502.0010.26.02.01

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ԱՐԱՐԱՏԻ ՄԱՐԶՊԵՏ

26 փետրվարի 2001 թ. ք. Արտաշատ

N 10

Ո Ր Ո Շ ՈՒ Մ

ՀՀ ԱՐԱՐԱՏԻ ՄԱՐԶՈՒՄ ՄԻՋՀԱՄԱՅՆՔԱՅԻՆ ԱՎՏՈԲՈՒՍԱՅԻՆ (ՄԻԿՐՈԱՎՏՈԲՈՒՍԱՅԻՆ) ԵՐԹՈՒՂԻՆԵՐԻ ՄՐՑՈՒՅԹԻ ԱՆՑԿԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

1. Համաձայն ՀՀ նախագահի 06.05.1997 թ. «ՀՀ մարզերում պետական կառավարման մասին» N 728 հրամանագրի 1-14 կետի «ա» ենթակետի հաստատել ՀՀ Արարատի մարզում միջհամայնքային ավտոբուսային (միկրոավտոբուսային) երթուղիների մրցույթի անցկացման կարգը (կցվում է):

2. Մրցույթի անցկացման կարգը ներկայացնել ՀՀ արդարադատության նախարարություն` պետական գրանցման համար:

Արարատի մարզպետ`

Ա. Սարգսյան

 Կ Ա Ր Գ

ՀՀ ԱՐԱՐԱՏԻ ՄԱՐԶՈՒՄ ՄԻՋՀԱՄԱՅՆՔԱՅԻՆ ԱՎՏՈԲՈՒՍԱՅԻՆ (ՄԻԿՐՈԱՎՏՈԲՈՒՍԱՅԻՆ) ԵՐԹՈՒՂԻՆԵՐԻ ԵՆԹԱԿԱՐԳԱՎԱՐԱԿԱՆ ՍՊԱՍԱՐԿՄԱՆ ՄՐՑՈՒՅԹԻ ԱՆՑԿԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

Սույն կարգով սահմանվում է Արարատի մարզում տրանսպորտային սպասարկումներ իրականացնող տնտեսվարող սուբյեկտներին (ֆիզիկական և իրավաբանական անձանց) մրցութային կարգով, համայնքներից և այլ ուղևորափոխադրումների համար նախատեսված տարածքներից Արարատի մարզպետի կողմից հաստատված միջհամայնքային երթուղիներում ընդգրկելու գործընթացը:

2. ՄՐՑՈՒԹԱՅԻՆ ՀԱՆՁՆԱԺՈՂՈՎԸ ԵՎ ՆՐԱ ԳՈՐԾՈՒՆԵՈՒԹՅՈՒՆԸ

2.1. Մրցութային հանձնաժողովը ստեղծվում է Արարատի մարզպետի կարգադրությամբ:

2.2. Մրցութային հանձնաժողովը հրապարակայնորեն հայտարարում է մրցույթի անցկացման մասին, ընդունում է հայտեր (հավելված 1), նախապատրաստում և իրականացնում է մրցույթը, որոշում է մրցույթի հաղթողին:

2.3. Մրցութային հանձնաժողովը չի կարող սահմանափակել առանձին (այդ թվում և օտարերկրյա) տնտեսվարող սուբյեկտների մրցույթին մասնակցելու իրավունքը, եթե դա նախատեսված չէ ՀՀ օրենսդրությամբ:

3. ՄՐՑՈՒՅԹԻ ԱՆՑԿԱՑՄԱՆ ՊԱՅՄԱՆՆԵՐԻ ԵՎ ԺԱՄԿԵՏՆԵՐԻ ՄԱՍԻՆ ՏԵՂԵԿԱՏՎՈՒԹՅԱՆ ՀՐԱՊԱՐԱԿՄԱՆ ԿԱՐԳԸ

3.1. Մրցույթը սկսելուց առնվազն 30 օր առաջ մրցութային հանձնաժողովը մամուլում կամ զանգվածային լրատվության այլ միջոցներում հրապարակում է համապատասխան տեղեկատվություն մրցույթի պայմանների մասին, որտեղ նշվում է`

3.2. Մասնակիցներին ներկայացվող պահանջները.

Մրցույթին կարող են մասնակցել տնտեսվարող այն սուբյեկտները, որոնք գրանցված են ՀՀ պետռեգիստրում, ապահովված են տրանսպորտային միջոցի սեփականության, կամ վարձակալության (առնվազն 1 տարով) կամ ավտոմեքենան շահագործում են օրենսդրությամբ սահմանված կարգով տրված լիազորագրի հիման վրա, ներկայացրել են մրցույթին մասնակցելու հայտը և ներքոհիշյալ փաստաթղթերը`

- տրանսպորտային փոխադրումների իրականացման լիցենզիա` տրված ՀՀ Արարատի մարզպետարանի կողմից.

- այն վճարային փաստաթղթերը, որոնք հաստատում են մրցույթի մասնակցության և գրանցման համար կատարված վճարումների իսկությունը.

- սպասարկման (փոխադրավարձի) նախատեսվելիք գինը.

- հարկային տեսչության տեղեկանքը` հարկային պարտավորությունների վերաբերյալ:

Մրցույթի մասնակիցներին ներկայացվում են հետևյալ պահանջները`

- վարորդների որակավորումը համապատասխանի նշված տրանսպորտային միջոցի շահագործման թույլատրելի աստիճանին, ինչպես նաև համապատասխանի տվյալ փոխադրմանը.

- շարժակազմը ունենա ուղևորափոխադրումների համար ՊԱՏ -ի կողմից սահմանված նորմերին համապատասխան տեխնիկական և կահավորվածության աստիճան.

- շարժակազմերում առկա լինեն ուղևորներին բժշկական առաջին օգնություն ցուցաբերելու համար անհրաժեշտ պիտույքներ և հակահրդեհային միջոցներ:

3.3. Մրցույթի մասնակցի գրանցման վճարի չափն է 2000 դրամ.

- վճարը կարող է կանխիկ կամ փոխանցման կարգով մուծել հաշվարկային հաշիվ կամ դրամարկղ` որպես մրցույթի նախապատրաստական աշխատանքների իրականացման վճար, որը պետք է վճարվի մրցույթի անցկացման օրվանից ոչ ուշ, քան 2 օր առաջ.

- վճարի դիմաց տրվում է համապատասխան փաստաթուղթ, որը ներկայացվում է մրցութային հանձնաժողովին.

- մրցույթում չհաղթած մասնակցի կողմից մուծված գումարը ետ չի վերադարձվում.

- վճարը մուծվում է սահմանված չափով` յուրաքանչյուր մեկ միավոր տրանսպորտային միջոցի համար:

3.4. Մրցույթով հատկացվող երթուղիներին նախապես ծանոթանալու հնարավորությունները և կարգը:

3.5. Հայտի ներկայացման վերջին ժամկետը:

3.6. Մրցույթի անցկացման օրը, ժամը և տեղը:

3.7. Հեռախոսահամար, որով կարելի է ստանալ լրացուցիչ տեղեկություններ:

4. ՄՐՑՈՒՅԹԻ ՀԱՂԹՈՂԻՆ ՈՐՈՇԵԼՈՒ ՀԻՄՆԱԿԱՆ ՍԿԶԲՈՒՆՔՆԵՐԸ

4.1. Մրցույթին մասնակցում է այն սուբյեկտը, որը բավարարում է սույն կարգի 3.2. կետի բոլոր պահանջները:

4.2. Առավելություն կստանա այն մասնակիցը, որը կառաջարկի լավագույն շարժակազմ (որոշվում է համապատասխանորեն հավաքված բալերով), սպասարկման (փոխադրավարձի) նվազագույն գին:

Հավասար բալերի դեպքում հաղթողը որոշվում է քվեարկության միջոցով:

Մրցույթի հաղթողի վերաբերյալ որոշումն ընդունելուց հետո հանձնաժողովը կազմում է արդյունքների մասին ամփոփ արձանագրություն, որի օրինակը մնում է հանձնաժողովի մոտ:

Մասնակիցներից յուրաքանչյուրը ստանում է մեկական օրինակ:

4.3. Մրցույթի մասնակիցը կարող է մինչև մրցույթի օրը իր հայտը հետ վերցնել` այդ մասին գրավոր տեղյակ պահելով մրցութային հանձնաժողովին:

5. ՈՐՈՇՄԱՆ ԲՈՂՈՔԱՐԿՄԱՆ ԿԱՐԳԸ

Մրցույթի արդյունքները մասնակիցների կողմից կարող են բողոքարկվել ՀՀ օրենսդրությամբ սահմանված կարգով:

6. ՄՐՑՈՒՅԹԸ ՉԿԱՅԱՑԱԾ ՀԱՄԱՐԵԼԸ

Մրցույթը համարվում է չկայացած, եթե`

- սահմանված ժամկետներում հանձնաժողովը նշված պայմաններին բավարարող ոչ մի առաջարկ չի ստացել.

