603.0066.24.08.01

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ՀՀ 2001 Թ. ՄԱՐԴԱՀԱՄԱՐԻ ՆՅՈՒԹԵՐԻ (ՀԱՇՎԱՌՄԱՆ ՓԱՍՏԱԹՂԹԵՐԻ) ԸՆԴՈՒՆՄԱՆ-ՀԱՆՁՆՄԱՆ ԿԱՐԳԸ» ՀԱՍՏԱՏԵԼՈՒ ՄԱՍԻՆ

Ղեկավարվելով «Մարդահամարի մասին» ՀՀ օրենքի 7-րդ հոդվածի 2-րդ մասով սահմանված դրույթով, Հայաստանի Հանրապետության վիճակագրության պետական խորհուրդը որոշում է.

հաստատել «ՀՀ 2001 թ. մարդահամարի նյութերի (հաշվառման փաստաթղթերի) ընդունման-հանձնման կարգը» (կցվում է):

Նախագահ`

Ս. Մնացականյան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ

 (ՀՀ ԱՎԾ)

ՀՀ 2001 թ. մարդահամար

Հաստատված է ՀՀ Վիճակագրականպետական խորհրդի 24.08.2001 թ. N 66 որոշմամբ

Կ Ա Ր Գ

ՀՀ 2001 թ. ՄԱՐԴԱՀԱՄԱՐԻ ՆՅՈՒԹԵՐԻ

(ՀԱՇՎԱՌՄԱՆ ՓԱՍՏԱԹՂԹԵՐԻ)

ԸՆԴՈՒՆՄԱՆ - ՀԱՆՁՆՄԱՆ

Երևան 2001

 ՀՀ 2001 Թ. ՄԱՐԴԱՀԱՄԱՐԻ ՆՅՈՒԹԵՐԻ ԸՆԴՈՒՆՄԱՆ-ՀԱՆՁՆՄԱՆ ԿԱՐԳԸ

 ՀՀ 2001 թ. մարդահամարի կարևորագույն փուլերից է հանդիսանում մարդահամարի նյութերի` ըստ վերադասության ընդունում-հանձնումը: Նյութերի մանրազնին ստուգումը հանձնման և ընդունման ժամանակ հնարավորություն կընձեռի բացահայտել և ուղղել մարդահամարի անցկացման ժամանակ բաց թողնված սխալներ:

I. ՄԱՐԴԱՀԱՄԱՐԻ ՆՅՈՒԹԵՐԻ ԸՆԴՈՒՆՄԱՆ-ՀԱՆՁՆՄԱՆ ԿԱՐԳԸ ՄԱՐԴԱՀԱՄԱՐԻ ՏԵՂԱՄԱՍԻ ՎԱՐԻՉՆԵՐԻ ԿՈՂՄԻՑ

Մարդահամարի նյութերի` հաշվառման փաստաթղթերի ընդունման գործընթացը հանդիսանում է մարդահամարի աշխատանքների կարևորագույն փուլերից մեկը: Այն սկսվում է հետմարդահամարային վերահսկիչ շրջագայության (հոկտեմբերի 20-25-ը) ավարտից հետո և նպատակաուղղված է մարդահամարի նյութերի մանրամասն և որակով ստուգման-ընդունման միջոցով` հայտնաբերել և ճշգրտել մարդահամարի ընթացքում թույլ տրված սխալները:

1. Մարդահամարի նյութերի ընդունումը հրահանգիչ-հսկիչներից կատարվում է մինչև հոկտեմբերի 31-ը:

2. Հրահանգիչ-հսկիչներից մարդահամարի նյութերի ընդունումը իրականացնում են մարդահամարի տեղամասի վարիչն ու նրա օգնականը:

3. Մարդահամարի տեղամասի վարիչն ու նրա օգնականը ընդունում են հաշվարարների պայուսակներում սահմանված կարգով դասավորված մարդահամարային հետևյալ նյութերը`

● ուղեկցող թերթերը (ձև 10),

● մարդահամարի հարցաթերթերը,

● հսկիչ թերթերը (ձև 4),

● վերահսկիչ փաստաթղթերը (ձև 6),

● հաշվարարների հուշատետրերը (ձև 11 քաղաքային, ձև 11 գյուղական),

● հաշվային տեղամասերի ամփոփ տեղեկագրերը (ձև 6 քաղաքային, ձև 6 գյուղական),

● մարդահամարի բոլոր օժանդակ նյութերը (տների ցուցակները, կազմակերպման պլանի ձևերը, հաշվային տեղամասի սխեմատիկ հատակագիծը), չօգտագործված և փչացված (սխալ և/կամ սահմանված կարգով չլրացված, ֆիզիկապես անօգտագործելի դարձած և այլ) մարդահամարային փաստաթղթերը:

Հրահանգիչ-հսկիչի թղթապանակում դասավորված հետևյալ փաստաթղթերը`

● հրահանգչական տեղամասի ամփոփ տեղեկագիրը (ձև 7 քաղաքային/գյուղական),

● հրահանգիչ-հսկիչի հուշատետրը (ձև 12 քաղաքային, ձև 12 գյուղական),

● հրահանգիչ-հսկիչի հաշվետվությունը (ձև 14),

● հրահանգչական տեղամասի սխեմատիկ հատակագիծը:

4. Մարդահամարի տեղամասի վարիչը`

● հաշվում է մարդահամարի լրացված հարցաթերթերի և ուղեկցող թերթերի (ձև 10) քանակը և ստացված թվաքանակը համեմատում է հաշվային տեղամասերի ամփոփ տեղեկագրերում (ձև 6 քաղաքային, ձև 6 գյուղական) գրառված տվյալների հետ,

● մանրակրկիտ ստուգում է հաշվային տեղամասերի ամփոփ տեղեկագրերում հանրագումարների հաշվարկները, դրանց հրահանգչական տեղամասի ամփոփ տեղեկագիր (ձև 7) տեղափոխումը և հանրագումարների հաշվարկման ճշգրտությունը, ուղեկցող թերթերի (ձև 10) կազմման ամբողջականությունն ու ճշգրտությունը,

● համեմատում է ամփոփ տեղեկագրերում գրառված բնակչության թվաքանակի ցուցանիշը կազմակերպման պլանի համապատասխան ձևերում, տների (շինությունների) ցուցակներում, գյուղական բնակավայրերի և դրանց տարածքում գտնվող այլ բնակատեղերի ցուցակներում գրառված բնակչության թվաքանակի տվյալների հետ,

● ստուգում է յուրաքանչյուր հրահանգիչ-հսկիչի հաշվետվությունը (ձև 14) և հաշվով ընդունում մարդահամարային չօգտագործված և փչացված բոլոր փաստաթղթերն ու հրահանգչական տեղամասի սխեմատիկ հատակագիծը:

5. Հրահանգիչ-հսկիչներից նյութերի ընդունման ավարտից հետո մարդահամարի տեղամասի վարիչը կազմում է մարդահամարի տեղամասի ամփոփ տեղեկագիրը (ձև 8)` համապատասխան տվյալները դուրս գրելով հրահանգչական տեղամասերի ամփոփ տեղեկագրերից (ձև 7) և մարդահամարի տեղամասի վարիչի հաշվետվությունը (ձև 15), լրացնում ձև 8-ի հավելվածի 1-11-րդ սյունակները:

II. ՄԱՐԴԱՀԱՄԱՐԻ ՆՅՈՒԹԵՐԻ ԸՆԴՈՒՆՈՒՄ-ՀԱՆՁՆՈՒՄԸ ՀՀ ԱՎԾ ՄԱՐԶԱՅԻՆ ԳՈՐԾԱԿԱԼՈՒԹՅՈՒՆՆԵՐԻ ՏԱՐԱԾՔԱՅԻՆ ԲԱԺԻՆՆԵՐԻ ԿՈՂՄԻՑ

 6. ՀՀ ԱՎԾ մարզային գործակալության տարածքային բաժնի պետը (մարդահամարի գծով նրա տեղակալ-խորհրդատուի անմիջական մասնակցությամբ) մարդահամարի տեղամասի վարիչներից մարդահամարի նյութերի ընդունումը կատարում է մինչև նոյեմբերի 5-ը: Ընդունման-հանձնման գործընթացին մասնակցում են նաև մարդահամարի տեղամասերի վարիչներն ու նրանց օգնականները: ՀՀ ԱՎԾ մարզային գործակալության տարածքային բաժնի պետը մարդահամարի նյութերն ընդունելիս ստուգում է`

6.1. Յուրաքանչյուր մարդահամարի տեղամասի համար`

● բոլոր հրահանգչական և հաշվային տեղամասերում կազմված նյութերի ամբողջականությունը,

● մարդահամարի տեղամասում ընդգրկված բոլոր հիմնական բնակավայրերի և դրանց տարածքում գտնվող այլ բնակատեղերի (որոնք վարչականորեն պատկանում են հիմնական բնակավայրին) ընդգրկվածությունը,

● սոցիալական նշանակություն ունեցող և ժամանակավոր կացատեղ հանդիսացող կազմակերպությունների ամբողջական ընդգրկվածությունը և դրանցում մշտական բնակչության թվաքանակը,

● մարդահամարի տեղամասի ամփոփ տեղեկագրի գրառումները (ձև 8-ի սյունակ 4, 6-15) համեմատվում են հրահանգչական տեղամասի ամփոփ տեղեկագրերի (ձև 7-ի սյունակ 3-13) համապատասխան տվյալների հետ:

6.2. Յուրաքանչյուր հաշվային տեղամասի համար`

● հարցաթերթերում կատարված գրառումների և գծանշումների ամբողջականությունն ու ճշգրտությունը,

● կազմված ուղեկցող թերթերի (ձև 10) լրացման ճշգրտությունը,

● մի քանի հաշվային տեղամասերի միջև բաժանված բնակավայրի դեպքում` յուրաքանչյուր հաշվային տեղամասի համար առանձին ուղեկցող թերթերի առկայությունը,

● մի քանի բնակավայրերից կազմված հաշվային տեղամասի դեպքում` յուրաքանչյուր բնակավայրի համար առանձին ուղեկցող թերթերի առկայությունը:

6.3. Յուրաքանչյուր հրահանգչական տեղամասում`

● հաշվային տեղամասերի քանակը (ձև 8-ի սյունակ 3) համեմատվում է ներկայացված մարդահամարային նյութերով պայուսակների թվաքանակի հետ,

● մարդահամարի տեղամասի ամփոփ տեղեկագրի (ձև 8) 2-րդ սյունակում նշված քաղաքային և գյուղական համայնքների ցանկը համեմատվում է տվյալ մարդահամարի տեղամասի համար կազմպլանով սահմանված համայնքների ցանկի հետ, որպեսզի որոշվի դրանց ամբողջական ընդգրկվածությունը, ինչպես նաև ձև 8-ի հավելվածի 2-րդ սյունակում գրառված բնակավայրերի ցուցակի հետ, որպեսզի պարզվի` արդյո՞ք բոլոր բնակավայրերն են ներառված ձև 8-ի հավելվածում:

7. ՀՀ ԱՎԾ մարզային գործակալության տարածքային բաժնի պետը յուրաքանչյուր հաշվային տեղամասում գրառված բնակչության թվաքանակը համեմատում է տների (շինությունների) ցուցակների և գյուղական բնակավայրերի և դրանց տարածքում գտնվող այլ բնակատեղերի ցուցակների մինչմարդահամարային ստուգման ժամանակ ստացված բնակչության թվաքանակի հետ: Զգալի տարբերությունների դեպքում անհրաժեշտ է համեմատություն կատարել ըստ առանձին տների կամ գյուղական բնակավայրերի` մասնավորապես ժամանակավոր ներկա գտնվողների և բացակայողների հանրագումարների հաշվարկների ճշգրտությանը:

8. Ըստ հաշվային տեղամասերի հաշվարկվում է հսկիչ թերթերի (ձև 4), վերահսկիչ փաստաթղթերի (ձև 6) և ուղեկցող թերթերի (ձև 10) քանակը և համեմատվում հաշվային տեղամասի ամփոփ տեղեկագրերի (ձև 6 քաղաքային, ձև 6 գյուղական) և համապատասխանաբար ձև 7 և ձև 8 ամփոփ տեղեկագրերի գրառումների հետ: Հսկիչ թերթերի ընդունման ժամանակ անհրաժեշտ է ուշադրություն դարձնել դրանց համարակալման և հասցեամասերի լրացումների վրա, հատկապես դրանց հակառակ կողմերում առանձնացված հասցեների, որտեղ տվյալ անձինք գտնվել են մարդահամարի հաշվառման պահին և պետք է հաշվեգրվեն որպես ժամանակավոր կամ մշտապես ներկա:

