսում գործի քննության համար նշանակված ժամին, նիստերը վարում են առանց պատմուճանի, դատական նիստերի ժամանակ օգտվում են կապի միջոցներից, դատական նիստի ընթացքում օգտագործում են էթիկայի նորմերին չհամապատասխանող բառեր և արտահայտություններ, նիստերը վարում են ոչ գրական հայերենով, դրսևորում են դատավորին անհարիր պահվածք, ինչը կասկած է հարուցում դատավորի անկողմնակալության նկատմամբ և վտանգում է դատական իշխանության հեղինակությունը:
Դատարանների նախագահների խորհուրդն անհրաժեշտ է համարում դատավորների ուշադրությունը հրավիրել վերը նշված խախտումների վրա, այդպիսիք գնահատելով որպես «Դատավորի վարքագծի կանոնագրքի» դրույթներին հակասող, ոչ պատշաճ վարքագիծ:
ՀՀ դատարանների նախագահների խորհուրդը հիշեցնում է դատավորներին, որ «Դատավորի կարգավիճակի մասին» ՀՀ օրենքի 14-րդ, 15-րդ, 22-րդ հոդվածների, 30-րդ հոդվածի 7-րդ ենթակետի, 31-րդ հոդվածի 3-րդ պարբերության 6-րդ և 9-րդ ենթակետերի խախտումները կարող են դատավորի լիազորությունների դադարեցման կամ կարգապահական պատասխանատվության հիմք հանդիսանալ:
Ղեկավարվելով «Դատարանակազմության մասին» ՀՀ օրենքի 27-րդ հոդվածով` ՀՀ դատարանների նախագահների խորհուրդը որոշում է.ուղղ.
1. Դատավորներից պահանջել խստագույնս պահպանել «Դատավորի վարքագծի կանոնագրքի» կանոնները, զերծ մնալ վարքագծի ցանկացած ոչ պատշաճ դրսևորումներից, խուսափել այն ամենից ինչը կարող է նսեմացնել դատական իշխանության հեղինակությունը, դատավորի արժանապատվությունը, կամ կասկած հարուցել նրա օբյեկտիվության և անաչառության վրա:
2. Հանձնարարել դատարանների նախագահներին` հետևել դատավորների կողմից «Դատավորի վարքագծի կանոնագրքի» պահանջների կատարմանը և խախտումներ հայտնաբերելու դեպքում այդ մասին տեղեկացնել ՀՀ դատարանների նախագահների խորհրդին:
|
ՀՀ դատարանների նախագահների խորհրդի նախագահ` |
Հ. Մանուկյան |
|
|
|