- մրցույթի անցկացման ժամանակ խախտվել են սույն կարգի պահանջները:

7. ԵՐԹՈՒՂԻՆ ՍՊԱՍԱՐԿԵԼՈՒ ԻՐԱՎՈՒՆՔԻ ՀԱՆՁՆՄԱՆ ԿԱՐԳԸ

Որոշումը ստանալուց հետո 10 օրվա ընթացքում Արարատի մարզպետարանի և մրցույթի հաղթողի միջև կնքվում է երթուղու սպասարկման պայմանագիր:

Եթե հաղթող ճանաչված սուբյեկտը 10 օրվա ընթացքում չի կնքում երթուղու սպասարկման պայմանագիրը, մրցույթի արդյունքները համարվում են անվավեր:

Մրցույթում հաղթած տնտեսվարող սուբյեկտի հետ կնքած պայմանագրում հաստատված սպասարկման գինը ենթակա է փոփոխման միայն հանձնաժողովի հետ համաձայնեցնելուց հետո:

8. ՄՐՑՈՒՅԹԻՆ ՄԱՍՆԱԿԻՑ ՏՐԱՆՍՊՈՐՏԱՅԻՆ ՄԻՋՈՑՆԵՐԻ ՏԵԽՆԻԿԱԿԱՆ ՎԻՃԱԿԻ ԳՆԱՀԱՏՄԱՆ ԿԱՐԳԸ (ՀԱՎԵԼՎԱԾ 2 ԵՎ 2/1)

Հավելված 1 Հայաստանի Հանրապետության Արարատի մարզպետարան

 Հ Ա Յ Տ

Հայաստանի Հանրապետության Արարատի մարզի միջհամայնքային ավտոբուսային (միկրոավտոբուսային) երթուղիները փոխադրողներին հատկացնելու մրցույթին մասնակցելու

Հայտատու ___________________________________________                           Ֆիզիկական կամ իրավաբանական անձի անվանումը, հասցեն, հեռախոսը Խնդրում եմ ընդգրկել ___________________________ երթուղում                                                 ավտոբուսային կամ միկրոավտոբուսային մրցույթին մասնակցելու հայտը: Կից ներկայացնում եմ հետևյալ տվյալները և փաստաթղթերի պատճենները 1. Պետռեգիստրի վկայականի N ______ 2. Լիցենզիայի N _____ և տրման օրը _________ ________ թ. 3. Վճարային փաստաթուղթ N ________ 4. Վարորդների ԱԱՀ-ը և մեքենաների տեխնիկական տվյալները`

N	ԱԱՀ	մակնիշը	Պ/հ	սեփականության ձևը
1.
2.
3.
4.
5.
6.
7.
8.
9.
10.
11.

5. Երթուղու սպասարկման նախատեսվելիք գինը ___________________ 6. Լրացուցիչ տեղեկություններ ______________________________ __________________________________________________ __________________________________________________ __________________________________________________   Ներկայացված փաստաթղթերի ճշտության համար ստորագրում եմ   _________________                             ____  ____________ 200  թ.               կ.տ.   Գործերն ընդունեց ____________________________________

Հավելված 2

ՀՀ ԱՐԱՐԱՏԻ ՄԱՐԶՈՒՄ ՄԻՋՀԱՄԱՅՆՔԱՅԻՆ ԱՎՏՈԲՈՒՍԱՅԻՆ (ՄԻԿՐՈԱՎՏՈԲՈՒՍԱՅԻՆ) ԵՐԹՈՒՂԻՆԵՐԸ ՓՈԽԱԴՐՈՂՆԵՐԻՆ ՀԱՏԿԱՑՆԵԼՈՒ ՄՐՑՈՒՅԹԻՆ ՆԵՐԿԱՅԱՑՎԱԾ ՓՈԽԱԴՐԱՄԻՋՈՑՆԵՐԻ ԳՆԱՀԱՏՄԱՆ

Կ Ա Ր Գ

Սույն կարգով հաստատվում են մրցույթին ներկայացված փոխադրամիջոցների գնահատման ձևը, գնահատականների չափը, մրցույթի ամփոփման ձևը, մրցութային թերթիկի ձևը:

1. Մրցույթին ներկայացված փոխադրամիջոցների գնահատման ձևը, գնահատականների չափը

1.1. Մրցութային հանձնաժողովի յուրաքանչյուր անդամ մրցույթին ներկայացված ավտոբուսների (միկրոավտոբուսների) վերաբերյալ իր գնահատականները լրացնում է մրցութային թերթիկում (ձևը կցվում է), որի 4-11 -րդ սյունակներում ներկայացված են տվյալներ ավտոբուսի (միկրոավտոբուսի) վերաբերյալ:

1.2. Մրցութային թերթիկի 7-րդ սյունակում գրանցվում են տվյալ ավտոբուսի (միկրոավտոբուսի) երթևեկության անվտանգությանը սպառնացող ակնհայտ անսարքությունների (ղեկային կառավարման, արգելակային համակարգի, լուսաազդանշանային միջոցների անսարքությունների և անվադողերի սահմանային մաշ.) առկայության գնահատականը (0-10): Նշված անսարքությունների բացակայության դեպքում նշանակվում է 10 միավոր:

1.3. Մրցութային թերթիկի 8-րդ, 9-րդ, 10-րդ, 11-րդ սյունակներում համապատասխանորեն 0-10 միավորով գրանցվում են ավտոբուսի (միկրոավտոբուսի) գնահատականները ըստ`

- անվադողերի մաշվածության աստիճանի.

- արտաքին տեսքի և ուղևորասրահի վիճակի.

- ապակիների վիճակի (ճաքեր, փոխարինում այլ չափի ապակիով, թիթեղով, օրգանական ապակիով).

- կոնստրուկտիվ փոփոխությունների:

1.4. Մրցութային թերթիկի 12-րդ սյունակում գրանցվում է 7-րդ, 8-րդ, 9-րդ, 10-րդ, 11-րդ սյունակների գնահատականների գումարայինը:

1.5. Մրցութային թերթիկի 13-րդ սյունակում գրանցվում է մրցույթի մասնակցի կողմից տվյալ երթուղու սպասարկման համար 1 ուղևորի փոխադրավարձի առաջարկվող գինը (այս գինը մրցույթի մասնակիցները փակ ծրարով հանձնում են մրցույթի հայտի հետ միասին): Ծրարը բացվում է մրցույթի արդյունքների ամփոփման ժամանակ: Մասնակցի կողմից փոխադրավարձի գին չներկայացնելը հանդիսանում է մասնակցի համաձայնությունը գործող գնին:

1.6. Մրցութային թերթիկի 14-րդ սյունակում գրանցվում է տվյալ երթուղում գործող մեկ ուղևորի փոխադրավարձի գինը:

1.7. Մրցութային թերթիկի 15-րդ սյունակում գրանցվում է տվյալ երթուղում առաջարկվող փոխադրավարձի և գործող փոխադրավարձի գների տարբերությունից գոյացած բալերը ըստ հետևյալ հաշվարկի.

1. Ուղևորի փոխադրավարձի գործող գնից ցածր առաջարկած յուրաքանչյուր 10 %-ի համար մասնակիցը լրացուցիչ ստանում է 3 միավոր:

2. Մրցույթի ամփոփման ձևը.

2.1. Մրցութային թերթիկի 16-րդ սյունակում գրանցվում է 12-րդ և 15-րդ սյունակների միավորների գումարը, որը և համարվում է ընդհանուր միավորների քանակ:

2.2. Ընդհանուր առավելագույն միավորներ հավաքած մասնակիցը համարվում է մրցույթի հաղթող:

2.3. Հավաքած հավասար միավորների դեպքում հաղթողը որոշվում է քվեարկության միջոցով:

Հավելված 2/1

Մրցույթին մասնակցող ավտոբուսների (միկրոավտոբուսների) գնահատման

ՄՐՑՈՒԹԱՅԻՆ ԹԵՐԹԻԿ

Մրցույթի հանձնաժողովի անդամ _________________ ___ _______ թ.

N	Երթուղին	Մասնակցի անուն ազգանունը	Ավտոբուսի, միկրոավտո- բուսի մակնիշը	Պետհամա- րանիշը	Թողար- կման տարե- թիվը	Ակնհայտ անսար- քություն- ների գնահա- տականը	Արտաքին տեսքի և ուղևո- րասրահի վիճակի գնահա- տականը	Ապակիների վիճակի գնահա- տականը	Անվադողերի մաշվածու- թյան աստիճանի գնահա- տականը	Կոնստրուկ- տիվ փոփո- խությունների գնահա- տականը	Միավոր- ների քանակը (7+8+9+ +10+11)	Փոխադրա- վարձի առաջար- կվող գինը	Երթուղում գործող փոխադրա- վարձի գինը	Գների տարբե- րության բալային արտահայ- տությունը	Ընդհանուր միավորների քանակը (12+15)
1.	2.	3.	4.	5.	6.	7.	8.	9.	10.	11.	12.	13.	14.	15.	16.
Փոխադրողի անվանումը
1
2
3

___________________ /______________________ /         ստորագրություն                                                    ազգանուն

Գրանցված է
Հայաստանի Հանրապետության
արդարադատության նախարարության կողմից
12 մարտի 2001 թ.
Պետական գրանցման թիվ 11001055