ՀՀ արդարադատության

նախարարության կողմից

23 դեկտեմբերի 2002 թ.

Պետական գրանցման թիվ 60602385

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ

20 նոյեմբերի 2002 թ. ք. Երևան

N 18/5-Ն

Ո Ր Ո Շ ՈՒ Մ

ՁԵՐԲԱԿԱԼՎԱԾ ՔԱՂԱՔԱՑԻՆԵՐԻ՝ ՔՎԵԱՐԿՈՒԹՅԱՆԸ ՄԱՍՆԱԿՑԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ

Ղեկավարվելով Հայաստանի Հանրապետության ընտրական օրենսգրքի 52-րդ հոդվածի 1-ին կետով, ՀՀ Կենտրոնական ընտրական հանձնաժողովը որոշում է.

1. Սահմանել ձերբակալված քաղաքացիների՝ քվեարկությանը մասնակցելու կարգը (Հավելված):

2. Սույն որոշումն ուժի մեջ մտնելու պահից ուժը կորցրած ճանաչել Հայաստանի Հանրապետության կենտրոնական ընտրական հանձնաժողովի 04.05.1999 թ. «Ձերբակալված քաղաքացիների՝ քվեարկությանը մասնակցելու կարգի մասին» արձ. 20 կետ 4 որոշումը:

Հայաստանի Հանրապետության կենտրոնական ընտրական հանձնաժողովի նախագահ

Ա. Սահրադյան

  

Հավելված ՀՀ Կենտրոնական ընտրական հանձնաժողովի 2002 թ. նոյեմբերի 20-ի թիվ 18/5-Ն որոշման

Կ Ա Ր Գ

Ձերբակալված քաղաքացիների՝ քվեարկությանը մասնակցելու

1. Ձերբակալված քաղաքացիները քվեարկությանը մասնակցում են իրենց հաշվառման վայրում կազմակերպված ընտրական տեղամասում:

2. Ձերբակալված քաղաքացիները մասնակցությունը քվեարկությանը ապահովում են ձերբակալվածներին պահելու վայրերի պետերը՝ ապահովելով ձերբակալված քաղաքացու տեղափոխումը ընտրական տեղամաս:

3. Ձերբակալված քաղաքացին քվեարկությանը մասնակցելու կամ հրաժարվելու մասին գրավոր դիմում է ներկայացնում ձերբակալվածներին պահելու վայրի պետին: