«Գրանցված է»
ՀՀ արդարադատության
նախարարության կողմից
9 սեպտեմբերի 2002 թ.
Պետական գրանցման թիվ 05002177

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ

28 օգոստոսի 2002 թ. ք. Երևան

N 10/11-Ն

Ո Ր Ո Շ ՈՒ Մ

ԸՆՏՐՈՂՆԵՐԻ ՑՈՒՑԱԿՈՒՄ ԻՆՔՆՈՒՐՈՒՅՆ ՍՏՈՐԱԳՐԵԼՈՒ ԵՎ ՔՎԵԱԹԵՐԹԻԿՆ ԻՆՔՆՈՒՐՈՒՅՆ ԼՐԱՑՆԵԼՈՒ ՀՆԱՐԱՎՈՐՈՒԹՅՈՒՆ ՉՈՒՆԵՑՈՂ ԸՆՏՐՈՂԻ ՔՎԵԱՐԿՈՒԹՅԱՆԸ ՄԱՍՆԱԿՑԵԼՈՒ ԿԱՐԳԻ ՄԱՍԻՆ

Ղեկավարվելով Հայաստանի Հանրապետության Ընտրական օրենսգրքի 55-րդ հոդվածի 2-րդ կետով և 57-րդ հոդվածի 3-րդ կետով, Հայաստանի Հանրապետության կենտրոնական ընտրական հանձնաժողովը

ՈՐՈՇՈՒՄ Է.

1. Ընտրողների ցուցակում ինքնուրույն ստորագրելու և քվեաթերթիկն ինքնուրույն լրացնելու հնարավորություն չունեցող ընտրողը իրավունք ունի դիմել այլ քաղաքացու օգնության, բացառությամբ` վստահված անձանց, դիտորդների և ընտրական հանձնաժողովի անդամների:

2. Տեղամասային ընտրական հանձնաժողովի` քաղաքացիների գրանցումն իրականացնող անդամը լրացնում է սույն որոշման թիվ 1 հավելվածի արձանագրությունը, որը կցվում է գործավարության մատյանին: Քաղաքացին իրավունք ունի օգնել միայն քվեարկությանը ինքնուրույն մասնակցելու հնարավորություն չունեցող մեկ ընտրողի:

3. Քվեարկությանը ինքնուրույն մասնակցելու հնարավորություն չունեցող ընտրողին օգնող քաղաքացին ընտրողների ցուցակում ստորագրում է տվյալ ընտրողի տվյալների դիմաց, ինչպես նաև իրավունք ունի ընտրողի հետ մտնել քվեարկության խցիկ և ընտրողի կամքով լրացնել քվեաթերթիկը:

4. Սույն որոշումն ուժի մեջ մտնելու պահից ուժը կորցրած ճանաչել ԿԸՀ-ի 13.04.1999 թ. թիվ արձ.15 կետ 3 «Ընտրական ցուցակներում ստորագրելու և քվեաթերթիկն ինքնուրույն լրացնելու հնարավորություն չունեցող ընտրողի իրավունքի մասին» որոշումը:

Հայաստանի Հանրապետության կենտրոնական ընտրական հանձնաժողովի նախագահ`

Ա. Սահրադյան

Հավելված ՀՀ ԿԸՀ-ի 2002 թ. օգոստոսի 28-ի թիվ 10/11-Ն որոշման

Ա Ր Ձ Ա Ն Ա Գ Ր ՈՒ Թ Յ ՈՒ Ն

ԸՆՏՐՈՂՆԵՐԻ ՑՈՒՑԱԿՈՒՄ ԻՆՔՆՈՒՐՈՒՅՆ ՍՏՈՐԱԳՐԵԼՈՒ ԵՎ ՔՎԵԱԹԵՐԹԻԿՆ ԻՆՔՆՈՒՐՈՒՅՆ ԼՐԱՑՆԵԼՈՒ ՀՆԱՐԱՎՈՐՈՒԹՅՈՒՆ ՉՈՒՆԵՑՈՂ ԸՆՏՐՈՂԻՆ ՕԳՆԵԼՈՒ ՄԱՍԻՆ

Ես` թիվ ___ - ընտրատարածքի թիվ ______ ____ տեղամասային ընտրական

հանձնաժողովի անդամ ____________________________________________

ազգանուն, անուն, հայրանուն

արձանագրում եմ, որ քվեարկությանն ինքնուրույն մասնակցելու հնարավորություն

չունեցող ընտրող ______________________________________________

ազգանուն, անուն, հայրանուն

___________________________________________________________

ցուցակում ստորագրելիս և քվեախցիկում ընտրություն կատարելիս օգնել է

քաղաքացի __________________________________________________

ազգանուն, անուն, հայրանուն

___________________________________________________________

Հանձնաժողովի նախագահ	__________	___________________ ստորագրություն
Հանձնաժողովի անդամ	__________	___________________ ստորագրություն
Օգնող քաղաքացի	__________	___________________ ստորագրություն