«Գրանցված է»

ՀՀ արդարադատության

նախարարության կողմից

23 դեկտեմբերի 2002 թ.

Պետական գրանցման թիվ 60602389

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ

4 դեկտեմբերի 2002 թ. ք. Երևան

N 25/3-Ն

Ո Ր Ո Շ ՈՒ Մ

ՀԱՆՐԱՊԵՏՈՒԹՅԱՆ ՆԱԽԱԳԱՀ ԱՌԱՋԱԴՐՎԱԾ ԹԵԿՆԱԾՈՒՆԵՐԻ ՆԱԽԸՆՏՐԱԿԱՆ ՀԻՄՆԱԴՐԱՄՈՒՄ ԵՂԱԾ ՄԻՋՈՑՆԵՐԻ ՕԳՏԱԳՈՐԾՄԱՆ ՎԵՐԱԲԵՐՅԱԼ ՀԱՅՏԱՐԱՐԱԳՐԻ ՁԵՎԸ ԵՎ ԱՅՆ ՆԵՐԿԱՅԱՑՆԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ

Ղեկավարվելով Հայաստանի Հանրապետության ընտրական օրենսգրքի 25-րդ հոդվածի 11-րդ կետով, ՀՀ կենտրոնական ընտրական հանձնաժողովը որոշում է.

1. Սահմանել Հանրապետության Նախագահ առաջադրված թեկնածուների նախընտրական հիմնադրամում եղած միջոցների օգտագործման վերաբերյալ հայտարարագրի ձևը (Հավելված 1):

2. Հանրապետության Նախագահ առաջադրված թեկնածուները ոչ ուշ, քան ընտրությունների ավարտից 15 օր հետո ՀՀ Կենտրոնական ընտրական հանձնաժողով են ներկայացնում իրենց նախընտրական հիմնադրամում եղած միջոցների օգտագործման վերաբերյալ հայտարարագիր՝ սույն որոշման թիվ 1 հավելվածի համաձայն, որին կից կարող են ներկայացնել նաև անհրաժեշտ պարզաբանումներ և բացատրություններ:

3. Կենտրոնական ընտրական հանձնաժողովը կազմակերպում է Հանրապետության Նախագահի թեկնածուների ներկայացրած հայտարարագրերի ընդունումը և 3 օրվա ընթացքում տրամադրում է Կենտրոնական ընտրական հանձնաժողովի վերահսկիչ-վերստուգիչ ծառայությանը ստուգման գործընթացը կազմակերպելու համար:

4. Կենտրոնական ընտրական հանձնաժողովին առընթեր վերահսկիչ-վերստուգիչ ծառայությունը ներկայացված հայտարարագրերի ստուգված և ամփոփված տվյալները մեկ ամսվա ընթացքում ներկայացնում է Կենտրոնական ընտրական հանձնաժողովի քննարկմանը:

5. Քննարկման արդյունքների վերաբերյալ Կենտրոնական ընտրական հանձնաժողովի որոշումը և Հանրապետության Նախագահի թեկնածուների հայտարարագրերը հրապարակել «Հայաստանի Հանրապետություն» օրաթերթում:

Հայաստանի Հանրապետության կենտրոնական ընտրական հանձնաժողովի նախագահ

Ա. Սահրադյան

Ներկայացվում է Կենտրոնական ընտրական հանձնաժողով ոչ ուշ, քան ընտրությունների ավարտից 15 օր հետո

Հավելված   Հատատված է  ՀՀ Կենտրոնական ընտրական հանձնաժողովի 2002 թ. դեկտեմբերի 4-ի թիվ 25/3-Ն որոշման

Հ Ա Յ Տ Ա Ր Ա Ր Ա Գ Ի Ր

Նախընտրական հիմնադրամում եղած միջոցների օգտագործման վերաբերյալ ՀՀ կենտրոնական ընտրական հանձնաժողովում Հանրապետության Նախագահի թեկնածու գրանցված

___________ -ի նախընտրական հիմնադրամի	___________________________________
(անունը, հայրանունը, ազգանունը)	(թեկնածուի կամ իր լիազոր ներկայացուցչի հաշվեհամարը)

_____________________________ (թեկնածուի ազգանուն, անուն, հայրանուն)	______________ (ստորագրությունը)
______________________________________________ (թեկնածուի լիազոր ներկայացուցչի ազգանուն, անուն, հայրանուն)	______________ (ստորագրությունը)