9. Մարդահամարի տեղամասերի վարիչներից նյութերն ընդունելուց հետո ՀՀ ԱՎԾ մարզային գործակալության տարածքային բաժնի պետը կազմում է տարածքի ամփոփ տեղեկագիր (ձև 9), հաշվարկում է հանրագումարները և լրացնում է ձև 8-ի հավելվածի 12-17-րդ սյունակները:

10. ՀՀ ԱՎԾ մարզային գործակալության տարածքային բաժնի պետը կազմում է համառոտ բացատրագիր մարդահամարի անցկացման մասին, որը մարդահամարի ընդունված նյութերի հետ միասին, ՀՀ 2001 թ. մարդահամարի նախապատրաստման, անցկացման և նյութերի մշակման աշխատանքների ժամանակացույցով սահմանված ժամկետին (մինչև նոյեմբերի 10-ը) ներկայացնում է ՀՀ ԱՎԾ մարզային գործակալություն:

 III. ՄԱՐԴԱՀԱՄԱՐԻ ՆՅՈՒԹԵՐԻ ԸՆԴՈՒՆՈՒՄ-ՀԱՆՁՆՈՒՄԸ ՀՀ ԱՎԾ ՄԱՐԶԱՅԻՆ ԳՈՐԾԱԿԱԼՈՒԹՅՈՒՆՆԵՐԻ ԿՈՂՄԻՑ

11. Մարզային գործակալությունները կատարում են մարդահամարի նյութերի ամբողջականության և որակի ստուգումներ` ապահովելով ՀՀ 2001 թ. մարդահամարի հարցաթերթը լրացնելու (մարդահամարն անցկացնելու) կարգի մասին հրահանգի, մարդահամարի տեղամասի վարիչի և նրա օգնականի, հրահանգիչ-հսկիչի և հաշվարարների հուշատետրերով ամրագրված պարտավորությունների, ինչպես նաև մյուս փաստաթղթերի լրացման մասին ցուցումների պահանջների կատարումը: Այդ աշխատանքին զուգընթաց հաշվարարների պայուսակները համարակալվում են բնակավայրերի սահմանում` հերթական համարակալմամբ, ուղեկցող թերթում և պայուսակի պիտակի վրա:

ՀՀ ԱՎԾ մարզային գործակալության պետը նախապատրաստում և ՀՀ ԱՎԾ մարդահամարի վարչություն է հանձնում, սահմանված կարգով պայուսակների մեջ տեղադրված (լրացված պայուսակների պիտակներով), մարդահամարի հետևյալ նյութերը`

● հաշվարարների պայուսակներով` մարդահամարի հարցաթերթերը, ուղեկցող թերթերը (ուղեկցող թերթերը պետք է դրվեն տվյալ պայուսակում առաջին հարցաթերթից առաջ), հսկիչ թերթերը, վերահսկիչ փաստաթղթերը, ամփոփ տեղեկագրերը (ձև 6), հաշվարարների հուշատետրերը, մարդահամարի բոլոր օժանդակ նյութերը (տների ցուցակները, կազմակերպման պլանի ձևերը, հաշվային տեղամասի սխեմատիկ հատակագիծը), չօգտագործված և փչացված մարդահամարային փաստաթղթերը:

● թղթապանակներով` հրահանգիչ-հսկիչների, մարդահամարի տեղամասերի վարիչների և օգնականների հուշատետրերը, ամփոփ տեղեկագրերը (ձև 7, ձև 8), ձև 8-ի հավելվածը, հրահանգիչ-հսկիչի (ձև 14), մարդահամարի տեղամասի վարիչի և ՀՀ ԱՎԾ մարզային գործակալության տարածքային բաժնի պետի (ձև 15) հաշվետվությունները և մարզի ամփոփ տեղեկագիրը (ձև 9):

● ՀՀ ԱՎԾ մարզային գործակալությունը ներկայացնում է նաև համառոտ բացատրագիր մարզում մարդահամարի անցկացման ողջ գործընթացի, առաջացած դժվարությունների, ձեռնարկված միջոցառումների և այլ առանձնահատկությունների մասին:

12. ՀՀ մարզային գործակալությունները նյութերը հանձնում են ՀՀ ԱՎԾ մարդահամարի վարչություն` մինչև նոյեմբերի 20-ը:

Գրանցված է
Հայաստանի Հանրապետության
արդարադատության նախարարության կողմից
4 հոկտեմբերի 2001 թ.
Պետական գրանցման թիվ 60301156