ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

29 օգոստոսի 2000 թվականի

թիվ 217

Ո Ր Ո Շ ՈՒ Մ

500 ԴՐԱՄ ԱՆՎԱՆԱԿԱՆ ԱՐԺԵՔՈՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆՈՐ ՆՄՈՒՇԻ ԹՂԹԱԴՐԱՄՆԵՐԸ ՇՐՋԱՆԱՌՈՒԹՅԱՆ ՄԵՋ ԴՆԵԼՈՒ ՄԱՍԻՆ

 Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «է» կետը, 41, 42 և 47-րդ հոդվածները` Հայաստանի Հանրապետության կենտրոնական բանկի խորհուրդը որոշում է.

 1. 2000 թվականի սեպտեմբերի 1-ից շրջանառության մեջ դնել 1999 թվականի նմուշի Հայաստանի Հանրապետության 500 դրամ անվանական արժեքով թղթադրամները:

 2. Սահմանել, որ 1993 թվականի նմուշի Հայաստանի Հանրապետության 500 դրամ անվանական արժեքով թղթադրամները Հայաստանի Հանրապետության տարածքում օրինական վճարամիջոց են մինչև 2005 թվականի օգոստոսի 31-ը` իրենց անվանական արժեքով:

 3. Սահմանել, որ 2005 թվականի սեպտեմբերի 1-ից 1993 թվականի նմուշի Հայաստանի Հանրապետության 500 դրամ անվանական արժեքով թղթադրամները Հայաստանի Հանրապետության տարածքում դադարում են օրինական վճարամիջոց լինելուց, սակայն ենթակա են փոխանակման Հայաստանի Հանրապետության կենտրոնական բանկում և նրա կողմից լիազորված բանկերում` առանց սահմանափակումների:

 4. Սույն որոշումն ուժի մեջ է մտնում ընդունման պահից: