ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

20 հուլիսի 1999 թվականի

թիվ 122

Ո Ր Ո Շ ՈՒ Մ

 «ԲԱՆԿԵՐԻ ՀԱՇՎԵՏՎՈՒԹՅՈՒՆՆԵՐԸ, ԴՐԱՆՑ ՆԵՐԿԱՅԱՑՈՒՄԸ ԵՎ ՀՐԱՊԱՐԱԿՈՒՄԸ» 3-ՐԴ ԿԱՆՈՆԱԿԱՐԳՈՒՄ (ՆՈՐ ԽՄԲԱԳՐՈՒԹՅԱՄԲ) ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

(որոշումն ուժը կորցրել է 31.05.01 թիվ 146)

 Ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ և «Բանկերի և բանկային գործունեության մասին» Հայաստանի Հանրապետության օրենքի 55-րդ հոդվածներով` Հայաստանի Հանրապետության կենտրոնական բանկի խորհուրդը որոշում է.

 1. Հայաստանի Հանրապետության կենտրոնական բանկի խորհրդի 1998 թվականի դեկտեմբերի 2-ի թիվ 232 որոշմամբ հաստատված «Բանկերի հաշվետվությունները, դրանց ներկայացումը և հրապարակումը» 3-րդ կանոնակարգում (նոր խմբագրությամբ) կատարել հետևյալ փոփոխություններն ու լրացումները.

 1.1. Կանոն 1.1-ի աղյուսակի վերջում ավելացնել նոր տող.

23

Վարկային ներդրումների ամփոփագիր

23

անհրաժեշտության դեպքում

 1.2. Կանոն 2.3-ի 31-րդ կետում նշված «Ռոսիյսկի Կրեդիտ-Արմենիա» բանկի անվանումը փոխարինել «ԱՌԷԿՍԻՄԲԱՆԿ» անվանումով:

 1.3. Կանոն 2.4-ի վերջին նախադասությունը վերաշարադրել հետևյալ խմբագրությամբ. «Բանկի կողմից ինքնուրույն բացված հաշիվները ՀՀ ԿԲ ներկայացվող հաշվեկշռում չեն արտացոլվում որպես առանձին հաշիվ»:

 1.4. «Ն11, Ն12, Ն21, Ն22, Ն3, Ն41, Ն42 և ընդհանուր կապիտալի նվազագույն չափի նորմատիվների վերաբերյալ» թիվ 3 հաշվետվության ձևի 3-րդ և 4-րդ էջերը փոխարինել նոր տարբերակներով (կցվում են):

 1.5. Կանոն 2.8-ի վերջին պարբերությունը վերաշարադրել հետևյալ խմբագրությամբ. «Պակասեցվող գումարներ» սյունակում լրացվում են ԿԲ «Կանոնակարգ 2»-ի կանոն 24.3-ի միայն 3-րդ պարբերությամբ նախատեսված նվազեցումները»:

 1.6. «Հաշվետվություն վարկային ներդրումների, դեբիտորական պարտքերի և ինվեստիցիոն արժեթղթերի վերաբերյալ» թիվ 6 հաշվետվության ձևը փոխարինել նոր տարբերակով (կցվում է):

 1.7. Կանոն 2.10.

 ա) 1-ին պարբերությունից հետո ավելացնել հետևյալ բովանդակությամբ նոր պարբերություն. «Միջբանկային վարկերի հաշվարկում ընդգրկվում են նաև միջբանկային ավանդները»:

 բ) 7-րդ պարբերությունը վերաշարադրել հետևյալ խմբագրությամբ. «1-ին («Վարկային ներդրումներ ընդամենը») և 2-րդ («Ոչ ռեզիդենտներին տրված վարկեր ընդամենը») կետերը (բացառությամբ ենթակետերի (և 3-րդ կետն ամբողջությամբ լրացվում են համաձայն վարկային պայմանագրերում նշված սկզբնական ժամկետների` ներառյալ երկարաձգումները և ժամկետանց օրերը»:

 գ) Հանել 8-րդ և 9-րդ պարբերությունները:

 1.8. «Ներգրավված և տեղաբաշխված միջոցների ժամկետայնության վերաբերյալ» թիվ 9 հաշվետվության ձևը փոխարինել նոր տարբերակով (կցվում է):

 1.9. Կանոն 2.13.

 ա) 3-րդ պարբերությունից հետո ավելացնել հետևյալ պարբերությունները.

 «Եթե ներգրավված միջոցները ցպահանջ չեն և չունեն հստակ սահմանված մարման ժամկետներ, ապա համարվում են ցպահանջ:

 Թիվ 9 հաշվետվության մեջ ներգրավված միջոցների կազմում չեն ընդգրկվում պետական արժեթղթերի գրավադրմամբ և հակադարձ ռեպո պայմանագրի համաձայն ներգրաված միջոցները, բանկերի կանոնադրական հիմնադրամի համալրման նպատակով հավաքագրված միջոցները, նաև պարտավորություններն այն մասով, որոնք հանդիսանում են ապահովվածություն տեղաբաշխված միջոցների համար:

 Հաշվային պլանի «Այլ պարտավորություններ» բաժնում հաշվառված այն պարտավորությունները, որոնք հաշվեգրումների արդյունք չեն, լրացվում են ըստ հաճախորդների պատկանելության` համապատասխան տողերում: «Պարտավորություններ այլ անձանց նկատմամբ» տողում լրացվում են այն պարտավորությունները, որոնք բանկի ծախսերով կատարված հաշվեգրումների արդյունք են, և այն պարտավորությունները, որոնց` ըստ հաշվետերերի պատկանելությունը հաշվետվության ներկայացման օրվա դրությամբ դեռևս պարզաբանված չէ` համապատասխան փաստաթղթերի բացակայության հետևանքով:

 Եթե տեղաբաշխված միջոցները ցպահանջ չեն և չունեն հստակ սահմանված մարման ժամկետներ, ապա համարվում են 180 օրից ավելի մարման ժամկետ ունեցող:

 Թիվ 9 հաշվետվության մեջ տեղաբաշխված միջոցների կազմում չեն ընդգրկվում բանկերի կանոնադրական հիմնադրամի համալրման կուտակման հաշիվները. սառեցված հաշիվները, հետգնման պայմանագրով վաճառված արժեթղթերի գումարները, հիմնական միջոցներն ու ոչ նյութական ակտիվները և նրանց ձեռքբերման նպատակով կատարված կանխավճարները, նաև տեղաբաշխված միջոցներն այն մասով, որոնց համար համապատասխան պարտավորությունները հանդիսանում են ապահովվածություն:

 «Կանխիկ դրամական միջոցներ» տողում լրացվում են նաև բանկի կողմից ձեռք բերված ոսկու ստանդարտացված ձուլակտորները: Ոսկու ոչ ստանդարտացված ձուլակտորները, ճանապարհին գտնվող դրամական միջոցները, ճանապարհին գտնվող կանխիկին հավասարեցված վճարային քարտերը, ՀՀ ԿԲ խորհրդի կողմից չհամաձայնեցված վճարային քարտերը թիվ 9 հաշվետվության մեջ չեն ընդգրկվում:

 «Պահանջներ ՀՀ կառավարության նկատմամբ» տողում լրացվում են բանկի կողմից ձեռք բերված պետական գանձապետական արժեթղթերը (բացառությամբ գրավադրված և հետգնման պայմանագրով վաճառված արժեթղթերի), հետգնման պայմանագրի համաձայն տնօրինվող պետական արժեթղթերը (ըստ տնօրինման ժամկետի): Կառավարության նկատմամբ այլ պահանջները (կանխավճարներ հարկերի գծով, հետաձգված հարկերի գծով առաջացած ակտիվներ և այլն) հաշվետվության մեջ պետք է արտացոլվեն կառավարության նկատմամբ պարտավորությունների (հաշվեգրումներ, հետաձգված հարկային պարտավորություններ և այլն) հետ հաշվանցված (կանխավճարից հանած պարտավորության գումարը): Եթե պարտավորության գումարը գերազանցում է կանխավճարի չափը, ապա տարբերություն կազմող գումարը լրացվում է «Պարտավորություններ այլ անձանց նկատմամբ» տողի ցպահանջ սյունակում: Եթե կանխավճարի չափը գերազանցում է պարտավորության գումարը, ապա տարբերություն կազմող գումարը լրացվում է «Պահանջներ այլ անձանց նկատմամբ» տողի ցպահանջ սյունակում:

 Հաշվետվության «Այլ արժեթղթեր» տողում լրացվում են բանկի կողմից այլ անձանց (բանկերի և այլ կազմակերպությունների) կանոնադրական հիմնադրամներում ունեցած բաժնեմասերը և փայամասնակցությունները, ինչպես նաև վաճառքի և վերավաճառքի նպատակով ձեռք բերված արժեթղթերը:

 «Պահանջներ այլ անձանց նկատմամբ» տողում լրացվում են հաշվային պլանի «Այլ ակտիվներ» բաժնի «Այլ ակտիվներ» հաշվում առկա միջոցները, «Այլ գործառնությունների գծով ստացվելիք գումարներ» և «Առհաշիվ տրված գումարներ և կանխավճարներ» բաժիններում հաշվառված միջոցները, բացառությամբ «Ֆակտորինգային գործառնությունների գծով ստացվելիք գումարներ», «Ֆինանսական լիզինգի գծով ստացվելիք գումարներ» և «Գալիք ժամանակաշրջանի ծախսեր» ենթաբաժինների: «Ֆակտորինգային գործառնությունների գծով ստացվելիք գումարներ» և «Ֆինանսական լիզինգի գծով ստացվելիք գումարներ» ենթաբաժինների միջոցները հաշվետվության մեջ լրացվում են առանձին տողում:

 «Այլ գործառնությունների գծով ստացվելիք գումարներ», «Առհաշիվ տրված գումարներ և կանխավճարներ» բաժիններում և «Այլ ակտիվներ» բաժնի «Այլ ակտիվներ» հաշվում հաշվառված այն միջոցները, որոնք պահանջ են բանկերի նկատմամբ, պետք է ընդգրկվեն հաշվետվության «Պահանջներ բանկերի նկատմամբ» համապատասխան տողերում»:

 բ) Վերջին պարբերությունից հետո ավելացնել հետևյալ բովանդակությամբ նոր պարբերություններ.

 ««Փոփոխվող տոկոսադրույքներով» տողում միջոցները լրացվում են ըստ տոկոսադրույքների վերանայմանը մնացած ժամկետների, այլ ոչ թե ըստ մարմանը մնացած ժամկետների:

 Օրինակ 1. եթե բանկը ներգրավել է մինչև 5 տարի մարման ժամկետով դեպոզիտ, որի տոկոսադրույքները վերանայվելու են յուրաքանչյուր 3 ամիսը մեկ, ապա հաշվետվության «Փոփոխվող տոկոսադրույքներով» տողում այդ դեպոզիտի գումարը պետք է լրացվի «90-119 օր» սյունակում, իսկ հաջորդ հաշվետու ժամանակաշրջանում նույն դեպոզիտի գումարը կարտացոլվի «60-89 օր» սյունակում:

 Օրինակ 2. եթե բանկը ներգրավել է մինչև 3 տարի մարման ժամկետով դեպոզիտ, որի տոկոսադրույքները վերանայվելու են շուկայի ցանկացած փոփոխության դեպքում, ապա հաշվետվության «Փոփոխվող տոկոսադրույքներով» տողում այդ դեպոզիտի գումարը պետք է լրացվի «ցպահանջ» սյունակում:

 «Ֆիքսված տոկոսադրույքներով» տողում լրացվում են այն միջոցները, որոնք ներգրավվել և տեղաբաշխվել են ֆիքսված տոկոսադրույքներով: Ներգրավված և տեղաբաշխված միջոցներն արտացոլվում են ըստ նրանց մարմանը մնացած ժամկետների»»:

 1.10. «Կանոնադրական հիմնադրամի ձևավորման մասին» թիվ 10 հաշվետվության ձևը փոխարինել նոր տարբերակով (կցվում է):

 1.11. Կանոն 2.14.

 ա) Երկրորդ պարբերության «2-րդ էջում» բառերը հանել:

 բ) «Վերջին պարբերության «կանոն 5.7-ում սահմանված ժամկետում» բառերը փոխարինել «կանոն 4.7-ում սահմանված ժամկետում» բառերով:

 1.12. ««Խոշոր» փոխառուների վերաբերյալ» թիվ 14 հաշվետվության ձևը փոխարինել նոր տարբերակով (կցվում է):

 1.13. Կանոն 2.18-ի առաջին պարբերության «կապիտալի 10%-ը» բառերը փոխարինել «կապիտալի 5%-ը» բառերով:

 1.14. Կանոն 2.24-ից հետո ավելացնել հետևյալ բովանդակությամբ նոր կանոն.

 «Կանոն 2.25.

 Վարկային ներդրումների ամփոփագրի տեքստային տեղեկատվությունն անհրաժեշտ է լրացնել մեծատառերով` բառերի միջև թողնելով մեկ ազատ (բաց) տեղ: Եթե ամփոփագրի վանդակներից որևէ մեկը լրացման կարիք չունի, ապա համապատասխան վանդակը պետք է դատարկ մնա (գծիկ կամ այլ խորհրդանիշ (սիմվոլ) պետք չէ դնել):

 1-ին սյունակում լրացվում է յուրաքանչյուր վարկառուի առանձնահատուկ կոդը (կոդը կարող է որոշել լրացնողը), որը յուրաքանչյուր վարկառուի համար պետք է լինի միակը: Եթե մի վարկառուի վերաբերյալ լրացվում է մի քանի տող, ապա յուրաքանչյուր տողի 1-ին սյունակում տվյալ վարկառուի կոդը կրկնվում է:

 2-րդ սյունակում լրացվում է վարկատուի (բանկի) և վարկառուի միջև կնքված վարկային պայմանագրի համարը (օրինակ` 5): Համարից առաջ ոչ մի նշան (օրինակ` «N» կամ «թիվ») չպետք է դրվի:

 3-րդ սյունակում լրացվում է վարկառուի վարկային հաշվի համարը (օրինակ` 123006798101):

 4-րդ սյունակում լրացվում է վարկառուի լրիվ անվանումը, կազմակերպաիրավական տեսակը, եթե վարկառուն իրավաբանական անձ է (օրինակ` ԱՐԵՎԻԿ ՍՊԸ (ՓԱՅԼ Փ/Ձ)), որտեղ փակագծերում նշվածը վարկառուի նախկին անվանումն է: Եթե վարկառուն ֆիզիկական անձ է, ապա պետք է լրացվի անձի անունը, ազգանունը (օրինակ` ՀԱՍՄԻԿ ԱՎԱԳՅԱՆ (ՀԱՍՄԻԿ ԳԱԼՍՏՅԱՆ)), որտեղ փակագծերում նշվածը վարկառուի նախկին անուն, ազգանունն է: Նախկինը գրվում է, եթե անվանումը կամ անուն, ազգանունը փոփոխվել են:

 5-րդ սյունակում լրացվում է վարկառուի ՀՎՀՀ-ն (հարկ վճարողի հաշվառման համարը), իսկ եթե ՀՎՀՀ չունի` ՀՀ պետական եկամուտների նախարարությունում գրանցված չէ, ապա այդ սյունակում լրացվում են վարկառուի անձնագրի տվյալները` սերիան, համարը` առանց ազատ (բաց) տեղերի և գծիկների (օրինակ` XICL576128):

 6-րդ սյունակում լրացվում է վարկառուի իրավաբանական հասցեն, եթե վարկառուն իրավաբանական անձ է, իսկ եթե վարկառուն ֆիզիկական անձ է` բնակության հասցեն (օրինակ` ԵՐԵՎԱՆ ՓԱՓԱԶՅԱՆ 5/8):

 7-րդ սյունակում լրացվում է Կ տառը, եթե վարկառուն բանկի հետ կապված անձ է: Կ տառի կողքին ոչինչ չպետք է գրվի (կետ (.) և այլն):

 8-րդ սյունակում լրացվում է վարկի փաստացի տրման ամսաթիվը:

 9-րդ սյունակում լրացվում է վարկի մարման ամսաթիվը` ըստ վարկային պայմանագրի: Եթե վարկը նախատեսված է մարել մաս-մաս, ապա լրացվում են վարկային պայմանագրով նախատեսված վարկի մաս-մաս մարման ամսաթվերը (յուրաքանչյուրն` առանձին տողի վրա):

 10-րդ սյունակում լրացվում են վարկային պայմանագրով նախատեսված վարկի ամբողջական կամ մաս-մաս մարման ենթակա գումարները (յուրաքանչյուրն` առանձին տողի վրա):

 11-րդ սյունակում լրացվում է վարկի գումարը` համաձայն վարկային պայմանագրի (օրինակ` եթե պայմանագրով նախատեսված է վարկառուին տրամադրել 10000 ԱՄՆ-ի դոլարի վարկ, վանդակում գրվում է` 10000, իսկ եթե նախատեսված է 1100000 դրամի վարկ, գրվում է` 1100000):

 12-րդ սյունակում լրացվում է տրված վարկի գումարի արժույթին համապատասխան ISO կոդը` ըստ վարկային պայմանագրի (օրինակ` ԱՄՆ-ի դոլարով վարկի համար` USD, հայկական դրամով վարկի համար` AMD և այլն):

 13-րդ սյունակում լրացվում է վարկի գումարը համարժեք դրամով (օրինակ, եթե տրվել է 10000 ԱՄՆ-ի դոլար, ապա 12-րդ սյունակում լրացվում է այդ գումարը համարժեք դրամով):

 Ամփոփագրի հաջորդ սյունակներում արտացոլված բոլոր գումարային տվյալները լրացվում են դրամով:

 14-րդ սյունակում լրացվում է վարկի տրամադրման ձևը` կանխիկ կամ անկանխիկ, այսինքն, եթե վարկը տրամադրվել է կանխիկ ձևով, գրվում է կանխիկ բառի առաջին տառը` Կ, իսկ եթե տրամադրվել է անկանխիկ ձևով` Ա:

 15-րդ սյունակում լրացվում է տարեկան կտրվածքով տոկոսադրույքը` ըստ վարկային պայմանագրի (օրինակ` 24 (առանց տոկոսի նշանի)):

 16-րդ սյունակում լրացվում է տոկոսադրույքի հաշվարկման եղանակը` ՊԱՐԶ կամ ԲԱՐԴ, կամ ՖԻՔՍՎԱԾ և այլն` համաձայն վարկային պայմանագրի:

 17-րդ սյունակում լրացվում են վարկային պայմանագրով նախատեսված տոկոսների մարման պայմանները (օրինակ` կարող է գրվել` ՅՈՒՐԱՔԱՆՉՅՈՒՐ ԱՄՍՎԱ 1-ԻՆ կամ ԵՌԱՄՍՅԱԿԻ ՎԵՐՋԻՆ ՕՐԸ և այլն):

 18-րդ սյունակում լրացվում է վարկի օգտագործման կոնկրետ նպատակը (օրինակ` ԱՌԵՎՏՈՒՐ կամ ԱՐՏԱԴՐՈՒԹՅՈՒՆ, կամ ՇԻՆԱՐԱՐՈՒԹՅՈՒՆ և այլն):

 19-րդ սյունակում լրացվում է գրավառուի (բանկի) և գրավատուի միջև կնքված գրավի պայմանագրի համարը (լրացման կարգը` ինչպես ամփոփագրի 2-րդ սյունակում է նախատեսված):

 20-րդ սյունակում լրացվում է գրավի գնահատված արժեքը` ըստ գրավի պայմանագրի:

 21-րդ սյունակում լրացվում է գրավի առարկան (օրինակ` ԱՆՇԱՐԺ ԳՈՒՅՔ կամ ՓՈԽԱԴՐԱՄԻՋՈՑ, կամ ՈՍԿԻ, կամ այլ ԹԱՆԿԱՐԺԵՔ ՄԵՏԱՂ, կամ ՏԱՐԲԵՐ ԱՊՐԱՆՔԱՆՅՈՒԹԱԿԱՆ ԱՐԺԵՔՆԵՐ և այլն):

 22-րդ սյունակում լրացվում է գրավի առարկայի գտնվելու վայրը` ԳՐԱՎԱՌՈՒ կամ ԳՐԱՎԱՏՈՒ, կամ ԵՐՐՈՐԴ ԱՆՁ:

 23-րդ սյունակում լրացվում է երաշխավորության գումարը:

 24-րդ սյունակում լրացվում է երաշխավորողի անվանումը (լրացման կարգը` ինչպես 4-րդ սյունակի համար է նախատեսված):

 25-րդ սյունակում լրացվում է վարկառուի վճարունակության գնահատականը` 1 կամ 2, կամ 3, կամ 4` համապատասխանաբար ամենաբարձր գնահատական ընդունելով 4-ը, իսկ ամենացածրը` 1-ը (օգտվելով ՀՀ կենտրոնական բանկի խորհրդի 1998 թ. մայիսի 6-ի թիվ 26 արձանագրային որոշմամբ հաստատված «Վարկային ռիսկի և վարկերի դասակարգման նպատակով վարկառուի ֆինանսական վիճակի գնահատման չափանիշների վերաբերյալ» մեթոդական ցուցումներում ամրագրված չափանիշներից և ցուցաբերելով սուբյեկտիվ մոտեցում):

 26-րդ սյունակում լրացվում է վարկառուի ստանձնած պարտավորությունների (վարկեր, դեբիտորական պարտքեր, լիզինգ, ֆակտորինգ և այլն) հաշվեկշռային ընդհանուր մնացորդը:

 27-րդ սյունակում լրացվում է վարկառուի ստանձնած պարտավորությունների (վարկեր, դեբիտորական պարտքեր, լիզինգ, ֆակտորինգ և այլն) և ստացված երաշխիքների ու երաշխավորությունների արտահաշվեկշռային ընդհանուր մնացորդը:

 28-րդ սյունակում լրացվում է վարկառուի հետ փոխկապակցված անձանց ստանձնած պարտավորությունների (վարկեր, դեբիտորական պարտքեր, լիզինգ, ֆակտորինգ և այլն) հաշվեկշռային ընդհանուր մնացորդը:

 29-րդ սյունակում լրացվում է վարկառուի հետ փոխկապակցված անձանց ստանձնած պարտավորությունների (վարկեր, դեբիտորական պարտքեր, լիզինգ, ֆակտորինգ և այլն) և ստացված երաշխիքների ու երաշխավորությունների արտահաշվեկշռային ընդհանուր մնացորդը:

 30-րդ սյունակում լրացվում է վարկառուի ստանձնած նախկին` վերջին մեկ տարվա ընթացքում վերջին մարված պարտքի վերջին փաստացի մարման ամսաթիվը:

 31-րդ սյունակում լրացվում է վարկառուի ստանձնած նախկին` վերջին մեկ տարվա ընթացքում վերջին մարված պարտքի վերջին փաստացի մարված գումարը:

 32-րդ սյունակում լրացվում է մարված տոկոսների ընդհանուր գումարը:

 33-րդ սյունակում լրացվում է դուրս գրված տոկոսների ընդհանուր գումարը:

 34-րդ և 35-րդ սյունակներում լրացվում է հաշվեկշռում առկա ժամկետային և ժամկետանց տոկոսագումարների մնացորդը:

 36-րդ սյունակում լրացվում է ժամկետային վարկի փաստացի մնացորդը:

 37-րդ սյունակում լրացվում է ժամկետանց վարկի փաստացի մնացորդը:

 38-րդ սյունակում լրացվում է երկարաձգված վարկի գումարը` համաձայն վարկատուի և վարկառուի միջև կնքված վարկի երկարաձգման պայմանագրի:

 39-րդ սյունակում լրացվում է երկարաձգման օրվա ամսաթիվը:

 40-րդ սյունակում լրացվում է երկարաձգման ժամկետը (օրինակ` 30 ՕՐ կամ 60 ՕՐ):

 41-րդ սյունակում լրացվում է վարկային պայմանագրում ամրագրված տոկոսադրույքի վերանայման օրվա ամսաթիվը, եթե տեղի է ունեցել տոկոսադրույքի վերանայում:

 42-րդ սյունակում լրացվում է վերանայված տոկոսադրույքը` տարեկան կտրվածքով (օրինակ` 36 (առանց տոկոսի նշանի)):

 43-րդ սյունակում լրացվում է վարկային ռիսկի դասը (օրինակ` ՎՏԱՆԳԱՎՈՐ)` համաձայն ՀՀ կենտրոնական բանկի ու ՀՀ ֆինանսների և էկոնոմիկայի նախարարության կողմից համատեղ հաստատված «Հայաստանի Հանրապետության տարածքում գործող բանկերի վարկերի և դեբիտորական պարտքերի դասակարգման ու հնարավոր կորուստների պահուստների ձևավորման կարգի»:

 44-րդ սյունակում լրացվում է ռիսկի գործակիցը` առանց տոկոսի նշանի:

 45-րդ սյունակում լրացվում է պահուստին ուղղված մասհանման գումարը:

 Ամփոփագիրն անհրաժեշտ է թարմացնել յուրաքանչյուր տվյալի փոփոխության դեպքում: Ամփոփագրում ընդգրկված յուրաքանչյուր վարկառուի ստանձնած պարտավորությունների մարումից հետո բանկը պետք է առնվազն 5 տարի պահպանի (արխիվացնի) լրացված տվյալները»:

 1.15. Հանել կանոն 3.1-ի վերջին պարբերության վերջին նախադասությունը:

 1.16. Կանոն 3.2-ը վերաշարադրել հետևյալ խմբագրությամբ.

 «Կանոն 3.2.

 «Հաշվետվությունը համարվում է ընդունված, եթե` 

մագնիսական կրիչը (մագնիսական սկավառակը կամ էլեկտրոնային փոստի միջոցով հաղորդված տեղեկատվությունը) չունի ծրագրային կամ մեխանիկական թերություն. մագնիսական կրիչի ու ձևաթղթի տեղեկատվությունը համընկնում է. հաշվետվությունը ներկայացվել է մագնիսական կրիչով (էլեկտրոնային փոստով) և ձևաթղթով (բացառությամբ թիվ 02, թիվ 15, թիվ 17 և թիվ 19 ձևերի). հաշվետվությունը լրացվել է առանց թերությունների և սխալների (միտումնավոր կամ ոչ միտումնավոր) ու նմանատիպ այլ դեպքերում»:

 1.17. Կանոն 3.3-ը վերաշարադրել հետևյալ խմբագրությամբ.

 «Կանոն 3.3.

 «Հաշվետվությունների ընդունման և փաստաթղթային վերահսկողության բաժնի` տվյալ բանկի համապատասխան վերահսկողը, հաշվետվությունների պարզաբանման և մեկնաբանման կարիք ունեցող կետերի վերաբերյալ, ինչպես նաև առանձին վերլուծական նպատակներից ելնելով, ծանուցման միջոցով բանկերից կարող է պահանջել լրացուցիչ տեղեկություններ:

 Բանկը պարտավոր է ծանուցումն ստանալուց հետո ոչ ուշ, քան մեկ օրվա ընթացքում (եթե ծանուցման մեջ այլ ժամկետ նշված չէ), միջոցներ ձեռնարկել` ծանուցմամբ պահանջվող պարզաբանումները և (կամ) այլ տեղեկություններն ապահովելու համար:

 Հաշվի առնելով բանկի գտնվելու վայրը` բանկին ծանուցումը կարող է տրվել հեռախոսի (հեռախոսագրի), էլեկտրոնային փոստի կամ կապի այլ միջոցներով:

 Այդ փաստաթղթով բանկի լիազոր ներկայացուցիչը կարող է հրավիրվել հաշվետվությունների ընդունման և փաստաթղթային վերահսկողության բաժին` հաշվետվությունների ճշտված փաթեթը ներկայացնելու կամ հաշվետվությունների վերաբերյալ պարզաբանումներ ու մեկնաբանումներ տալու համար:

 Ծանուցումը ստորագրվում է փաստաթղթային վերահսկողության վարչության պետի ու հաշվետվությունների ընդունման և փաստաթղթային վերահսկողության բաժնի պետի կողմից»:

 1.18. Հանել կանոն 3.4-ը ամբողջությամբ:

 1.19. Կանոն 4.8-ը վերաշարադրել հետևյալ խմբագրությամբ.

 «Կանոն 4.8.

 «Հաշվետվություն արտարժութային գործառնությունների վերաբերյալ» թիվ 19 (օրական) հաշվետվությունը, անկախ իրականացված գործարքի ծավալի մեծությունից, ներկայացվում է ՀՀ ԿԲ ֆինանսական գործառնությունների դեպարտամենտ: Մինչև ժամը 1600 կայացած գործարքները ներկայացվում են յուրաքանչյուր օր, մինչև ժամը 1700 (հաշվետվությունում արտացոլված տվյալները կարող են հաղորդվել նաև կապի միջոցներով` ֆաքս, հեռախոս, էլեկտրոնային փոստ և այլն): Ժամը 1600-ից հետո իրականացված գործարքները պետք է ներկայացվեն հաջորդ օրը ներկայացվող հաշվետվությունում` որպես առանձին հաշվետվություն»:

 2. Սույն որոշումն ուժի մեջ է մտնում ընդունման պահից:

 Ձև թիվ 3

 էջ 3

 Նորմատիվների հաշվարկի մեջ ընդգրկվող միջին ցուցանիշների հաշվարկը

 (շարունակություն)

 Ամսաթիվը ___ _____________ թ-ից մինչև ___ _____________ թ.

 Ռիսկով կշռված ակտիվների հաշվարկն ըստ օրերի

(հազար դրամ)

Ամսվա օրերը	Հաշվեկշռային հոդվածներ					Պակա-սեցվող գումար	Ընդհանուր ակտիվներ (1+2+3+ 4+5+6)	Հետհաշվե-կշռային հոդվածներ ռիսկի 100 % կշիռ	Ռիսկով կշռված ակտիվներ (2*10%+3*20%+4*50%+5+6+8)	Բարձր իրացվելի ակտիվներ	Ն2 (1) նոր-մատիվի հաշվարկի համար պակա-սեցվող գումար	Ն2 (1) նոր-մատիվի հաշվարկի համար ընդհանուր ակտիվներ	Ցպահանջ պարտա-վորու-թյուններ
	Ռիսկի 0 % կշիռ	Ռիսկի 10 % կշիռ	Ռիսկի 20 % կշիռ	Ռիսկի 50 % կշիռ	Ռիսկի 100 % կշիռ
	1	2	3	4	5	6	7	8	9	10	11	12	13
1
2
...
31
Միջին

 Ձև թիվ 3

 էջ 4

 Նորմատիվների հաշվարկի մեջ ընդգրկվող միջին ցուցանիշների հաշվարկը

(շարունակություն)

 Ամսաթիվը ___ _____________ թ-ից մինչև ___ _____________ թ.

 Բանկի հետ կապված անձանց տրված վարկերը

Ձև թիվ 6

 (ամսական)

 ՀԱՇՎԵՏՎՈՒԹՅՈՒՆ

 ՎԱՐԿԱՅԻՆ ՆԵՐԴՐՈՒՄՆԵՐԻ, ԴԵԲԻՏՈՐԱԿԱՆ ՊԱՐՏՔԵՐԻ ԵՎ ԻՆՎԵՍՏԻՑԻՈՆ ԱՐԺԵԹՂԹԵՐԻ ՎԵՐԱԲԵՐՅԱԼ

 Բանկի անվանումը ________________________________

 Ամսաթիվը _______________ թ.

I. Վարկային ներդրումներն ըստ ժամկետների

(հազար դրամ)

(12 և 13 սյունակները տրվում են «360 օր և ավելի» ժամկետի համար)

III. Դեբիտորական պարտքերի դիմաց հաշվարկվող պահուստի չափը

(հազար դրամ)

Դեբիտորական պարտքերի դասերը	Դեբիտորական պարտքերի մնացորդը		Ընդամենը (3+4)	Դեբիտորական պարտքերի գծով պահուստ
	առաջնակարգ ապահով.	այլ ապահ. և ապահ. չունեցող		մնացորդը	%
1	2	3	4	5	6
1. Ստանդարտ
2. Ոչ ստանդարտ
3. Կասկածելի
4. Անհուսալի
Ընդամենը

IV. Ինվեստիցիոն արժեթղթերում ներդրումների հնարավոր կորուստների պահուստի չափը

(հազար դրամ)

Արժեթղթերի դասերը	Ընդամենը (3+4)	Արժեթղթերի գծով պահուստ
		մնացորդը	%
1	4	5	6
1. Ոչ ռիսկային
2. Ռիսկային
3. Միջին ռիսկային
4. Բարձր ռիսկային
5. Անհուսալի
Ընդամենը

 Բանկի վարչության նախագահ` ______________

 Կ.Տ.

 Գլխավոր հաշվապահ` ______________________

 Ձև թիվ 9

 (ամսական)

ՀԱՇՎԵՏՎՈՒԹՅՈՒՆ

ՆԵՐԳՐԱՎՎԱԾ ԵՎ ՏԵՂԱԲԱՇԽՎԱԾ ՄԻՋՈՑՆԵՐԻ ԺԱՄԿԵՏԱՅՆՈՒԹՅԱՆ ՎԵՐԱԲԵՐՅԱԼ

 Բանկի անվանումը ______________________________

 Ամսաթիվը ___________________

1. Ներգրավված միջոցների ժամկետայնության վերաբերյալ

(հազար դրամ)

		կշիռ	ժամկետանց	Մարմանը մնացել է									Ընդամենը
				ցպահանջ		մինչև 29 օր	30-ից 59 օր	60-ից 89 օր	90-ից 119 օր	120-ից 149 օր	150-ից 179 օր	180 օրից ավելի
	1	1	2	3	3' ռ. կ.	4	5	6	7	8	9	10	11
1.1	Բանկերի թղթակցային հաշիվներ	100 %				x	x	x	x	x	x	x
1.2	Պարտավորություններ բանկերի և միջազգային ֆինանսական կազմակերպությունների նկատմամբ	85 %
1.3	Պարտավորություններ ֆիզիկական անձանց նկատմամբ	70 %
1.4	Պարտավորություններ տնտեսավարող սուբյեկտների նկատմամբ	80 %
1.5	Բանկերի կողմից թողարկված արժեթղթեր	100 %
1.6	Պարտավորություններ այլ անձանց նկատմամբ	100 %
1.7	Հաշվարկված վճարվելիք տոկոսներ	100 %
Ընդամենը		X
Այդ թվում`
I խմբի արտարժույթով   II խմբի արտարժույթով  «Խոշոր» պարտավորություններ Փոփոխվող տոկոսադրույքներով Ֆիքսված տոկոսադրույքներով		X X 20% X X			X X   X X

 2. Տեղաբաշխված միջոցների ժամկետայնության վերաբերյալ

2.1	Կանխիկ դրամական միջոցներ	100 %	x			x	x	x	x	x	x	x
2.2	Պահանջներ ՀՀ ԿԲ-ի նկատմամբ	100 %
2.3	Պահանջներ ՀՀ բանկերի նկատմամբ	90 %
2.4	Պահանջներ Եվրահամայնքի միության կազմի մեջ մտնող երկրների, ինչպես նաև ԱՄՆ-ի, Կանադայի, Ճապոնիայի և Շվեյցարիայի բանկերի, նրանց դուստր բանկերի և մասնաճյուղերի նկատմամբ	100 %
2.5	Պահանջներ այլ երկրների բանկերի նկատմամբ	80 %
2.6	Պարտավորություններ այլ	90 %
2.7	Պահանջներ Եվրահամայնքի միության կազմի մեջ մտնող երկրների, ԱՄՆ-ի, Կանադայի, Ճապոնիայի և Շվեյցարիայի կառավարությունների նկատմամբ	100 %
2.8	Այլ երկրների կառավարությունների նկատմամբ	80 %
2.9	Վարկային ներդրումներ	70 %
2.10	Հաշվարկված ստացվելիք տոկոսներ	50 %
2.11	Այլ արժեթղթեր	50 %
2.12	Ֆինանսական լիզինգ, ֆակտորինգ	70 %
2.13	Պահանջներ այլ անձանց նկատմամբ	70 %
Ընդամենը
Այդ թվում`
I խմբի արտարժույթով  II խմբի արտարժույթով  Փոփոխվող տոկոսադրույքներով Ֆիքսված տոկոսադրույքներով		X X X X			X X X X

	ՃԵՂՔՎԱԾՔ	x	x
	Այդ թվում` I խմբի արտարժույթ	x			x
	II խմբի արտարժույթ	x			x
	ՃԵՂՔՎԱԾՔ ՓՈՓՈԽՎՈՂ ՏՈԿՈՍԱԴՐՈՒՅՔՆԵՐԻ ՀԱՄԱՐ	x x			x  x
	ՃԵՂՔՎԱԾՔ ՖԻՔՍՎԱԾ ՏՈԿՈՍԱԴՐՈՒՅՔՆԵՐԻ ՀԱՄԱՐ	x x			x  x

 * «Խոշոր» պարտավորություններ են համարվում բանկի ներգրաված միջոցների  20 %-ը գերազանցող պարտավորությունները:

 Բանկի վարչության նախագահ` _________________________________

 Կ. Տ. Գլխավոր հաշվապահ` _________________________________

 Ձև թիվ 10

 (կիսամյակային, յուրաքանչյուր փոփոխության դեպքում)

 ՀԱՇՎԵՏՎՈՒԹՅՈՒՆ

 Կանոնադրական հիմնադրամի ձևավորման մասին

 Բանկի անվանումը __________

 Ամսաթիվը ______ թ.

Կանոնադրական հիմնադրամի  հայտարարման ամսաթիվը _________ թ.

Կանոնադրական հիմնադրամի համալրման ամսաթիվը _________ թ.

 I. Կանոնադրական հիմնադրամի ձևավորումը

Բաժնետերերի (փայատերերի) ընդհանուր թիվը
այդ թվում` ոչ ռեզիդենտների

 III. Փոխկապակցված բաժնետերեր (փայատերեր)

1
2
3
4
5

 Բանկի խորհրդի նախագահ __________________

 Կ.Տ.

 Ձև 14

 (ամսական)

 ՀԱՇՎԵՏՎՈՒԹՅՈՒՆ

 «Խոշոր» փոխառուների վերաբերյալ

 Բանկի անվանումը ________________

 Ամսաթիվը __________ թ-ից մինչև __________ թ.

(հազար դրամ)

N	Փոխառուի անվանումը	Ղեկավարի անունը, ազգանունը, հայրանունը	Սեփակա-նության ձևը	Ժամկետային վարկերի գծով ընդհ. պարտավորութ. գումարը	Երկա-րաձգված պարտա-վորութ-յունների գումարը	Ժամկետանց պարտա-վորությունների գումարը	Հետհաշ-վեկշռում հաշվառված երաշխա-վորու-թյուններ	Տվյալ փոխառուի հետ փոխկա-պակցված անձանց ընդհ. պարտավ. գումար	Ֆակտո-րինգային գործառ-նություն-ների գծով պարտավ. գումար	Այլ փոխա-ռություն-ներ	Ընդամենը`
											5+6+7+ 8+9+10+11	գումարը համա-պատաս-խան ռիսկի կշռով
1	2	3	4	5	6	7	8	9	10	11	12	13
	Ընդամենը	x	x	0	0	0	0	0	0	0	0	0
											0
1 2 ** 24 25											0 0 0 0 0

 Բանկի վարչության նախագահ` __________

 Կ.Տ.

 Գլխավոր հաշվապահ` __________

 Ձև N 23

 (անհրաժեշտության դեպքում)

 Վարկային ներդրումների ամփոփագիր

 Բանկի անվանումը ________________

 Ամսաթիվը __________ թ-ից մինչև __________ թ.

Վարկա-ռուի կոդը	Վար-կային պայմա-նագրի համարը	Վարկա-ռուի վար-կային հաշվի համարը	Վարկա-ռուի անվա-նումը	Վարկա-ռուի ՀՎՀՀ կամ անձ-նագրի տվյալ-ները	Վարկա-ռուի հասցեն	Բանկի հետ կապվա-ծությունը	Վարկի տրման ամսաթիվը	Վարկի մարման պայմանները		Վարկի գումարը	Ի՞նչ արժույթով է տրա-մադրված	Վարկի գումարը համարժեք դրամով	Վարկի տրամա-դրման ձևը	Տոկոսա-դրույքը	Տոկոսա-դրույքի հաշ-վարկման եղանակը	Տոկոսների մարման պայման-ները
								Ամսաթիվը	Գումարը
1	2	3	4	5	6	7	8	9	10	11	12	13	14	15	16	17

Հաշվեկշռային		Վարկի փաստացի մնացորդը		Երկարաձգում		Տոկոսադրույքի վերանայում		Տոկոսա-դրույքը	Վարկային ռիսկի դասը	Ռիսկի գոր-ծակիցը	Պահուստային ուղղված մասհանման գոումարը
Ժամկե-տային	Ժամկե-տանց	Ժամկե-տային	Ժամկե-տանց	Գումարը	Ամսաթիվը	Ժամկետը	Ամսաթիվը
34	35	36	37	38	39	40	41	42	43	44	45

 Բանկի վարչության նախագահ` __________

 Կ.Տ.

 Գլխավոր հաշվապահ` __________