Հիմք ընդունելով Հայաստանի Հանրապետության կենտրոնական բանկի մասին Հայաստանի Հանրապետության օրենքի 3-րդ և 40-րդ հոդվածները և Հայաստանի Հանրապետության տարածքում գործող բանկերի կողմից Հայաստանի Հանրապետության կենտրոնական բանկ ներկայացվող հաշվետվությունների ձևերի հետագա օպտիմիզացման, բանկային վիճակագրության ամբողջականության և հրատապության ապահովման նպատակով Հայաստանի Հանրապետության կենտրոնական բանկի վարչությունը որոշում է.

1. Հաստատել Հայաստանի Հանրապետության տարածքում գործող բանկերի կողմից Հայաստանի Հանրապետության կենտրոնական բանկ ներկայացվող հաշվետվությունների և տեղեկանքների ձևերը (հավելված 1), դրանց ներկայացման ժամկետները (հավելված 2), ինչպես նաև լրացման և ներկայացման կարգը (հավելված 3):

2. Սահմանել, որ սույն որոշմամբ հաստատված հաշվետվությունները և տեղեկանքները ներկայացվում են Հայաստանի Հանրապետության կենտրոնական բանկի վերահսկողության, կարգավորման և արտոնագրման գլխավոր վարչության կարգավորման և վերլուծությունների վարչությանը:

3. Սույն որոշման ընդունման պահից ուժը կորցրած ճանաչել Հայաստանի Հանրապետության կենտրոնական բանկի վարչության թիվ 24 որոշման 1-ին կետով հաստատված «Հայաստանի Հանրապետության տարածքում գործող բանկերի կողմից Հայաստանի Հանրապետության կենտրոնական բանկ ներկայացվող հաշվետվությունների ձևերը» (հավելված 1), Հայաստանի Հանրապետության կենտրոնական բանկի վարչության 1995 թվականի մարտի 17-ի թիվ 55, 1995 թվականի մարտի 28-ի թիվ 58, 1995 թվականի մայիսի 19-ի թիվ 87 որոշումները և 1995 թվականի հունիսի 30-ի թիվ 111, 1995 թվականի հուլիսի 21-ի թիվ 125 որոշումներով հաստատված ձևերը:

քաղ. Երևան թիվ 142