ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ՇԻՐԱԿԻ ՄԱՐԶՊԵՏ

Ո Ր Ո Շ ՈՒ Մ

15 հուլիսի 2000 թ. ք. Գյումրի

թիվ 61

ՀՀ ՇԻՐԱԿԻ ՄԱՐԶՈՒՄ ՄԻՋՀԱՄԱՅՆՔԱՅԻՆ ԱՎՏՈԲՈՒՍԱՅԻՆ (ՄԻԿՐՈԱՎՏՈԲՈՒՍԱՅԻՆ) ԵՐԹՈՒՂԻՆԵՐԻ ՄՐՑՈՒՅԹԻ ԱՆՑԿԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

1. Համաձայն ՀՀ նախագահի 06.05.1997 թ. «ՀՀ մարզում պետական կառավարման մասին» ՆՀ-728 հրամանագրի 1-14 կետի ա. ենթակետի հաստատել ՀՀ Շիրակի մարզում միջհամայնքային ավտոբուսային (միկրոավտոբուսային) երթուղիների մրցույթի անցկացման կարգը (կցվում է):

2. Մրցույթի անցկացման կարգը ներկայացնել ՀՀ արդարադատության նախարարություն` պետական գրանցման համար:

ՀՀ Շիրակի մարզպետ`

Ֆ. Փիրումյան

Կ Ա Ր Գ

ՀՀ ՇԻՐԱԿԻ ՄԱՐԶՈՒՄ ՄԻՋՀԱՄԱՅՆՔԱՅԻՆ ԱՎՏՈԲՈՒՍԱՅԻՆ (ՄԻԿՐՈԱՎՏՈԲՈՒՍԱՅԻՆ) ԵՐԹՈՒՂԻՆԵՐԻ ՄՐՑՈՒՅԹԻ ԱՆՑԿԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

Սույն կարգով սահմանվում են Շիրակի մարզում տրանսպորտային գործունեություն իրականացնող տնտեսվարող սուբյեկտներին (անհատ ձեռնարկատերերի և իրավաբանական անձերի, ՀՀ օրենսդրությամբ չարգելվող այլ սուբյեկտների) մրցութային կարգով, ավտոկայաններից և այլ ուղևորափոխադրումների համար նախատեսված տարածքներից միջհամայնքային երթուղիներում ընդգրկելու գործընթացը:

2. ՄՐՑՈՒԹԱՅԻՆ ՀԱՆՁՆԱԺՈՂՈՎԸ ԵՎ ՆՐԱ ԳՈՐԾՈՒՆԵՈՒԹՅՈՒՆԸ

2.1. Մրցութային հանձնաժողովը ստեղծվում է Շիրակի մարզպետի համապատասխան կարգադրությամբ:

2.2. Մրցութային հանձնաժողովը հրապարակայնորեն հայտարարում է մրցույթի անցկացման մասին, ընդունում է հայտեր (հավելված 1), նախապատրաստում և իրականացնում է մրցույթը, որոշում է մրցույթի հաղթողին:

2.3. Մրցութային հանձնաժողովը չի կարող սահմանափակել առանձին (այդ թվում և օտարերկրյա) տրանսպորտային գործունեություն իրականացնող տնտեսվարող սուբյեկտների մրցույթին մասնակցելու իրավունքը, եթե դա նախատեսված չէ ՀՀ օրենսդրությամբ:

3. ՄՐՑՈՒՅԹԻ ԱՆՑԿԱՑՄԱՆ ՊԱՅՄԱՆՆԵՐԻ ԵՎ ԺԱՄԿԵՏՆԵՐԻ ՄԱՍԻՆ ՏԵՂԵԿԱՏՎՈՒԹՅԱՆ ՀՐԱՊԱՐԱԿՄԱՆ ԿԱՐԳԸ

3.1. Մրցույթը սկսելուց առնվազն 10 օր առաջ մրցութային հանձնաժողովը մամուլում կամ զանգվածային լրատվության այլ միջոցներում հրապարակում է համապատասխան տեղեկատվություն մրցույթի պայմանների մասին, որտեղ նշվում է`

3.2. Մասնակիցներին ներկայացվող պահանջները

Մրցույթին կարող են մասնակցել տնտեսվարող այն սուբյեկտները, որոնք գրանցված են ՀՀ պետռեգիստրում, ապահովված են տրանսպորտային միջոցի սեփականության կամ վարձակալության (առնվազն 1 տարով) կամ ավտոմեքենան շահագործում են օրենսդրությամբ սահմանված կարգով տրված լիազորագրի հիման վրա, ներկայացրել են մրցույթին մասնակցելու հայտը և ներքոհիշյալ փաստաթղթերը`

- տրանսպորտային փոխադրումների իրականացման լիցենզիա` տրված ՀՀ Շիրակի մարզպետարանից,

- այն վճարային փաստաթղթերը, որոնք հաստատում են մրցույթի մասնակցության և գրանցման համար կատարված վճարումների իսկությունը,

- սպասարկման (փոխադրավարձի) նախատեսվելիք գինը:

Մրցույթի մասնակիցներին ներկայացնում են հետևյալ պահանջները`

- վարորդների որակավորումը համապատասխանի նշված տրանսպորտային միջոցի շահագործմանը թույլատրելի աստիճանին, ինչպես նաև համապատասխանի տվյալ փոխադրմանը,

- շարժակազմը ունենա ուղևորափոխադրումների համար ՊԱՏ-ի կողմից սահմանված նորմերին համապատասխան տեխնիկական և կահավորվածության աստիճանը,

- շարժակազմերում առկա լինեն ուղևորներին բժշկական առաջին օգնություն ցուցաբերելու համար անհրաժեշտ պիտույքներ և հակահրդեհային միջոցներ:

3.3. Մրցույթի մասնակցի գրանցման վճարի չափն է 2000 դրամ.

- վճարը կարող է կանխիկ կամ փոխանցման կարգով մուծել հաշվարկային հաշիվ կամ դրամարկղ` որպես մրցույթի նախապատրաստական աշխատանքների իրականացման վճար, որը պետք է վճարվի մրցույթի անցկացման օրվանից ոչ ուշ, քան 2 օր առաջ,

- վճարի դիմաց տրվում է համապատասխան փաստաթուղթ, որը ներկայացվում է մրցութային հանձնաժողովին,

մրցույթում չհաղթած մասնակցի կողմից մուծված գումարը ետ չի վերադարձվում:

3.4. Մրցույթով հատկացվող երթուղիներին նախապես ծանոթանալու հնարավորությունները և կարգը:

3.5. Հայտի ներկայացման վերջին ժամկետը:

3.6. Մրցույթի օրը, ժամը և տեղը:

3.7. Հեռախոսահամար, որով կարելի է ստանալ լրացուցիչ տեղեկություններ:

4. ՄՐՑՈՒՅԹԻ ՀԱՂԹՈՂԻՆ ՈՐՈՇԵԼՈՒ ՀԻՄՆԱԿԱՆ ՍԿԶԲՈՒՆՔՆԵՐԸ

4.1. Մրցույթին մասնակցում է այն սուբյեկտը, որը բավարարում է սույն կարգի հավելված 3.2. կետի բոլոր պահանջները:

4.2. Առավելություն կստանա այն մասնակիցը, որը կառաջարկի լավագույն շարժակազմ (որոշվում է համապատասխանորեն հավաքված բալերով), փոխադրավարձի նվազագույն գին, հավասար բալերի դեպքում հաղթողը որոշվում է քվեարկության միջոցով:

Մրցույթի հաղթողի վերաբերյալ որոշումն ընդունելուց հետո հանձնաժողովը կազմում է արդյունքների մասին ամփոփ արձանագրություն, 3 օրինակով, որի մեկ օրինակը ուղարկվում է ՀՀ Ավտոկայարան ՊՓԲԸ Գյումրու մասնաճյուղ, մյուս օրինակը մնում է հանձնաժողովի մոտ: Մասնակիցներից յուրաքանչյուրը ստանում է մեկական օրինակ:

4.3. Մրցույթի մասնակիցը կարող է մինչև մրցույթի օրը հայտը հետ վերցնել` այդ մասին գրավոր տեղյակ պահելով մրցութային հանձնաժողովին:

5. ՈՐՈՇՄԱՆ ԲՈՂՈՔԱՐԿՄԱՆ ԿԱՐԳԸ

Մրցույթի արդյունքները մասնակիցների կողմից կարող են բողոքարկվել ՀՀ օրենսդրությամբ սահմանված կարգով:

6. ՄՐՑՈՒՅԹԸ ՉԿԱՅԱՑԱԾ ՀԱՄԱՐԵԼԸ

6.1. Մրցույթը համարվում է չկայացած եթե`

- սահմանված ժամկետներում հանձնաժողովը նշված պայմաններին բավարարող ոչ մի առաջարկ չի ստացել,

- մրցույթի անցկացման ժամանակ խախտվել են սույն կարգի պահանջները:

7. ԵՐԹՈՒՂԻՆ ՍՊԱՍԱՐԿԵԼՈՒ ԹՈՒՅԼՏՎՈՒԹՅԱՆ ԿԱՐԳԸ

Որոշումը ստանալուց հետո 10 օրվա ընթացքում ՀՀ Ավտոկայարան ՊՓԲԸ Գյումրու մասնաճյուղի և մրցույթի հաղթողի միջև կնքվում է երթուղու սպասարկման պայմանագիր:

Եթե հաղթող ճանաչված սուբյեկտը 10 օրվա ընթացքում չի կնքում երթուղու սպասարկման պայմանագիրը, մրցույթի արդյունքները համարվում են անվավեր:

Մրցույթում հաղթած տնտեսվարող սուբյեկտի հետ կնքված պայմանագրում հաստատված սպասարկման գինը ենթակա է փոփոխման միայն հանձնաժողովի հետ համաձայնեցնելուց հետո:

ՀԱՎԵԼՎԱԾ 1 ՀՀ ՇԻՐԱԿԻ ՄԱՐԶՊԵՏԱՐԱՆ

Հ Ա Յ Տ

ՀՀ ՇԻՐԱԿԻ ՄԱՐԶՈՒՄ ՄԻՋՀԱՄԱՅՆՔԱՅԻՆ ԱՎՏՈԲՈՒՍԱՅԻՆ (ՄԻԿՐՈԱՎՏՈԲՈՒՍԱՅԻՆ) ԵՐԹՈՒՂԻՆԵՐԸ ՓՈԽԱԴՐՈՂՆԵՐԻՆ ՀԱՏԿԱՑՆԵԼՈՒ ՄՐՑՈՒՅԹԻՆ ՄԱՍՆԱԿՑԵԼՈՒ

Հայտատու _________________________________________________________                             տնտեսվարող սուբյեկտների (ֆիզիկական և իրավաբանական անձանց) անվանումը, գտնվելու վայրը,                                                                   հասցեն և հեռախոսի համարը ________________________________________________________________   Խնդրում եմ ընդգրկել _______________________________________ երթուղում                                                             ավտոբուսային կամ միկրոավտոբուսային մրցույթին մասնակցելու հայտը: Կից ներկայացնում եմ հետևյալ տվյալները և փաստաթղթերի պատճենները` 1. Պետռեգիստրի վկայականի թիվը _________________________________ 2. Լիցենզիայի թիվը ______________ և տրման օրը ______________ 200 թ. 3. Վճարային փաստաթուղթ _________________________________________ 4. Վարորդների անուն, ազգանունը, մեքենաների տեխնիկական տվյալները     հ/հ Ա.Ա. Մակնիշ պ/հ Սեփականության ձևը   1. 2. 3.   Երթուղու սպասարկման նախատեսվելիք գինը _______________________________   Լրացուցիչ տեղեկություններ __________________________________________ ____________________________________________________________ ____________________________________________________________ ____________________________________________________________ ____________________________________________________________ ____________________________________________________________ Ներկայացված փաստաթղթերի ճշտության համար ստորագրում եմ ____________________________________________________________   Կ.Տ.                                                  ______________ 200 թ.   Գործերը ընդունեց ________________________________________________

ՀՀ ՇԻՐԱԿԻ ՄԱՐԶՈՒՄ ՄԻՋՀԱՄԱՅՆՔԱՅԻՆ ԱՎՏՈԲՈՒՍԱՅԻՆ (ՄԻԿՐՈԱՎՏՈԲՈՒՍԱՅԻՆ) ԵՐԹՈՒՂԻՆԵՐԸ ՓՈԽԱԴՐՈՂՆԵՐԻՆ ՀԱՏԿԱՑՆԵԼՈՒ ՄՐՑՈՒՅԹԻՆ ՆԵՐԿԱՅԱՑՎԱԾ ՓՈԽԱԴՐԱՄԻՋՈՑՆԵՐԻ ԳՆԱՀԱՏՄԱՆ

Կ Ա Ր Գ

Սույն կարգով հաստատվում են մրցույթին ներկայացված փոխադրամիջոցների գնահատման ձևը, գնահատականների չափը, մրցույթի ամփոփման ձևը, մրցութային թերթիկի ձևը:

1. Մրցույթին ներկայացված փոխադրամիջոցների գնահատման ձևը, գնահատականների չափը

1.1. Մրցույթային հանձնաժողովի յուրաքանչյուր անդամ մրցույթի ներկայացված ավտոբուսների (միկրոավտոբուսների) վերաբերյալ իր գնահատականները լրացնում է մրցութային թերթիկում (ձևը կցվում է), որի 5-11-րդ սյունակներում ներկայացված են տվյալներ ավտոբուսի (միկրոավտոբուսի) վերաբերյալ:

1.2. Մրցութային թերթիկի 7-րդ սյունակում գրանցվում են տվյալ ավտոբուսների (միկրոավտոբուսների) երթևեկության անվտանգությանը սպառնացող ակնհայտ անսարքությունների (ղեկային կառավարման, արգելակային համակարգի, լուսաազդանշանային միջոցների անսարքությունների և անվադողերի սահմանային մաշ.) առկայության գնահատականը (0-10): Նշված անսարքությունների բացակայության դեպքում նշանակվում է 10 միավոր:

1.3. Մրցութային թերթիկի 8-րդ, 9-րդ 10-րդ, 11-րդ սյունակներում համապատասխանորեն 0-10 միավորով գրանցվում են ավտոբուսի գնահատականները ըստ`

- անվադողերի մաշվածության աստիճանի

- արտաքին տեսքի և ուղևորասրահի վիճակի

- ապակիների վիճակի (ճաքեր, փոխարինում այլ չափի ապակիով, թիթեղով, օրգանական ապակիով):

- կոնստրուկտիվ փոփոխությունների:

1.4. Մրցութային թերթիկի 11-րդ սյունակում գրանցվում է 7-րդ, 8-րդ 9-րդ, 10-րդ 11-րդ սյունակների գնահատականների գումարայինը:

1.5. Մրցութային թերթիկի 13-րդ սյունակում գրանցվում է մրցույթի մասնակցի կողմից տվյալ երթուղու սպասարկման համար մեկ ուղևորի փոխադրավարձի առաջարկվող գինը (այս գինը մրցույթի մասնակիցները փակ ծրարով հանձնում են մրցույթի հայտի հետ միասին): Ծրարը բացվում է մրցույթի արդյունքների ամփոփման ժամանակ: Մասնակցի կողմից փոխադրավարձի գին չներկայացնելը հանդիսանում է մասնակցի համաձայնությունը գործող գնին:

1.6. Մրցութային թերթիկի 14-րդ սյունակում գրանցվում է տվյալ երթուղում գործող մեկ ուղևորի փոխադրավարձի գինը:

1.7. Մրցութային թերթիկի 15-րդ սյունակում գրանցվում է տվյալ երթուղում առաջարկվող փոխադրավարձի և գործող փոխադրավարձի գների տարբերությունից գոյացած բալերը ըստ հետևյալ հաշվարկի.

1. ուղևորի փոխադրավարձի գործող գնից ցածր առաջարկած յուրաքանչյուր 10 %-ի համար մասնակիցը լրացուցիչ ստանում է 3 միավոր:

2. Մրցույթի ամփոփման ձևը.

2.1. Մրցութային թերթիկի 16-րդ սյունակում գրանցվում է 12-րդ և 15-րդ սյունակների միավորների գումարը, որը և համարվում է ընդհանուր միավորների քանակը:

2.2. Ընդհանուր առավելագույն միավորներ հավաքած մասնակիցը համարվում է մրցույթի հաղթող:

2.3. Հավաքած հավասար միավորների դեպքում հաղթողը որոշվում է քվեարկության միջոցով:

ՄՐՑՈՒՅԹԻՆ ՄԱՍՆԱԿՑՈՂ ԱՎՏՈԲՈՒՍՆԵՐԻ (ՄԻԿՐՈԱՎՏՈԲՈՒՍՆԵՐԻ) ԳՆԱՀԱՏՄԱՆ

Մ Ր Ց ՈՒ Թ Ա Յ Ի Ն  Թ Ե Ր Թ Ի Կ

մրցույթի հանձնաժողովի անդամ .................... ...... ..........թ.

N	Երթուղին	մասնակցի ազգանուն անունը	ավտոբուսի միկրոավ-տոբուսի մակնիշը	պետ համարա- նիշը	թողարկ- ման տարե- թիվը	Ակնհայտ անսարքու- թյունների գնահա- տականը	Արտաքին տեսքի և ողևորա- սրահի վիճակի գնահա- տականը	Ապակիների վիճակի գնահա- տականը	Անվադողերի մաշվա-ծության աստիճանի գնահա- տականը	Կոնս- տրուկտիվ փոփոխու- թյունների գնահա- տականը	Միավոր- ների քանակը (7+8+9+ +10+11)	փոխադ- րավարձի առաջարկ- վող գինը	Երթուղում գործող փոխադ- րավարձի գինը	Գների տարբե- րության բալային արտահայ- տությունը	Ընդհա- նուր միավոր- ների քանակը (12+15)
1	2	3	4	5	6	7	8	9	10	11	12	13	14	15	16
ՓՈԽԱԴՐՈՂԻ ԱՆՎԱՆՈՒՄԸ
1
2
3
4

________________ /_______________________ / ստորագրություն                          ազգանուն

ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
13 դեկտեմբերի 2000 Թ.

ՊԵՏԱԿԱՆ ԳՐԱՆՑՄԱՆ ԹԻՎ 50701157